«ۇلىس وڭ بولسىن!» اتىنداعى مەرەكەلىك كونسەرت كەشى
v قانات: اسسالاۋماعالايكۋم قادىرمەندى تىڭدارمان قاۋىم.
اينۇر: ارمىسىزدار، توراپ الدىنداعى قۇرمەتتى كورەرمەندەر.

قانات: مەن ش ح ر س جۇرگىزۋشىسى قانات قابىكەن ۇلىمىن.

اينۇر: مەن ش ح ر س جۇرگىزۋشىسى اينۇر قۇسىمان قىزىمىن.
v قانات پەن اينۇر بىرلىكتە:

ۇلىس كۇنى كارى-جاس،

قۇشاقتاسىپ كورىسكەن.

ساقتاي كور دەپ تەرىستەن،

قارتتار باتا بەرىسكەن.

v قانات: ايىرىقشا ءتالىم-تاربيەلىك، ۇلگى-ونەگەلىك، ءسان-سالتاناتتىق، ءمارت-جومارتتىقتىڭ مەرەكەسى ناۋرىز قۇتتى بولسىن!
v اينۇر: بەرەكە-بىرلىكتىڭ، ەرىنبەس ەڭبەكتىڭ، جاقسىلىقتىڭ، شاپاعاتتىڭ نۇرى قۇيىلعان ناۋرىز مەرەكەسى مەرەيلى بولسىن!
v قانات: ال، اينۇر مەرەكە كۇنى ەفيرگە، ەكرانعا كوتەرىلىپ وتىرعان سوڭ ازىراق ساۋالىم بار. ناۋرىز كۇنگى ادەت-عۇرىپتارىمىزدان قايسىلاردى ايتار ەدىڭ؟
v اينۇر: ءيا، الدىمەن ايتارىم كوڭىلدى كوپتىڭ اسى ناۋرىز كوجەنى دايىندايمىز عوي.
بۇل كۇنى بويىندا، ويىندا، نيەتىن دە تازا ۇستاعان حالقىمىز اعاش-گۇل وتىرعىزادى.
قارا شاڭىراققا سالەم بەرىپ سىباعا اپارىلادى. ادەپسىز ءسوز سويلەمەيدى. كوڭىلدى كوتەرىپ ۇستايدى. ال، جالعاسى وزىڭدە بولسىن قانات.
v قانات: ىرگەدەگى بۇلاقتىڭ كوزىن اشقان حالقىمىز، ماۋەلەسىن دەپ اعاشقا، وسىمدىكتەرگە سۋ قۇيعان.
قاريالارىمىز اق باتاسىن بەرىپ، اجەلەرىمىز اق جارما شاشۋىن شاشقان كۇن.
الدىمەن كورشىگە كىرىپ، "ۇلىس وڭ بولسىن!" ايتقان ەلمىز ەمەس پە؟.
v قانات:

ۇلىس كۇنى ۇلان-اسىر جىر تويى،

گۇل كوكتەمنەن جارقىراعان نۇر تويى.

كەڭ دالانى قىزىر بابا قىدىرعان،

قازاعىمنىڭ قاسيەتتى ءبىر تويى.
v اينۇر:

ارتا بەرسىن ەلىمنىڭ باق، بىرلىگى،

ولەڭ بولىپ ورىلگەن كۇن بۇل كۇنى.

اسەم ءان مەن كوركەم كۇيگە ۇلاسقان،

شاتتىق كۇنى،باقىت كۇنى،جىر كۇنى.
v قانات: ەندەشە، اينۇر ناۋرىزدىڭ مەرەكە كۇنىنە مەرەكەلىك شاشۋىمىزدى شاشىپ، ءان مەن كۇيگە ۇلاسپايمىز با؟
v اينۇر: ءيا، قانات. تالاي ساحنانى ءان مەن الديلەگەن، اسقاق داۋىسىنىڭ ءۇنىن قايتقان قازدىڭ قاناتىنا قوندىرعان مەملەكەتتىك 1-دارەجەلى ءارتيس،
جاۋىنگەر ءانشى دالەلقان ادىلبەك ۇلىن ساحناعا شاقىرايىق.
بالاپان راباتوۆتىڭ ولەڭىندە جازىلعان ءانۋار ءجۇسىپ ۇلىنىڭ ءانى "توي ناۋرىز"
More>>

توي ناۋرىز

ناۋرىز تۋرالى تۇسنىك

قارداعى ماحاببات

قوڭىر

ناۋرىز

كورەرمەندەردەن كورىنىس

كوكتەم شۋاعى

ەرتىس تولقىنى
More>>