14-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

حالىقارالىق اۋىل شارۋشىلىعىن كوركەيتۋ قورى 36-كەزەكتى القالار كەڭەسىنىڭ اشىلۋ سالتى 13-اقپاندا ريمدە وتكىزىلدى. مەملەكەتتىك كەڭەستىڭ ورىنباسار زۇڭليى حۇي لياڭيۇي جۇڭگو ۇكىمەتىنىڭ ۋاكىلدەر ۇيىرمەسىن باستاپ ءماجىلسىتىڭ باستالۋ سالتىنا قاتىناستى، ءارى ءسوز سويلەدى. ول، جۇڭگونىڭ حالىقارالىق قوعاممەن تىزە قوسا قۇلشىنىپ، دۇنيە ءجۇزى بويىنشا كەدەيلەردى ازايتۋ ىستەرىنىڭ دامۋىن ورتاق ىلگەرلەتىپ، اناعۇرلىم كەڭ، جاراسىمدى دۇنيە ءجۇزىن قالىپتاستىرعا ۇلەس قوسۋدى قالايتىندىعىن ايتتى.

2013-جىلعى ورتالىقتىڭ 1-ءنومىرلى حۇجاتىندا، جەردى كوتەرمەگە الۋدىڭ كاسىپتىك ايتۋلى وتباسى، وتباسىندىق ەگىس الاڭى، ديحانداردىڭ سەلبەستىك كوپەراتيۆىنە قاراي اينالۋىن جەبەپ جانە قولداپ، ءتۇرلى فورماداعى لايىقتى كولەمدەگى تيجاراتتى دامىتۋ كەرەك. اتاپ كورسەتىلدى. مۇندا «وتباسىندىق ەگىس الاڭى» سىندى ۇعىم ورتالىقتىڭ 1-ءنومىرلى حۇجاتىندا تۇڭعىش رەت كورسەتىلدى. اۋىل شارۋاشىلىق مينيسترلىگى اۋىل-قىستاق ەكونوميكا ءتۇزىلىسى جانە تيجارات باسقارۋ مەكەمەسىنىڭ جاۋاپتىسى جۋىردا بىلاي دەپ تۇسىنىك جاسادى: وتباسىندىق ەگىس الاڭى دەگەنىمىز ـــــ وتباسى مۇشەلەرى باستى ەڭبەككۇش بولعان، اۋىل شارۋاشىلىعىندا كولەمدەندىرىپ، شوعىرلاندىرىپ، تاۋارلاندىرىپ ءوندىرۋ تيجاراتىمەن شۇعىلدانعان، سونداي-اق اۋىل شارۋاشىلىق كىرىسى وتباسىنىڭ باستى كىرىس قاينارى بولعان جاڭاشا اۋىل شارۋاشىلىق تيجاراتىنىڭ باستى تۇلعاسى بولىپ تابىلادى. ول تاعى دا: لايىقتى كولەمدەگى تيجاراتتى دامىتۋ باستىسى كاسىپتىك ايتۋلى وتباسى، وتباسىندىق ەگىس الاڭىن جەتىلدىرۋ سانالادى، مۇندا ونەركاسىپ-ساۋدا كاسىپورىندارىنىڭ ديحانداردىڭ كوتەرمەگە العان جەرىن ۇزاق ۋاقىت، كەڭ كولەمدى مايعا الۋ قۋاتتالمايدى؛ ەڭبەك ونىمدىلىگى مەن جەر سالسىترماسىنا تەڭ ءمان بەرىپ، جەردىڭ تيجارات كولەمىنىڭ ۇيلەسىمدى بولۋىن مىقتى يگەرۋ كەرەك.

مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى جۋىردا « جاسىل ءتۇستى قۇرىلىس ارەكەتى جوباسىن» تۇسىندىرگەندە: ەنەرگيا بايلىعىن ۇنەمدەپ، ورتانى قورعاۋ ءۇشىن، «12-بەسجىلدىق» پىلان مەزگىلىندە ەلىمىز قالا-قالاشىقتاردا جاڭادان سالىناتىن قۇرىلىستارىنىڭ ەنەرگيا ۇنەمدەۋ ولشەمىن كۇشپەن قاتاڭ تياناقتاندىرادى، ءارى قۇرىلىستى ەنەرگيانى ۇنەمدەيتىن ەتىپ وزگەرتۋدى نەگىزگى مازمۇن ەتكەن ءبىر قىدىرۋ جاسىل ءتۇستى قۇرىلىس مىندەتىن ورىندايدى،-دەدى.

قۇرىلىس ورنىنداعى قازىلعان شۇڭقىر جەر، ەشقانداي شاڭ-توزاڭنان ساقتانۋ قۇرىلعىسى جوق توپىراق جول سياقتىلاردان كۇشتى بوران سوققاننان كەيىن نەمەسە اۆتوموبيلدەر وتكەننەن كەيىن شاڭ-توزاڭ كوتەرىلەدى. جاڭادان شىعاتىن «لياۋنيڭ ولكەسىنىڭ شاڭ-توزاڭ بىلعانىشىنان ساقتانۋ، باسقارۋ ءادىسى» وسى تەكتەس جايتتەردى تەجەۋ رولىن اتقارادى. مۇندا ەڭ قاتاڭ ءبىر تارماق بەلگىلەمە مىناداي: قۇرىلىس سالعان ورىندارداعى شاڭ-توزاڭنان ساقتانۋ شارالارىن قولدانباعاندارعا، ءارى اۋانى بارىنشا لاستاعاندارعا ەڭ جوعارى بولعاندا 20 مىڭ يۋان ايىپ سالىنادى.

ءتىلشىنىڭ جۋىردا ورتانى قورعاۋ مينيسترلىگىنەن ۇعىسۋىنا قاراعاندا، ورتانى قورعاۋ مينيسترلىگى وتكەن جىلى نىساندار ورتاسىن باعالاۋ حۇجاتىنان جالپى 240 حۇجاتتى بەكىتكەن، مۇندا جالپى قوسىلعان قارجى 140 ميلليون يۋانعا تاياعان. ورتانى قورعاۋ مينيسترى جوۋ شىڭشيان، قۇرىلىس نىسان ورتاسىن باعالاۋدا تۇرگە ايىرىپ باسقارۋ ەسىمدىگى مەن دارەجەگە ءبولىپ تەكسەرىپ بەكىتۋ مازمۇنىنا وزگەرىس ەنگىزىلىپ، تەكسەرىپ بەكىتۋ ۇقىق شەگىنىڭ تومەنگە تۇسىرىلەتىندىگىن، جۇمىس ءتارتىبىنىڭ ىقشامدالىپ، ۋاقىتى قىسقارىپ، ونىمدىلىكتىڭ جوعارلايتىندىعىن ايتتى.

سىرتقى ىستەر مينيسترىمىز ياڭ جيەچى رەسەيدىڭ سىرتقى ىستەر مينيسترى لاۆروۆپەن 14-اقپان تەلەفوندا تىلدەستى. ەكى جاق سولتۇستىك كورەيانىڭ يادرولىق سىناق جۇرگىزۋى جانە كەزەكتەگى كورەي تۇبەگىنىڭ جاعدايى جونىندە پىكىر اۋىستىردى. ەكى جاق وسى جونىندە تىعىز قارىم-قاتىناستى ساقتاۋدى قۇپتادى.

مەملەكەتتىك يادرولىق شۇعىل جاعدايعا توتەپ بەرۋ سايكەستىرۋ كوميتەتى ورتانى قورعاۋ مينيسترلىگى، جەر سىلكىنىسىن باقىلاۋ مەكەمەسى، اۋا رايى ستانسياسى، ارميانىڭ قاتىستى تاراۋلارى جانە قاتىستى عىلمي زەرتتەۋ ورىندارى، سونداي-اق لياۋنيڭ، جيلين، حيلۇڭجياڭ، شاندۇڭ ولكەلەرى سياقتى رايونداردىڭ باقىلاۋ-تەكسەرۋ ناتيجەسىن جيناقتاپ بىلاي دەپ جاريالادى: سولتۇستىك كورەيانىڭ ءۇشىنشى رەتكى يادرولىق سىناعىنان كەيىن ەلىمىز تەرريتورياسىنان راديواكتيۆتىك نۋكلەين بايقالمادى، قازىر ەلىمىز بۇقاراسىنا جانە ورتاسىنا ىقپال تيگىزبەيدى، ەلىمىز بۇقاراسى ساقتىق شاراسىن قولدانۋى قاجەتسىز.

2013-جىلعى ورتالىقتىڭ 1-ءنومىرلى حۇجاتىندا، قالاداعى ونەركاسىپ-ساۋدا كاپيتالدارىن اۋىل-قىستاقتارعا بارىپ كاسىپورىننىڭ تيجارات جۇرگىزۋىنە ۇيلەسەتىن باعىمشىلىق كاسىبىن دامىتۋعا شابىتتاندىرۋ جانە باستاۋدى اتاپ كورسەتتى. اۋىل شارۋاشىلىق مينيسترلىگى اۋىل-قىستاق ەكونوميكا ءتۇزىلىسى جانە تيجارات باسقارۋ مەكەمەسىنىڭ جاۋاپتىسى جۋىردا: ونەركاسىپ-ساۋدا كاسىپورىندارىنىڭ اۋىل شارۋاشىلىعىنا قوسىلۋى قوعامدىق كۇشتەردەن پايدالانىپ اۋىل شارۋاشىلىعىنداعى كاپيتال، عىلىم-تەحنيكا جانە جابدىق ۇسىنىلىمىن ارتتىرۋعا، وزىق تيجارات باسقارۋ ءتاسىلىن ەنگىزۋگە، ءداستۇرلى اۋىل شارۋاشىلىعىنا وزگەرىس ەنگىزۋ مەن وسىزامان اۋىل شارۋاشىلىعىن قۇرىلىسىن تەزدەتۋگە ءتيىمدى،-دەدى. اۋىل شارۋاشىلىق مينيسترلىگىنىڭ العاشقى ساناعىنا قاراعاندا، 2012-جىلى جەلتوقساننىڭ سوڭىنا دەيىن، ەلىمىز بويىنشا وتباسىندىق كوتەرمەگە الىپ تيجارات ەتەتىن ەگىستىك جەردىڭ اينالىمعا تۇسكەن اۋماعى 270 ميلليون مۋعا جەتىپ، وتباسىندىق كوتەرمەگە الىنعان ەگىستىك جەر جالپى اۋماعىنىڭ %21.5 تىن ۇستاعان. مۇندا ونەركاسىپ-ساۋدا كاسىپورىندارىنا قوسىلعان ەگىستىك جەر اۋماعى 28 ميلليون مۋ بولىپ، 2009-جىلداعىدان %115 ارتىپ، اينالىمعا تۇسكەن جالپى جەر اۋماعىنىڭ %10.3 تىن ۇستاعان.

جۇڭگو تەڭىز-مۇحيت ورتاسىن باقىلاۋ-تەكسەرۋ كەمە اترەتىنىڭ دياۋ-يۇي ارالىن شارلاۋ كەمە قۇراماسى 14-اقپان جۇڭگونىڭ دياۋ-يۇي ارالى جانە وعان قاراستى تەڭىز ايدىنىندا داعدىلى ۇقىقتى قورعاۋ زاڭدى اتقارۋ مىندەتىن ورىندادى. ۇعىسۋعا قاراعاندا، وسى تەكتەس ۇقىقتى قورعاۋ شارلاۋ مىندەتى تاعى ءبىر مەزگىل جالعاسادى ەكەن.

جۇڭگو تەڭىز-مۇحيت مۇناي شەكتى سەرىكتەستىگى جۋىردا مازمۇنداما جاريالاپ، جۇڭگو تەڭىز-مۇحيت مۇناي شەكتى سەرىكتەستىگىنىڭ كانادا نيكس سەرىكتەستىگىن ساتىپ الۋ ساۋدا ۇسىنىسىن ا ق ش-تىڭ شەتەل قارجى قوسۋ كوميتەتى بەكىتكەندىگىن ايتتى. بۇل جۇڭگو تەڭىز-مۇحيت مۇناي شەكتى سەرىكتەستىگىنىڭ كانادا نيكس سەرىكتەستىگىن ساتىپ الۋىنىڭ ەڭ سوڭعى وتكەلدەن وتكەندىگىن اڭعارتادى. وسىدان بۇرىن كانادا ۇكىمەتى مەن جۇڭگو ۇكىمەتى وسى ساۋدانى ماقۇلداعان بولاتىن. جۇڭگو تەڭىز-مۇحيت مۇناي شەكتى سەرىكتەستىگى ساتىپ الۋ ۇسىنىسىنىڭ اياق الىسى ۇيلەسىمدى مەزگىلدە جاريالاناتىندىعىن ايتتى.

13-اقپان ساعات 14 مولشەرىندە گۋاڭدۇڭنىڭ جانجياڭ قالاسى پوتوۋ رايونى گۋاندۋ قالاشىعى گاۋشان قىستاق تۇرعىندار كوميتەتىنىڭ ليتيانشاڭ قىستاعىندا قوناعاسى بەرىپ جاتقان جاۋ فاميلليالىنىڭ ۇيىندە قوپارىلىس تۋىلعان. پوتوۋ رايونى ۇكىمەت جاعىنىڭ 14-اقپانداعى جاريالاعان ەڭ جاڭا حابارىنا قاراعاندا، وسى قوپارىلىس دەلوسىنان 3 ادام سول جەردىڭ وزىندە ءولىپ، 4 ادام شيپاحاناعا جەتكىزىلگەننەن كەيىن قۇتقارۋ ءونىم بەرمەي ولگەن، مۇنان تىس 18 ادام جارالانىپ، ەمدەلۋدە ەكەن. ساقشى جاقتىڭ ايتۋىنا قاراعاندا، وقيعا تۋىلعاننان كەيىن ساقشى جاق مەڭگەرگەن قىلمىس كۇماندىسى چىن فاميلليالى ازاتتىق 422-شيپاحاناسىنا قۇتقارۋعا جەتكىزىلگەن، ول قازىر شيپاحانادان شىققان.

Editor :  molder    2013-02-17 12:21:37