20-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

يران سىرتقى ىستەر مينيسترلىگىنىڭ مالىمدەمەشىسى راحىمانپالاست 19-اقپان، يراننىڭ يادرو ماسەلەسى جونىندەگى التى ەل يراننىڭ يادرو ۇقىعىن مويىنداعاندا عانا، تاراپتاردىڭ كەلەر اپتاداعى كەڭەسى تابىسقا جەتە الادى،-دەدى.

شەتەل اقپارات قۇرالدارىنىڭ 19-اقپانداعى حابارىنا قاراعاندا، ەۆروپا وداعىنىڭ سيرياعا قاراتقان قارۋ-جاراق ساتۋعا تيىم سالۋدى قامتىعان جازالاۋ شاراسىنىڭ ءونىمدى ۋاقىتى 3 اي ۇزارتىلعان. ەۆروپا وداعىنا مۇشە 27 ەلدىڭ سىرتقى ىستەر مينسيترلەرى 18-اقپان بەيرۋتتە ءماجىلىس اشىپ، وسى ايدا ۋاقىتى تولاتىن سيريانى جازالاۋ شاراسىنىڭ ءونىمدى ۋاقىتىن ۇزارتۋ ماسەلەسىن تالقىلاعان. ۇعىسۋعا قاراعاندا، سيريادا 2011-جىلى ناۋرىزدا تۋىلعان دۇربەلەڭ تەز ارادا ۇكىمەتكە قارسى توپ ۇيىمى مەن ۇكىمەت ارمياسىنىڭ قارۋلى قاقتىعىسىنا اينالعان. سيريا ۇكىمەتى، ەل ىشىندەگى ۇكىمەتكە قارسى كۇش شەتەلدىڭ قولداۋىنا يە بولدى-دەگەن. بىرلەسكەن مەملەكەتتەر ۇيىمى يەلەگەن ءارقايسى جاقتىڭ ساناعىنا قاراعاندا، قازىرگە دەيىن، سيريادا 70 مىڭ ادام قاقتىعىستان ولگەن.

شەتەل اقپارات قۇرالدارىنىڭ حابارىنا قاراعاندا، تۇركيانىڭ ساقشىلارى 19-اقپان تۇتاس ەل كولەمىندە ۇشقارى ۇيىم--توڭكەرستىك حالىق ازاتتىق پارتياسى شەبىندەگىلەرگە سوققى بەرۋ قيمىلىن ورىستەتكەن. وسى ۇيىمىنىڭ مۇشەسى وسى ايدىڭ باسىندا ا ق ش-تىڭ تۇركياداعى ەلشىحاناسىنىڭ سىرتىندا جانكەشپەلى قوپارىلىس ۋاقيعاسىن تۋدىرعان بولاتىن.

 حابارعا قاراعاندا، ساقشىلار 19-اقپان 167 ادامعا تۇتقىنداۋ بۇيرىعىن تۇسىرىپ، تۇركيانىڭ 28 قالاسىندا تۇتقىنداۋ قيمىلىن ورىستەتكەن. وسى رەتكى تۇتقىنداۋ حالىق ازاتتىق پارتياسى شەبىندەگىلەرگە سوققى بەرۋ قيمىلىنىڭ ءبىر بولەگى ەكەن.

 توڭكەرستىك حالىق ازاتتىق پارتياسى شەبى 1978-جىلى قۇرىلعان، ا ق ش-قا قارسى كوپ رەت قيمىل ورىستەتكەن، ا ق ش ونى لاڭكەستىك ۇيىم قاتارىنا ەنگىزگەن. 1-اقپاندا، وسى ۇيىمىنىڭ ءبىر مۇشەسى ا ق ش-تىڭ تۇركياداعى باس ەلشىحاناسىنىڭ سىرتىندا جانكەشپەلى قوپارىلىس ۋاقيعاسىن تۋدىرىپ، ونىڭ ءوزى مەن تۇركيانىڭ ءبىر حاۋىپسىزدىككە جاۋاپتى قىزمەتكەرى ءولىپ، تاعى نەشە ادام جارالانعان.

رەسەي مەملەكەت قورعانىس مينيسترلىگىنىڭ اقپارات مەكەمەسى 19-اقپان، بيىل قاڭتاردا جەر ورتا تەڭىز سۋ ايدىنىندا اسكەري جاتتىعۋ وتكىزگەن رەسەيدىڭ اسكەري كەمەسى وسى وڭىردە جالعاستى اسكەري مىندەت اتقاراتىندىعىن جاريالادى.

يەمەننىڭ حاۋىپسىزدىككە جاۋاپتى ءمانساپتىسى، اسكەري ىستەرگە پايدالاناتىن ءبىر تىك ۇشاردىڭ 19-اقپان يەمەننىڭ استاناسى سانا قالاسىنىڭ ورتالىعىنا قۇلاپ ءتۇسىپ، از دەگەندە 5 ادام ءولدى-دەدى.

رەسەيدىڭ سىرتقى ىستەر مينيسترى سەرگەي لاۆروۆ 19-اقپاندا، سيرياداعى قاقتىعىسقان ەكى جاقتىڭ تىلدەسۋ كەرەكتىگى قارسى توپ ۋاكىلدەرىنىڭ باستى كەڭەس تاقىرىبىنا اينالعاندىعىن، ال ولاردىڭ وسىنىڭ الدىندا عانا سيريانىڭ زۇڭتۇڭى باشار اسادتىڭ ەشقانداي شارتسىز مىندەتىنەن بوساۋىن ايتقاندىعىن اتاپ كورسەتە كەلىپ: ماڭىزدىسى ءبىز قازىر تىلدەسۋدىڭ باستى كەڭەس تاقىرىبنا اينالا باستاعاندىعىن سەزىندىك، مۇندا جاقىندا ءبىزدىڭ ۇكىمەت پەن قارسى توپتى وسى تەكتەس تىلدەسۋ وتكىزۋگە ۇندەگەنىمىزگە تويتارىس بەرگەندەر دە بولعان. ولار سول كەزدە، باشار اساد زۇڭتۇڭىنىڭ مىندەتىنەن بوساۋى وسى تەكتەس ءارقانداي تىلدەسۋدىڭ العى شارتى ەكەندىگىن ايتقان بولاتىن،-دەدى.

رەسەي حابار تورابىنىڭ كەشەگى حابارىنا قاراعاندا، رەسەيدىڭ شۇعىل جاعدايعا توتەپ بەرۋ مينيسترلىگى اقپارات مەكەمەسىنىڭ مالىمدەمەشىسى، رەسەيدىڭ شۇعىل جاعدايعا توتەپ بەرۋ مينيسترلىگىنىڭ ءبىر ايروپلانى سيريادان موسكۆاعا جەتكەندىگىن، 29 ايەل مەن 38 بالانى قامتىعان رەسەي مەن تاۋەلسىز مەملەكەتتەر دوستاستىعىنداعى ەلدەردىڭ ازاماتتارى وسى ايروپلانمەن قايتقاندىعىن ايتقان.

رەسەيدىڭ ورىنباسار سىرتقى ىستەر مينيسترى گەننەجي جاجيلوۆ 19-اقپاندا: رەسەي، جاقىندا يادرو سىناعىن جاساعان سولتۇستىك كورەياعا بىرلەسكەن مەملەكەتتەر ۇيىمى حاۋىپسىزدىك القالار كەڭەسى ارقىلى جاڭا جازالاۋ شاراسىن اتقارۋدى قولدايدى، ءبىراق مۇنىڭ سولتۇستىك كورەيامەن بولعان قالىپتى ەكونوميكا-ساۋدا سەلبەستىگىنە ىقپال جاساۋىنا قارسى تۇرادى،-دەگەن.

شەتەل اقپارات قۇرالدارىنىڭ حابارىنا قاراعاندا، كۋبا مەملەكەتتىك كەڭەسىنىڭ ءتوراعاسى راۋل كاسترو 19-اقپان تۇندە كۋباعا ساپارلاي بارعان ا ق ش پالامەنتىنىڭ ۋاكىلدەر ۇيىرمەسىندەگىلەرمەن كەزدەسكەن. بۇل ا ق ش-تىڭ زۇڭتۇڭى وباما زۇڭتۇڭ سايلاۋىندا جەڭىسكە جەتىپ جالعاستى مىندەتكە تاعايىندالعاننان كەيىن كۋباعا تۇڭعىش رەت ساپارلاي بارعان ا ق ش ۋاكىلدەر ۇيىرمەسى.

بىرلەسكەن مەملەكەتتەر ۇيىمى توراپ بەكەتىنىڭ حابارىنا قاراعاندا، بىرلەسكەن مەملەكەتتەر ۇيىمىنىڭ اۋعانستانداعى كومەك بەرۋ ۇيىرمەسى 19-اقپاندا جاريالاعان ەڭ جاڭا مالىمەتتە: 2012-جىلى اۋعانستاندا جارالانعان جانە ولگەن ءجاي بۇقارانىڭ سانى 6 جىلدان بەرى تۇڭعىش رەت ازايىپ، 2011-جىلداعىدان %12 تومەندەگەنىمەن، ءبىراق ۇكىمەتكە قارسى قارۋلىلاردىڭ ءجاي بۇقاراعا تۇتقيىل شابۋىل جاساۋ وقيعاسى مەن وسى بارىستا جارالانعان جانە ولگەن ادام سانى ءسال كوبەيدى،-دەلىنگەن.

Editor :  molder    2013-02-20 17:14:21