21-اقپانداعى حالىقارالىق حابارلار
More>>
v كاسىپتەنۋ تانىمىنا بۇرىلىس جاساعا تيىپتەر
v شينجياثنعث جذمساق بولشةك كاسعبع ءوز ورنعندا تابان تعرةص تذرؤ نةضعزعندة، ورتا ازياغا بةتالغاندا غانا شعغار جولعن تابا الادع
More>>

20-اقپان 5-رەتكى «الەمدىك قوعامنىڭ ادىلدىگى كۇن». بىرلەسكەن مەملەكەتتەر ۇيىمىنىڭ باس حاتشىسى پان جيۋىن 20-اقپان وسى جونىندە ءسوز سويلەپ، ءار قايسى جاقتى قاجىماي قۇلشىنىس جاساپ، تىلدەسۋ، جاريا بولۋ جانە قوعامدىق ادىلدىكتى نەگىز ەتۋ، كەڭ دە ءادىل جانە اناعۇرلىم باياندى دامۋ جولىن قاراستىرىپ، الەمدىك قوعامنىڭ ادىلدىگى كۇنىن جەبەۋگە ۇندەدى.

يران اقپارات قۇرالدارىنىڭ 20-اقپانداعى حابارىنا قاراعاندا، يران ءىسلام توڭكەرىستىك قورعاۋشى اترەتى قۇرىلىق ارمياسىنىڭ سىليڭى مۇحاممەت پاكوپۋر 20-اقپان، يراننىڭ شىعىس وڭتۇستىك بولەگتە «ۇلى پايعامپار-8» اتتى اسكەري جاتتىعۋىن باستايتىندىعىن جاريالاعان.

يران اقپارات قۇرالدارى يراننىڭ مۇناي مينيسترى روستام چاسسەميدىڭ مالىمدەمەسىنەن سيتات كەلتىرىپ: باتىس ەلدەرىنىڭ يراننىڭ ەنەرگيا سالاسىن جازالاۋدى كۇشەيتۋى وسى ەلدىڭ مۇنايىنىڭ دامۋىن تەجەي المايدى،-دەدى.

وڭتۇستىك كورەيا بىرىككەن اقپارات اگەنتتىگىنىڭ حابارىنا قاراعاندا، ا ق ش-تىڭ وڭتۇستىك كورەياداعى باس ەلشىسى جين چىڭ 20-اقپان «مەملەكەتتىك باس اتقارۋشى ءمانساپتىلار زەرتتەۋ-تالقى ماجىلىسىنە» قاتىناسقان، ءارى: سولتۇستىك كورەيا 3-رەتكى يادرولىق تاجىريبەسىن جاساعاننان كەيىن، ءىشىنارا قايراتكەرلەر «وڭتۇستىك كورەيا يادرولىق قارۋدى وزدەرى زەرتتەپ جاساۋى نەمەسە تاكتيكالىق يادرولىق قارۋدى قايتادان ورنالاستىرۋى كەرەك» دەستى. الايدا وڭتۇستىك كورەيا وسىلاي ىستەيتىن بولسا، اۋىر قاتەلىك بولادى،-دەگەن.

شەتەل اقپارات قۇرالدارى 20-اقپان يراق ۇكىمەتىنىڭ مالىمدەمەسىنەن سيتات كەلتىرىپ: يراق وسى ەل ارقىلى يراننان سيرياعا تابيعي گاز جەتكىزەتىن قۇبىر سالۋعا قوسىلدى،-دەدى.

ليۆاننىڭ زۇڭتۇڭى سۇلەيمان 20-اقپان بەيرۋتتە، ليۆاننىڭ وڭىرلىك قاقتىعىستا بەيتاراپ مايدانىندا تاباندى بولاتىندىعىن باسا دارىپتەپ، حالىقتان باسقا ەلدەردىڭ، اسىرەسە اراب ەلدەرىنىڭ ىشكى ىستەرىنە كيلىكپەۋدى تالاپ ەتتى.

وڭتۇستىك كورەيا سىرتقى ىستەر جانە ساۋدا مينيسترلىگىنىڭ ءمانساپتىسى 20-اقپان جاپونيا ۇكىمەتىنىڭ ءمانساپتىلارىن «تاكەشيما ارالى كۇنى» قيمىلىنا قاتىناسۋعا جىبەرۋدى ويلاستىرىپ جاتقاندىعى جونىندە، وڭتۇستىك كورەيا ۇكىمەتىنىڭ بۇل قيمىلعا قارسى پوزيتسيادا ەكەندىگىن، جاپونيا ۇكىمەتىنىڭ وسى قيمىلعا ءمانساپتىلارىن قاتىناسۋعا جىبەرۋدى جوسپارلارعانىنا وكىنەتىندىگىن ايتتى.

ۆيسەگراد توبى، سولتۇستىك ەۆرپا القالار كەڭەسى جانە بالتىق تەڭىزىندەگى ەلدەر سياقتى ەۆروپا قۇرىلىعىنداعى 12 ەلدىڭ سىرتقى ىستەر مينيسترلەرى 20-اقپان پولشانىڭ گدانزيگىندە كەڭەس وتكىزىپ، شىعىس بولەكتەگى سەرىكتەستەرىمەن قاتىناسى جانە ەنەرگيا ماسەلەسىن تالقىلادى.

ا ق ش-تىڭ جاڭادان تاعايىنالعان مەملەكەت ىستەر حاتشىسى جون كەرري 20-اقپان تاعايىندالعاننان كەيىنگى تۇڭعىش رەتكى سىرتقى ىستەر ساياساتى جونىندەگى لەكسياسىندا: ۇكىمەتتىڭ مەجە ەسەپتى ازايتۋى ا ق ش-تىڭ سىرتقى ىستەر ساياساتى جونىنەن ەڭ ۇلكەن سىن،-دەدى. ول ا ق ش پارلامەنتىن قيمىلعا كەلىپ، اتقارىلعالى تۇرعان شىعىمدى وزدىگىنەن ازايتۋ جوسپارىنان ساقتانۋعا قۋزادى. ا ق ش پارلامەنتى 1-ناۋرىزدا بيىلعى قازىنا جىلىندا شامامەن 85 ميلليلارد ا ق ش دوللارىندىق قازىنا شىعىمىن ازايتۋ جوسپارىن باستايدى، بۇل ا ق ش-تىڭ 2 ميلليارد 600 ميلليون يۋاندىق حالىقارالىق كومەك بەرۋ نىسانىن تۇرالاتادى. جون كەرري: ا ق ش شەتەلگە كومەك بەرۋ تەبىنىن ءسوزسىز كۇشەيتىپ، سىرتقى ىستەر قىزمەتكەرلەرىن كوبەيتىپ، سول ارقىلى ا ق ش-تىڭ حاۋىپسىزدىگىن قورعاپ، ا ق ش-تىڭ گۇلدەنىپ-كوركەيۋىن جەبەۋى كەرەك،-دەگەن. كەرري: شەتەلگە كومەك بەرۋ ارينە تەگىن ۇسىنۋ ەمەس، قايىر-ساحاباتتا ەمەس، بۇل قۇدىرەتتى ا ق ش پەن ەركىن دۇنيە ءۇشىن قارجى قوسۋ،-دەگەن.

شەتەل اقپارات قۇرالدارىنىڭ 19-اقپانداعى حابارىنا قاراعاندا، ا ق ش-تىڭ جاڭادان تاعايىندالعان مەملەكەت ىستەر حاتشىسى جون كەرري كەلەر اپتادا تاعايىندالعاننان بەرگى تۇڭعىش رەتكى ساپارىن باستايدى ەكەن. بۇرىنعى مەملەكەت ىستەر حاتشىسى حيللاري كلينتوننىڭ تۇڭعىش رەتكى ساپار تالعامى شىعىس ازيا بولعانىمەن ۇقسامايتىنى، كەرري ءداستۇرلى وداقتاسى ەۆروپا وداعىنداعى ەلدەر مەن ورتا شىعىس ءوڭىرىن ءوزىنىڭ حالىقارالىق ساحىناداعى تۇڭعىش تالعامى ەتىپ، 11 كۇندە 9 ەلگە ساپارلاي بارادى ەكەن.

تۇركيانىڭ زۇڭليى ەردوگان 20-اقپان تۇركياعا ساپارلاي بارعان ليۆيا ۋاقىتتىق ۇكىمەتىنىڭ زۇڭليى الي زايدانمەن بىرلىكتە ەكى ەل اراسىنداعى دوستىق سەلبەستىك قاتىناستى اناعۇرلىم كۇشەيتەتىندىگىن باسا دارىپتەدى.

گرەتسياداعى نەگىزگى الەۋمەتتىك تاراۋ جانە جەكەلەر تيجارات تاراۋىنىڭ جۇمىسشى ۇيىمى 20-اقپان 2013-جىلعى تۇڭعىش رەتكى جالپى جۇمىس تاستاۋدى ۇيىمداستىرىپ، گرەتسيا ۇكىمەتىنىڭ قازىر داعدارىسىنان قۇتىلۋ ءۇشىن اتقارعان جەلىلەس ىقشامداۋ شاراسىنا قارسىلىق ءبىلدىردى.

بەلگيانىڭ ساقشىلارى 19-اقپاندا وسى ەلدەگى تاريحتان بەرگى ەڭ ءبىر اۋىر اسىل زاتتاردى توناۋ دەلوسىنىڭ ناقتىلى جاعدايىن ايتتى: 18-اقپاندا، بەتىن بۇركەمەلەپ العان 8 توناۋشى ءبىر تال وق شىعارماي، ءبىر ادامدى جارالاماي، برۋسسەل اۋە جايىنان 37 ميلليون ەۆرولىق گاۋھاردى 3 مينوت ىشىندە توناپ اكەتكەن. 19-اقپاندا، فرانسيانىڭ استاناسى پاريجىداعى بازاردا دا توناۋشىلىق دەلوسى تۋىلىپ، 3 ميلليون ەۆرولىق گاۋھار تونالعان.

سيريانىڭ استاناسى داماسكىدەگى ءبىر دەنە تاربيە الاڭى 20-اقپان ەكى مينومەتتىڭ شابۋىلىنا ۇشىراپ، قوپارىلىستان ءبىر فۋتبولشى ءولىپ، تاعى كوپتەگەن ادام جارالاندى.

يراقتىڭ مۇناي مينيسترلىگى 20-اقپان: يراقتىڭ سولتۇستىك بولەگىندەگى سەلەحددين ولكەسىندەگى مۇناي جەتكىزۋ قۇبىرىنىڭ ءبىر بولەگى 20-اقپان تاعى دا قارۋلىلاردىڭ شابۋىلىنا ۇشىراپ، قوپارىلىس تۋىلدى، الايدا ءولىم-ءجىتىم بولمادى،-دەدى.

رەسەي اقپارات تورابىنىڭ حابارىنا قاراعاندا، رەسەي زۇڭتۇڭىنىڭ اقپارات حاتشىسى ديميتري چەنسكوۆ: رەسەيدىڭ زۇڭتۇڭى پۋتين 20-اقپاندا ۇكىمەت جاقتىڭ ۇسىنىس حاتىنا قول قويىپ، 20 ەل توبىنىڭ باسشىلارىن سانكت- پەتەبرۋگتەگى باسشىلار كەڭەسىنە قاتىناسۋعا ۇسىنىس ەتتى،- دەگەن. ول: رەسەي تاعى يسپانيا، ەپيوپيا، سەنەگال، قازاقستان، برۋنەي، سينگاپور، بىرلەسكەن مەملەكەتتەر ۇيىمى، دۇنيە بانكەسى، حالىقارالىق اقشا قورى ۇيىمى، ەكونوميكالىق سەلبەستىك ۇيىمى، الەمدىك ساۋدا ۇيىمى، حالىقارالىق ەڭبەكشىلەر ۇيىمى جانە فينانستى ورنىقتىرۋ كوميتەتىن دە ۇسىنىس ەتتى،- دەگەن.

جاپونيا اقپارات تورابىنىڭ 21-اقپانداعى حابارىنا قاراعاندا، جاپونيانىڭ باس ءۋازىرى شينزو ابە جۋىقتا ا ق ش «ۋاشينگتون پوچتا گازەتىنىڭ» تىلشىلىگىن قابىلداعاندا، ءوزىنىڭ مىندەت مەرزىمىندە «شينزو ابە سۇحباتىن» جاريالايتىندىعىن، الايدا بۇل سۇحپاتتىڭ سەزىمتال تاريحي ماسەلەلەرمەن قاتىسى جوق ەكەندىگىن، قايتا بولاشاققا نازار سالاتىندىعىن ايتقان.

رەسەي اقپارات قۇرالدارىنىڭ 21-اقپانداعى حابارىنا قاراعاندا، ا ق ش رەسپۋبليكاشىلدار پارتياسىنىڭ كەڭەس پالاتاسىنىڭ مۇشەسى گرەيەمۋ جاقىندا مالىمدەمە جاريالاپ: پاكيستان، يەمەن سياقتى ەلدەردە 4 مىڭ 700 ادام ا ق ش-تىڭ ۇشقىشسىز ايروپلانىنىڭ زاياندالۋشىسىنا اينالدى،- دەگەن.

ۇلى بريتانيا اقپارات قۇرالدارىنىڭ 21-اقپانداعى حابارىنا قاراعاندا، اۋعانستاننىڭ مالىمەت توپتاۋ تاراۋلارى پاكيستان جاقتىڭ سەلبەسۋىندە شىعىس بولەكتەگى نانگارحار ولكەسىنە تۇندە تۇتقيىل ارەكەت جاساۋ بارىسىندا، پاكيستانداعى تاليباننىڭ بۇرىنعى ورىنباسار اتامانى ماۋرۆە فاكير مۇحاممەتتى تىرىدەي قولعا تۇسىرگەن. شامامەن ەكى اپتانىڭ الدىندا اۋعانستان مەن پاكيستاننىڭ باسشىلارى كەڭەسىپ، سەنىمدىلىكتى ارتتىرىپ، ەكى جاقتىلى قاتىناستى كۇشەيتۋدى ءۇمىت ەتەتىندىگىن بىلدىرگەن بولاتىن. بۇدان بۇرىن، ەكى جاق ءبىرىن-ءبىرى جازعىرىپ «قۋعىندالعان قارۋلىلاردى جاسىردى» دەگەن بولاتىن. الايدا پاكيستان جاق ماۋرۆەنىڭ قولعا الىنعاندىعىن ءالى راستاماعان.

سيريانىڭ استاناسى داماسكى قالاسىنىڭ ورتالىعىندا 21-اقپان كۇشتى قوپارىلىس تۋىلدى، ءولىم- ءجىتىم احۋالى مەن قوپارىلىستىڭ سەبەبى ءالى بەلگىسىز.

پاكيستاننىڭ ساقشىلارى: وسى ەلدىڭ باتىس سولتۇستىك بولەگىندەگى پەشاۆار قالاسىنداعى ءبىر ساۋدا سارايىندا 21-اقپان قوپارىلىس تۋىلىپ، ءبىر ادام ءولىپ، 12 ادام جارالاندى،- دەدى.

يندونەزيانىڭ ارميا جاعى 21-اقپان: سالاۋاتى بەلگىسىز قارۋلىلار 21-اقپان تۇستەن بۇرىن يندونەزيانىڭ شىعىس بولەگىندەگى پاپۋا ولكەسىندەگى 2 قىستاقتا ارمياعا قاراتىلعان شابۋىل قوزعاپ، 5 اسكەردى ءولتىرىپ، 2 جاي بۇقارانى جارالادى،- دەدى.

Editor :  molder    2013-02-21 18:23:57