باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جازدىق ءبيداي ەگىلەتىن جەر اۋماعىن ءبىر ميلليون مۋ كوبەيتەدى

    كەلۋ قاينارى: شينجياڭ گازەتى    2015-03-27 12:13:18  

اۆتونوميالى رايونىمىز ماقتا ەگىلەتىن جەر اۋماعىن 4 ميلليون 665 مىڭ مۋ ازايتادى

اۆتونوميالى رايونىمىز بيىل ماقتا ەگىلەتىن جەر اۋماعىن 4 ميلليون 665 مىڭ مۋ ازايتىپ، ماقتا ەگۋدەن قايتقان جەردەن ءبىر ميلليون مۋ جەرگە جازدىق ءبيداي ەگىپ، ەگىس قۇرىلىمدارىن رەتتەپ، ديقاندار كىرىسىنىڭ ۇزدىكسىز ارتۋىنا كەپىلدىك ەتۋدى جوسپارلادى.
جۋىقتا اۆتونوميالى رايوندىق دامۋ جانە رەفورما كوميتەتى، قازىنا مەڭگەرمەسى سياقتى 6 تاراۋ تاياۋدا «شينجياڭداعى ماقتا ەگىلەتىن جەردى ازايتۋ قىزمەتىن ويداعىداي ىستەۋ جونىندەگى ۇقتىرۋدى» بىرلەسىپ جاريالاپ، ماقتا ەگەتىن 13 ايماق، وبلىسقا ماقتا ەگىلەتىن جەر اۋماعىن ازايتۋ جونىنەن جەتەكشى جوسپار دايىنداپ، بىلتىر ماقتا ەگىلگەن 29 ميلليون 670 مىڭ مۋ جەردى 25 ميلليون مۋعا ازايتىپ، 4 ميلليون 665 مىڭ مۋ جەردى كەمەيتتى، كەمەيتىلگەن جەر كولەمى %15.72كە جەتتى.

سونىمەن بىرگە، اۆتونوميالى رايوندىق ەگىن شارۋاشىلىعى مەڭگەرمەسى «جازدىق ءبيداي ەگىلەتىن جەر اۋماعىن كوبەيتۋ جونىندەگى شۇعىل ۇقتىرۋدى» جاريالاپ، بيىلعى ماقتانىڭ نىسانالى باعاسىنىڭ بىلتىرعى دەڭگەيدەن تومەن بولۋىنا، ماقتا ەگىلەتىن جەر ونىمدىلىگىنىڭ بۇرىنعى جىلدارداعىدان تومەن بولۋ جاعدايىنا مەڭزەس، تۇتاس رايونىمىز (جەرگىلىكتى ورىن) اۋەلگى جوسپارداعى جازعى ءبيداي ەگىلەتىن 4 ميلليون 150 مىڭ مۋ جەردى نەگىز ەتە وتىرىپ، وسىعان ۇستەمەلەپ ءبىر ميلليون مۋ جەرگە جازدىق ءبيداي ەگۋدى ۇيعاردى.
اۆتونوميالى رايوندىق ەگىن شارۋاشىلىعى مەڭگەرمەسى ەگىمشىلىك باسقارماسىنىڭ ورىنباسار باستىعى جۇڭ يانلۇڭ بىلاي دەدى: جەتەكشى جوسپار بۇيرىعىنىڭ ءوزى قۇرىلىمدىق رەتتەۋدىڭ سيگنالىن كورسەتەدى. بەلگىلى ماعىنادان العاندا، بۇل وزگە داقىلداردى ەگۋ مۇمكىندىگىن مولايتادى. بيىل ماقتا ەگۋدەن قايتقان جەرگە ۇستەمەلەپ ەگىلەتىن جازدىق ءبيدايعا ەگىن شارۋاشىلىعى ءوندىرىسىنىڭ قۇرال - جابدىقتارى جالپىلىق قوسىمشا قاراجاتى، سورتتى تۇقىم قوسىمشا قاراجاتى ولشەمى اۋەلگى جوسپاردا ەگىلەتىن جازدىق بيدايمەن ۇقساس دەڭگەيدە قارالىپ، قوسىمشا قاراجات ولشەمى كەمىتىلمەيدى؛ سونىمەن بىرگە، جوعارى ءونىمدى سۋ ۇنەمدەۋ شاراسى اتقارىلماعان ماقتا ەگۋدەن قايتقان جەرگە جازدىق ءبيداي ەگۋ جوعارى ءونىمدى سۋ ۇنەمدەۋ قوسىمشا قاراجاتىنان يگىلىكتەنەدى.

ءان الەمى

جول توسىلىپ قالدى

تۇلپارىم