15-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

67-كەزەكتى بىرلەسكەن مەملەكەتتەر ۇيىمى جينالىسىنىڭ ءتوراعاسى ۆۋك يەرميكي 14-اقپان دۇنيەدەگى ۇقساماعان ۇستانىمداعىلاردى جاراسىمدى بولىپ، تۇتاس جەر شارىنىڭ بەيبىت مادەنيەتىن ورتاق قۇرۋعا ۇندەدى.

پالەستينگە ەكونوميكا جاعىنان كومەك بەرۋ ماسەلەسىن تۇڭعىش رەت تالقىلاعان شىعىس ازيا سەلبەستىگىنىڭ پالەستيننىڭ دامۋىن جەبەۋ ءماجىلىسى 14-اقپان توكيودا اشىلدى. ماجىلىسكە قاتىناسقان ازيا قۇرىلىعىنداعى ەلدەر پالەستيندى ەكونوميكا جاعىنان ءونىمدى قامدايتىندىعىن، ورتا شىعىستىڭ بەيبتىشىلىگىن دامىتۋدا سىندارلى رول اتقاراتىندىعىن ايتتى.

رەيتر اگەنتتىگىنىڭ 14-اقپانداعى حابارىنا قاراعاندا، جاپونيانىڭ قورعانىس ءۋازىرى 14-اقپان وسى اگەنتتىكتىڭ تىلشىلىگىن قابىلداعاندا: ماڭىمىزدىڭ حاۋىپسىزدىك ورتاسىندا وزگەرىس بولعان جاعدايدا، جاپونيانىڭ سوققى بەرۋدە «الدىمەن ىسكە كىرىسىپ»، ءتونىپ كەلە جاتقان شابۋىلعا قارسى تۇرۋ ۇقىعى بار، الايدا جاپونيانىڭ كەزەكتە بۇنداي ىستەۋ جوسپارى جوق،-دەگەن.

تۇركيانىڭ زۇڭلي ەردوگان 14-اقپان انكارادا ەۆروپا قۇرىلىعىنداعى ەلدەردى كۋرد جۇمىسشى پارتياسىنىڭ قارۋلىلارىن تۇركياعا وتكىزىپ بەرۋگە قۋزادى. ەردوگان 14-اقپان وتكىزىلگەن تىلشىلەردى قابىلداۋ ماجىلىسىندە: «ەگەر ەۆروپا قۇرىلىعىنداعى ەلدەر بىزگە وزدەرى قولعا العان كۋرد جۇمىسشى پارتياسىنىڭ قارۋلىلارىن وتكىزىپ بەرمەيتىن بولسا، وندا ولاردىڭ جۋىقتاعى كۋرد جۇمىسشى پارتياسىنىڭ قارۋلىلارىنا سوققى بەرۋ ارەكەتىنىڭ ەشبىر ءمانىسى قالمايدى. ۇيتكەنى، ءبىز ناتيجەنى كۇتىپ تۇرمىز» دەدى. 12-اقپاندا، فرانسيانىڭ قاتىستى جاقتارى ارەكەت جاساپ، تۇركياداعى كۋرد جۇمىسشى پارتياسىنىڭ قارۋلىلارىمەن قاتىسى بار 17 ادامدى قولعا العان، سونىمەن بىرگە يسپانيانىڭ قاتىستى جاقتارى دا 6 ادامدى قولعا العان.

وڭتۇستىك افريكانىڭ زۇڭتۇڭى زۋما 14-اقپان پارلامەنتتە مەملەكەت جاعدايىنان مالىمەت جاساپ، وڭتۇستىك افريكا ۇكىمەتىنىڭ «2013-جىلعى قيمىل جوسپارىن» جاريالادى، وسى جوسپاردىڭ باستى مىندەتى ــــــ ەكونوميكانى بار كۇشپەن دامىتۋ، وقۋ-اعارتۋ دەڭگەيىن جوعارىلاتۋ، كاسىپتەنۋ ورايىن جاراتۋ، قىلمىستىلارعا سوققى بەرۋ تەبىنىن كۇشەيتۋ، اۋىل-قىستاق قۇرىلىسىن تەزدەتۋ جانە جەر رەفورماسىن جەبەۋ.

ا ق ش-تىڭ زۇڭتۇڭى وبامانىڭ بۇرىنعى كەڭەس پالاتاسىنىڭ مۇشەسى زاك حاگەلدى مەملەكەت قورعانىس مينيسترىنە كورسەتۋ قۇلشىنىسى 14-اقپان پارلامەنتتە بوگەتكە ۇشىرادى، بۇل حاگەلدى كورسەتۋدىڭ كەم دەگەندە وسى ايدىڭ سوڭىنا دەيىن كەشىكتىرىلگەندە عانا ناتيجەسى شىعاتىندىعىن اڭعارتادى. 14-اقپان كەڭەس پالاتاسىنىڭ حاگەلدى كورسەتۋ ءتارتىپ سيپاتتى داۋىس بەرۋى 60 داۋىستاي باسىم كوپ ابزالدىلىققا يە بولماي اياقتادى، ءارى ەڭ سوڭعى داۋىس بەرۋ وتكىزىلەتىن بولدى. وسى رەتكى ءتارتىپ سيپاتتى داۋىس بەرۋدىڭ ناتيجەسىندە 58 داۋىس قۇپتاپ، 40 داۋىس قارسى تۇردى. ەڭ سوڭعى داۋىس بەرۋدە، حاگەل 50 دەن كوپ داۋىسقا يە بولسا كەلەر كەزەكتى مەملەكەت قورعانىس مينيسترىنە شىعا الادى. پارلامەنت بۇگىننەن باستاپ ءۇزىلىس جاسايتىندىقتان، كەلەر كەزەكتى داۋىس بەرۋ 25-اقپاننان كەيىن قايتادان ورنالاستىرىلادى.

يراننىڭ ليۆانداعى باس ەلشىسى اببادي 14-اقپان بەيرۋتتە يزرايلدى يراننىڭ ءىسلام توڭكەرستىك قورعاۋشى اترەتىنىڭ جوعارى دارەجەلى ءمانساپتىسى، ليۆاننىڭ وڭتۇستىك بولەگىندەگى سوعىستان كەيىن قايتادان قۇرۋداعى يران جاقتىڭ قارجىلاي كومەك بەرۋ نىسانىنا جاۋاپتى حاسان ساتريدى قاستاندىقپەن ءولتىردى دەپ جازعىردى. اببادي: ساتري ءتىرى كەزىندە قارسىلىق كورسەتۋ قيمىلىن قولداعان، ونىڭ قاستاندىقپەن ءولتىرىلۋى يزرايلدىڭ ونىڭ قارسىلىق كورسەتۋ قيمىلىن جالعاستى قولداۋىن ءۇمىت ەتپەيتىندىگىن دالەلدەدى،-دەدى. ول: ەشبىر ادام يراننىڭ قارسىلىق كورسەتۋ قيمىلىن قولداۋىنا بوگەت بولا المايدى،-دەگەندى باسا دارىپتەدى.

پاكيستان اقپارات قۇرالدارىنىڭ 14-اقپانداعى حابارىنا قاراعاندا، سالاۋاتى بەلگىسىز ءبىر توپ قارۋلى 14-اقپان تۇندە پاكيستاننىڭ باتىس سولتۇستىك بولەگىندەگى ءبىر تەكسەرۋ پۋنكتىنە شابۋىل جاساپ، حاۋىپسىزدىككە جاۋاپتى اسكەري ءبولىمىنىڭ از دەگەندە 5 ادامى ءولىپ، تاعى نەشە ادام جارالانعان.

رەسەيدىڭ شۇعىل جاعدايعا توتەپ بەرۋ تاراۋلارى 14-اقپان: رەسەيدىڭ سيبريا وڭىرىندەگى ساحا رەسپۋبليكاسىندا 14-اقپان 6.8 بال جەر سىلكىندى، الايدا ءولىم-ءجىتىم جانە مال-مۇلىك زيانى جونىندە مالىمەت بەرىلمەدى،-دەدى.

بىرلەسكەن مەملەكەتتەر ۇيىمىنىڭ قورشاعان ورتانى جوبالاۋ مەكەمەسى القالار كەڭەسىنىڭ تۇڭعىش رەتكى بارلىق مۇشەلەر ءتۇزىمى ءماجىلىسى 18-اقپاندا اشىلادى. بىرلەسكەن مەملەكەتتەر ۇيىمىنىڭ ورىنباسار باس حاتشىسى، قورشاعان ورتا مەكەمەسىنىڭ اتقارۋشى ءتوراعاسى اشيم شتەينا 14-اقپاندا نايروبيدا شينحۋا اگەنتتىگىنىڭ تىلشىلىگىن قابىلداعاندا: قورشاعان ورتا مەكەمەسى تۇتاس جەر شارىنىڭ ورتا جونىندەگى كەڭەس تاقىرىبنا توتەپ بەرۋدەگى ناقتىلى ورتالىققا اينالۋىن ءۇمىت ەتەمىن،-دەدى.

ماليدىڭ تەرريتوريانى باسقارۋ جانە جەرگىلىكتى اكىمشىلىك مينيسترى مۇسا سينك گۇلباري 14-اقپاندا باماكودا، ماليدىڭ زۇڭتۇڭ سايلاۋىن شىلدەدە وتكىزەتىندىگىن جاريالادى. گۇلباري سول كۇنى وتكىزىلگەن تىلشىلەردى قابىلداۋ ماجىلىسىندە: زۇڭتۇڭ سايلاۋىنا ءبىرىنشى كەزەك داۋىس بەرۋ 7-شىلدەدە وتكىزىلەدى،-دەدى. ول تاعى، زاڭ شىعارۋ سايلاۋى مەن زۇڭتۇڭ سايلاۋىنا 2-كەزەكتى داۋىس بەرۋ 21-شىلدەدە وتكىزىلەتىندىگىن ايتتى. وتكەن جىلى 21-ناۋرىزدا، ماليداعى ءىشىنارا اسكەرلەر ديۋر اكىمياتىن اۋدارىپ، «دەموكراتيالىق كوركەيتۋ جانە مەملەكەتتى قايتادان قۇرۋ مەملەكەتتىك كوميتەتىن» ۇيىمداستىرىپ ۇكىمەتتىڭ مىندەتىن ۋاكىلدىك رەتىندە اتقارعان. وتكەن جىلى ساۋىردە، وسى كوميتەت ۇقىقتى مالي حالىق پارلامەنتىنىڭ باستىعى ترااۋرەگە تاپسىرىپ بەرۋگە قوسىلعان.

بىرلەسكەن مەملەكەتتەر ۇيىمىنىڭ باس حاتشىسى پان جيۋىن 14-اقپاندا ءوزىنىڭ مالىمدەمەشىسى ارقىلى مالىمدەمە جاريالاپ، مالديۆتىڭ بۇرىنعى زۇڭتۇڭى ناحيتتىڭ ينديانىڭ باس ەلشىلىگىنە كىرىپ جاسىرىنۋىنا ەرەكشە نازار اۋداراتىندىعىن ايتتى، سونىمەن بىرگە، مالديۆتەگى ءار قايسى جاقتى زۇڭتۇڭ سايلاۋىنا پارمەندى شارت-جاعداي جاراتۋعا قۋزادى.

فرانسيانىڭ بۇرىنعى زۇڭتۇڭى ساركوزي ساياسي جانە اعىمداعى ىستەرگە ءالى دە كوڭىل بولەدى، ول ۇنەمى پاريجداعى كەڭسەسىندە ءار قايسى سالانىڭ قايراتكەرلەرىمەن كەزدەسەدى، ونىڭ 2017-جىلعى فرانسيانىڭ زۇڭتۇڭ سايلاۋ باسەكەسىنە قاتىناسۋ ويى بار بولۋى مۇمكىن. 2012-جىلى 6-مامىردا، فرانسيا سوتسيال پارتياسىنىڭ كانديداتى وللەند زۇڭتۇڭ سايلاۋىنىڭ 2-كەزەكتى داۋىس بەرۋىندە ءسال باسىم ابزالدىلىقپەن وڭشىل ساياسي پارتيا حالىق قوزعالىسى وداعى پارتياسىنىڭ كانديداتى ساركوزيدى جەڭىپ، فرانسيانىڭ جاڭا ءبىر كەزەكتى زۇڭتۇڭى بولعان.

شەتەل اقپارات قۇرالدارىنىڭ حابارىنا قاراعاندا، ءبىر مەتەوريت 15-اقپان تاڭەرتەڭ رەسەيدىڭ ورال تاۋ سىلەمى وڭىرىنە ءتۇسىپ، قوپارىلىس تۋىلىپ، 400 دەن استام ادام جارالانعان، باقىتقا جاراي ولاردىڭ كوبى جەڭىل جارالانعان. رەسەيدىڭ شۇعىل جاعدايعا توتەپ بەرۋ مينيسترلىگى مالىمدەمە جاريالاپ، مەتەوريتتىڭ جارقاشتارى چەليابينسك وبلىسىنداعى ءبىر جان سانى سيرەك قونىستانعان وڭىرگە تۇسكەندىگىن ايتتى.

فيليپپين مەملەكەتتىك اپاتتى ازايتۋ كوميتەتىنىڭ ءتوراعاسى دەرروزاليك 15-اقپان: وسى ەلدىڭ ورتا بولەگىندەگى كومىر كەندە سىرعىما ءتۇسۋ ۋاقيعاسىنان ولگەندەردىڭ سانى 5 ادامعا كوبەيدى، تاعى 5 ادام ءالى دە قۇدىق استىندا،-دەدى.

Editor :  molder    2013-02-17 12:34:02