باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

4-كەزەكتى جۇڭگو شينجياڭ حالىقارالىق ۇلتتىق ءبي مەرەكەسى الدا وتكىزىلەدى ەكەن

    كەلۋ قاينارى: شينجياڭ حالىق راديو ىستانسياسى    2015-04-17 16:15:34  
4-كەزەكتى جۇڭگو شينجياڭ حالىقارالىق ۇلتتىق ءبي مەرەكەسى 20-شىلدەدەن 5-تامىزعا دەيىن وتكىزىلەدى.
وسى كەزەكتى ءبي مەرەكەسىنىڭ باستى تاقىرىبى ـــ «جۇڭگو ارمانى، الۋان ءتۇستى جىبەك جولى» بولىپ، يرلانديا، اۆستراليا سياقتى 12 ەل مەن رايوننىڭ ويىن-ساۋىق ۇيىرمەسى ۇسىنىس ەتىلىپ، جۇڭگو وپەرا، ءبي تەاترحاناسى سياقتى ەلىمىزدەگى 6 ويىن ساۋىق ۇيىرمەسى، سونداي-اق رايونىمىزداعى 8 ويىن ساۋىق ۇيىرمەسى كلاسسيكالىق شىعارمالاردى تارتۋ ەتەدى. سول كەزدە رايونىمىزداعى ءار ۇلت كورەرمەندەرى ءار ەل ەرەكشەلىگىنە يە، حالىقارالىق بوياۋ العان ءبي ونەرىن تاماشالاي الادى.
ءبي مەرەكەسىنىڭ باستالۋ جانە اياقتاۋ سالتى سانجى شينجياڭ تەاترحاناسىندا وتكىزىلەدى. ورىندالاتىن تەاترلار جەكە-جەكە سانجى شينجياڭ تەاترحاناسى كوركەمونەر ۇيىرمەسىنىڭ كولەمدى ءان-ءبيى «باتىس وڭىرگە سان رەت ورالۋ» جانە بەلورۋسسيا مەملەكەتتىك بالەت تەاترحاناسىنىڭ «مىڭ ءبىر ءتۇن» اتتى بالەت تەاترى دەپ تۇراقتاندى. اۆتونوميالى رايوندىق مادەنيەت مەڭگەرمەسى پارتگرۋپپاسىنىڭ شۋجيى رىن حۋا: «بيىلعى ءبي مەرەكەمىزدىڭ نەگىزگى الاڭى ۇرىمجىدە، الايدا سانجى، اقسۋ، قارامايلىدا بولىمشە الاڭ ورنالاستىرىلىپ، جالپى 10 تەاترحانادا 75 كەزەك ويىن قويىلادى. مۇندا 63 كەزەگى نەگىزگى الاڭدا قويىلىپ، 12 كەزەگى 3 بولىمشە الاڭدا قويىلادى. بولىمشە الاڭداعى مازمۇننىڭ مول بولۋىنا كەپىلدىك ەتۋ ءۇشىن، بيىل شەتەلدىڭ كەيبىر ۇيىرمەلەرىن بولىمشە الاڭعا ورنالاستىردىق. سونىمەن جەرگىلىكتى بۇقارا ءوز جەرىندە شەتەل كوركەمونەر ۇيىرمەلەرىنىڭ تەاترىن تاماشالاي الادى»،-دەدى. وسى كەزەكتى ءبي مەرەكەسىندە سايكەستى 5 قوعامدىق قيمىل مۇقيات ورنالاستىرىلدى. مۇندا جىبەك جولى ويىن قويۋ جارمەنكەسى جانە تۇڭعىش كەزەكتى جۇڭگو شينجياڭ جىبەك جولى كوركەمونەر بۇيىمدارى كورمەسى جانە كوركەمونەر بۇيىمدارىن باسەكەلەستىرىپ ساتۋ جارمەنكەسى تۇڭعىش رەت وتكىزىلىپ، رايونىمىزدىڭ ساحنالىق كوركەمونەرىنىڭ بازارلانۋىن دەمەيدى. رىن حۋا: «بۇنى مادەنيەت كاسىبىنىڭ دامۋى، مادەنيەت بازارىنىڭ كوركەيۋى تۇرعىسىنان ويلاستىرعاندىق، تۇڭعىش كەزەكتى ويىن قويۋ جارمەنكەسى ارقىلى ساحنالىق كوركەمونەر تەاترلارىنىڭ بازارلانىپ، اينالىمعا تۇسۋىنە تەكشە جاراتۋدى ءۇمىت ەتەمىز. ءبي مەرەكەسى ارقىلى ساحنالىق كوركەمونەردى كورەرمەندەرگە تانىستىرۋ نەگىزىندە بازاردا كوركەمونەر اۋىس-كۇيىسى مەن زەرتتەۋىن تەرەڭ جۇرگىزىپ، قاتىستى تۇردەگى كوركەمونەردىڭ وسى ارادا بەينەلەۋىنە جانە اۋىس-كۇيىس جاساۋىنا مۇمكىندىك جاسايمىز»،-دەدى.
ءان الەمى

جول توسىلىپ قالدى

تۇلپارىم