12-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

گۇيجوۋ ولكەسىنىڭ گۇيياڭ قالاسىنداعى 2 ادامنىڭ تارالعىش قۇس تۇماۋى ۆيرۋسىمەن جۇعىمدالعاندىعى انىقتالعاننان كەيىن، دەنساۋلىق ساقتاۋ مينيستىرلىگى تارالعىش قۇس تۇماۋىنان ساقتانۋ جونىندەگى بىلىمدەر مەن ساۋاتتى شۇعىل تاراتىپ، قالىڭ قاۋىمنىڭ، اسىرەسە بالالاردىڭ ءۇي قۇسى مەن ءتۇز قۇسىنا جاناسۋدان اۋلاق بولۋىن ەسكەرتتى. دەنساۋلىق ساقتاۋ مينيستىرلىگى تاعى قۇس تۇماۋىنان ساقتانۋ ساۋاتى جونىندەگى ەسكەرتۋدى دە قوسا تاراتتى.ەسكەرتۋدە بىلاي دەپ اتاپ كورسەتىلدى: ادەتتە قۇس تۇماۋىنان ساقتانۋدا،اقاۋسىز تۇرمىس ءتاسىلى ەڭ ماڭىزدى ورىندا تۇرادى.ونان قالسا، ءۇي ءىشىن تازا ۇستاۋ، كۇنىنە ەكى رەت، ءار رەتتە 10 مينۇتتاي تەرەزە اشىپ اۋا اۋستىرىپ تۇرۋ، اۋا اۋسپايتىن ادام كوپ جينالاتىن جەرلەرگە مۇمكىندىكتىڭ بارىنشا بارماۋ كەرەك. تارالعىش قۇس تۇماۋى باستىسى A ءتيپتى تارالعىش تۇماۋدىڭ H5N1 ۆيرۋسىنان پايدا بولاتىن شۇعىل حارەكتىرلى تىنىس جولى قابىنۋ جۇقپالى اۋىرۋىنا جاتادى. باسىم كوپ ساندى ناۋقاستا دەنەسى قىزۋ، وكپەسى قابىنۋ بەلگىسى بايقالادى، اۋىرۋى تەز قوزىپ، ءولۋ مولشەرى نەداۋىر جوعارى بولادى. ول نەگىزىنەن قۇستان ادامعا جۇعادى.الايدا ونىڭ الدىن الۋعا، تىزگىندەۋگە، ەمدەپ جازۋعا بولادى.

دەنساۋلىق ساقتاۋ مينيستىرلىگىنىڭ تارالعىش قۇس تۇماۋىنان ساقتانۋ جونىندەگى بىلىمدەر مەن ساۋاتتى شۇعىل تاراتىپ وتىرۋىنداعى سەبەپ مىناۋ: گۇيجوۋ ولكەلىك دەنساۋلىق ساقتاۋ مەڭگەرمەسى 10-اقپان، گۇيياڭ قالاسىندا ەكى ادامنىڭ تارالعىش قۇس تۇماۋى ۆيرۋسىمەن جۇعىمدالعانىن حابارلاندىردى.اۋىرۋ جاعدايى بايقالعاننان كەيىن، قاتىستى مەجە جوباسى بويىنشا سايكەستى الدىن الۋ، تىزگىندەۋ شارالارى قولدانىلدى، ءارى وسى ەكى ادامعا جۇعىسقانداردى تۇگەلدەي مەديتسينالىق باقىلاۋعا الدى.قازىرگە دەيىن، مەديتسينالىق باقىلاۋعا الىنعانداردان وزگەشە كلينيكالىق قالىپسىزدىق جاعداي بايقالمادى.

جۇڭگو جەر سىلكىنىسىن باقىلاۋ ورتالىق تورابىنان الىنعان حابارعا قاراعاندا،بۇگىن تاڭعى ساعات 3 تەن 13 مينۇت وتكەندە، چيڭحاي ولكەسى حايشي موڭعۇل-زاڭزۋ اۆتونوميالى وبلىسىندا 5.1 بال جەر سىلكىنگەن.

جۇڭگو ورتالىق اۋا رايى ستانسياسىنىڭ حابارىنا قاراعاندا، ەرتەڭنەن بۇرسۇگىنگە دەيىن، ءالسىز سۋىق اعىس شينجياڭنىڭ سولتۇستىك بولەگىنە ىقپال جاساپ، ودان بىرتىندەپ شىعىسقا قاراي ويىسىپ، ەلىمىزدىڭ باسىم كوپ جەرىن شارپيدى ەكەن.

12-اقپان، سولتۇستىك كورەيا دەموكراتيالىق حالىق رەسپۋبليكاسى حالىقارالىق قوعامنىڭ جاپپاي قارسى تۇرۋىنا قاراماستان يادرو سىناعىن تاعى دا جاسادى، جۇڭگو ۇكىمەتى بۇعان باتىل قارسى تۇردى.كورەي تۇبەگىن يادروسىزداندىرۋ، يادرولىق قارۋ-جاراقتاردىڭ كەڭەيۋىنىڭ الدىن الۋ،جۇڭگونىڭ كەسكىن مايدانى.ءبىز سولتۇستىك كورەيانى يادروسىزداندىرۋ ۋادەسىندە تۇرۋعا، جاعدايدى ۇشىقتىراتىن ارەكەتتى ەندىگارى قولدانباۋعا قاتاڭ قۋزايمىز.كورەي تۇبەگىنىڭ جانە شىعىس سولتۇستىك ازيانىڭ بەيبىتشىلىگى مەن ورنىقتىلىعىن قورعاۋ تاراپتاردىڭ ورتاق مۇددەسىنە ۇيلەسەدى.جۇڭگو ۇكىمەتى تاراپتاردى بايسالدى بولۋعا،كەڭەس وتكىزۋدەن جازباۋعا،كورەي تۇبەگىن يادروسىزداندىرۋ ماسەلەسىن التى جاق كەڭەسى جۇلگەسىندە شەشۋگە ۇندەيدى.

قازىنا مينيستىرلىگىنەن ۇعىسۋعا قاراعاندا،بىلتىر ورتالىق قازىنا قيىنشىلىعى بار تۇرعىنداردىڭ نەگىزگى تۇرمىسىن قامتاماسىزداندىرۋ،دامۋ جەتىستىكتەرىن بەكەمدەۋ جاعىندا تىڭ ىلگەرلەۋشىلىككە قول جەتكىزگەن.ساناققا قاراعاندا، وتكەن ءبىر جىلدا ورتالىق قازىنا قالا-اۋىلدىڭ ەڭ تومەنگى تۇرمىستى قامتاماسىزداندىرۋ ءتۇزىمى قۇرىلىسىن بارىنشا ىلگەرلەتىپ،اي سايىن كىسى باسىنا جەكە-جەكە 15 تە 12 يۋاندىق ولشەم بويىنشا قالا-اۋىلدىڭ ەڭ تومەنگى تۇرمىستى قامتاماسىزداندىرۋ قوسىمشا قاراجاتىن مولايتىپ وتىرعان،87 ميلليارد 500 ميلليون يۋان قوسىمشا قاراجاتتى دەركەزىندە تۇسىرگەن،بۇل الدىڭعى جىلداعىدان %16.8 ارتىق.

بىلتىر، ەلىمىزدىڭ مادەنيەت ونىمدەرىن ەكسپورت ەتۋدە جالپى جاقتان تەز ارتۋ جاعدايى كورىندى،تۇتاس جىلداعى مادەنيەت ونىمدەرىنىڭ ەكسپورت سوماسى 21 ميلليارد 730 ميلليون يۋان بولىپ،الدىڭعى جىلدىڭ سول تۇسىنداعىدان %16.3 ارتتى.

قازىنا مينيستىرلىگىنىڭ ساندى مالىمەتىنە قاراعاندا،بىلتىر ەلىمىزدە جەكەلەردىڭ تابىس باجىسى 582 ميلليارد 24 ميلليون يۋان بولىپ،الدىڭعى جىلدىڭ سول تۇسىنداعىدان%3.9 تومەندەگەن.جەكەلەردىڭ تابىس باجى كىرىسىنىڭ جالپى كىرىستەن يەلەگەن سالىستىرماسى %5.8 بولعان.

Editor :  molder    2013-02-17 11:43:07