ات بايگەسى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

قازاقتىڭ وتە ەرتەدەن كەلە جاتقان ۇلتتىق ويىنى. ول ۇلكەن تورقالى تويدا نەمەسە استا، سونداي اق مەرەكەلەردە وتكىزىلەدى. داۋلەتى جەتىپ، ءوزىن كورسەتۋ، اتاعىن شىعارۋ ماقساتىنداعى ادامدار ۇلان اسىر توي نەمەسە اسپا - توك اس جاساعاندا، بىرنەشە اي بۇرىن الىس جاقىنداعى رۋلى ەلدەرگە، ءتىپتى كورشىلەس وتىرعان باسقا ۇلتتارعا ات بايگەسى بولاتىنىن، جۇلدە العان اتتارعا بايگە بەرەتىنىن حابارلايتىن.

توي مەرەكەنىڭ ۇلكەن كىشىلىگىنە قاراي، بايگەگە قوسىلاتىن ات سانى دا كوپ نەمەسە از بولا بەرەدى. ات سانىنا، جۇگىرگەن جەردىڭ الىس - جاقىندىعىنا قاراي جۇلدەلى اتقا بەرىلەتىن بايگە دە ءار ءتۇرلى بولادى.

بايگەگە قوسىلعان اتقا كوبىنشە 8-9 جاسار بالالار مىنەدى. اتتى ارناۋلى ات بەگىلەر باپتايدى. سوندىقتان، قازاقتا وسىعان قاراي شىققان "ات شاپپايدى، باپ شابادى" ،" الۋان الۋان جۇيرىك بار، الىنە قاراي جۇگىرەر" دەگەن ماقالدار بار. ات بايگەسىندە شاباندوزدار ىرىكتەلىپ، بايگە وتكىزەتىن كەزدە ولاردى جيىپ الىپ 30 - 40 شاقىرىم، ءتىپتى 60 - 80 شاقىرىم جەرگە دەيىن توبىمەن ايداپ بارىپ، مولشەرلى جەرگە بارعان سوڭ، ات باستارىن كەرى بۇرعىزىپ، قاتارلاستىرىپ قويىپ، بارلىعىن تەڭ ءبىر ۋاقىتتا جارىستىرىپ جىبەرەدى دە، ات ايداپ بارۋشىلار جولشىباي بايگەلەردىڭ شابىسىن باقىلاپ، شاباندوزداردىڭ ەرەجەگەە قيعاشتىق جاساعان، جاساماعاندىعىنا تورەلىك ايتادى.

قازاق سالتىندا: بايگەلەرگە ات ايدالىپ كەتكەن سوڭ، ارتتا قالعان تويشىل قاۋىم بايگەگە قوسىلعان اتتار شاڭ بەرگەنشە اۋىلدا قىز قۋار وتكىزىپ، جامبى اتىسىپ، تەڭگە ءىلىسىپ، اۋدارىسپاق ويناپ، ارقان تارتىسىپ، كۇرەسىپ مارە - سارە بولىسادى. بايگە كەلگەن كەزدە باس بايگەگە توعىز - توعىزدان بايگە بەرەدى. ال كىشىگىرىم تويدا ات بايگەسىنىڭ ورنىنا "قۇنان بايگە" وتكىزىلەدى.

Editor :  dina    2004-11-30 00:21:15