باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇرەككە كوپىر سالۋ وپەراتسياسىنان كەيىنگى كوڭىل بولەتىن تۇيىندەر

    كەلۋ قاينارى: شينجياڭ حالىق راديو ىستانسياسى    2014-01-03 09:35:48  
جۇرەككە كوپىر سالۋ جۇرەك اۋرۋلارىن ەمدەۋدەگى ءونىمدى ادىستەردىڭ ءبىرى. جۇرەككە كوپىر سالۋ وپەراتسياسىنان كەيىن ناۋقاستار تومەندەگى تۇيىندەرگە كوڭىل بولگەنى ءجون.
1. جاراقات اۋزىن كۇتىمدەۋ
شيپاحانادان شىققاننان كەيىن جاراقات اۋزى بولىمسىز قىزارىپ، اۋرىپ، ىسىنەدى، كەي كەزدەرى، ءتىپتى نەشە ايعا جالعاسادى، بۇل قالىپتى جاعداي ەسەپتەلەدى. ۇيگە قايتقاننان كەيىن جاراقات اۋزىن ۇنەمى تەكسەرىپ، قابىنۋ جاعدايى بايقالسا، دەرەۋ شيپاحاناعا بارىپ تەكسەرىلگەن ءجون. جاراقات اۋزىن كۇنىنە ءبىر رەت تازا سۋمەن نەمەسە باكتەرياعا قارسى سابىنمەن جۋىپ، باكتەرياسىز تاڭعىشتارمەن وراپ قويۋ قاجەت.
2. عىلمي ازىقتانۋ
وپەراتسيادان كەيىن ءار كۇنى جەمىس-جيدەك، كوكونىس، بەلوك قۇرامى جوعارى ازىقتىقتار (بالىق، جۇمىرتقا تەكتەس ازىقتىقتار ) جانە قانىقپاعان ماي قىشقىلى ارالاس ازىقتىقتاردى كوپ تۇتىنۋ، قانىققان ماي قىشقىلى جوعارى ازىقتىقتاردى از تۇتىنۋ قاجەت.
3. اراقتى از ءىشۋ، تەمەكى شەكپەۋ
وپەراتسيادان كەيىن، ەڭ جاقسىسى، اراق ىشپەۋ، كۇنىنە ەڭ كوپ بولعاندا 50 ميلليليتر قىزىل اراق ءىشۋ لايىقتى بولادى. تەمەكى-جۇرەك اۋرۋىنا حاۋىپ توندىرەتىن ماڭىزدى فاكتورلاردىڭ ءبىرى، سوندىقتان تەمەكى شەكپەۋ قاجەت.
4. دەمالىسقا كوڭىل ءبولۋ
وپەراتسيادان كەيىنگى 4 تە 6 اپتاداعى دەنساۋلىقتىڭ قالپىنا كەلۋ مەزگىلىندە كۇنىنە 8 دە 10 ساعات ۇيىقتاۋعا كەپىلدىك ەتۋ قاجەت. قاتىستى قيمىلداردى ۇيقىعا نۇقسان جەتكىزبەۋ تۇرعىسىنان لايىقتى ورنالاستىرۋ، قيمىل مولشەرى قالىپتى بولۋ كەرەك.
5. ۇيلەسىمدى مولشەردە ءتۇرلى قيمىلدارعا قاتىناسۋ
شيپاحانادان شىققاننان كەيىن ءار كۇنى تاڭەرتەڭ-كەشتە 10 مينۋت سەيىلدەپ، جىلدامدىعى مەن ارالىعىن بىرتىندەپ ارتتىرۋ. قيمىل مولشەرىن ارتتىرۋ بارىسىندا باس اۋرۋ، قالجىراۋ، تەرلەۋ جانە بۇكىل دەنەسى قاقساۋ سياقتى جايسىزدانۋ پايدا بولسا، بۇل قالىپتى قۇبىلىس. ەگەر تەرگە مالشىنىپ، باس اۋرۋ 15 مينۋتتان اسىپ كەتسە، دەرەۋ شيپاحاناعا بارىپ تەكسەرىلۋ قاجەت. جازدا دەنە شىنىقتىرعاندا تاڭەرتەڭ نەمەسە كەشكى ۋاقىتتى، ال قىستا دەنە تاربيە سارايىن تاڭداعان ءجون.
عيماراتقا شىعۋ ورتا، اۋىر دارەجەدەگى دەنە قيمىلى ەسەپتەلەدى، عيماراتتا وتىراتىن ناۋقاستار عيماراتقا اقىرىن شىعۋ، جەڭىل ءۇي جۇمىستارىن ىستەۋ قاجەت. ماسەلەن، تازالىق ىستەۋ، تاماق ىستەۋ جانە كوكونىس جۋۋ سياقتىلار. ءۇي جابدىقتارىن كوشىرۋ، ەدەن ءسۇرتۋ سياقتى كۇشەمەلدىلىگى جوعارى ءۇي جۇمىستارىن ىستەۋگە بولمايدى. وپەراتسيادان كەيىنگى 4 تە 6 اپتا ىشىندە كوكىرەك كەرۋ ارەكەتىن ىستەۋگە، بالا كوتەرۋگە، اۋىر زاتتاردى جوتكەۋگە، اۆتوكولىك جۇرگىزۋگە بولمايدى.
6. ەستە ساقتاۋ قابىلەتى مەن كورۋ قابىلەتىنىڭ وزگەرىسىنە كوڭىل ءبولۋ
وپەراتسيادان كەيىن ەستە ساقتاۋ قابىلەتى ۋاقىتشا تومەندەپ، زەيىنىن شوعىرلاندىرا الماۋ جاعدايى تۋىلادى. الايدا، مۇنداي جاعدايلار كوپ كەزدەسپەيدى. قالىپتى جاعدايدا بىرنەشە اپتادا دەنساۋلىعى قالپىنا كەلەدى. وپەراتسيادان كەيىن ادەتتە كورۋ قۋاتىندا وزگەرىس تۋىلادى، الايدا، 6 ايدان كەيىن وپەراتسيانىڭ الدىنداعى كورۋ قۋاتى قالپىنا كەلەدى.قۇرمەتتى راديو تىڭداۋشى قاۋىم؛ «تاڭ شولپان» ادەبي، سازدى كوڭىل اشار باعدارلامامىزدىڭ بۇگىنگى بەرىلىمى وسىمەن سوڭىنا شىقتى. «تاڭ شولپان» ادەبي سازدى باعدارلامامىز ءار كۇنى تاڭەرتەڭگى ءۇرىمجى ۋاقىتى 5 تەن 6 دان 30 مينۋتقا دەيىن ءبىر جارىم ساعات ۋاقىتپەن تىكە تولقىندا بەرىلەدى. قۇندى ۇسىنىس-پىكىرلەرىڭىز، تارتىمدى ويلارىڭىز، «تاڭ شولپان» نان كۇتەرىڭىز بولسا رەداكسيامىزعا حات جولداساڭىزدار بولادى.
ءان الەمى

جول توسىلىپ قالدى

تۇلپارىم