14-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

يران فارس اقپارات اگەنتتىگىنىڭ 13-اقپانداعى حابارىنا قاراعاندا، يران حالىقارالىق اتوم ەنەرگياسى ورگانىمەن 13-اقپان تۇندە ءبىر كۇنگە جالعاسقان كەڭەسىن اياقتاتقان. يران جاق: ەكى جاق يادرونى تەكسەرۋدەگى «قۇرىلىم سيپاتتى جوبانىڭ» ءىشىنارا ءتۇيىنى جونىندە ءبىر اۋىزدىلىققا كەلدى، ءارى جالعاستى تىلدەسۋگە قوسىلدى،-دەگەن.

ا ق ش-تىڭ مەملەكەت قورعانىس مينيسترى پانەتتا 13-اقپان بەس بۇرىشتى عيماراتتا اقپارات جاريالاۋ ءماجىلىسىن اشىپ: سولتۇستىك كورەيا ا ق ش-تىڭ شىعىس سولتۇستىك ازياداعى مۇددەسىنە، وسى وڭىردەگى ا ق ش-تىڭ وداقتاستارىنا جانە ا ق ش-تىڭ ءوز تەرريتورياسىنا حاۋىپ ءتوندىردى،-دەدى.

ا ق ش-تىڭ مەملەكەت ىستەر حاتشىسى جون كەرري 13-اقپان «بارلىق مۇمكىندىكتى» زەرتتەپ يزرايل مەن پالەستين ورتاسىنداعى بەيبىتشىلىك اياق الىسىن قايتادان باستاۋدى جەبەيتىندىگى جونىندە ۋادە بەردى. الايدا ول: كەزەكتە ا ق ش جاق ءار قايسى جاقتىڭ پىكىرىن تىڭداۋدى نەگىز ەتەدى،-دەگەندى اتاپ كورسەتتى.

ا ق ش قاۋىم پالاتاسىنىڭ باستىعى بونا 13-اقپان ا ق ش-تىڭ ەڭ تومەنگى ساعاتتىق ەڭبەكاقىنى جوعارىلاتۋىنا قارسى تۇراتىندىعىن ءبىلدىردى، ءارى: بۇل ا ق ش-تاعى ورتا، شاعىن كاسىپورىنداردىڭ جۇمىسشى پايدالانۋ وزىندىك قۇنىن ارتتىرادى،-دەدى. بۇل ا ق ش-تىڭ زۇڭتۇڭى وبامانىڭ ەڭ جاڭا ۇسىنىس جوباسىنىڭ پارلامەنتتەن ءوتۋى قيىن ەكەندىگىن اڭعارتادى. وباما 12-اقپاندا مەملەكەت جاعدايىنان مالىمەت جاساعاندا: ا ق ش ەكونوميكاسىنىڭ قالپىنا كەلۋى ورتا بۋرجۋازيانىڭ بىرتىندەپ كۇشەيۋىنەن ايىرىلا المايدى،-دەگەن. ول 2015-جىلدان بۇرىن ا ق ش-تىڭ ەڭ تومەنگى ساعاتتىق ەڭبەكاقىسىن قازىرگى 7.25 ا ق ش دوللارىنان 9 ا ق ش دوللارىنا جوعارىلاتۋدى ۇسىنىس ەتتى، بۇل مەجەگە قاراعاندا ا ق ش-تاعى ەڭ تومەنگى ساعاتتىق ەڭبەكاقى الاتىن مولشەرمەن 15 ميلليون ادامعا ىقپال جاسايدى ەكەن.

قىرعىزستان اسكەري ىستەر سوت مەكەمەسى 12-اقپاندا ۇكىم شىعارۋعا قاتىناسپاعان، قازىر بەلورۋسسيادا جاسىرىنىپ جۇرگەن قىرعىزستاننىڭ بۇرىنعى زۇڭتۇڭى قۇرمانبەك باكيەۆكە 24 جىلدىق مەرزىمدى قاماق جازاسىن، ونىڭ ءىنىسى، بۇرىنعى مەملەكەتتىك قورعاۋ مەكەمەسىنىڭ باستىعى جانىبەككە ومىرلىك قاماۋ جازاسىن بەردى. 2010-جىلى ساۋىردە، قىرعىزستاندا كەڭ كولەمدى دۇربەلەڭ تۋىلعاندا باكيەۆ اكىمياتى ىدىرادى، ۇكىمەتكە قارسى توپ دەرەۋ ۋاقىتتىق ۇكىمەت قۇردى. شەتەلگە قاشىپ كەتكەن قۇرمانبەك باكيەۆ پەن جانىبەك جانە باسقا دا ۇكىمەتتىڭ ءىشىنارا ماڭىزدى ءمانساپتىلارى بىرنەشە اۋىر قىلمىسپەن ايىپتالدى، مۇندا قىرعىنداۋ، ۇقىعىنان بەتالدى پايدالانۋ سياقتىلار دا قامتىلدى، ءارى حالىقارالىق قۋعىنداۋ جاريالاندى.

ينديانىڭ مالديۆتاعى باس ەلشىلىگى 13-اقپان ينديا ۇكىمەتىنىڭ ءبىر مالىمدەمەسىن جاريالاپ: مالديۆتىڭ بۇرىنعى زۇڭتۇڭى ناحيت قازىر ينديانىڭ مالديۆتاعى باس ەلشىلىگىندە، ول ينديا جاقتان كومەك تىلەۋدە،-دەدى. مالىمدەمەدە: مالديۆتىڭ سايلاۋ كوميسساسى زۇڭتۇڭ سايلاۋىنىڭ بيىل قىركۇيەكتە وتكىزىلەتىندىگىن جاريالادى، وسىعان بايلانىستى، مالديۆتاعى ءار قايسى ساياسي پارتيالاردىڭ زۇڭتۇڭ كانديداتتارى سايلاۋعا بوگەتسىز قاتىناسۋ كەرەك،-دەلىندى. ينديا جاق مالديۆ ۇكىمەتى مەن ءار قايسى ساياسي پارتيالاردى سابىرلىق ساقتاپ، جاعدايدىڭ شيەلەنىسۋىنىڭ الدىن الۋعا ۇندەدى. ناحيت 13-اقپان ءوزىنىڭ جەكە توراپ بەتىندە، اماندىقتى ويلاسىپ، ءوزىنىڭ ينديانىڭ مالديۆتاعى باس ەلشىلىگىنە بارىپ جاسىرىنا تۇرۋدى سۇراعاندىعىن، ءارى رۇحساتقا يە بولعاندىعىن ايتتى. ناحيت 10-اقپان كۇنى، ءوزى زۇڭتۇڭ بولىپ تۇرعاندا ءبىر سۋديانى تۇتقىنداۋ بۇيرىعىن تۇسىرگەندىگى جونىندەگى كۋاگەرلەر كەزدەسۋىنە قاتىناسپاعاندىقتان، مالديۆتاعى ءبىر سوت مەكەمەسى وعان تۇتقىنداۋ بۇيرىعىن تۇسىرگەن بولاتىن. ناحيت نەگىزگى قارسى پارتيا مالديۆ دەموكراتيالىق پارتياسى اتىنان زۇڭتۇڭ سايلاۋىنا قاتىناساتىندىعىن جاريالادى. ەگەر سوت مەكەمەسى ناحيتتى قىلمىستى دەپ ۇكىم جاسايتىن بولسا، ول زۇڭتۇڭ سايلاۋىنا قاتىناسا الماۋى مۇمكىن.

يران مەن حالىقارالىق اتوم ەنەگياسى ورگانىنىڭ يادرولىق كەلىسسوزى بەلگىلى ورتاق تانىمعا يە بولعاندىعى جانە ا ق ش مۇنايىنىڭ قويماداعى مولشەرىنىڭ ارتۋىنا بايلانىستى، نيۋ-يوركتە مۇناي باعاسى 13-اقپان تومەندەپ، ءۇرتىس ەكى كۇن ارتقان جاعداي اياقتادى.

ۋكراينا دونەتسك وبلىسىنىڭ شۇعىل جاعدايعا توتەپ بەرۋ مەكەمەسى 13-اقپان، ءان-24 تۇرپاتتى ءبىر جولاۋشى ايروپلانىنىڭ 13-اقپان تۇندە وسى وبلىستا شۇعىل قونىپ، ايروپلانداعى 4 ادامنىڭ ولگەندىگىن جاريالادى.

67-كەزەكتى بىرلەسكەن مەملەكەتتەر ۇيىمى جينالىسىنىڭ ءتوراعاسى ۆۋك يەرميكي 14-اقپان دۇنيەدەگى ۇقساماعان ۇستانىمداعىلاردى جاراسىمدى بولىپ، تۇتاس جەر شارىنىڭ بەيبىت مادەنيەتىن ورتاق قۇرۋعا ۇندەدى.

پالەستينگە ەكونوميكا جاعىنان كومەك بەرۋ ماسەلەسىن تۇڭعىش رەت تالقىلاعان شىعىس ازيا سەلبەستىگىنىڭ پالەستيننىڭ دامۋىن جەبەۋ ءماجىلىسى 14-اقپان توكيودا اشىلدى. ماجىلىسكە قاتىناسقان ازيا قۇرىلىعىنداعى ەلدەر پالەستيندى ەكونوميكا جاعىنان ءونىمدى قامدايتىندىعىن، ورتا شىعىستىڭ بەيبتىشىلىگىن دامىتۋدا سىندارلى رول اتقاراتىندىعىن ايتتى.

رەيتر اگەنتتىگىنىڭ 14-اقپانداعى حابارىنا قاراعاندا، جاپونيانىڭ قورعانىس ءۋازىرى 14-اقپان وسى اگەنتتىكتىڭ تىلشىلىگىن قابىلداعاندا: ماڭىمىزدىڭ حاۋىپسىزدىك ورتاسىندا وزگەرىس بولعان جاعدايدا، جاپونيانىڭ سوققى بەرۋدە «الدىمەن ىسكە كىرىسىپ»، ءتونىپ كەلە جاتقان شابۋىلعا قارسى تۇرۋ ۇقىعى بار، الايدا جاپونيانىڭ كەزەكتە بۇنداي ىستەۋ جوسپارى جوق،-دەگەن.

تۇركيانىڭ زۇڭلي ەردوگان 14-اقپان انكارادا ەۆروپا قۇرىلىعىنداعى ەلدەردى كۋرد جۇمىسشى پارتياسىنىڭ قارۋلىلارىن تۇركياعا وتكىزىپ بەرۋگە قۋزادى. ەردوگان 14-اقپان وتكىزىلگەن تىلشىلەردى قابىلداۋ ماجىلىسىندە: «ەگەر ەۆروپا قۇرىلىعىنداعى ەلدەر بىزگە وزدەرى قولعا العان كۋرد جۇمىسشى پارتياسىنىڭ قارۋلىلارىن وتكىزىپ بەرمەيتىن بولسا، وندا ولاردىڭ جۋىقتاعى كۋرد جۇمىسشى پارتياسىنىڭ قارۋلىلارىنا سوققى بەرۋ ارەكەتىنىڭ ەشبىر ءمانىسى قالمايدى. ۇيتكەنى، ءبىز ناتيجەنى كۇتىپ تۇرمىز» دەدى. 12-اقپاندا، فرانسيانىڭ قاتىستى جاقتارى ارەكەت جاساپ، تۇركياداعى كۋرد جۇمىسشى پارتياسىنىڭ قارۋلىلارىمەن قاتىسى بار 17 ادامدى قولعا العان، سونىمەن بىرگە يسپانيانىڭ قاتىستى جاقتارى دا 6 ادامدى قولعا العان.

وڭتۇستىك افريكانىڭ زۇڭتۇڭى زۋما 14-اقپان پارلامەنتتە مەملەكەت جاعدايىنان مالىمەت جاساپ، وڭتۇستىك افريكا ۇكىمەتىنىڭ «2013-جىلعى قيمىل جوسپارىن» جاريالادى، وسى جوسپاردىڭ باستى مىندەتى ــــــ ەكونوميكانى بار كۇشپەن دامىتۋ، وقۋ-اعارتۋ دەڭگەيىن جوعارىلاتۋ، كاسىپتەنۋ ورايىن جاراتۋ، قىلمىستىلارعا سوققى بەرۋ تەبىنىن كۇشەيتۋ، اۋىل-قىستاق قۇرىلىسىن تەزدەتۋ جانە جەر رەفورماسىن جەبەۋ.

ا ق ش-تىڭ زۇڭتۇڭى وبامانىڭ بۇرىنعى كەڭەس پالاتاسىنىڭ مۇشەسى زاك حاگەلدى مەملەكەت قورعانىس مينيسترىنە كورسەتۋ قۇلشىنىسى 14-اقپان پارلامەنتتە بوگەتكە ۇشىرادى، بۇل حاگەلدى كورسەتۋدىڭ كەم دەگەندە وسى ايدىڭ سوڭىنا دەيىن كەشىكتىرىلگەندە عانا ناتيجەسى شىعاتىندىعىن اڭعارتادى. 14-اقپان كەڭەس پالاتاسىنىڭ حاگەلدى كورسەتۋ ءتارتىپ سيپاتتى داۋىس بەرۋى 60 داۋىستاي باسىم كوپ ابزالدىلىققا يە بولماي اياقتادى، ءارى ەڭ سوڭعى داۋىس بەرۋ وتكىزىلەتىن بولدى. وسى رەتكى ءتارتىپ سيپاتتى داۋىس بەرۋدىڭ ناتيجەسىندە 58 داۋىس قۇپتاپ، 40 داۋىس قارسى تۇردى. ەڭ سوڭعى داۋىس بەرۋدە، حاگەل 50 دەن كوپ داۋىسقا يە بولسا كەلەر كەزەكتى مەملەكەت قورعانىس مينيسترىنە شىعا الادى. پارلامەنت بۇگىننەن باستاپ ءۇزىلىس جاسايتىندىقتان، كەلەر كەزەكتى داۋىس بەرۋ 25-اقپاننان كەيىن قايتادان ورنالاستىرىلادى.

يراننىڭ ليۆانداعى باس ەلشىسى اببادي 14-اقپان بەيرۋتتە يزرايلدى يراننىڭ ءىسلام توڭكەرستىك قورعاۋشى اترەتىنىڭ جوعارى دارەجەلى ءمانساپتىسى، ليۆاننىڭ وڭتۇستىك بولەگىندەگى سوعىستان كەيىن قايتادان قۇرۋداعى يران جاقتىڭ قارجىلاي كومەك بەرۋ نىسانىنا جاۋاپتى حاسان ساتريدى قاستاندىقپەن ءولتىردى دەپ جازعىردى. اببادي: ساتري ءتىرى كەزىندە قارسىلىق كورسەتۋ قيمىلىن قولداعان، ونىڭ قاستاندىقپەن ءولتىرىلۋى يزرايلدىڭ ونىڭ قارسىلىق كورسەتۋ قيمىلىن جالعاستى قولداۋىن ءۇمىت ەتپەيتىندىگىن دالەلدەدى،-دەدى. ول: ەشبىر ادام يراننىڭ قارسىلىق كورسەتۋ قيمىلىن قولداۋىنا بوگەت بولا المايدى،-دەگەندى باسا دارىپتەدى.

پاكيستان اقپارات قۇرالدارىنىڭ 14-اقپانداعى حابارىنا قاراعاندا، سالاۋاتى بەلگىسىز ءبىر توپ قارۋلى 14-اقپان تۇندە پاكيستاننىڭ باتىس سولتۇستىك بولەگىندەگى ءبىر تەكسەرۋ پۋنكتىنە شابۋىل جاساپ، حاۋىپسىزدىككە جاۋاپتى اسكەري ءبولىمىنىڭ از دەگەندە 5 ادامى ءولىپ، تاعى نەشە ادام جارالانعان.

رەسەيدىڭ شۇعىل جاعدايعا توتەپ بەرۋ تاراۋلارى 14-اقپان: رەسەيدىڭ سيبريا وڭىرىندەگى ساحا رەسپۋبليكاسىندا 14-اقپان 6.8 بال جەر سىلكىندى، الايدا ءولىم-ءجىتىم جانە مال-مۇلىك زيانى جونىندە مالىمەت بەرىلمەدى،-دەدى.

Editor :  molder    2013-02-17 12:22:36