باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاۋ حايحۋانىڭ«دارىندى» دەگەن ماقالاسى

    كەلۋ قاينارى: شينجياڭ حالىق راديو ىستانسياسى    2015-05-06 11:31:13  
جاۋ حايحۋانىڭ«دارىندى» دەگەن ماقالاسى
فاڭ اكىم بىرنەشە دوستارىمەن بىرگە دۇڭگۋ سارايىنان تاماق ءىشىپ بولىپ، ەندى كەتە بەرگەندە، قىزمەتكەر شياۋ-ي ولاردىڭ الدىن توسىپ: « تاۋىسا الماعاندارىڭىزدى قالتاعا سالىپ الىپ كەتىڭىزدەر»-دەدى. اۋدان باستىعى جىميىپ:
-قاجەتى جوق، وزدەرىڭ ىڭعايلاي سالىڭدار،-دەدى.
ال، شياۋ-ي باسىن قيسايتا ءوڭىن سۋىققا سالىپ:
-بولمايدى! مەملەكەت بويىنشا تالەڭكەدەگى استى تاقىر تازا تاۋىسۋعا ۇندەپ جاتسا، جەپ بولا الماساڭ، قالتاعا سالىپ الىپ كەت،-دەيدى.
اكىم ءالى جىميىپ تۇر. جانىنداعى بىرەۋى باسەڭ عانا:
-بويجەتكەن، اكىم اسىعىس ەدى،-دەسە، ءبىراق، شياۋ-ي بوي بەرمەستەن:
-بولمايدى، دۇنيە جۇزىندە تالاي ادام اشارشىلىقتىڭ ازابىن تارتىپ جاتسا، ىسىراپ ەتۋگە، استە بولمايدى،-دەپ قاسارىستى.
اكىم:
 ;ـ بار جۇگىر، مەڭگەرۋشىلەرىڭدى شاقىرىپ كەل-دەپ ەدى، شياۋ-ي جىميا:
-مەڭگەرۋشى كەلسە دە بولمايدى،-دەدى.
ۇزاق وتپەي مەڭگەرشى دە جەتىپ كەلدى، جىرتىق تونشا جالباڭداي ىرجيىپ:
-فاڭ اكىم-اۋ، بويجەتكەن ءىستىڭ ءجونىن بىلمەيدى، كەشىرە سالىڭىز-دەدى. سوسىن شياۋ-يعا:
-تەز، تەز، تەزىرەك قالتالارعا سال،-دەدى.
اڭىرىپ قالعان اكىم ەسىن جيعانشا شياۋ-ي اسقان تاماق سالىنعان دوربالاردى ۇسىنىپ ۇلگىردى. اكىم ىزبارلانا قالدى، دەسەدە، ءالى دە جىميىپ تۇر. قاسىنداعى كىسى قالتالاردى ءىلىپ الىپ ەدى، ول كۇلىمسىرەپ تۇرىپ سىپايىلىقپەن:
-قالتالاردى قويا سال، ءبىز جۇرەيىك،-دەدى.
-كەتپەيسىزدەر،-دەپ شياۋ-ي ەسىككە تۇرا جۇگىرىپ بارىپ، ەكى قولىن جايا جول توسىپ تۇرا قالدى.
سۇرلانا قالعان اكىم ءالى دە جىميىپ تۇر. مەڭگەرۋشى ونىڭ جانىنا كەلىپ، قۇلاعىنا سىبىرلاي:
-فاڭ اكىم، ورىنسىز بولدى-اۋ، شياۋ-ي تەنتەك، كەسەلدى. ءاسىلى مەن دە ونى مۇندا پراكتيكا جاساتقىم كەلمەگەن. ءبىراق ول قالا باستىعىنىڭ قىزى تۇرسا، ونى قالاي ىستەتپەسكە،-دەدى.
اكىم قارقىلداي كۇلىپ، شاپالاعىن سوعا:
«شياۋ-ي بويجەتكەن وتە دۇرىس ىستەدى، سىناققا دا ءتوزىمدى ەكەن. مەڭگەرۋشى ءدال ايتتى، سەن دەگەن ناعىز ىلۋدە ءبىر كەزىگەتىن دارىندى ەكەنسىڭ. قۇپ كورسەڭ اۋداندىق ۇكىمەتكە كەلىپ پراكتيكا ىستەسەڭ قالاي؟-دەگەنى
ءان الەمى

جول توسىلىپ قالدى

تۇلپارىم