20-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

سىرتقى ىستەر مينيسترلىگىمىزدىڭ مالىمدەمەشىسى حۇڭ لەي 19-اقپان داعدىلى اشىلعان تىلشىلەردى قابىلداۋ ماجىلىسىندە، جۇڭگو كاسىپورنىنىڭ گۋادار پورتىنىڭ تيجارات ۇقىعىن وتكىزىپ الۋى جۇڭگو مەن پاكيستاننىڭ ەكونوميكا-ساۋدا سەلبەستىگىندەگى ساۋدا نىسانى، ەكى ەلدىڭ ءوزارا تيىمدىلىك جاساۋ دوستىق سەلبەستىگىنىڭ ءبىر بولەگى ەكەندىگىن ايتتى. ءبىر ءتىلشى: حابارعا قاراعاندا، 18-اقپاندا، پاكيستاننىڭ گۋادار پورتىنىڭ تيجارات ۇقىعىن جۇڭگو كاسىپورىندارىنا وتكىزىپ بەرۋ كەلىسىمى پاكيستاننىڭ زۇڭتۇڭ سارايىندا جاسالىپتى. ءبىر شولۋدا گۋادار پورتىنىڭ جۇڭگونىڭ ەنەرگيا حاۋىپسىزدىگىن، تەڭىز جولىن كەڭەيتۋدى جۇزەگە اسىرۋىنىڭ ماڭىزدى تىرەگى، سىراتەگيالىق ماڭىزى زور ەكەنى ايتىلعان، بۇعان جۇڭگو جاق قالاي قارايدى؟ ـ-دەپ سۇراعاندا، حۇڭ لەي بىلاي دەپ جاۋاپ بەردى: جۇڭگو مەن پاكيستان دوس كورشىلەس ەلدەر. ۇزاق ۋاقىتتان بەرى، جۇڭگو كاسىپورىندارى پاكيستاننىڭ ءار سالاسىنىڭ قۇرىلىسىنا قاتىناسىپ كەلەدى. جۇڭگو مەن پاكيستاننىڭ سەلبەستىگى ەكى ەل مەن ەكى ەل حالقىنىڭ مۇددەسىنە ۇيلەسىپ قالماستان، رايوننىڭ ورنىقتىلىعى مەن دامۋىنا دا پايدالى.

مەملەكەتتىك دامۋ-رەفورما كوميتەتىنىڭ ينفورماتسياسىنا قاراعاندا، بيىل مەملەكەت باتىس بولەكتى قاۋرىت اشۋعا قاتىستى 22 ءتۇيىندى ينجەنەريانى تىڭنان باستاپ، وعان 577 ميلليارد 800 ميلليون يۋان قارجى قوسىلاتىن بولعان، قۇرىلىسى باستالاتىن وسى 22 ءتۇيىندى ينجەنەريا مىنالار: چۇڭچيڭ-ۋانجۋ تەمىر جولى؛ دۇنحۋاڭ-گولمۋت تەمىر جولى؛ جاڭجياكۋ-حوححوت تەمىر جولى؛ يۇڭنيڭ-ءشي-ءان تەمىر جولىنىڭ شي-ءاننان حىفيعا دەيىنگى بولەگىنىڭ 2-لەنياسى؛ يۇنناننىڭ ماليۋۋان-شاۋتۇڭ تاس جولى؛ شانشيدىڭ حۋاڭليڭ-تۇڭچۋان تاس جولى؛ چيڭحايدىڭ چاكا-گولمۋت تاس جولىن كەڭەيتىپ سالۋ؛ شينجياڭنىڭ اقسۋ-قاشقار تاس جولى؛ ىشكى موڭعۇلدىڭ ۇلانحوت-زالانتۇن تاس جولى؛ مەملەكەتتىك تاس جولدىڭ 318-لەنياسىنداعى سىچۋان-شيزاڭ تاس جولىنىڭ شيزاڭ بولەگىن كەڭەيتىپ سالۋ قۇرىلىسى؛ ناننيڭ ۋيشۇي اۋەجايىنىڭ جاڭا ۇشۋ بەكەتى رايونى جانە قوسىمشا قۇرىلعى قۇرىلىسى؛ باتىس بولەك توتە لەنيالى اۋەجاي قۇرىلىسى؛ قۇمىل-جىڭجۋ 800 كيلوۆولتتىق ەرەكشە جوعارى كەرنەۋلى تۇراقتى توك ينجەنەرياسى؛ شيلودۋ وزەنىنىڭ سول جاق جاعاسىنان جىجياڭنىڭ باتىسىنا دەيىنگى 800 كيلوۆولتتىق ەرەكشە جوعارى كەرنەۋلى تۇراقتى توك ينجەنەرياسى؛ اۋىل-شارۋاشىلىق تورابىن جاقسارتىپ دارەجەسىن جوعارىلاتۋ؛ توك جەتكىزىلمەگەن رايونداردىڭ ەلەكتر ەنەرگيا قۇرىلىسى؛ گازدى باتىستان شىعىسقا جەتكىزۋ ينجەنەرياسىنىڭ 3-لەنياسى؛ جۇڭۋي-گۇيياڭ گاز جەتكىزۋ قۇبىر لەنياسى؛ گانسۋدىڭ جيۋچۋان 10 ميلليون كيلوۆات دارەجەلى جەل ەلەكتر بازاسىنىڭ 2-مەرزىمدىك ينجەنەرياسىنىڭ 1-توپتاعى 3 ميلليون كيلوۆاتتىق جەل ەلەكتر نىسانى؛ جينشاجياڭ وزەنىنىڭ ورتاڭعى اعارىنداعى گۋان-يىنيان، لۋديلا، لۇڭكايكۋ سۋ ەلەكتر ستانسياسى؛ سىچۋاننىڭ دۋجياڭيان وزەنى سۋارمالى رايونى پيحى وزەنىن سۋمەن قامداۋدىڭ 1-مەرزىمدىك ينجەنەرياسى؛ گۋاڭشيدىڭ فاڭچىڭگاڭ بولات-تەمىر بازاسى.

19-اقپان ساعات 10 نان 46 مينۇت وتكەندە يۇننان ولكەسى جاۋتۇڭ قالاسىنىڭ چياۋجيا اۋدانى مەن سىچۋان ولكەسى لياڭشان يزۋ اۆتونوميالى وبىلىسىنىڭ نيڭنان اۋدانىنىڭ شەكارالاسقان جەرىندە 4.9 بال جەر سىلكىندى، چياۋجيا اۋدانىندا سىلكىنىس اسەرى نەداۋىر كۇشتى بولدى.

شاندۇڭ ولكەلىك كومىر كەن حاۋىپسىزدىگىن باقىلاۋ-تەكسەرۋ مەكەمەسىنىڭ 19-اقپانداعى تانىستىرۋىنا قاراعاندا، 2015-جىلدىڭ اياعىنا دەيىن، شاندۇڭ ولكەسى جىلدىق ءونىم قۋاتى 300 مىڭ توننادان تومەن كومىر كەندەرىن جاباتىن بولعان. كەزەكتە، كومىر باعاسى تومەن بولعاندىقتان، كومىر كاسىبى تۇلعالىق جاقتان قۇلدىرادى. وعان كومىر كەن اشۋدىڭ وزىندىك قۇنىنىڭ جوعارىلاۋى، ءىشىنارا شاعىن كومىر كەندەردىڭ حاۋىپسىزدىك جاعىنداعى جۇمسالىمىن ازايتۋى قوسىلعاندىقتان، حاۋىپسىزدىك كىناراتتار كوبەيدى. وسى جاعدايعا قاراتا، شاندۇڭ شاعىن كومىر كەندەردى رەتتەپ وڭاۋ تەبىنىن كۇشەيتتى. شاندۇڭ ولكەلىك كومىر كەن حاۋىپسىزدىگىن باقىلاۋ-تەكسەرۋ مەكەمەسىنىڭ باستىعى ۋاڭ رۇي-ۋ بىلاي دەدى: 2013-جىلى شاعىن كومىر كەندەرىنەن باستاپ مىقتى يگەرىپ، كاسىپورىنداردى بىرىكتىرىپ قايتا قۇرۋ اياق الىسىن تەزدەتەمىز. قازىر، ءار قايسى قالا، اۋداننىڭ ءونىم قۋاتى 300 مىڭ توننادان تومەن كەن شاحتالارىنىڭ جاعدايى انىقتالىپ بولدى، تياناقتاندىرۋعا قاتىستى جوبانى زەرتتەپ جاتىرمىز.

مەملەكەتتىك كەڭەستىڭ زۇڭليى ۋىن جياباۋ كەشە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورايشىلدىقپەن قارجى قوسىپ ءۇي ساتىپ الۋدى باتىل تەجەپ، تاۋار ءۇيدى ساتىپ الۋدى شەكتەۋ شاراسىن قاتاڭ اتقارىپ، جەكەلەردىڭ ءۇي مۇلىك باجى رەفورماسى سىناق ءتۇيىنى كولەمىن كەڭەيتۋ كەرەكتىگىن اتاپ كورسەتتى.

مەملەكەتتىك كەڭەستىڭ ەمدەۋ ءتۇزىمى رەفورماسى كەڭسەسىنەن ۇعىسۋعا قاراعاندا، مەملەكەتتىك كەڭەس كەڭسەسى كەشە «نەگىزگى ءدارى-دارمەك ءتۇزىمى جانە نەگىزگى ساتى اينالىمىنىڭ جاڭا مەحانيزىمىن بەكەمدەۋ، كەمەلدەندىرۋ جونىندەگى ۇقتىرۋدى» رەسمي باسىپ تاراتقان. «پىكىردە»، ەمدەۋ قىزمەتكەرلەرىنىڭ كىرىسىن ءدارى-دارمەك جانە مەدەتسينالىق تەكسەرۋ كىرىسىمەن ۇشتاستىرۋعا قاتاڭ تيىم سالىنعان.

ادام كۇشى بايلىعى جانە قوعامدىق قامتاماسىزداندىرۋ مينيسترلىگى، دەنساۋلىق ساقتاۋ مينيسترلىگى تاياۋدا «ەڭبەك قۋاتىن ساراپتاۋدى باسقارۋ ءادىسى» جونىندە قوعامنان اشىق پىكىر جينادى. پىكىر جيناۋ نۇسقاسىنا ساي، جۇمىسشى-قىزمەتكەرلەر قىزمەت ۇستىندە جارالانعاننان كەيىن، ەڭبەك قۋاتىن ساراپتاۋعا ءوتىنىش ەتۋ شەكتى مەرزىمى قىزمەت ۇستىندە جارالانۋدى تۇراقتاندىرۋ تۇجىرىمى شىققاننان باستاپ ەڭ ۇزاق بولعاندا 2 جىلدان اسپاۋى كەرەك. ەگەرءوتىنش بەرۋشىنىڭ ماتەريالى تولىق بولسا، ەڭبەك قۋاتىن ساراپتاۋ كوميتەتى ەكى اي شىىندە ساراپتاۋ شەشىمىن شىعارۋ كەرەك.

ساۋدا مينيسترلىگىنىڭ اقپارات مالىمدەمەشىسى شىن دانياڭ كەشە بىلاي دەدى: ورتالىقتىڭ 8 بەلگىلەمەسى شىعارىلعاننان بەرى، ءىشىنارا جوعارى دارەجەلى اس-سۋ كاسىپورىندارىنىڭ تيجاراتى جانە جوعارى سورتتى اق اراقتىڭ ساتىلىمى بارىنشا تومەندەپ، اس-سۋ سالاسىنداعى كول-كوسىر تۇتىنۋ جاعدايى تەجەلدى. ونىڭ تانىستىرۋىنشا، ۇلگى الىپ تەكسەرۋگە قاراعاندا، بەيجيڭ، شاڭحاي، نيڭبو سياقتى جەرلەردىڭ جوعارى دارەجەلى اس-سۋ كاسىپورىندارىنىڭ تيجارات سوماسى جەكە-جەكە %35، %20 جانە %30 تومەندەگەن. شاعان كەزىندە، جەر-جەردە جوعارى سورتتى قۋىرماشتاردىڭ ساتىلىمى كورنەكتى تومەندەگەن. جوعارى دارەجەلى مەيمانسارايلاردىڭ ازىق-تۇلىك ساۋداسىنىڭ ساتىلىمى %45 تەي تومەندەگەن، ماۋتاي، ۋلياڭيە سياقتى جوعارى سورتتى اراقتاردىڭ ساتىلىمى بۇرىنعى جىلدارداعىدان كورنەكتى تومەندەگەن.

مەملەكەتتىك ءوندىرىس حاۋىپسىزدىگىن باقىلاۋ-باسقارۋ باس مەكەمەسى كەشە سىرتقا «2013-جىلعى كومىر كەن تاۋىنا جاتپايتىنداردىڭ ءوندىرىس حاۋىپسىزدىگىن باقىلاپ باسقارۋدىڭ ءتۇيىندى قىزمەت ورنالاستىرۋىن» جاريالاپ، بيىلعى قىزمەت نىساناسىنىڭ مەتال، بەيمەتال كەن تاۋىنان 5 مىڭنان ارتىق كەندى رەتتەپ جابۋ، كومىر كەن تاۋىنا جاتپايتىنداردىڭ ءوندىرىس حاۋىپسىزدىگى شىرعالاڭىنىڭ جالپى مولشەرىن تومەندەتىپ، شىرعالاڭنان ولەتىن ادام سانىن 900 ادام كولەمىندە تىزگىندەۋ ەكەندىگىن اتاپ كورسەتتى.

18-اقپان كەشتەن 19-اقپانعا دەيىن جاۋعان قالىڭ قار سەبەبىنەن، انحۇي ولكەسىنىڭ ورتا، وڭتۇستىك بولەگىندەگى ديقانداردىڭ ءۇيى مەن پارنيكتەر قۇلادى جانە ءبۇلىندى. حالىق ىستەرى تاراۋلارىنىڭ كەشە ساعات 11 گە دەيىن تەكسەرگەن ساناعىنا قاراعاندا، ليۋ-ءان، انچيڭ، شۋانچىڭ، چۋجۋ سياقتى 7 قالادا جيىنى 408 مىڭ ادام اپاتقا ۇشىراپ، 249 ءۇي قۇلاپ، 283 ءۇي بۇلىنگەن، 21 مىڭ 800 گەكتار جەردەگى ەگىس داقىلى اپاتقا ۇشىراپ، اۋىل شارۋاشىلىق سالاسىنىڭ زيانى 109 ميلليون يۋانعا جەتكەن.

يۇننان ولكەسى موجياڭ اۋداندىق پارتكوم ۇگىت ءبولىمىنىڭ ۇقتىرۋىنا قاراعاندا، موجياڭ اۋدانىندا كەشە ساعات 13 تەن ءبىر مينۋت وتكەندە تۋىلعان 4.8 بال جەر سىلكىنىسىنەن قازىرگە دەيىن ءولىم-ءجىتىم بولماعان، الايدا ءىشىنارا تۇرعىن ۇيلەر قۇلاپ، كەيبىرەۋىنە سىزات تۇسكەن، ناقتىلى جاعداي ساناققا الىنىپ جاتىر ەكەن.

جۇڭگو تۇتىنۋشىلار قوعامىنان ۇعىسۋعا قاراعاندا، 2012-جىلى مەملەكەت بويىنشا تۇتىنۋشىلار قوعامى جۇيەسى تۇتىنۋشىلاردىڭ جيىنى 543 مىڭ ارىز-شاعىمىن قابىلداپ، تۇتىنۋشىلاردى 568 ميلليون يۋان ەكونوميكالىق زياننان ارالاشاپ قالعان. مۇنىڭ ىشىندە تيجاراتشىلاردىڭ الدامكوستىك ارەكەتى سەبەبىنەن تولەمگە يە بولعان ارىز-شاعىم 7 مىڭ 213 بولىپ، ەسەلەپ تولەنگەن تولەم سوماسى 12 ميلليون 830 مىڭ يۋانعا جەتكەن. 2012-جىلى ءار دارەجەلى تۇتىنۋشىلار ۇيىمى تۇتىنۋشىلار بەرگەن ءبىر مىڭ 10 نۇسقا ارىز-شاعىمدى قولداپ، تۇتىنۋشىلاردىڭ 2 ميلليون 150 مىڭ ادام رەت ارىز-شاعىمىن قابىلداعان.

جىل باسىنان باستاپ، بەيجيڭدەگى كاسىپورىنداردان زەينەتكە شىققانداردىڭ زەينەت اقىسى كىسى باسىنا ورتا ەسەپپەن 260 يۋان ارتىپ، جوعارىلاۋ دارەجەسى بۇرىنعى جىلدار بويىنشا ەڭ جوعارى شەككە جەتكەن، بۇل بەيجيڭ قالاسى بويىنشا زەينەتكە شىققان 2 ميلليوننان ارتىق ادامعا تيىمدىلىك اكەلىپ، بۇعان جۇمسالعان قارجى 6 ميلليارد 300 ميلليون يۋان بولدى. بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قاتىستى جاۋاپتىسى بىلاي دەدى: بەيجيڭ قالاسى 1994-جىلى كاسىپورىنداردان زەينەتكە شىققانداردىڭ نەگىزگى زەينەت اقىسىن رەتتەۋ ءتۇزىمىن ورناتقاننان بەرى، بۇل زەينەتكەرلەردىڭ زەينەت اقىسىن 21-رەت رەتتەۋى. رەتتەلگەننەن كەيىن ايىنا كىسى باسىنا تۋرا كەلەتىن زەينەت اقىسى قازىرگى 2 مىڭ 513 يۋاننان 2 مىڭ 773 يۋانعا جوعارىلادى. قوسىلعان زەينەت اقى اقپانداعى زەينەت اقىمەن بىرگە تاراتىلادى.

Editor :  molder    2013-02-20 17:15:41