قۇلجا اۋدانىنىڭ جالپى احۋالى
قۇلجا اۋدانى-ىلە وزەنى اڭعارىنىڭ ورتا بولەگىنە ورنالاسقان. ىلە قازاق اۆتونوميالى وبىلىسىنداعى
قۇرىلعانىنا ەڭ ۇزاق بولعان، ەڭ ەرتە تىڭ يگەرىلگەن، حالىق سانى ەڭ كوپ اۋدان. قاراماعىندا 16 اۋىل، 2
قالاشىق، 2 جەرگىلىكتى مەملەكەت يەلىگىندەگى ەگىنشىلىك الاڭى بار. جالپى جەر اۋماعى 6 مىڭ 150
شارشى كيلومەتر. جالپى جان سانى 377 مىڭ بولىپ، ۇيعۇر، حانزۋ، قازاق، حۇيزۋ سياقتى 28 ۇلتتان قۇرام
تاپقان. اۋدان قالاشىعى جەليۇز قالاشىعىنا ورنالاسقان. اۆتونوميالى وبىلىستىڭ ورتالىعى قۇلجا قالاسىنان 18
كيلومەتر، قورعاس وتكەلىنەن 90 كيلومەتر قاشىقتىقتا. 218-مەملەكەت تاسجولى مەن 220-ولكە تاسجولى
ەندەي ءوتىپ جاتادى. سالىنۋ ۇستىندەگى جىڭ-قۇلجا-قورعاس تەمىر جولى دا وسى اۋداندى باسىپ وتەدى.
وندا 4 ايالداما سالىنادى. مۇنىڭ شىندە، نەگىزگى جۇڭ ايالداماسى اۋداننىڭ ورتا بولەگىنە ورنالاسادى. قۇلجا
اۋدانىنىڭ شىعىسپەن بىرلەسىپ باتىسقا شىعارۋ ىستراتەگياسىنداعى باستاماشىلدىق ورنى ايرىقشا كورنەكتى.
قۇلجا اۋدانىنىڭ اۋا رايى جانعا جايلى. سۋ بايلىعى مول، كۇن نۇرى جەتكىلىكتى، توپىراعى قۇنارلى،
«شەگارا وڭىردەگى ىرىستى مەكەن 1-اۋدانى» دەگەن تاماشا اتى بار. اۋدان بويىنشا ميلليون مۋ ەگىستىك
جەر، 4 ميلليون 200 مىڭ مۋ ءتابيعي جايلىم بار. ەگىنشىلىككە، ورمان شارۋاشىلىعىنا، مال شارۋاشىلىعىنا باپ
كەلەدى. زاتتىق بايلىعى توتەنشە مول. قازىر شينجياڭداعى استىق، ەت، ءۇي قۇسى-جۇمىرتقا، قانت
قىزىلشاسى، تالشىقتى زىعىر، جەمىس-جيدەك وندىرەتىن ماڭىزدى بازاعا اينالىپ وتىر.