اتمپوسپەرانى وڭاۋدا كىم-كىمنىڭ دە قول قۋسىرىپ قاراپ تۇرۋىنا بولمايدى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

شينجياڭ حالىق راديو ىستانسياسى حابارلار تورى: حالىق قۇرىلتايىنىڭ ءۇرىمجى ۋاكىلدەر ۇيىرمەسىندەگى ۋاكىلى اديا نۇر ءبىرىنشى تامىز بولات-تەمىز سەرىكتەستىگىنىڭ پار قازان جۇمىسشىسى، ول وسى رەتكى ەكى ماحىلستە، ورتانى قورعاۋ جونىندە ءوزىنىڭ جۇرەك ءسوزىن ايتىپ بىلاي دەدى: مەن ىستەپ وتىرعان پار قازاننان شىعاتىن بىلعانىش زاتتىڭ تۇنگى مولشەرى مەن كۇندىزگى مولشەرى ۇقسامايدى، بىلعانىش زاتتى جاسىرىن شىعارۋ ءجايىتى جالعاسىپ كەلەدى، مۇندا باستىسى اتقارۋ تەبىنى كۇشتى بولماي وتىر، جوعارىدان ايتىلعان ءسوز تومەنگە بارعاندا جوق بولادى،ءار كۇنى ساعات 7، 8دەن كەيىن زاۆوتىمىزدىڭ ورتانى بىلعاۋ قۇبىلىسى وزگەشە بولادى، قازىر 39 جاستامىن، جوتەلسەم تۇكىرىگىم قاپ-قارا بولىپ شىعادى.

بۇل ءسوزدى ەستىگىندە، حالىق قۇرىلتايىنىڭ ۋاكىلى، ءۇرىمجى قالاسىنىڭ باستىعى جاروللا يسامدين جۇمىس باسىنا بارىپ قىزمەت تەكسەرگەندە: ءسوز جوق قاتاڭ تەكسەرىپ ءبىر جايلى ەتۋ كەرەك،ــدەدى، سونىمەن بىرگە تاعى ىستىق ىقىلاسپەن بىلاي دەدى: ءبىز اتموسپەرا بىلعانىشىن وڭاۋ تەبىنىن كۇشەيتىپ، بۇل جۇمىستى باياندىلىقپەن ىستەۋىمىز كەرەك. بۇل قالاداعى بۇقارانىڭ تۇرمىس دەڭگەيىن جوعارىلاتۋداعى، تۇرمىس ساپاسى مەن باقىتقا كەنەلۋ كورسەتكىشىن جوعارىلاتۋداعى توتەنشە ماڭىزدى فاكتور.

جاروللا يسامدين تانىستىرىپ بىلاي دەدى: بىرنەشە حىلدان بەرى بۇقاراعا اشىق اسپاندى كورسەتۋ ءۇشىن، قالالىق پارتكوم مەن ۇكىمەت كوپ كۇش شىعاردى، كوپتەگەن قىزمەتتەر ىستەدى، اتموسپەرا بىلعانىشى بۇكىل شينجياڭ حالقى نازار اۋدارىپ وتىرعان ماسەلە. اتموسپەرانى وڭاۋ جونىندەگى 16 ءتۇرلى شارانى ويداعىداي اتقارىپ، بۇل قىزمەتتى شىنايى ويداعىداي ىستەۋىمىز قاجەت. اتموسپەرا بىلعانىشىنا 10 ميلليارد يۋان قارجى جۇمسالدى، بيىل تاعى دا 4 ميلليارد 450 ميلليون يۋان قارجى جۇمساماقشىمىز. تۇتاس قالانىڭ جىلۋمەن قامداۋ اۋماعى 160 ميلليون شارشى مەتر، بۇقارانىڭ تۇرعىن ۇيلەرى مەن رەتتەلەتىن ەنەرگيا قۇرىلىمىنىڭ ىشىندە 30 ميلليون شارشى مەتر وڭىردى تاربيعي گاز ەنەرگياسى ارقىلى جىلۋمەن قامداپ وتىرمىز.بيىل اۋا ساپاسى 2-دارەجەلىدەن جاقسى بولعان كۇن 9 كۇن مولايدى.

ءبىر جاعىنان ۇكىمەت بىلعانىشتى وڭاۋعا كۇش سالىپ جاتسا، ەندى ءبىر جاعىنان ءىشىنارا كاسىپورىن ساياساتتاعى ولقىلىقتان پايدالانىپ بەلگىلەمەگە قايشىلىق جاساپ بىلعانىشتى ولشەمنەن اسىرا شىعارىپ وتىر، اديا نۇر مىنانى دارىپتەدى: ورتانى قورعاۋدا ءسوز جوق زاڭ بولۋ كەرەك، ايتالىق 110-، 120-ءنومىرلى ورىن سياقتى تۇيىندەردى قۇرىپ، بىلعانىشى وتە كوپ ءىرى كاسىپورىنداردى باقىلاۋ كەرەك، سونىمەن بىرگە زاۆودتاعى بۇقارا دا باقىلاۋ ءتيىس، ورتانى قورعاۋ جاعىندا، ءسوز جوق، زاڭ شىعارۋ كەرەك. شينجياڭدى سەكىرمەلى دامىتۋ، بىلعانىشتى وڭاۋ جونىندە، ولشەمدى جوعارىلاتۋمەن بىرگە، ينفورماتسيانىڭ جاريالىلىعىن اناعۇرلىم ارتتىرۋ قاجەت؛ ››وتىرىپ الىپ سويلەۋ عانا ەمەس، مۇنان دا ماڭىزدىسى اتقارۋدا‹‹، اتقارۋ بارىسىندا، كىم-كىمنىڭ دە قول قۋسىرىپ قاراپ تۇرۋىنا بولمايدى، ءونىمدى زاڭدىق مەحانيزىمدى قالىپتاستىرىپ، ۇكىمەت، قوعام، حالىق بولىپ بارلىعى ات سالىۋى ءتيىس.

Editor :  molder    2012-01-16 11:16:57