باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تامىر ويما تۋىندىلارىمەن تاڭ قالدىرعان ازامات

    كەلۋ قاينارى: حالىق تورابى    2015-04-15 18:31:31  

«ونەر الەمى ولشەۋسىز» دەيدى دانا حالقىمىز. مىنە وسىنداي ولشەۋسىز ونەردىڭ جەلكەنىن جەلبىرەتىپ، ورەلى ويىمەن، اقىل - پاراساتىمەن جاسامپازدىق جاراتىپ، تابىس تورىنەن كورىنىپ جۇرگەن ازاماتتارىمىز از ەمەس. سونىڭ ءبىرى، قۇلجا اۋدانى قاراعاش اۋىلى جىرعالاڭ قىستاعىنىڭ قاراپايىم تۇرعىنى احمەتقالي شەرۋ ۇلى.

جاستايىنان ونەرگە قۇشتار بولىپ، كوپ وقىماسا دا، ونەردى ويىنا توقي بىلگەن ازامات ۇزاق جىلدان بەرى ءۇي اشەكەيلەۋ، تام قابىرعالارىنا سۋرەت سالۋ سياقتى قىرۋار شارۋالارمەن شۋعىلدانىپ، قۇلجا اۋدانىنا، ىلە وڭىرىنە تانىمال شەبەر اتاندى. اسىرەسە، وسى جولعى قۇلجا اۋدانىنىڭ 6 - كەزەكتى «ورىك گۇلى» مەرەكەسىنە وراي ورەلى ويىنان جاسامپازدىق جاراتىپ، شەبەر قولىمەن مۇكىس جىبەرمەي تابيعيلىعىن ساقتاپ جاساعان تۋىندىلارى: قازاق ۇلتىنىڭ تاۋ - اسىپ، تاس - باسقان تاريحىن بەينەلەيتىن «ۇلى كوش»، جۇڭحۋا ۇلتىنىڭ اقىل - پاراساتى، كۇش - قۋاتىن بەينەلەگەن «ۇلى قورعان» تامىر ويما ۇستەلى، قيال - عاجايىپ ەرتەگىلەردەگى كىسىنى ۇرەيلەندىرەتىن «الىپ ايداھار»، تامىردىڭ بەينەسىمەن قالپىن ساقتاپ اسەمدەگەن «تۇرلەنگەن توتىقۇس» قاتارلى تامىر ويما تۋىندىلارى الىس - جاقىننان كەلگەن ساياحاتشىلار مەن الارمانداردى ايرىقشا باۋرادى. احمەتقاليدىڭ ايتۋىنشا، ول وسى تۋىندىلارىن وسى جولعى «ورىك گۇلى» مەرەكەسىنە ارناپ، 2 اي ىشىندە دايىنداپتى. مەرەكەگە ۇلكەن جاڭالىق الا كەلگەن ازاماتتىڭ بۇل تۋىندىلارىنا ەل ءىشى - سىرتىنان تاپسىرىس بەرگەندەردە بار كورىنەدى. سونداي - اق احمەتقالي اۋدان، اۋىل باسشىلارىنىڭ قولداپ - قۋاتتاۋىمەن سەلبەستىك كوپەراتيۆىن قۇرۋدى دا ويلاستىرىپ جاتىپتى. سۋرەتتە: اقىمەتقالي شەرۋ ۇلىنىڭ تامىر ويما تۋىندىلارى
سۋرەتتەرىن ءتۇسىرىپ، حابارىن جازعان باعداۋلەت باتىربەك ۇلى

ءان الەمى

جول توسىلىپ قالدى

تۇلپارىم