21-اقپانداعى ەل ءىشى حابارلارى
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

مەملەكەتتىك كەڭەستىڭ زۇڭليى ۋىن جياباۋ 20-اقپان، جۇڭنانحايدا وسى كەزەكتى ۇكىمەتتىڭ سوڭعى ءبىر رەتكى ۇنەمىلىك ىستەر ءماجىلىسىن باسقارىپ اشىپ، تاياۋدا ءىشىنارا ءتۇيىندى قالالاردا ءۇي باعاسىنىڭ جوعارىلاۋى كورنەكتى بولعان جاعدايعا قاراتا قاتىستى تىزگىندەۋ شاراسىن زەرتتەدى. بۇل وسى كەزەكتى ۇكىمەتتىڭ 234-رەتكى ۇنەمىلىك ىستەر ءماجىلىسى. 2008-جىلى 19-ناۋىرزدان بەرى، مەملەكەتتىك كەڭەستىڭ ۇنەمىلىك ىستەر ءماجىلىسى جيىنى 611 كەڭەس تاقىرىبىن زەرتتەپ تالقىلاپ، بۇل حالىقارالىق فينانس داعدارىسى، حالىق تۇرمىسىن قامتاماسىزداندىرۋ جانە جاقسارتۋ، رەفورمانى، ەسىك اشۋدى تەرەڭدەتۋ، ۇكىمەتتىڭ ءوز قۇرىلىسىن كۇشەيتۋ سياقتى جاقتاردى قامتىدى. بۇل پارتيا ورتالىق كوميتەتىنىڭ دۇرىس باسشىلىعىنداعى وسى كەزەكتى ۇكىمەتتىڭ بيلىك جۇرگىزۋ ءتۇيىنىن، جۇڭگونىڭ سوڭعى 5 جىلداعى ەكونوميكاسىنىڭ، قوعامىنىڭ نەگىزگى دامۋ بەتالىسىن اڭىس ەتتى.

ەۆروپا قالىپتى باعاداعى كۇن ەنەرگيا وداعى 19-اقپان كۇنى ەۆروپا وداعىنىڭ باس شتابى بريۋسسەلدە وتكىزىلگەن اقپارات جاريالاۋ ماجىلىسىندە، ەۆروپا وداعىنىڭ جۇڭگونىڭ وپتيكالىق ۆولت ونىمدەرىنەن جازالاۋ سيپاتىندىق كەدەن باجىسىن الۋعا قارسى تۇراتىندىعىن، ەگەر %60 تىك جازالاۋ سيپاتىندىق كەدەن باجىسىن السا، 3 جىلدا ەۆروپا وداعىنىڭ 200 گە تاياۋ كاسىپورنى كۇيرەپ، 240 مىڭداي ادامنىڭ كاسىپسىز قالاتىندىعىن ايتتى.

19-اقپان اشىلعان ورتانى قورعاۋ مينيسترلىگىنىڭ ۇنەمىلىك ىستەر ماجىلىسىندە، ءتۇيىندى تىزگىلدەلەتىن رايونداردا اتموسفەرانى لاستايتىن زاتتاردى شىعارۋدى ەرەكشە شەكتەۋ كورسەتكىشىن اتقارۋ ۇيعارىلدى. ماجىلىستە بىلاي دەپ بەلگىلەندى: وسى رەت اتموسفەرانى لاستايتىن زاتتاردى شىعارۋدى ەرەكشە شەكتەۋ كورسەتكىشىنە ەنگىزىلگەن ءتۇيىندى تىزگىندەۋ رايوندارىنا جيىنى 19 ولكەنىڭ 47 ايماق دارەجەلى جانە ودان جوعارى قالاسىنداعى وت ەلەكتر، بولات-تەمىر، مۇناي حيميا ونەركاسىپ، سەمەنت، ءتۇستى مەتال، حيميا ونەركاسىپ سياقتى 6 ءىرى بىلعانىشى اۋىر كاسىبى جانە كومىر جاعاتىن ونەركاسىپ پار قازاندارىنىڭ جاڭادان سالىنعان نىساندارى، وت ەلەكتر، بولات-تەمىر، مۇناي حيميا ونەركاسىپ جانە كومىر جاعاتىن ونەركاسىپ پار قازاندارىنىڭ قازىرگى نىساندارى ەنگىزىلدى.

  20-اقپان، ساۋدا مينيسترلىگى داعدىلى اقپارات جاريالاۋ ءماجىلىسىن اشتى، اقپارات مالىمدەمەشىسى شىن دانياڭ تاياۋ مەزگىلدەگى ساۋدا جاعىنداعى تولعاقتى تۇيىندەرگە بىلاي دەپ تۇسىنىك جاسادى: قازىر شەتەل بازارلارىنىڭ سۇرانىسى جاقسارا قويماعاندىقتان، شەتەل ساۋداسىنىڭ جاعدايى ءالى دە قاتاڭ. كەدەننىڭ ساناعىنا قاراعاندا، قاڭتاردا مەملەكەت بويىنشا جالپى يمپورت-ەكسپورت سوماسى 2 تريلليون 170 ميلليارد يۋان بولىپ، شەتەل اقشاسى سىندىرىلىمىن شىعارىپ تاستاعاندا الدىنداعى جىلدىڭ وسى مەزگىلىندەگىدەن %26.7 ارتقان. مۇنىڭ ىشىندە، ەكسپورت %25، يمپورت %28.8 ارتقان. شىن دانياڭ بىلاي دەدى: بيىل قاڭتاردا سىرتقى ساۋدا يمپورت-ەكسپورت سوماسى وتكەن جىلدىڭ سوڭىنان بەرگى ورنىقتى ارتۋ جاعدايىن ساقتادى، بۇل سىرتقى ساۋدانىڭ ارتۋىن ورنىقتىراتىن ء بىر سىپىرا ساياسات-شارالاردىڭ رول اتقارعاندىعىن تۇسىندىرەدى.

  2013-جىلعى «مەملەكەت بويىنشا جۇمىسشى ۇيىمىنىڭ كاسىپتەنۋگە كومەكتەسۋ ايى» قيمىلى 19-اقپان كۇنى گۇيياڭدا باستالدى، جيىنى 19 ولكە، قالاداعى 218 كاسىپورىن جانە كاسىپتەنۋ جاعىندا قىزمەت وتەۋ قۇرىلىمى قيمىلعا قاتىناستى. مەملەكەتتىك باس جۇمىسشى ۇيىمى جەكە-جەكە گۇيياڭ، بيجە، زۇن-ي سياقتى 3 قالادا ۇسىنىسپەن قابىلداۋ ءماجىلىسىن اشىپ، ەڭبەك ىستەرى جاعىندا باعىتتامالى سايكەسۋ جانە كاسىپكە بەيىمدەلۋ جاعىندا اقىلداسۋ قيمىلدارىن وتكىزىپ، جۇمىس ورنىنان بوساپ كاسىپسىز قالعاندار، ەگىس جۇمىسكەرى سياقتى كاسىپتەنۋ جاعىندا قيىنشىلىعى بارلارعا 60 مىڭنان ارتىق كاسىپتەنۋ جۇمىس ورنىن جانە كاسىپتەنۋ قىزمەت وتەۋ ورنىن كورسەتتى.

  جۇڭگو باعالى قاعاز باقىلاۋ-باسقارۋ كوميتەتى 20-اقپان «جەكەلەردەن جينالعان باعالى قاعاز قارجىلاندىرۋ قورى كاسىبىن باسقارۋدىڭ ۋاقىتتىق ءادىسىن» جاريالادى، ءارى قوعامنان اشىق پىكىر جينادى. جەكەلەردەن جينالعان قارجىنىڭ تولىمدى قارجى قوسۋشىسى جاعىندا، «ۋاقىتتىق اتقارۋ ادىسىندە» بىلاي دەپ بەلگىلەندى: جەكە ادام جەكەنىڭ نەمەسە وتباسىنىڭ جالپى فينانس مال-مۇلكى 2 ميلليون يۋاننان تومەن بولماۋ، سوڭعى 3 جىلداعى جەكەنىڭ جىلدىق ورتاشا كىرىسى 200 مىڭ يۋاننان تومەن بولماۋ، سوڭعى 3 جىلداعى وتباسىنىڭ جىلدىق ورتاشا كىرىسى 300 مىڭ يۋاننان تومەن بولماۋ سىندى 3 ءتۇرلى شارتتىڭ قالاعان ءبىر شارتىنا ۇيلەسۋى كەرەك؛ سەرىكتەستىك، كاسىپورىن سياقتى قۇرىلىمداردىڭ ناقتى مال-مۇلكى 10 ميلليون يۋاننان تومەن بولماۋ شارتىنا ۇيلەسۋ قاجەت. تولىمدى قارجى قوسۋشىنىڭ جەكە جينايتىن قورى ءبىر ميلليون يۋاننان تومەن بولماۋ كەرەك.

2012-جىلى 30-جەلتوقسان كۇنى،سانشي ولكەسى چاڭجى قالاسىنىڭ تيانجي كومىر حيميا ونەركاسىپ زاۆوتىندا انيلين سۇيىقتىعى اعۋ شىرعالاڭى تۋىلىپ، 8.76 توننا بىلعانىش زات جۋجاڭ وزەنىنە اعىپ، تومەنگى اعارىنداعى حاندان، انياڭ سياقتى جەرلەردە كەڭ كولەمدە سۋ توقتاعان بولاتىن. شىرعالاڭ تۋىلىپ بىرنەشە كۇن وتكەننەن كەيىن بۇل حابار سىرتقا تارالىپ، كۇدىك-كۇمان تۋدىردى. 20-اقپان، سانشي «31-جەلتوقسان» كۇنگى ۋاقيعانى ءبىر ءجايلى ەتۋ قىزمەت گرۋپپاسى بىلاي دەپ حابارلاندىردى: تەكسەرۋ ارقىلى، وسى رەتكى انيلين سۇيىقتىعى اعۋ شىرعالاڭىنان بولعان جۋجاڭ وزەنى سۋىنىڭ لاستانۋ ۋاقيعاسى كاسىپورىننىڭ ءوندىرىس حاۋىپسىزدىگى جاۋاپكەرلىگىەن بولعان ورەسكەل ورتانى لاستاۋ شىرعالاڭى ەكەندىگى تۇراقتاندى، شىرعالاڭدى تۋدىرعان كاسىپورىن، قاتىستى ۇكىمەت جانە تاراۋلار وسى جاعىندا جاۋاپكەرلىك ارقالايدى.

مەملەكەتتىك حالىق قۇرىلتايى تۇراقتى كوميتەتىنىڭ باستىعى ۋ باڭگو 21-اقپان تۇستەن بۇرىن اۋمىنداعى قوعامنىڭ ءار سالاسىنداعىلاردىڭ اۋمىن نەگىزگى زاڭى جاريالانعاندىعىنىڭ 20 جىلدىعىن اتاپ ءوتۋ جينالىسىندا ءسوز سويلەگەندە بىلاي دەدى: اۋمىننىڭ وتان قۇشاعىنا ورالۋى اۋمىننىڭ تاريحي دامۋىنداعى تىڭ بەلەس، 13 جىلدان بەرى اۋمىن ەرەكشە اكىمشىلىك رايونىنىڭ قۇرىلىس جانە دامۋ جاعىندا قول جەتكىزگەن جەتىستىگى دە بىردەي تاريحي سيپات الادى. ۋ باڭگو ورتالىق ۇكىمەت اتىنان اۋمىننىڭ وتان قۇشاعىنا ورالعان 13 جىلدان بەرى قول جەتكىزگەن ناتيجەسىن تولىق تۇراقتاندىرىپ، اۋمىننىڭ بولاشاعىنىڭ ءتىپتى دە نۇرلى بولاتىندىعىنا كامىل سەنەتىندىگىن ايتتى.

دەنساۋلىق ساقتاۋ مينيسترلىگىنىڭ مينيسترى چىن جۋ 21-اقپان بىلاي دەدى: بيىل اۋىل- قىستاقتىڭ جاڭاشا سەلبەسىپ ەمدەۋ ساياساتى كولەمىنە ەنگىزىلگەن شيپاحانالاردىڭ ەسەپتەن كوتەرۋ سالىستىرماسى %75 كە، ءىس جۇزىندىك تولەم سالىستىرماسى مەملەكەت بويىنشا ورتا ەسەپپەن %60 مولشەرىنە جەتەدى. مەملەكەتتىك نەگىزگى ساتىنىڭ دەنساۋلىق ساقتاۋ جانە اۋىل- قىستاقتىڭ جاڭاشا سەلبەسىپ ەمدەۋ قىزمەتى ءماجىلىسى 21-اقپان بەيجيڭدە اشىلدى. چىن جۋ ماجىلىستە بىلاي دەدى: اۋىل- قىستاقتىڭ جاڭاشا سەلبەسىپ ەمدەۋى بويىنشا ءىس جۇزىندىك شيپاحاناعا جاتۋ تولەمى 2011- جىلداعىدان %48 ارتىپ، 2012- جىلى %55 كە جەتتى، بيىل ونى تاعى 5 پايىز جوعارىلاتۋعا كۇش سالامىز. اۋدان، اۋىل دارەجەلى جەرلەردەگى ءىس جۇزىندىك شيپاحاناعا جاتۋ تولەمى جەكە- جەكە %60 جانە %75 كە جەتتى. چىن جۋ بىلاي دەدى: بيىل اۋىل- قىستاقتىڭ جاڭاشا سەلبەسىپ ەمدەۋى بويىنشا كىسى باسىنا تۋرا كەلەتىن قارجى دەڭگەيى 340 يۋانعا جوعارىلاتىلىپ، قامسىزداندىرۋعا قاتىناسۋ مولشەرى %95 تەن اسادى. سالماقتى اۋرۋلاردىڭ ەمدەۋ قامسىزداندىرۋ مەحانيزمىن كەمەلدەندىرىپ، ولكەنى بىرلىك ورىن ەتۋ ارقىلى بالالاردىڭ قان راگى اۋرۋى سياقتى 20 ءتۇرلى سالماقتى اۋرۋدى ەمدەۋ قامسىزداندىرۋىنا ەنگىزۋ قىزمەتىن جاپپاي ىلگەرىلەتەمىز. ساۋدا قامسىزداندىرۋى قۇرىلىمدارىنىڭ اۋىل-قىستاقتىڭ جاڭاشا سەلبەسىپ ەمدەۋىنە قاتىناسۋ قىزمەت وتەۋ قىزمەتىن جەدەلدەتىپ، سىناق تۇيىندەرىندە كىسى باسىنا 15 يۋانعا تۋرا كەلەتىن اۋىل- قىستاقتىڭ جاڭاشا سەلبەسىپ ەمدەۋ قورىمەن سالماقتى اۋرۋلار قامسىزداندىرۋىن ساتىپ الۋ ءتۇزىمىن اتقارامىز.

مەملەكەتتىك ونەركاسىپ- ساۋدانى اكىمشىلىك جاقتان باسقارۋ باس مەكەمەسىنىڭ باستىعى جۋ بوحۋا 21-اقپان ءار دارەجەلى ونەركاسىپ-ساۋدانى اكىمشىلىك جاقتان باسقارۋ ورگاندارىنان بۇقارانىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، زاڭ اتقارۋدا پايداعا تالاسۋ، زاڭ اتقارۋدا حالىققا قولايسىزدىق اكەلۋ، ءتۇرىن وزگەرتىپ اقى الۋ، زورلىقپەن اقى الۋ سياقتى بۇقارانىڭ مۇددەسىنە زيان جەتكىزەتىن بۇرىس ستىلدىڭ الدىن الۋدى جانە جازالاۋدى تالاپ ەتتى.

ەۆروپا قالىپتى باعاداعى كۇن ەنەرگيا وداعى 19- اقپان كۇنى ەۆروپا وداعىنىڭ باس شتابى بريۋسسەلدە وتكىزىلگەن اقپارات جاريالاۋ ماجىلىسىندە، ەۆروپا وداعىنىڭ جۇڭگونىڭ وپتيكالىق ۆولت ونىمدەرىنەن جازالاۋ سيپاتىندىق كەدەن باجىسىن الۋعا قارسى تۇراتىندىعىن، ەگەر %60 تىك جازالاۋ سيپاتىندىق كەدەن باجىسىن السا، 3 جىلدا ەۆروپا وداعىنىڭ 200 گە تاياۋ كاسىپورنى كۇيرەپ، 240 مىڭداي ادامنىڭ كاسىپسىز قالاتىندىعىن ايتتى.

قاتىستى تاراۋلاردان ۇعىسۋعا قاراعاندا، 2012- جىلى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى «شەتەل دارىندىلارىنىڭ وتانعا قىزمەت وتەۋ ارەكەت جوسپارى» بويىنشا جيىنى 36 ءتۇرلى قيمىل ورىستەتىپ، دارىندىلاردىڭ 7 مىڭنان ارتىق تەحنيكا سەلبەستىك نىسانىنا قاتىناسىپ، 2 مىڭنان ارتىق سەلبەسۋ تىلەكناماسىن جاساسقان، ءارى سەلبەسۋ جولىن ىركىلىسسىزدەندىرۋ، تەكشە قۇرۋ، جالپى جاعدايعا قىزمەت وتەۋ، بايلىقتى بىرىكتىرۋ سياقتى جاقتاردا شەتەلدەن وقىپ كەلگەندەردىڭ وتانعا قىزمەت وتەۋ قىزمەتى جاعىندا ۇلگىلىك، جەتەكشىلىك رولىن ساۋلەلەندىرگەن.

مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ورنىنان ۇعىسۋعا قاراعاندا، 2012- جىلى قىس كىرگەننەن بەرى، ەلىمىزدىڭ سولتۇستىك رايونىندا نەداۋىر كولەمدى قار ارالاس جاڭبىر جاۋۋ سىندى قۇبىلمالى اۋا رايى وزگەرىسى تۋىلعان. الايدا باتىس وڭتۇستىك ءوڭىردىڭ باسىم كوپ وڭرىندە جانە چاڭجياڭ دارياسىنىڭ ورتا، تومەنگى اعارىنىڭ ءبىر ءبولىم وڭىرلەرىندە جاۋىن- ءشاشىن مولشەرى از بولعان. قازىر، مەملەكەت بويىنشا كوكتەمگى قۋاڭشىلىق جاعدايىنىڭ جالپى جاعدايى بۇرىنعى جىلداردىڭ وسى مەزگىلىندەگىدەن جاقسى، يۇننان، شانشي، گانسۋ سياقتى ولكەلەردىڭ ءىشىنارا وڭىرلەرىندە قۋاڭشىلىق جاعدايى اۋىر بولعان. مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق كەڭسەسىنىڭ 18- اقپان كۇنگى ساناعىنا قاراعاندا، كەزەكتە مەملەكەت بويىنشا قۋاڭشىلىققا ۇشىراعان قىستان وتكەن داقىلدىڭ كولەمى 18 ميلليون 470 مىڭ مۋ بولىپ، نەگىزىنەن يۇننان، شانشي، گانسۋ، حىنان سياقتى ولكەلەرگە تارالعان؛ قۋاڭشىلىق سەبەبىنەن 660 مىڭ ادامنىڭ، 280 مىڭ باس ءىرى مالدىڭ اۋىز سۋ جانە سۋات ماسەلەسىندە قيىنشىلىق تۋىلىپ، نەگىزىنەن يۇننان، گانسۋ، حىبەي سياقتى ولكەلەردى شارپىعان؛ مۇنىڭ ىشىندە، قۋاڭشىلىققا نەداۋىر اۋىر ۇشىراعان يۇننان، شانشي، گانسۋ سياقتى ءۇش ولكەنىڭ قۋاڭشىلىق اپاتىنا ۇشىراعان قىستان وتكەن داقىل كولەمى 10 ميلليون 590 مىڭ مۋ بولىپ، 560 مىڭ ادامنىڭ، 280 مىڭ باس ءىرى مالدىڭ اۋىز سۋ جانە سۋات ماسەلەسىندە تۇرلىشە دارەجەدە قيىنشىلىق تۋىلعان.

ەلىمىزدىڭ ءىشى- سىرتىنداعى ءىشىنارا اقپارات قۇرالدارى تاياۋدا «حاينان ولكەسىنىڭ سانيا قالاسى قۇمار ويناۋدى اشىق ۇستادى»، ءتىپتى جۇڭگو ۇكىمەتى حايناندا ناق اقشا ايىرباستامايتىن قۇمار ويناۋ ورنىن سىناق رەتىندە اشۋعا تۇڭعىش رەت ءۇنسىز رۋحسات ەتتى دەگەن داقپىرتتاردى ارت- ارتىنان تاراتتى. بۇل جونىندە، سانيا قالالىق مادەنيەت، دەنە- تاربيە مەكەمەسىنىڭ جاۋاپتىسى، بۇل حاباردىڭ شىندىققا ۇيلەسپەيتىندىگىن،ونىڭ وسەك-اياڭ ەكەنىن ايتتى.

21-اقپان تاڭەرتەڭ، شىنجىن اۆياتسيا سەرىكتەستىگىنىڭ حىفيدان شىنجىنعا ۇشاتىن ZH9786 رەتكى كەزەكشى ايروپىلانى اۋەگە كوتەرىلگەننەن كەيىن، حىفي اۋە جايى اتىن جاسىرعان بىرەۋدىڭ سەس كورسەتىپ سوققان تەلەفونىن الىپ، كەزەكشى ايروپىلاندى جاقىن ماڭداعى نانچاڭ اۋەجايىنا قوندىرعان، ءبىر- بىرلەپ قاتاڭ تەكسەرۋ ارقىلى وزگەشە جاعداي بايقالماعان. قوعام حاۋىپسىزدىگى ورگانى بۇل ءىستى ىشكەرىلەي تەكسەرۋدە.

Editor :  molder    2013-02-21 18:22:44