ءۇرىمجىنىڭ ءار قايسى بازارلارىندا سىرتقى ساۋدا قىزا ءتۇستى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

ناۋرىزدا قازاقستان، رەسەي سياقتى تاۋەلسىز مەملەكەتتەر دوستاستىعىنداعى ەلدەردەن ساۋداگەرلەردىڭ ىركەس-تىركەس كەلۋىنە ساي، ءۇرىمجىنىڭ ءار قايسى بازارلارىندا سىرتقى ساۋدا قىزا ءتۇستى. جاڭا ءبىر جىلداعى جۇڭگونىڭ تاۋارلارىن ساتىپ الۋ باستالىپ كەتكەنمەن، الايدا ۇرىمجىدەگى مەملەكەتتىك 2-تۇردەگى 7 شەكارا وتكەلدىڭ كەيبىرەۋىنىڭ جۇمىسى قاربالاس بولسا، ال كەيبىرەۋىندە ادامدار سايابىر بولدى. ۇعىسۋعا قاراعاندا، قازىر ۇرىمجىدەگى مەملەكەت دارەجەلى 7 شەكارا وتكەلدىڭ ىشىندە جۇكتى قالىپتى وتكىزىپ جاتقانى تەك باتىس ءوڭىر جەڭىل ونەركاسىپ بازاسى، شەكارا قوناق ءۇيى، ءۇرىمجى ەكونوميكالىق اشۋ رايونى عانا بولعان، ال نيانزىگۋ شەكارا وتكەلى قازىر تەك حالىقارالىق جولاۋشى تاسىمال جۇمىسىن عانا ىستەپ وتىر.

ءۇرىمجى قالالىق شەكارا وتكەل كەڭسەسىنەن ۇعىسۋعا قاراعاندا، بۇرىنعى ءۇرىمجى ەكونوميكالىق اشۋ رايونىنىڭ مەملەكەتتىك 2-تۇردەگى شەكارا وتكەلىنىڭ اتى ءۇرىمجى ەكونوميكالىق اشۋ رايونى 2-تۇردەگى شەكارا وتكەل بولىپ وزگەرگەن، ورنى كوشىرىلگەندىكتەن، جۇك تاسىمال مولشەرى كوپ بولمادى. حۋاليڭ شەكارا وتكەلى دە باسقا جەرگە كوشىرۋ قۇرىلىسىن جۇرگىزۋدە، نيانزىگۋ شەكارا وتكەلى، ساۋدا سارايى شەكارا وتكەلى جانە پاراۆوز شەكارا وتكەلىنىڭ كولەمى تار، قاتىناستىڭ توسىلۋى سياقتى سەبەپتەرمەن، شەكارا وتكەل قۇرىلعىلارى جۇك تاسىمال قاجەتىن قاناعاتتاندىرا الماي، جاڭادان جانە وزگەرتىپ سالۋ قۇرىلىسىن جۇرگىزە باستادى.

شەكارا قوناق ۇيىندەگى كەڭەيتىپ سالىنعان ءار مەرزىمدىك بازاردىڭ بوس جەرى نەگىزىنەن قالماعان، كەدەننىڭ باقىلاپ باسقارۋ اۆتوموبيلدەرىنىڭ شەگىنىپ شىعۋىنىڭ ءوزى قيىنعا سوققان. شەكارا قوناق ۇيىندەگى ءبىر ساۋداگەر: قازىر جۇك اۆتوموبيلى از، جاعداي جاقسىراق، كۇن جىلىپ، جۇك اۆتوموبيلدەرى كوبەيگەندە جۇك اۆتوموبيلدەرى مۇلدە شىعا الماي قالادى،-دەدى.

باتىس ءوڭىر جەڭىل ونەركاسىپ بازاسىندا جاعداي باسقاشا. زات اينالىم رايونىنداعى كەدەننىڭ باقىلاپ باسقارۋ ورنى نەداۋىر كەڭ، كەدەننىڭ ءىرى باقىلاپ باسقارۋ اۆتوموبيلدەرى رەتتى توقتاتىلعان، جۇك تە تەز تاسىلادى، بارلىعى ءتارتىپتى.

شينجياڭ باتىس ءوڭىر جەڭىل ونەركاسىپ بازاسى شەكتى جارنا سەرىكتەستىگىنىڭ باس جوراسى جاڭ بين قۋانا: باتىس ءوڭىر مەيمانسارايىنا جارىم ايدىڭ الدىندا شەتەلدىك ساۋداگەرلەر تولىپ بولدى، بيىلعى جۇك تاسىمالدىڭ جوعارى ورلەۋ كەزى مەرزىمنەن بۇرىن جەتتى،-دەدى.

2004-جىلى باتىس ءوڭىر جەڭىل ونەركاسىپ بازاسى سالىنعاننان باستاپ جاڭ بين ءتۇرلى قىسىمعا توتەپ بەرىپ، سىرتقى ساۋداعا قىزمەت وتەۋ قوسىمشا قۇرىلعى قۇرىلىسىن باستان-اياق ماڭداي الدى ورىنعا قويدى. باسقا ءىشىنارا بازارلار بۇرىنعى جىلدارى بازار ءورىسىن كەڭەيتىپ، ۇزدىكسىز ساۋداگەر شاقىرىپ، كەدەننەن وتكىزۋ قۇرىلعى قۇرىلىسىنا وتە ءمان بەرمەيتىن، جاڭ بين مۇمكىندىكتىڭ بارىنشا بازارعا دامۋ ءورىسىن قالدىردى.

قازىر، باتىس ءوڭىر حالىقارالىق مەيمانسارايدا ءبىر مىڭ 700 گە تاياۋ توسەك ورىن بار، حالىقارالىق زات اينالىم رايونى دا باتىس سولتۇستىك ولكە، رايون بويىنشا ەڭ ءىرى، زات ساتىپ الۋعا كەلگەن كوپتەگەن شەتەلدىك ساۋداگەرەر وسى جەرگە جينالادى، ال كەدەننەن وتكىزۋ قۇرىلىعىلارى وزىق شەكارا وتكەلى زات وتكىزۋ جاعىندا ىركىلىسسىز ەكسپورت جولىن اشىپ بەردى، باسقا بازارلاردىڭ قىرۋار زاتى دا كەدەننىڭ ىركىلىسسىزدىگى سەبەپتى وسى جەردەن وتەتىن بولدى.

جاڭ بين، بىرنەشە جىلدان بەرى، ءوزىنىڭ بەيجيڭ، داليان، نيڭبو سياقتى جەرلەردى ەكسكورسيالاپ تەكسەرگەندە، زات اينالىمىنىڭ ارناعا تۇسكەن ساۋدادا توتەنشە ماڭىزدى ەكەنىن بايقاعانىن ايتتى. رەسەي، بەلورۋسسيا، قازاقستان ەلدەرىنىڭ كەدەن باجىسى جاعىندا وداقتاستىق ساياساتتى اتقارۋى شينجياڭنىڭ سىرتقى ساۋداسىنا ايقىن سيگنال جەتكىزدى، ياعني، شەتەلدىڭ كەدەنى بارعان سايىن ارناعا ءتۇسىپ، ارناۋلى، جۇيەلى ەكونوميكالىق ءتاسىل عانا بازارعا ۇزاق ۋاقىت يە بولا الادى. شينجياڭنىڭ زات اينالىمى كاسىبى ىشكى ولكەمەن سالىستىرعاندا سالىستىرمالى ارتتا، ەكسپورت بازاسى ەكسپورت مولشەرىن كەڭەيتىپ، قوسىمشا قۇرىلعى قۇرىلىسىن جۇرگىزۋدى ۇزاق ۋاقىتتىق تۇرعىدان ويلاستىرۋ كەرەك.

جاڭ بين: سەرىكتەستىك قارجى شىعارىپ، كەدەننىڭ ەلەكترلى شەكارا وتكەلىن سالۋىنا سەلبەسىپ، كەدەننەن وتكىزۋ قارقىنىن جەدەلدەتپەك، تاعى كەدەننىڭ باقىلاپ باسقارۋ رايونىن قارجى قوسىپ جاقسارتىپ، جوعارى عىلىم-تەحنيكالى سترەولى قويما سالامىز،-دەدى.

سوڭعى جىلدارى ەلىمىزدىڭ ءىشى-سىرتىنداعى كوپتەگەن فاكتوردىڭ ىقپالىنا ۇشىراعان ءۇرىمجىنىڭ شەكارا وتكەلدەرى تۇگەلدەي زات ساتىپ الۋ ساۋداگەرلەرىنىڭ كۇرت ازايۋى، ساۋدا مولشەرىنىڭ تومەندەۋى، كەدەننەن وتكىزۋدىڭ كەدەرگىگە ۇشىراۋى سياقتى ماسەلەلەرگە كەزىكتى. الايدا، باتىس ءوڭىر جەڭىل ونەركاسىپ بازاسىنىڭ سىرتقى ساۋداسى بۇل قيىنشىلىقتارعا توتەپ بەرىپ، زاتتى ءتارتىپتى وتكىزدى. ءۇرىمجى شەكارا وتكەل كەڭسەسىنىڭ مەڭگەرۋشىسى گاۋ جۋانمين: بۇل «وزگەرۋ ارقىلى وزگەرۋگە توتەپ بەرۋدىڭ» ارقاسى،-دەپ قارادى. جاڭ بين وي جەلىسىن دەر كەزىندە رەتتەپ، سىرتقى ساۋدا بازارىنىڭ وزگەرىسىنە سايكەستى.

گاۋ جۋانمين: بۇرىن ءۇرىمجى قالاسى سالعان شەكارا وتكەلدەرى بازاردى نەگىز، شەكارا وتكەلدى قوسىمشا ەتەتىن، سول سەبەپتى سوڭعى جىلدارى بارلىعى باقىلاپ باسقارۋ قويما رايونى مەن تەكسەرۋ ورنى تار، نەگىزگى قۇرىلعى قۇرىلىسى مەشەۋ، كەدەننەن وتكىزۋ قۋاتى شەكتى سياقتى دامۋداعى كەدەرگىگە تاپ بولدى،-دەدى. ول تاعى بىلاي دەدى: ءۇرىمجى ەكونوميكالىق اشۋ رايونى شەكارا وتكەلىن عانا ۇكىمەت باسقارىپ سالدىرعان، ال شەكارا قوناق ءۇيى مەملەكەت مەنشىگىندەگى كاسىپورىن، ۇرىمجىدەگى باسقا شەكارا وتكەلدەرى تۇگەلدەي كاسىپورىنداردىڭ باسقارۋىندا. قازىر ۇرىمجىدەگى ءار قايسى 2-تۇردەگى شەكارا وتكەلدەردىڭ نەگىزگى قۇرىلعى قۇرىلىسى ءۇرىمجى قالاسىنىڭ حالىق شارۋاشىلىعىن دامىتۋ جوسپارىنا ەنگىزىلگەن جوق، شەكارا وتكەل كاسىپورىندارىنىڭ وزدەرىنىڭ قارجى قوسۋ قۋاتى شەكتى، قۇرىلىسقا قاجەتتى تۇراقسىز قارجىنىڭ كەلۋ قاينارى ماسەلەسىن شەشۋگە شاراسىز.

قارجى تاپشى بولسا دا، 2012-جىلى ۇرىمجىدەگى 2-تۇردەگى شەكارا وتكەلدەرى نەگىزگى قۇرىلعى قۇرىلىسىن قاربالاس جۇرگىزۋ ارقىلى اناعۇرلىم زور دامۋ ورىسىنە يە بولدى. وتە-موتە اۋىزعا الۋعا تاتيتىنى، باتىس بويەز ۆاگزالىنىڭ تەمىر جول ەكسپورت فۋنتسياسى 2-تۇردەگى شەكارا وتكەلگە قوسىلادى، بۇدان كەيىن تەمىر جولدىڭ 2-تۇردەگى شەكارا وتكەلى دەربەس قۇرىلمايدى، شوعىرلى، ءبىر تۇتاس كەدەنگە مالىمدەۋ قىزمەت وتەۋ ورنى بىرتىندەپ قالىپتاسىپ، شەكارا وتكەلدىڭ ساۋدا مولشەرى بارىنشا ارتاتىن بولادى.

Editor :  molder    2012-03-26 15:01:21