سيريا داعدارىسىنىڭ تىڭ بەتالىسى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

تاياۋدا، ەكى جىلعا جۋىق ۋاقىت جالعاسقان سيريا داعدارىسىندا تىڭ بەتالىس بايقالدى: سيرياداعى باستى قارسى توپ-«سيريا توڭكەرىستىك كۇش جانە قارسى توپ مەملەكەتتىك بىرىككەن وداعىنىڭ» ءتوراعاسى موۋاز ءال-حاتيب يراننىڭ سىرتقى ىستەر مينيسترى ساليحيمەن ميۋنحەندە كەڭەسكەندە، سيريا ۇكىمەتىمەن كەلىسسوز وتكىزۋگە قوسىلاتىندىعىن ايتقان. سيرياداعى قارسى توپتىڭ كەلىسسوز ماسەلەسى جونىندەگى مايدانىنىڭ وزگەرۋى سيريا داعدارىسىن ساياسي جولمەن شەشۋگە ءۇمىت بايقاتتى.

سيرياداعى قارسى توپتىڭ مايدانىنىڭ كۇرت وزگەرەتىندىگى ايدان انىق ەدى. وسىدان بۇرىن، سيرياداعى قارسى توپ باستان-اقىر سيريانىڭ زۇڭتۇڭى باشاردى تاقتان ءتۇسىرۋدى داعدارىستى شەشۋدىڭ العى شارتى ەتىپ كەلگەن بولاتىن، سيريا ۇكىمەتى مەن قارسى توپتىڭ مايدانى بۇتىندەي قاراما-قارسى بولعاندىقتان، ساياسي جولمەن شەشۋ جوباسى تۇيىققا تىرەلىپ كەلگەن. وسى رەتكى قارسى توپتىڭ سيريا ۇكىمەتىمەن كەلىسسوز وتكىزۋ مايدانىندا يكەمدى دە ەلپەك بەينە بايقاتۋى وبيەكتيۆ بولمىسقا قاراتا ۇستامدىلىقپەن قايتا ورالۋ رەتىندە قارالدى.

سيرياداعى سوعىس 60مىڭعا جۋىق ادامنىڭ جانىن جالماپ، جۇز مىڭداعان ادامدى اتا مەكەنىنەن ايىردى. ءبىر جاعىنان، سيرياداعى سوعىس مايدانىندا، قارسى توپتىڭ ەركىن ارمياسى ۇكىمەت ارمياسىمەن تىرەسىپ ەش ابزالدىلىققا يە بولا المادى؛ ەندى ءبىر جاعىنان، حالىقارالىق قوعامنىڭ سيريا داعدارىسىن ساياسي جولمەن شەشۋدەگى قۇلشىنىسى باستان-اقىر بوساڭسىعان جوق. جاعدايدىڭ دامۋىنا ىلەسە، سيرياداعى قارسى توپ پەن ۇكىمەت اراسىنداعى كۇش سالىسترماسىنىڭ تارازىسى بىرتە-بىرتە ۇكىمەتكە قاراي باسىلدى، بۇل دا ماسەلەنى ساياسي جولمەن شەشۋگە قايتا ورالتۋ ءۇشىن شارت-جاعداي جانە مۇمكىندىك ازىرلەدى.

وسىنداي بولعان كۇندە دە، حالىقارالىق قوعامنىڭ بۇعان ارتىق ۇمىتپەن قاراۋىنا كەلمەيدى، سيريا ۇكىمەتى مەن قارسى توپتىڭ كەلىسسوز وتكىزۋدەگى قوياتىن شارتىنا قاراعاندا الاۋىزدىق ءالى دە از ەمەس كورىنەدى.

سيرياداعى قارسى توپ جونىنەن العاندا، قارسى توپتىڭ باسىم كوبى قازىرگە دەيىن ءبىركەلكى مايداندا تۇرا المايدى. «مەملەكەتتىك بىرىككەن وداقتىڭ» ىشىندە دە، كەيبىرەۋلەر حاتيبتىڭ ورتاعا قويعان كەلىسسوز وتكىزۋ قۋاتتاماسىنا رازى ەمەس. بۇدان تىس، حاتيب كەلىسسوز وتكىزۋ قۋاتتاماسىن ورتاعا قويعانىمەن، ءبىراق ونىڭ قوسىمشا شارتتارىن ۇكىمەت جاقتىڭ تۇگەلدەي قابىلداي قويۋى ەكىتالاي. مىسالى، قارسى توپ ۇكىمەت قاماققا العان 160مىڭ ادامدا تۇگەلدەي بوساتۋدى تالاپ ەتتى، ءبىراق ۇكىمەت بۇل سان وتە شەكتەن اسىپ كەتتى دەپ قاراۋدا. بۇدان تىس، كەلىسسوز ورنى جونىندە، قارسى توپ پەن ۇكىمەت ۇقساماعان پىكىر ايتۋدا، قارسى توپ كەلىسسوزدى سيريادان باسقا جەردە وتكىزۋدى ورتاعا قويسا، ال ۇكىمەت سيريادا وتكىزۋدى دارىپتەپ وتىر.

ۇكىمەت جونىنەن العاندا، جۇڭگوعا ساپارلاي كەلگەن سيريانىڭ ورىنباسار سىرتقى ىستەر مينيسترى ماگدات 7-اقپان كۇنى ۇكىمەت جاقتىڭ كەلىسسوز وتكىزۋ جونىندە ورتاعا قويعان تومەندەگى 3 شارتىن ايتتى؛ ەڭ الدىمەن «قارۋىن تاستاعان ءارقانداي ادامنىڭ كەلىسسوز وتكىزۋىن قارسى الامىز»؛ ودان قالسا، «كەلىسسوز سيريادا وتكىزىلەدى»؛ ۇشىنشىدەن، «كەلىسسوز بارلىق قارسى توپپەن وتكىزىلەدى». وسى شارتتاردىڭ ىشىندەگى ءبىرىنشى شارتتى قارسى توپتىڭ قابىلداۋى قيىن بولۋى مۇمكىن. بۇدان تىس، ەكى جاق كەلىسسوز وتكىزگەن كۇندە دە، جاعداي ءسوزسىز باشاردى تاقتان ءتۇسىرۋ ماسەلەسىنە بارىپ سايادى، ۇكىمەت جاق جىبەرگەن ۋاكىل كەلىسسوز بارىسىندا وسى ماسەلە جونىندە جول بەرەمە جوق، بۇل دا بەلگىسىز.

سيريا جاعدايى قازىر شەشۋشى كەزەڭدە تۇر، سيريا داعدارىسىن كەلىسسوز ارقىلى شەشۋ شىنايى دا دۇرىس تالعام، ساياسي جولمەن شەشۋ اياق الىسىن ەرەتەرەك ىلگەرىلەتۋ كەزەكتەگى كوكەيتەستى مىندەت. قازىرگى كەزەڭدە، سيريا ۇكىمەتى مەن باستى قارسى توپ ۇيىمى ريالدىقتى اناعۇرلىم ايقىن تانىپ، ەكى جاق مۇددەسىنىڭ سايكەستى ءتۇيىنىن بەلسەنە قاراستىرىپ، ءارقانداي ورايدى قولدان جىبەرمەۋى كەرەك.

Editor :  molder    2013-02-19 10:17:20