18-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

اۋىل شارۋاشىلىق مينيسترلىگى 17-اقپان مەملەكەت بويىنشا كوكتەمگى اتىز باپتاپ-باسقارۋ جانە كوكتەمگى ەگىس دايىندىعى قىزمەتى جونىندە بەينە ەكىران ءماجىلىسىن اشىپ بىلاي دەپ اتاپ كورسەتتى: كوكتەمگى ەگىس كەزىندە استىق داقىلىنىڭ كولەمىن 920 ميلليون مۋدىڭ، تۇتاس جىلداعى استىق ەگىلگەن جەر كولەمىن ءبىر ميلليارد 669 ميلليون مۋدىڭ ۇستىندە ورنىقتىرۋ؛ «4 قوسىمشا قاراجات»، اۋىل شاۋاشىلىعىنداعى اپاتتان ساقتانىپ، اپات زيانىن ازايتىپ، ءونىمدى ورنىقتى ارتتىرۋدىڭ ماڭىزدى تەحنيكالىق قوسىمشا قاراجاتى سياقتى ساياساتتاردى تياناقتاندىرۋ تەبىنىن شىنايى مىقتى يگەرۋ؛ كوكتەمگى ەگىس جۇمىسىنا عىلىم-تەحنيكا جاعىندا قىزمەت وتەۋدى كۇش سالا ورىستەتىپ، استىقتىڭ ءونىمىن ارتتىرۋ ۇلگىسىنەن قامال الىپ، ءونىمدى ارتتىرۋ كومەسكى كۇشىن اناعۇرلىم اشىپ، جازدىق استىقتان مول ءونىم الۋ كۇش سالۋ كەرەك.

17-اقپان قاتىناس-تاسىمال مينيسترلىگىنەن ۇعىسۋعا قاراعاندا، بيىل شاعانداعى ۇزاق دەمالىستا، مەملەكەت بويىنشا تاس جولداردا 7 ادام وتىراتىن جانە ودان از ادام وتىراتىن شاعىن جولاۋشى اۆتوموبيلدەردەن الىنباعان قاتىناۋ اقىسى 3 ميلليارد 932 ميلليون يۋان بولعان، مۇنىڭ ىشىندە، جوعارى قارقىندى تاس جولدارداعى الىنباعان قاتىناۋ اقىسى 3 ميلليارد 813 ميلليون يۋان بولعان.

ورتانى قورعاۋ مينيسترلىگىنىڭ قاتىسى جاۋاپتىسى 17-اقپان، 9-اقپاننان 15-اقپانعا دەيىن، وت جۇلدىز، تورسىلداق اتۋدىڭ اسەرىندە، ەلىمىزدىڭ ءىشىنارا قالالارىنىڭ اۋا ساپاسى ناشارلاعاندىعىن حابارلاندىردى. جاڭا «ورتانىڭ اۋا ساپا ولشەمى» بويىنشا، 74 قالانىڭ شاعان كەزىندەگى اۋا ساپاسىنىڭ ورتا ەسەپپەن ولشەمگە جەتكەن كۇن سانى سالىستىرماسى %54.7، ولشەمنەن اسقان كۇن سانى سالىستىرماسى %45.3 بولعان، مۇنىڭ ىشىندە، اۋا ساپاسىنىڭ جەڭىل لاستانۋسىنا جاتاتىنى %23.1 ىن، ورتاشا لاستانۋىنا جاتاتىنى %10.5 ىن، اۋىر لاستانۋىنا جاتاتىنى %8.8 ىن، ەرەكشە اۋىر لاستانۋىنا جاتاتىنى %2.9 ىن يەلەگەن.

شي-ءان قالاسى ۋيياڭ رايونىنىڭ ۇكىمەت ءىسىن ءبىتىرۋ زالىندا شاعاننان كەيىنگى ءبىرىنشى كۇنى تەڭ جارىمنان ارتىق قىزمەتكەردىڭ قىزمەت ورنىندا بولماۋ جايتىنە قاراتا، 17-اقپان اشىلعان شي-ءان قالالىق ءتارتىپ تەكسەرۋ كوميتەتىنىڭ 3-جالپى ماجىلىسىندە، شانشي ولكەلىك پارتكومنىڭ تۇراقتى مۇشەسى، شي-ءان قالالىق پارتكومنىڭ شۋجيى ۋي مينجۋ قازىرگى كادىرلار قوسىنىندا ساقتالعان جالعاۋلىق، بويكۇيەزدىك ماسەلەسىن قاتاڭ سىندادى. ىلە-شالا، قاتىستى قالا دارەجەلى باسشىلاردى جيناپ، 4 شارانى زەرتتەپ بەلگىلەپ، قىزمەت ستىلىن شىنايى كۇشەيتتى جانە جاقسارتتى. 17-اقپان تۇستەن كەيىننەن باستاپ، قالالىق پارتكومنىڭ ءار قايسى تۇراقتى مۇشەلەرى ۇيىرمەنى باستاپ، ءار دارەجەلى ورىندارعا، ءار قايسى تاراۋلارعا الدىن الا ايتپاي بارىپ، ورگان قىزمەتكەرلەرىنىڭ جۇمىس ورنىنا شىعۋ جاعدايى مەن قىزمەت ءتارتىبىن تەكسەردى؛ شي-ءان قالاسىنىڭ اقپارات قۇرالدارى ءار قايسى رايون، اۋدان، اشۋ رايوندارىنا جاسىرىن تىلشىلىك ىستەدى؛ قالالىق ءتارتىپ تەكسەرۋ كوميتەتى اقپارات قۇرالدارى اڭىس ەتكەن ماسەلەلەردى باس بولىپ تەكسەردى. شي-ءان قالالىق پارتكومنىڭ تۇراقتى مۇشەلەرى ۇيىرمەلەردى جەكە-جەكە باستاپ، 13 رايون، اۋدان، 8 اشۋ رايونىنا بارىپ، جۇمىس ورنىنا شىعۋ جاعدايىن جاسىرىن تەكسەردى. قالاعا قاراستى اقپارات قۇرالدارى دا 21 گرۋپپا ۇيىمداستىرىپ، جاسىرىن تىلشىلىك ىستەدى.

قاتاڭ مەديتسينالىق باقىلاۋ ارقىلى گۇيجۋ 17-اقپان 110 ادامدى مەدەتسينالىق باقىلاۋدى كۇشىنەن قالدىردى، ولار تۇگەلەي تاياۋدا اۋرۋ قوزدىرعىشتىعى كۇشتى قۇس تۇماۋىمەن جۇعىمدالعان ەكى ناۋقاسپەن قارىم-قاتىناسى قويۋ ادامدار. قاتىستى تاراۋلار تىڭنان ارتقان ىندەت جاعدايى جونىندەگى مالىمەتتى العان جوق، ولكە بويىنشا ىندەتتىڭ الدىن الۋ جانە تىزگىندەۋ، ءبىر ءجايلى ەتۋ قىزمەتى ءتارتىپتى ورىستەتىلدى. گۇيجۋ ولكەلىك حالىق ۇكىمەتىنىڭ شۇعىل جاعدايدى باسقارۋ كەڭسەسىنىڭ ايتۋىنا قاراعاندا، 10-اقپاندا گۇيياڭ قالاسىندا ەكى ناۋقاۋستىڭ قۇس تۇماۋىمەن جۇعىمدالعاندىعى تۇراقتانعاننان كەيىن، جەرگىلىكتى ۇكىمەت جانە قاتىستى تاراۋلار وسى ەكى ناۋقاسپەن قويۋ قارىم-قاتىناسى بار ادامداردى جاپپاي ءبىر-بىرلەپ تەكسەرگەن، ءارى ءبىر-بىرلەپ تەكسەرىپ شىققان ەكى ناۋقاسپەن قويۋ قارىم-قاتىناسى بار 110 ادامدى مەدەتسينالىق باقىلاۋعا العاندا، قىزۋ سياقتى قالىپسىز كلينيكالىق بەلگى بايقالماعان.

جۇڭگو التىن قوعامىنىڭ بەيجيڭدە جاريالاعان ساندى مالىمەتىنە قاراعاندا، 2012-جىلى مەملەكەت بويىنشا التىننىڭ تۇتىنۋ مولشەرى 832.18 توننا بولىپ،الدىڭعى جىلدىڭ وسى مەزگىلدەگىدەن %9.35 ارتقان. جۇڭگو التىن قوعامى جاريالاعان مالىمەتكە قاراعاندا، 2002-جىلى جۇڭگودا التىننىڭ تۇتىنۋ مولشەرى نە ءبارى 206.7 توننا عانا بولاتىن، 2008-جىلى 425.7 تونناعا ارتقان. 2011-جىلى التىننىڭ تۇتىنۋ مولشەرى 761.05 توننا بولىپ، الدىنداعى جىلداعىدان 190 تونناعا تاياۋ ارتىپ، ارتۋ مولشەرى %33 كە جەتكەن. شاعان كەزىندە، حالىقارادا التىننىڭ باعاسى تومەندەسە دە، تۇتىنۋشىلاردىڭ التىن ساتىپ الۋ قىزعىندىلىعىن توسا المادى. جۇڭگو التىن قوعامى، «حالىق ءۇشىن التىن ساقتاۋ» تانىمىن بارعان سايىن كوپ ادام قابىلداي جانە مويىنداي باستاعاندىعىن ايتتى.

مەملەكەتتىك 11-كەزەكتى حالىق قۇرىلتايى تۇراقتى كوميتەتىنىڭ 96-رەتكى ءماجىلىسى 18-اقپان تۇستەن بۇرىن بەيجيڭ حالىق سارايىندا اشىلدى. ماجىلىستە، مەملەكەتتىك 11-كەزەكتى حالىق قۇرىلتايى تۇراقتى كوميتەتى 31-ءماجىلىسىنىڭ 25-اقپاننان 27-اقپانعا دەيىن اشىلاتىندىعى ۇيعارىلدى. ءماجىلىستى مەملەكەتتىك حالىق قۇرىلتايى تۇراقتى كوميتەتىنىڭ باستىعى ۋ باڭگو باسقاردى.

مەملەكەتتىك تەڭىز ىستەرى مەكەمەسى توراپ بەكەتىنىڭ جاريالاعان حابارىنا قاراعاندا،18-اقپان ساعات 8 مولشەرىندە، جۇڭگونىڭ تەڭىز ارەكەتىن باقىلايتىن 50-، 46-، 66-كەمە قۇرامالارى جۇڭگونىڭ دياۋيۇي ارالى تەڭىز ايدىنىندا شارلاۋ جۇرگىزگەن.

تاياۋدا، مەملەكەتتىك ورماندى ورتتەن ساقتاۋ قولباسشىلىق ورنى كەڭسەسى فۋجيان، جياڭشي، حۋنان، گۋاڭدۇڭ، گۋاڭشي، سىچۋان، گۇيجۋ، يۇننان سياقتى 8 ولكە، رايونعا اۋىر ورمان ءورتى حاتەرىنەن ساقتانۋ سارى ءتۇستى ەسكەرتۋىن بەرىپ، ورتتەن ساقتانۋعا باسا نازار اۋدارىپ، ءورت ءوشىرۋ جانە ورتتەن ساقتانۋدىڭ دايىندىقتارىن ويداعىداي ىستەۋدى تالاپ ەتتى.

مەملەكەتتىك ازىق-تۇلىك ءدارى-دارمەك باقىلاۋ-باسقارۋ مەكەمەسىنەن ۇعىسۋعا قاراعاندا، تولىقسىز ساناق بويىنشا، 2012-جىلى، مەملەكەتتىك ازىق-تۇلىك ءدارى-دارمەك باقىلاۋ-باسقارۋ مەكەمەسى ۇيىماستىرىپ ورىستەتكەن اس-سۋ قىزمەت وتەۋىندەگى ازىق-تۇلىك حاۋىپسىزدىگى حاتەرىن ءبىر-بىرلەپ تەكسەرۋ ناتيجەسىنە قاراعاندا، اس-سۋ قىزمەت وتەۋ ورىندارىن جيىنى 600 مىڭ رەت ءبىر-بىرلەپ تەكسەرىپ، 40 مىڭىن رەتتەپ وزگەرتۋگە بۇيىرىپ، 10 مىڭ كيلوگرام ازىق-تۇلىكتى تەكسەرىپ پەشەتتەپ جانە ۇستاپ قالىپ، 5 ميلليون 820 مىڭ يۋان ايىپ سالعان جانە ءمۇسادىرالاعان، كۋالىكسىز 6 مىڭ 125 ورىندى كۇشىنەن قالدىرىپ، جەتەۋىن قوعام حاۋىپسىزدىگى ورگاندارىنا تاپسىرىپ، اس-سۋ قىزمەت وتەۋىندەگى ازىق-تۇلىك حاۋىپسىزدىگى شىرعالاڭىنىڭ تۋىلۋىنان ءونىمدى ساقتانعان.

مەملەكەتتىك دامۋ-رەفورما كوميتەتىنىڭ قاتىستى جاۋاپتىسى 18-اقپان، ورتانى قورعاپ، جاراقسىز زاتتى كادەگە جاراتىپ، بايلىقتى جان-جاقتىلى پايدالانۋ مولشەرىن اناعۇرلىم جوعارىلاتۋ ءۇشىن جاڭادان وزگەرىس ەنگىزىلگەن « كوكىستى جان-جاقتىلى پايدالانۋدى باسقارۋ ادىسىندە» ءبىر سىپىرا شابىتتاندىرۋ جانە قولداۋ ساياساتى ايقىن تۇراقتاندىرىلعاندىعىن، بۇل ءادىستىڭ 1-ناۋرىزدا اتقارىلاتىندىعىن ايتتى.

بەيجيڭ دامۋ-رەفورما كوميتەتىنەن ۇعىسۋعا قاراعاندا، بيىل بەيجيڭ قالاسى 227 ميلليارد يۋان قارجى شىعارىپ، 240 ءتۇيىندى ينجەنەريا قۇرىلىسىن ىلگەرلەتىپ، قارجىنى قالا ماڭى رايونى مەن ەكونوميكا قۋاتى ءالسىز رايوندارعا بەيىمدەۋدى جوسپارلاعان. ۇعىسۋعا قاراعاندا، بەيجيڭنىڭ بيىلعى 227 ميلليارد يۋان قارجى شىعارۋ جوسپارى وسى مەزگىلدەگىدەن %27 ارتقان. مۇنىڭ ىشىندە، قۇرىلىسى تىڭنان باستالعان نىسان 137، جالعاستى سالىنعان نىسان 103، بيىل 54 نىساننىڭ قۇرىلسىن بىتىرۋگە كۇش سالادى ەكەن.

كەدەيلەردى سۇيەمەلدەۋ ءىسىن دامىتۋ قىزمەتىندە ورىن تەپكەن ءىشىنارا قيىنشىلىقتار مەن ماسەلەلەرگە قاراتا، گۇيجۋ ولكەسى ۇلگىگە جاڭالىق جاراتىپ، كەدەيلەردى سۇيەمەلدەۋ قىزمەتىنەن قامال الۋمەن بىرگە، كەدەيلەردى سۇيەمەلدەۋ جاعىندا زاڭ شىعارۋدى ارناعا ءتۇسىردى، ءارى «گۇيجۋ ولكەسىنىڭ كەدەيلەردى سۇيەمەلدەۋ ءىسىن دامىتۋ ەرەجەسى» 2013-جىلى 1-ناۋىرىزدان باستاپ اتقارىلاتىن بولدى. ۇعىسۋعا قاراعاندا، گۇيجۋ ولكەسى قازىر مەملەكەت بويىنشا اۋىل-قىستاقتاردىڭ كەدەيلەسۋ كولەمى ەڭ زور، كەدەي حالىق سانى ەڭ كوپ، كەدەيلىك دارەجەسى ەڭ جوعارى ولكە بولىپ، كەدەيلەردى سۇيەمەلدەۋدەن قامال الۋ مىندەتى توتەنشە اۋىر ەكەن. الداعى 5 جىل گۇيجۋدىڭ پارتيا 18-قۇرىلتايىنىڭ رۋحىن جاپپاي دايەكتى تياناقتاندىرىپ، مەملەكەت بويىنشا كەدەيلەردى سۇيەمەلدەۋ ءىسىن دامىتۋدان قامال الۋ ۇلگى رايونىن قۇرۋدى جەدەلدەتۋدەگى ماڭىزدى كەزەڭى بولماق.

مەكتەپكە ءتۇسۋ الدىنداعى تاربيەدەگى «بالالار باقشاسىنا كىرۋ قيىن بولۋ» ماسەلەسىنىڭ نەداۋىر كورنەكتى بولۋ جاعدايىنا قاراتا، گۇيجۋ ولكەسى مەكتەپكە ءتۇسۋ الدىنداعى تاربيە ءىسىن دامىتۋ تەبىنىن ۇزدىكسىز كۇشەيتىپ، بيىل اۋىل، ءمالى باسقارماسىنىڭ ۇكىمەت قۇرعان بالالار باقشاسىنان 300 ىن جاڭادان جانە كەڭەيتىپ سالىپ، 5 مىڭ ارناۋلى بالالار تاربيەشىسىن تولىقتاپ، 350 مىڭنان ارتىق ادام قابىلدايتىن بولعان.

Editor :  molder    2013-02-19 10:50:55