19-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

سيريا حالىقارالىق تەكسەرۋ كوميتەتى 18-اقپان جەنەۆادا بىرلەسكەن مەملەكەتتەر ۇيىمىنىڭ كىسىلىك ۇقىق القالار كەڭەسىنە ەڭ جاڭا مالىمەتىن تاپسىرىپ، ەكى جىلعا جالعاسقان سيرياداعى قارۋلى قاقتىعىستا، ۇكىمەت ارمياسى مەن ۇكىمەتكە قارسى قارۋلىلاردىڭ دا كىسىلىك ۇقىققا قول سۇعۋ ارەكەتى بار-، دەدى. مالىمەتتە، سيرياداعى قارۋلى قاقتىعىستى تۋدىرعان ەكى جاق تاعى بالالاردىڭ زاڭدى ۇقىعىنا قول سۇقتى، كوپتەگەن بالا سوعىس بىلىقپالىعىندا ءولدى، مەيىرىمىسىز جازالانىپ ازاپتاندى. ۇكىمەتكە قارسى قارۋلىلار تاعى 15 جاسقا ءالى كەلمەگەن، ازامات جاسىنا تولماعانداردى سوعىسقا قاتىناسۋعا قابىلدادى-دەدى. مالىمەتتە تاعى، سيرياداعى ۇكىمەتكە قارسى قارۋلىلاردا، شەتەل قارۋلىلارىنىڭ سانى بىرتىندەپ كوبەيدى-دەلىندى. تەكسەرۋ كوميتەتىنىڭ ءتوراعاسى پەنەلو، سيرياداعى قارۋلى قاقتىعىستى تۋدىرعان ەكى جاق زورلىقتى كۇش قاقتىعىسىن ساياسي جولمەن تەز ارادا اياقتاتۋى كەرەك،ءارى سوعىس قىلمىسى بارلاردى جازالاۋى قاجەت دەپ اتاپ كورسەتتى. بىرلەسكەن مەملەكەتتەر ۇيىمى كىسىلىك ۇقىق القالار كەڭەسىنىڭ ۇقىق بەرۋىمەن سيريا حالىقارالىق تەكسەرۋ كوميتەتى 2011-جىلى قىركۇيەكتە قۇرىلعان،بۇل كوميتەت سول جىلى ناۋرىزدان بەرگى سيرياداعى قاقتىعىستى تۋدىرعان ءارقايسى جاقتىڭ بارلىق كىسىلىك ۇقىققا قارسى ارەكەتىن تەكسەرۋدى ماقسات ەتكەن. تەكسەرۋ كوميتەتىنىڭ سيرياعا كىرىپ قىزمەت ىستەۋىنە رۇحسات ەتىلمەدى، سوندىقتان تەكسەرۋ كوميتەتى جۇمىستارىن نەگىزىنەن قاتىستى قىزمەتكەرلەردىڭ ساپارلاي بارۋى جولىمەن ورىستەتتى.

رەسەيدىڭ ليۆانداعى باس ەلشىسى الەكساندر 18-اقپان بەيرۋتتە، رەسەي سيريا داعدارىسىن ساياسي جولمەن شەشۋدە قوس ولشەم قولدانۋعا قارسى تۇرادى-دەدى. الەكساندر 18-اقپان ليۆاننىڭ وتانشىل پارتيا توبى وداعىنىڭ ۋاكىلدەر ۇيىرمەسىمەن كەڭەسكەندە، رەسەي، سيرياداعى ءارقايسى توپتىڭ سيريا داعدارىسىن تىلدەسۋ ارقىلى ساياسي جولمەن شەشۋى سيريانىڭ حاۋىپسىزدىگى مەن ورنىقتىلىعىن قالپىنا كەلتىرۋدەگى ۇيلەسىمدى جول، ول سيريا حالقىنىڭ زورلىقتى كۇش بولماعان جاعدايدا كوركەيۋ جانە العاباسۋ تىلەگىنە ۇيلەسەدى-دەپ قارايدى-دەدى.

بىرلەسكەن مەملەكەتتەر ۇيىمى كىسىلىك ۇقىق القالار كەڭەسىنىڭ جوعارى دارەجەلى قىزمەتكەرى پاللايدىڭ 11-اقپاندا بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسىنە تاپسىرعان مالىمەتىندە، ەكى جىلعا جۋىق ۋاقىتقا جالعاسقان سيرياداعى قاقتىعىستان شامامەن 70 مىڭ ادام ءولىپ، نەشە ءجۇز مىڭ ادام جارالانىپ، ءبىر ميلليون ادام باس-پاناسىز قالدى-دەدى.

پالەستين 18-اقپان، سيرياداعى پالەستين بوسقىندارىن سوعىستان امان الىپ قالۋ ءۇشىن، سيرياداعى ءارقايسى جاقپەن كەلىسىمگە كەلگەنىن جاريالادى. 2011-جىلدىڭ باسىندا سيريانىڭ ساياسي جاعدايىندا اۋمالى-توكپەلى جاعداي تۋىلعاننان بەرى، پالەستين سيرياداعى پالەستين بوسقىندارىنا قۇتقارۋ بۇيىمدارىن نەشە رەت جەتكىزگەن بولاتىن. تولىقسىز ساناققا قاراعاندا، سيريادا جيىنى 500 مىڭنان استام پالەستين بوسقىنى تۇرمىس كەشىرەدى ەكەن. سيرياداعى ىشكى سوعىستان كەيىن، كوپتەگەن پالەستيندىك بوسقىن سيريادان يوردانيا، ليۆان، ەگيپەت، تۇركيا سياقتى جەرلەرگە قاشىپ بارىپ جان ساۋعالادى.

اۋعانستاننىڭ زۇڭتۇڭى كارزاي 18-اقپان بۇيرىققا قول قويىپ، اۋعانستاننىڭ مەملەكەتتىك حاۋىپسىزدىككە جاۋاپتى اسكەري بولىمىنەن ناتونىڭ اۋە ارمياسىنان كومەك سۇراۋعا تيىم سالدى. بۇيرىقتا، اسكەري ءبولىم قيمىل بارىسىندا ءسوزسىز حالىق جۇرتشىلىعىنىڭ ۇقىعىنا قۇرمەت ەتىپ، جاي حالىقتىڭ جارالانۋىنان مۇمكىندىكتىڭ بارىنشا ساقتانۋى كەرەك-دەلىندى. اۋعانستاندا تۇراتىن ناتونىڭ بىرىككەن ارمياسى 12-اقپان كەشتە اۋعانستاننىڭ شىعىس بولەگىندەگى كونار ولكەسىنىڭ شەگاري وڭىرىنە اۋەدەن شابۋىل جاساعاندا 10 جاي بۇقارا قازا بولعان بولاتىن.

ماليعا كومەكتەسىپ ۇكىمەت ارمياسىن جاتتىقتىرۋ جانە رەتتەۋ ءۇشىن، ەۆروپا وداعى 18-اقپان ماليعا اسكەري جاتتىقتىرۋ تۋانىن رەسمي جىبەردى. ەۆروپا وداعىنىڭ جاريالاعان مالىمدەمەسىنە قاراعاندا،وسى تۋانىنىڭ الدىن الا جىبەرىلگەن گرۋپپاسى 12-اقپاندا ماليدىڭ استاناسى باماكوعا جەتكەن،ءارى الداعى بىرنەشە كۇندە قىزمەتىن رەسمي باستايدى، تۇتاس جاتتىقتىرۋ تۋانى ناۋرىزدىڭ سوڭىندا ورنالاسىپ بولادى ەكەن.

گەرمانيا اقپارات قۇرالدارىنىڭ 18-اقپانداعى حابارىنا قاراعاندا، گەرمانيا ۇكىمەتى ماليعا ەڭ كوپ بولعاندا 330 اسكەرىن جىبەرۋگە دايىندىق جاساعان، ولار جەكە-جەكە ەۆروپا وداعىنىڭ ماليداعى اسكەري جاتتىقتىرۋ تۋانىنا جانە ارتقى شەپ قىزمەتىن قولداۋعا قاتىناسادى ەكەن.

ەۆروپا وداعىنىڭ سىرتقى ىستەر مينيسترلەر ءماجىلىسى 18-اقپان قاۋلى شىعارىپ، سولتۇستىك كورەيا جۋىقتا 3-رەتكى يادرو سىناعىن جانە وتكەن جىلدىڭ سوڭىندا «وق جولىندىق باسقارىلمالى بومبى تاجىريبەسىن» جاساعاندىقتان، سولتۇستىك كورەيانى جازالاۋ تەبىنىن ارتتىراتىندىعىن ۇيعاردى.

اراب بىرىككەن امىرلىگى 18-اقپان، ابۋدابيدا وتكىزىلگەن حالىقارالىق قورعانىس ىستەرى كورمەسىندە، 1 ميلليارد 400 ميلليون ا ق ش دوللارىندىق قارۋ-جاراق ساتىپ الۋ توقتامىنا قول قويعانىن جاريالادى.

كۋبا حاۆانا ۋاقىتى بويىنشا 18-اقپان تاڭەرتەڭ، ۆەنەسۋەلانىڭ زۇڭتۇڭى چاۆەز 2 ايلىق ەمدەۋىن اياقتاتىپ، ناۋقاسى جاقسارىپ ەلىنە قايتتى. كۋبا توڭكەرسىنىڭ باسشىسى فيدەل كاسترو ارناۋلى حات جازىپ قۇتتىقتايتىندىعىن ءبىلدىردى. 58 جاسقا كەلگەن چاۆەزدىڭ 2011-جىلى راك اۋرۋىنا شالدىققاندىعى تەكسەرىپ انىقتالدى، ءارى وتكەن جىلى جەلتوقساندا كۋبادا 4-رەتكى وپەراتسياسىن جاساتتى.قازىر تاۋىرلەنىپ قالدى،الدا ۆەنەسۋەلانىڭ كاراگاس اسكەري شيپاحاناسىندا جالعاستى ەمدەلەدى.

Editor :  molder    2013-02-20 11:37:49