باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شىلىڭگىر جازدىڭ ىستىعىندا 4-كەزەكتى جۇڭگو شينجياڭ حالىقارالىق ۇلتتىق ءبي فەستيۆالى اياقتادى

    كەلۋ قاينارى: شينجياڭ حالىق راديو ىستانسياسى    2015-08-17 17:47:15  
وسى كەزەكتى ءبي فەستيۆالىنىڭ باستالۋ سالتىنداعى كولەمدى بولمە ءىشى ۇلتتىق ءبي ويىنى «باتىس بولەككە قايتا ورالۋ» باستالىسىمەن كوپشىلىكتى تاڭ قالدىردى، سالتاناتتى ساحنا جوباسى، ايبىندى ساحنا فونتانى، وزگەشە ەرەكشەلىكتەگى ۇلتتىق ءبي جاۋھارىنا يە ويىندار، دىبىس، نۇر، توك وسىزاماندانعان عىلىم-تەحنيكانىڭ كەمەلدى ۇشتاسۋى كوپشىلىكتى باۋراپ، شينجياڭنىڭ الۋان ءتۇستى مادەنيەت كەلبەتىن سەزىندىردى. ساياحاتشى پان گانحۇي باستالۋ سالتىن كورۋگە بەيجيڭنەن ارنايى كەلگەن ەكەن. ول: «ەرەكشە ءسۇيسىندىم. كوركەمونەر جاعىندا بالام ەكەۋىمىزگە وسىنشاما تەرەڭ اسەر بەرەتىندىگىن ويلامادىم»،-دەدى.
ءبي فەستيۆالىندا تارتىمدى ويىن نومىرلەرى ىركەس-تىركەس ورىندالدى. ىشكى ولكەدەن، شەتەلدەن ەنگىزىلگەن ءىرى جانە شاعىن تيپتەگى كلاسسيكالىق تەاترلاردان تارتىپ، جەرگىلىكتى قۇنىتتاپ جاسالعان ءتول تۋىندىلارعا دەيىن تۇگەلدەي ءبي فەستيۆالىنىڭ جالىندى ماركا كەلبەتىن ايگىلەدى. جۇڭگو ءان-ءبي تەاترحاناسى الاكەلگەن كولەمدى ءبي تەاترى «كۇڭ زى» كورەرمەندەرگە تاڭعالارلىق ءداستۇرلى مادەنيەت اسەرىن بەردى. جۇڭگو ءان-ءبي تەاترحاناسى ءبي تەاتر ۇيىرمەسىنىڭ باستىعى شۇي نيڭ: «شينجياڭ حالىقارالىق ءبي فەستيۆالى بارعان سايىن حالىقارالانۋعا قاراي بەت الدى»،-دەدى.
ءبي فەستيۆالىندا شەتەل ءبي ۇيىرمەلەرىنىڭ ويىندارىن تاماشالاعان كورەرمەندەردىڭ كوز مەيىرى قاندى. بەلورۋسسيا مەملەكەتتىك بالەت ءبي ۇيىرمەسىنىڭ كوركەمدىك باس باقىلاۋشىسى يۋانوۆ ۋلاديمير: «جيزەل كلاسسيكالىق بالەت، ول ەڭ جوعارى دەڭگەيدەگى بالەتكە ۋاكىلدىك ەتەدى، كورەرمەندەر تەاتردى تاماشالاۋ بارىسىندا قول شاپالاق سوعىپ اڭىس قايتارىپ، دەڭگەيىن تانىتتى، ەرەسەن تاماشا بولدى»،-دەدى.4 كەزەكتى جۇڭگو شينجياڭ حالىقارالىق ۇلتتىق ءبي فەستيۆالىن وتكىزۋ بارىسىندا 50 نەشە مەملەكەت پەن رايوننىڭ كوركەمونەر ۇيىرمەلەرى شينجياڭعا ويىن قويۋعا كەلدى. اۆتونوميالى رايوندىق مادەنيەت مەڭگەرمەسى پارتگرۋپپاسىنىڭ شۋجيى رىن حۋا: «جۇڭگو شينجياڭ حالىقارالىق ءبي فەستيۆالىنىڭ مادەنيەت ماركاسى قالىپتاسىپ بولدى. ءبي كوركەمونەر ۇيىرمەلەرى ساحنادا بىرلىكتە ويىن قويىپ، اشىق اۋىس-كۇيىس جاساۋدى تولىق بەينەلەدى. مادەنيەتتىڭ جۇمساق كۇشىنىڭ ناعىز قوزعاۋشى كۇشكە اينالۋىن، مادەنيەت ارقىلى قوعامنىڭ العاباسۋى مەن دامۋىن كۇش سالا جەبەۋىن ءۇمىت ەتەمىز»،-دەدى.
ءان الەمى

جول توسىلىپ قالدى

تۇلپارىم