باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قوناعاسىسى بەرىلدى

    كەلۋ قاينارى: شينجياڭ حالىق راديو ىستانسياسى    2015-10-01 17:58:45  

30-قىركۇيەك كەشتە، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قوناعاسىسى شينجياڭ يىڭبين قوناق ۇيىندە بەرىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ باستاعان ورتالىق ۋاكىلدەر ۇيىرمەسىنىڭ بارلىق مۇشەسى اۆتونوميالى رايوننىڭ پارتيا، ۇكىمەت، ارميا جانە شينجياڭ ءوندىرىس قۇرىلىس بيڭتۋانىنىڭ باسشىلارىمەن، دەمالىسقا-زەينەتكە شىققان ساقا جولداستارمەن، وزات ۇلگىلەردىڭ ۋاكىلدەرىمەن، ءار ۇلت، ءارسالا قايراتكەرلەرىمەن مارە-سارە باس قوسىپ، جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعى مەن اۆتونوميالى رايون قۇرىلعاندىعىنىڭ 60 جىلدىعىن بىرلىكتە قۇتتىقتادى.
شينجياڭ يىڭبين قوناق ءۇيىنىڭ ءماجىلىس ورتالىعى گۇلدەرمەن بەزەندىرىلىپ، شامدار جارقىراپ، قۋانىشتى، كوڭىلدى مەرەكەلىك مەرەيگە تولدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى ليۋ ياندۇڭدەر قوناعاسىدا ىلگەرىندى- كەيىندى ءسوز سويلەدى.
جاڭ چۇنشيان اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس قۇرىلىس بيڭتۋانى جانە تۇتاس رايونىمىزداعى ءار ۇلت حالقى اتىنان شي جينپيڭ جولداس باس شۋجي بولعان پارتيا ورتالىق كوميتەتىنە وسكەلەڭ قۇرمەت ءبىلدىردى. يۇي جىڭشىڭ ءتوراعا ۇيىرمە باستىعى بولعان ورتالىق ۋاكىلدەر ۇيىرمەسىنە شىن جۇرەكتەن العىس ايتتى. بۇكىل رايونىمىزداعى ءار ۇلت كادرلارى مەن بۇقاراسىنىڭ، شينجياڭدا تۇراتىن اسكەري ءبولىم كومانديرلارى مەن جاۋىنگەرلەرىنىڭ، قارۋلى ساقشى وفيتسەرلەرى مەن اسكەرلەرىنىڭ، ساياسي-زاڭ ساقشىلارى جانە ءار سالا قايراتكەرلەرىنىڭ مەرەكەسىن قۇتتىقتادى. ول شينجياڭنىڭ رەفورما، دامۋ، ورنىقتىلىعىنا ۇلەس قوسقان جولداستاردان، دوستاردان شىن پەيىلمەن حال سۇرادى.
ول بىلاي دەدى: 60 جىلدان بەرى، پارتيا ورتالىق كوميتەتىنىڭ مىزعىماس باسشىلىعىندا، شينجياڭدا زور وزگەرىستەر تۋىلدى. بۇگىنگى شينجياڭنىڭ ەكونوميكاسى دامىپ، قوعامى ورنىقتى، ۇلتتارى ىنتىماقتى بولىپ، شەكاراسى بەكەمدەلىپ، ءار ۇلت حالقى تىنىش تىرشىلىك ەتىپ، ءار جاقتىلى ىستەرى گۇلدەنىپ كوركەيدى. بۇل پارتيانىڭ ۇلت ساياساتى مەن ۇلتتىق تەرريتوريالىق اۆتونوميالى ءتۇزىمىنىڭ ۇلى جەڭىسى، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى باسقارۋ تاكتيكاسىنىڭ ءساتتى ءامالياتى. ءبىز اۆتونوميالى رايون قۇرىلعاندىعىنىڭ 60 جىلدىعىن جاڭا باستاما ەتىپ، «پارتيا ورتالىق كوميتەتىنىڭ تالابى ءبىزدىڭ مىندەتىمىز» دەگەنگە تاباندى بولىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرلەي دايەكتىلەندىرىپ، «ءتورتتى جاپپاي ورىنداۋ» ستراتەگيالىق ورنالاستىرۋىن ارقاۋ ەتىپ، قوعام ورنىقتىلىعى مەن باياندى تىنىشتىق سىندى تياناق پەن تەتىكتى مىقتى يگەرىپ، شينجياڭدى زاڭمەن باسقارۋ، ىنتىماقتاسىپ شينجياڭدى ورنىقتىرۋ، شينجياڭدى ۇزاق مەرزىم كوركەيتۋگە تاباندى بولىپ، شيجياڭنىڭ رەفورما، دامۋ، ورنىقتىلىعىنا قاتىستى ءار جاقتىلى قىزمەتتەردى جاپپاي جاقسى ورىنداپ، كورىكتى شينجياڭدى كۇش سالا كوركەيتىپ، جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىنىڭ شينجياڭ داستانىن كۇش سالا جازىپ، پارتيا ورتالىق كوميتەتىنىڭ تاپسىرعان مىندەتى مەن شينجياڭداعى ءار ۇلت حالقىنىڭ تىلەگىن ورىندايمىز.

ليۋ ياندۇڭ ورتالىق ۋاكىلدەر ۇيىرمەسىندەگى مۇشەلەر اتىنان شينجياڭداعى ءار ۇلت كادرلارى مەن بۇقارادان جانە ءار سالا قايراتكەرلەرىنەن، شينجياڭداعى اسكەري ءبولىمنىڭ كوماندىر-جاۋىنگەرلەرىنەن، قارۋلى ساقشى شينجياڭ اسكەري بولىمدەرىندەگى وفيتسەر-اسكەرلەر مەن قوعام حاۋىپسىزدىگى كادر ساقشىلارىنان، بيڭتۋانداعى كارلار مەن جۇمىسشى قىزمەتكلەرلەردەن، ورتالىقتىڭ شينجياڭداعى مەكەمە ورىندارىنداعى كادر، جۇمىسشى-قىزمەتكەرلەردەن جانە شينجياڭعا كومەككە كەلگەن كادرلاردان شىنايى حال سۇرادى جانە مەرەكەلىك سالەم جولدادى.
ول بىلاي دەدى: بۇل كۇندەرى ورتالىق ۋاكىلدەر ۇيىرمەسى شينجياڭنىڭ جەر-جەرىندەگى ءار ۇلت كادرلارى مەن بۇقارادان حال سۇراپ، شينجياڭداعى ءار ۇلت حالقىنىڭ جاپپاي دوڭگەلەك داۋلەتتى قوعام قۇرۋ جولىندا ۇزبەي كۇرەس جاساپ جاتقانىن كوردى ءارى شينجياڭنىڭ سوتسياليستىك قۇرىلىس ىستەرىندە قول جەتكەن وراسان زور تابىستاردى كورىپ شاتتاندى .60 جىلداعى ناتيجە: تەك جۇڭگو كوممۋنيستىك پارتياسىنىڭ باسشىلىعىنا، جۇڭگوشا سوتسياليزم جولىنا، ۇلتتىق تەرتيوريالى اۆتونوميا تۇزىمىنە تاباندى بولعاندا عانا، شينجياڭنىڭ بولاشاعىنىڭ نۇرلى بولاتىنىن دالەلدەدى. سوندىقتان، شينجياڭدى زاڭمەن باسقارۋعا جانە گۇلدەندىرۋگە تاباندى بولىپ، ۇلتتار ىنتىماعىن ىلگەرىلەتۋدى شينجياڭداعى ءار ۇلت حالقىنىڭ تىرشىلىگىنىڭ جان تامىرى دەپ قاراپ، حالىق تۇرمىسىن جاقسارتىپ، دامۋدى جەبەۋ تانىمىن ورناتىپ، ورتالىقتىڭ شينجياڭ قىزمەتى جونىندەەح باعىت -ساياساتىن باتىل دايەكتىلەندىرىپ، ىنتىماقتى دا بەرەكەلى، كوركەيىپ گۇلدەنگەن، باي، وركەنيەتتى العا باسقان، حالقى تىنىش تا شات-شادىمان تىرشىلىك ەتكەن سوتسياليستىك شينجياڭ قۇرىپ، جۇڭحۋا ۇلتتارىنىڭ ۇلى كوركەيۋى جولىندا قۇلشىنا كۇرەس جاسايىق!
ورتالىق ۋاكىلدەر ۇيىرمەسىنىڭ ورىنباسار باستىعى ەركىن يىمىرباقى، جاڭ چيڭلي، ۋاڭ جىڭۋي، جاۋ كىشىلار كۇتىپ الۋ ماجىلىسىنە قاتىناستى.اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتواعاسى شوكرات زاكىر ءماجىلىستى باسقاردى. سمايىل احمەت، سىمايىل تىلەۋالدى، ابلەت ابدىرەشيت سياقتى كىسىلەر ماجىلىسكە قاتىناستى.

ءان الەمى

جول توسىلىپ قالدى

تۇلپارىم