19-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

مەملەكەتتىك كەڭەستىڭ زۇڭليى ۋىن جياباۋ بۇگىن مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، وپتيكالىق ۆولت كاسىبىنىڭ اقاۋسىز دامۋىن جەبەيتىن ساياسات-شارالاردى زەرتتەپ بەلگىلەدى. ماجىلىستە بىلاي دەپ قارالدى: سوڭعى جىلدارى ەلىمىزدىڭ وپتيكالىق ۆولت كاسىبى جەدەل دامىپ، نەداۋىر كەمەلدەنگەن جاساۋ كاسىبى جۇيەسىن قالىپتاستىردى. ءونىم قۋاتىنىڭ اسىپ قالۋ ءجايىتى اۋىر، بازاردا سىرتقى قاجەتكە وتە يەك سۇيەۋ، كاسىپورىنداردا جاپپاي تيجارات قيىنشىلىعى ءومىر ءسۇرۋ ــ كەزەكتەگى باستى ماسەلە بولىپ وتىر. ماجىلىستە تومەندەگىدەي ساياسات-شارالار تۇراقتاندىرىلدى: ءبىرىنشى، كاسىپ قۇرىلىمىن رەتتەۋ جانە تەحنيكا العا باسارلىعىن جەدەلدەتۋ؛ ەكىنشى، كاسىپتى دامۋ ءتارتىبىن ارناعا ءتۇسىرۋ؛ ءۇشىنشى، ەل ىشىندەگى وپتيكالىق ۆولتتان پايدالانۋ بازارىن بەلسەنە اشۋ؛ ءتورتىنشى، قولداۋ ساياساتىن كەمەلدەندىرۋ؛ بەسىنشى، بازار مەحانيزمىنىڭ رولىن جان-جاقتىلى ساۋلەلەندىرىپ، ۇكىمەتتىڭ ارالاسۋىن ازايتىپ، جەرگىلىكتى ورىننىڭ قورعاۋىنا تيىم سالۋ. ماجىلىستە تاعى باسقا ىستەر زەرتتەلدى.

سىرتقى ىستەر مينيسترلىگىمىزدىڭ مالىمدەمەشىسى حۇڭ لەي 18-اقپان داعدىلى اشىلعان تىلشىلەردى قابىلداۋ ماجىلىسىنە، جۇڭگونىڭ قاتىستى جاقتاردى سابىر ساقتاپ، كورەي تۇبەگى جاعدايىن ۋشىقتىراتىن ارەكەتتى قولدانباۋعا ۇندەيتىندىگىن ايتتى. ءبىر ءتىلشىنىڭ: ريتەر اگەنتتىگىنىڭ حابارىنا قاراعاندا، سولتۇستىك كورەيا جۇڭگوعا سولتۇستىك كورەيانىڭ بيىل يادرو سىناعىن تاعى ءبىر دە ەكى رەت جاسايتىندىعىن، نەمەسە الىس ارالىقتى باسقارىلمالى بومبىنى تاعى دا اتاتىندىعىن حابارلاندىرعان، وسى راسپا، بۇعان جۇڭگو قالاي قارايدى؟ ــ دەگەن سۇراۋىنا، حۇڭ لەي بىلاي دەپ جاۋاپ بەردى: ريتەر اگەنتتىگىنىڭ بۇل حابارىنىڭ قايدان كەلگەنىن بىلمەدىك. كورەي تۇبەگىنىڭ جانە شىعىس سولتۇستىك ازيانىڭ بەيبىتشىلىگى مەن ورنىقتىلىعىن قورعاۋ ءار قايسى جاقتىڭ ورتاق مۇددەسىنە ۇيلەسەدى، بۇل ءار قايسى جاقتىڭ ورتاق قۇلشىنۋىنا مۇحتاج. كەزەكتە كورەي تۇبەگىنىڭ جاعدايى سەزىمتال ءارى كۇردەلى بولىپ تۇر، جۇڭگو قاتىستى جاقتاردى سابىر ساقتاپ، كورەي تۇبەگى جاعدايىن ۋشىقتىراتىن ارەكەتتى قولدانباۋعا ۇندەيدى.

گۇيجۋ ولكەسى چياندۇڭنان وبىلىسى كايلي قالاسى لۇڭچاڭ قالاشىعىنىڭ يۇيتۇڭ قىستاعىنداعى سىرعىما 18-اقپان ساعات 21 گە دەيىن تولاسسىز ءتۇسىپ، ماڭىنداعى تۇرعىندار حاۋىپسىز وڭىرگە شۇعىل كوشىرىلدى، ءارى قۇتقارۋعا قيىندىق اكەلدى. سىرعىما تۇسكەن جەردە قۇتقارۋ قىزمەتىنە قولباسشىلىق ەتىپ جۇرگەن كايلي قالالىق پارتكومنىڭ شۋجيى حۋاڭ يۋانلياڭ بىلاي دەپ تانىستىردى: قازىر، سىرعىما تۇسكەن جەردە قامالعانداردى قۇتقارۋ شارتى ازىرلەنە قويعان جوق، گەولوگيالىق بارلاۋ ماماندارىنان ۇيىمداسقان شاعىن اتىرەت تاۋدىڭ جاعدايىن تەكسەرۋدە، قازىر 400 دەن ارتىق ادام قۇتقارۋ قىزمەتىنە قاتىناستى، قىزمەتكەرلەر تاۋ ماڭىنداعى تۇرعنداردى شۇعىل كوشىرۋدە. العاشقى تەكسەرۋگە قاراعاندا، 5 ادام كومىلىپ قالعان، ونىڭ ىشىندە ەكەۋى بالا ەكەن، ولار شاعاندا كومىر كەنىندە قالعان جۇمىسشىلار مەن ونىڭ وتباسىنداعىلار. 18-اقپان ساعات 11 مولشەرىندە، گۇيجۋ ولكەسى چياندۇڭنان وبىلىسى كايلي قالاسى لۇڭچاڭ قالاشىعىنىڭ يۇيتۇڭ قىستاعىندا سىرعىما تۇسكەن، سول جەردەگى قۇتقارۋ قىزمەتكەرلەرىنىڭ تانىستىرۋىنا قاراعاندا، سىرعىمانىڭ كولەمى 5 مىڭ شارشى مەتردەن اسادى ەكەن. سىرعىمانىڭ ءتۇسۋ سەبەبى تەكسەرىلۋدە.

18-اقپان شاڭحاي قالالىق ۇكىمەتتىڭ اقپارات كەڭسەسىنەن ۇعىسۋعا قاراعاندا، تولىمسىز وقۋشىلار كيىمىن وندىرگەن شاڭحاي وۋشيا كيىم-كەشەك شەكتى سەرىكتەستىگىنىڭ 21 مەكتەپكە جىبەرىلگەن 26 مىڭ 444 پار وقۋشىلار كيىمى پايدالانۋدان ۋاقىتشا توقتاتىلعان، ءارى تەكسەرۋگە اپارىلعان. شاڭحاي سونىمەن بىرگە تاعى وندىرۋگە رۋحسات ەتۋ ولشەمىن ايقىن تۇراقتاندىرۋ ارقىلى «قارا تىزىمدىككە ەنگىزۋ» ءتۇزىمىن ورناتۋ سياقتى ءتۇرلى شارالارمەن وقۋشىلار كيىمى ساپاسىن باقىلاپ باسقارۋدىڭ باياندى مەحانيزمىن ورناتادى ەكەن. «ماسەلە بار وقۋشىلار كيىمى» ىسىنە قاراتا، شاڭحاي قالاسى، مەملەكەت قىزمەتكەرلەرىندە، مەكتەپتىڭ وقىتۋشى-قىزمەتكەرلەرىندە بەلگىلەمەگە قايشىلىق جاساۋ ارەكەتى بايقالسا بولعانى قاتاڭ ءبىر ءجايلى ەتۋدى تالاپ ەتتى. بۇل ءىس ۇكىمەتتىڭ قاتىستى تاراۋلارىنىڭ ءىس جۇزىندىك قىزمەتتە باقىلاپ باسقارۋ قاتاڭ بولماۋ، مىندەتى ايقىن بولماۋ سياقتى ماسەلەلەردى، سونداي-اق تاراۋلار اراسىنداعى سايكەسۋ مەحانيزمىنىڭ كەمەلسىز بولۋى مەن باقىلاپ-باسقارۋداعى ولقىلىقتاردى ءپاش ەتتى.

Editor :  molder    2013-02-20 11:36:16