16-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

ساۋد ارابياسىنداعى «ورتا شىعىس گازەتىنىڭ» حابارىنا قاراعاندا، زاڭ شىعارۋ ورگانىن قۇرۋ ارقىلى ۇقىقتى وتكەرۋدى باقىلاۋمەن قاتىستى سيريانىڭ جاڭا ءبىر بەيبىتشىلىك جوسپارىن جۋىقتا بىرلەسكەن مەملەكەتتەر ۇيىمىنداعىلار وقۋدا ەكەن. وسى گازەت تاعى: باشار اساد اكىمياتىنىڭ جول بەرۋىنە يە بولعان سيرياداعى ۇكىمەتكە قارسى توپتىڭ مۇشەلەرى وسى جوسپاردىڭ العاشقى نۇسقاسىن جاساۋعا قاتىناستى. جوسپار باشاردىڭ تاعدىرىن انىق ايتپادى، الايدا ونى تاحتان تۇسۋگە ۇندەگەن باتىس جاقتاعى ەلدەر مەن ۇكىمەتكە قارسى توپ ۇيىمدارى، ءار قانداي ءبىر كەلىسسوز ونىڭ بيلىك باسىنان كەتۋىن جەبەۋى كەرەكتىگىن ايتتى،-دەدى.

ەۆروپا وداعىنىڭ جوعارى دارەجەلى ءبىر سىرتقى ىستەر ءمانساپتىسى 15-اقپان: ەۆروپا وداعىنىڭ سيرياعا قارۋ-جاراق تاسىمالداۋعا تيىم سالۋ بۇيرىعىن اتقارۋ شەكتى ۋاقىتى 1-ناۋرىزدا تولادى، 18-اقپاندا اشىلماقشى بولعان ەۆروپا وداعى سىرتقى ىستەر مينيسترلەر ءماجىلىسى وسى شارانى وزگەرتۋ كەرەكپە، جوقپا دەگەن جونىندە تالقى وتكىزەدى، الايدا قازىر مۇشە ەلدەردىڭ بۇل ماسەلە جونىندە پىكىرى ءبىر جەردەن شىقپادى،-دەدى. وسى سىرتقى ىستەر ءمانساپتىسى ەۆروپا وداعىنىڭ باس شتابىندا وتكىزىلگەن حابارلاندىرۋ ماجىلىسىندە: كەزەكتە ەۆروپا وداعىنا مۇشە ەلدەر اراسىندا وسى ماسەلە جونىندە الاۋىزدىق ءومىر سۇرۋدە، مۇندا از ساندى ەلدەر قارۋ-جاراق تاسىمالداۋعا تيىم سالۋدى قولداسا، الايدا كوپ ساندى ەلدەردىڭ پوزيتسياسى ءارى-ءسارى بولىپ تۇر،-دەدى.

سيرياداعى ۇكىمەتكە قارسى قارۋلىلار سوڭعى ءبىر مەزگىلدەن بەرى سيريانىڭ كوپتەگەن جەرىندەگى سوعىستا ىلگەرىلەۋشىلىككە يە بولدى، 15-اقپان تاعى وسى ەلدىڭ سولتۇستىك بولەگىندەگى ءبىر اۋە ارمياسى بازاسىن تارتىپ الدى، وسىعان قاراعاندا ولاردىڭ ۇكىمەت ارمياسىمەن «شەشۋشى سايىسقا» ءتۇسۋ ويلارى بار سياقتى. سونىمەن ءبىر ۋاقىتتا، ۇكىمەتكە قارسى توپ زۇڭتۇڭ باشار اسادپەن بەيبىتشىلىك كەلىسسوزىن وتكىزۋدەن باس تارتتى.

رەسەي اقپارات تورابىنىڭ حابارىنا قاراعاندا، رەسەيدىڭ سىرتقى ىستەر مينيسترى لاۆروۆ گەرمانيا ARD تەلەۆيزياسىنىڭ تىلشىلىگىن قابىلداعاندا: تارتۇس كەمە جايىنداعى رەسەي تەڭىز ارمياسىنىڭ زاتتىق ماتەريال، تەحنيكامەن قامتاماسىزداندىرۋ تاراۋىنىڭ نەشە ون تەحنيگىنەن تىس، سيريادا رەسەيدىڭ اسكەرى جوق،-دەگەن. سيريانى قارۋ-جاراقپەن قامداۋدى اۋىزعا العاندا لاۆروۆ: «سىرتقى جاقتان سيرياداعى ۇكىمەتكە قارسى توپتى قولداعان قايراتكەرلەر ۇكىمەتكە قارسى توپتى قارۋلاندىرۋ جولىن قاراستىرۋدا، بۇل جاڭا تۇردەگى كۇردەلى قارۋ-جاراقپەن قامداۋدى دا قامتيدى» دەگەن.

20 ەل توبىنىڭ قازىنا مينيسترلەرى جانە ورتالىق بانكە باستىقتارىنىڭ ءماجىلىسى 15-اقپان موسكۆادا اشىلدى، ماجىلىسكە قاتىناسقان ۋاكىلدەر تۇتاس جەر شارىنىڭ ەكونوميكا جاعدايى، «كۇشتى، باياندى جانە تەپە-تەڭ ارتۋ جۇلگەسى»، حالىقارالىق اقشا جۇيەسى رەفورماسى، كاسىپتەنۋدى جەبەۋ، فينانستى باقىلاۋ-باسقارۋ سياقتى ءتۇيىندى كەڭەس تاقىرىپتارى جونىندە تالقى وتكىزەدى.

رەسەيدىڭ زۇڭتۇڭى پۋتين 15-اقپان: بيىلعى 20 ەل توبىنىڭ ءتوراعا ەلى رەتىندە، رەسەي وسى توپتان ەكونوميكانىڭ تەپە-تەڭ ارتۋىن قامتاماسىزداندىراتىن جانە كاسىپتەنۋدى جەبەيتىن ساياسات جانە شارانى شىعارىپ، كاپيتال بازارىنىڭ دامۋى، الەمدىك ساۋداداعى قارجى اينالىمى شاراسى جانە فينانستى باقىلاۋ سياقتى ماسەلەلەردى ءتۇيىندى تالقىلاۋدى ۇسىنىس ەتەدى،-دەدى.

پالەستين ءىسلام قارسىلىق كورسەتۋ قوزعالىسى ۇيىمى حاماستىڭ ۋاكىلدەر ۇيىرمەسى 15-اقپان بۇلعاريادا قۋعىندالدى. ال حاماس جاق بۇلعاريا ۇكىمەتىنەن وسى جونىندە «دەرەۋ كەشىرىم سۇراۋدى» تالاپ ەتتى.

رەسەيدىڭ ورىنباسار سىرتقى ىستەر مينسيترى ريابكوۆ 15-اقپان: رەسەي كەزەكتە يراندى S-300 تۇرپاتتى باسقارىلمالى بومبى جۇيەسىمەن قامدامايدى،-دەدى.

رەسەيدىڭ سىرتقى ىستەر مينسيترلىگى 15-اقپان، رەسەي جاق ا ق ش-تىڭ ازيا-تىنىق مۇحيت وڭىرىندە باسقارىلمالى بومبىعا قارسى جۇيەنى ورنالاستىرۋىنان الاڭدايتىندىعىن ايتتى.

ا ق ش اق سارايى 15-اقپان مالىمدەمە جاريالاپ، زۇڭتۇڭ وبامانىڭ 22-اقپاندا اق سارايدا ا ق ش-قا ساپارلاي باراتىن جاپونيانىڭ باس ءۋازىرى شينزو ابەمەن كەزدەسەتىندىگىن جاريالادى.

ا ق ش-تىڭ زۇڭتۇڭى وباما 15-اقپان ارت-ارتىنان ەكى رەت قيمىل وتكىزىپ، مىلتىقتى مەڭگەرۋدە حالىق جۇرتشىلىعىنىڭ قولداۋىنا يە بولۋ ءۇشىن قۇلشىنىس جاسادى. ول بۇكىل قوعامدى وق شىعارۋ سياقتى زورلىقتى كۇش ارەكەتتەرىنەن ساقتانۋعا قاراي قۇلشىنۋعا ۇندەدى.

رەسەيدىڭ قازىنا مينيسترى رۋاننوۆ 15-اقپان: رەسەي 2015-جىلدان بۇرىن ەكونوميكالىق سەلبەستىك جانە دامۋ ۇيىمىنا كىرۋگە قۇلشىنادى،-دەدى.

ۆەنەسۋەلا ۇكىمەتى 15-اقپان چاۆەزدىڭ كۋبادا ەمدەلىپ جاتقان كەزىندەگى 4 پارشا سۋرەتىن جاريالادى، بۇل چاۆەزدىڭ وتكەن جىلى جەلتوقساندا كۋبادا وپەراتسيا جاساتقاننان بەرى ۇكىمەت جاقتىڭ چاۆەزدىڭ سۋرەتىن تۇڭعىش رەت جاريالاۋى. سۋرەتتە چاۆەز ەكى قىزىمەن بىرگە اۋرۋ توسەگىندە كۋبانىڭ «گرانما گازەتىن» كۇلىمسىرەپ وقىپ جاتقان بەينەسى كورسەتىلگەن. سۋرەتتە چاۆەز كۋباعا بارۋدان بۇرىنعى بەينەسىنەن ارىقتاپ قالعانداي كورىنگەنىمەن، الايدا رۋحى جانە كوڭىل كۇيى وتە جاقسى ەكەن.

رەسەي ىشكى ىستەر مينيسترلىگىنىڭ اقپارات ورتالىعى 15-اقپان تۇندە، ەڭ جاڭا مالىمەتكە نەگىزدەلگەندە، موسكۆا ۋاقىتى بويىنشا 15-اقپان تاڭەرتەڭ چەليابينسك وبلىسىندا مەتەوريتتىڭ ءتۇسۋى سەبەبىنەن ءبىر مىڭ 200 ادام جارالانعاندىعىن، ولاردىڭ نەگىزىنەن ەتى اۋىرسىنۋ، سىنىق سياقتىلارمەن جاراقاتتانعاندىعىن جاريالادى.

فيليپپيننىڭ استاناسى مانيلا 16-اقپان قيمىل وتكىزىپ، 1945-جىلى مانيلا سوعىسىندا جاپونيا ارمياسىنىڭ قىرعىنداۋىنا ۇشىراعان جەرگىلىكتى ورىنداعى 100 مىڭ جاي حالىققا ازا ءبىلدىردى، جەرگىلىكتى ورىنداعى سوعىستان امان قالعاندار ۇيىمداسىپ جاپونيا ۇكىمەتىنەن سول كەزدەگى جاپونيا ارمياسىنىڭ زورلىقتى كۇش قيمىلىنان كەشىرىم سۇراۋدى تالاپ ەتتى.

شەتەل اقپارات قۇرالدارىنىڭ 15-اقپانداعى حابارىنا قاراعاندا، وتكەن جىلى كەلىسكەن سوعىس توقتاتۋ جونىندەگى ءبىر كەلىسىم بويىنشا، يزرايل مەن پالەستين ءىسلام قارسىلىق كورسەتۋ قوزعالىسى ۇيىمى حاماس گازا ءوڭىرىن قۇرساۋلاۋ ساياساتىن بوساڭسىتۋ جونىندە جانامالاي تىلدەسۋدى باستان-اياق جالعاستىرىپ كەلگەن.

جاپونيا كيودو اگەنتتىگىنىڭ حابارىنا قاراعاندا، جاپونيانىڭ باس ءۋازىرى شينزو ابە 15-اقپاندا ەركىن دەموكراتتار پارتياسىنىڭ نەگىزگى زاڭعا وزگەرىس ەنگىزۋدى جەبەۋ جونىندەگى باس شتاپتاعى ماجىلىسىنە قاتىناسقاندا قورعانۋ اترەتىن «مەملەكەت قورعانىس ارمياسىنا» وزگەرتۋ تىلەگىن بىلدىرگەن. ول الدىمەن نەگىزگى زاڭىنىڭ 96-تارماعىنا وزگەرىس ەنگىزىپ، ۇسىنىس قويۋدىڭ شارتىن بوساڭسىتۋ ويىن تاعى ءبىر رەت بىلدىرگەن. باس ءۋازىردىڭ كومەكشىسى جانە ماجىلىسكە قاتىناسقاندار ماجىلىستەن كەيىن وسى حاباردى جاريالاعان.

رەسەي اقپارات قۇرالدارىنىڭ 16-اقپانداعى حابارىنا قاراعاندا، رەسەيدەگى مەتەوريتتىڭ ءتۇسۋ ۋاقيعاسىنان ءبىر ميلليارد رۋبلي ەكونوميكالىق زايان تۋىلعان. قازىر جارالانعاندار ەمدەلۋدە جانە قۇرىلستاردى قالپىنا كەلتىرۋ قىزمەتى ورىستەتىلۋدە. رەسەيدىڭ چەليابينسك وبلىسىندا 15-اقپان تاڭەرتەڭ مەتەوريتتىڭ ءتۇسۋ ۋاقيعاسى تۋىلعان. وسى ۋاقيعادان چەليابينسك وبلىسىندا 3 مىڭعا جۋىق قۇرىلىس زياندالىپ، مۇندا 300 دەن استام مەكتەپ پەن بالالار باقشاسى قامتىلعان، وسى وقۋ-اعارتۋ ورگاندارى قازىر ساباق توقتاتقان.

كانادا بايىرعى تۇرعىندار ىستەرى جانە سولتۇستىك جاقتى اشۋ مينيسترلىگىنىڭ مينيسترى جون دۋنكان 15-اقپاندا مىندەتىنەن بوساعاندىعىن جاريالادى، سەبەبى ول ءوزىن «باسقالار ءۇشىن سوت مەكەمەسىن ناسيحاتتاعان ورىنسىز ارەكەتپەن شۇعىلداندىم» دەپ قاراعان.

شۆەتساريا فەدەراتسيالىق تەمىر جول مەكەمەسىنىڭ مالىمدەمەشىسى: 16-اقپان تاڭ سارىدە سولتۇستىك بولەكتەگى قالا تسيوريحتىڭ ماڭىندا پويەزدىڭ رەلىستەن شىعىپ كەتۋ ۋاقيعاسى تۋىلدى، باقىتقا ءجاراي ءولىم-ءجىتىم بولمادى،-دەدى.

Editor :  molder    2013-02-17 12:57:28