باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

الپىس جىلدىڭ ءارياسى

    كەلۋ قاينارى: شينجياڭ حالىق راديو ىستانسياسى    2015-10-01 04:55:16  

(باس جۇلدەلى تۋىندى)
اۆتورى: قۇدايبەرگەن مۇقاتبەك ۇلى
وقىعان: ءجاينا عينايات قىزى
جۇرگىزۋشى: ءلاززات توقان قىزى


تاڭدايىن قاققان پاتىشالار ۇداي،
ارمانداپ كەتكەن قاسقالار ىڭعاي.
نار ولكە مىناۋ بەرەكە تۇنعان،
كوركى ارۋدىڭ جاس جامالىنداي.

ۇلى ازيانىڭ الىپ توسىندە،
ماڭدايى ماڭگى جارىق بولسىن دە.
الپىسقا تولعان ابىز ولكەنىڭ،
اتى وزسىن دەپ تىلە تابىس كوشىندە.

ءورىلىپ شىققانداي تاسپادان ىڭعاي،
اتىزدارى التىننىڭ قوسپالارىنداي.
بەرەكەسىن كور ۇلت لەگىنىڭ،
ۇلى قورعاننىڭ تاس قامالىنداي.

سان تىلدە سارناعان اتالارى دا،
اتالارى دا، اپالارى دا.
شونجار تاۋلارعا كوزىن قىسادى،
ەلەكتىر-ارۋ جوتالارىمدا.

مىناۋ ولكەنى ساقتاردان قالعان،
دەپ ايتقان ەدى داستاندار ماعان.
تۇسىمدە ماعان كۇلىمدەي قاراپ،
گۇلدەنتتىڭ دەيتىندەي اسپاننان بابام.

باھادۇلەردىڭ ەرلىگى قالعان،
ەركە سالداردىڭ سەرىلىگى قالعان.
انەۋ قونىستا تاريحشى اتام،
قۇلابەستىنىڭ تەرلىگىن العان.

ەرتەكتەر ەلىنىڭ تاۋ سوعارى دا،
سيقىرلى اينامەن جان سالارى دا.
جەلاياق تۇگىل كورەگەنى دە،
عارىشتا ەمەس ورتالارىمدا.

اجەمدەر ايتقان ۇشپا كىلەمدى،
الىستان كوردىم قۇسقا كۇلەدى.
جەر شارىن دەڭگەلەك اينالدىرا ساپ،
جاقىنداستىرعان تىسقارى بەلدى.

ساۋساقتارىنان كيەلەر ونگەن،
سۇحباتتاس بولاشاق يەلەرىمەن.
اسپان استىنىڭ سالقار كوگىندە،
جانسىز كولىكتى تيەگەن مىنگەن.

الپىس-اق جىلدىڭ شەجىرەسىندە،
الپىس مىڭ جىل تۇر سەزىنەسىڭ بە؟
بولدى ما ەكەن مۇنداي تىرلىكتەر،
اڭىزدارداعى ەلدىڭ ەسىندە.

بۇل الپىس ەسكىمەن قوشتاسقان جىلدار،
وركەنيەتتىلەر دوستاسقان جىلدار.
بىلەككە ەمەس جۇرەككە باعىنىپ،
ۇلتتار بىرلىككە اتتاسقان جىلدار.

تەڭدىككە تامسانعان جاسقانتقان نۇرلى-اي،
ەرشىمدى ەڭبەكتى ماقتاسقان جىرداي.
ەسىل ەلدە ەسەيگەن باۋىرىم،

قالاي شىدايسىڭ كوك قاسقاڭدى ۇرماي.

ءان الەمى

جول توسىلىپ قالدى

تۇلپارىم