باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«شينجياڭعا تارتۋ» اتتى كوركەمونەر ساۋىق كەشى شينجياڭ حالىق سارايىندا سالتاناتپەن قويىلدى

    كەلۋ قاينارى: شينجياڭ حالىق راديو ىستانسياسى    2015-10-01 18:14:03  

30-قىركۇيەك كەشتە، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان «شينجياڭعا تارتۋ» اتتى كوركەمونەر ساۋىق كەشى شينجياڭ حالىق سارايىندا سالتاناتپەن قويىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ، ورتالىق ۋاكىلدەر ۇيىرمەسىنىڭ ورىنباسار باستىقتارى ليۋ ياندۇڭ، ەركىن يىمىرباقى، جاڭ چيڭلي، ۋاڭ جىڭۋي، جاۋ كىشى جانە ورتالىق ۋاكىلدەر ۇيىرمەسىنىڭ بارلىق مۇشەلەرى شينجياڭداعى ءار ۇلت بۇقاراسىنان 2 مىڭنان استام ۋاكىلىمەن بىرلىكتە ويىندى تاماشالادى.

جاڭ چۇنشيان، شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي، مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، مەملەكەتتىك حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى جوراسى اسحات كەرىمباي ۇلى سياقتى باسشىلار ساۋىق كەشتى تاماشالادى ساۋىق كەش «شۇعىلالى جىلدار»، «كوكتەم شۋاعى»، «جىبەك جولى ارايى» سىندى ءۇش بولىمىنەن قۇرالدى. ءبىر مىڭ 200 دەن استام ءارتيست جاڭاشا ساحنالىق يدەيا جانە وزىق تەحنيكالىق تاسىلمەن جۇڭگو كوممۋنيستىك پارتياسىنىڭ باسشىلىعىندا، شينجياڭداعى ءار ۇلت حالقىنىڭ شۇعىلالى بارىستى باستان وتكىزگەن جانە قول جەتكىزگەن ەلەۋلى تابىستارىن قايتا بەينەلەدى، 60 جىلدان بەرى، وتە-موتە ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىنەن بەرگى پارتيانىڭ شينجياڭدى باسقارۋ تاكتيكاسىنىڭ شينجياڭداعى تابىستى ءامالياتىن اڭىس ەتتى. «زامان جىرى» ويىنىندا، ءارتيست نيگەراي ءبىرىنشى توپتاعى ۇيعۇر اۆياتسيا ايەل اسكەرى، قۇربان اتايدىڭ شوبەرەسى رۇحيا سامەتتىڭ رولىن سومدادى، ارتقى ۇلكەن ەكراندا كورسەتىلگەن ەرەسەن ۇلكەن اسكەري سوعىس كەمەسىنىڭ ساحنالىق اسەرى ەرەكشە ايباتتى بولىپ، كورەرمەندەرگە ىشىندە جۇرگەندەي سەزىم بەردى. ارتيست نيگەراي: فيلىمدەگى مەنىڭ ۇلى اكەم قۇربان تۇلۇم، كەزىندە ول كىسى ەسەگىنە ءمىنىپ بەيجيڭگە بارىپ ءتوراعا ماۋزىدۇڭدى كورمەكشى بولىپتى، ال مەن قازىر اۆياماتكانىڭ اسكەرىمىن. سول تەكشەدە تۇرعانىمدا ايبىندى مۋزىكا ەستىلدى بولدى ەرەكشە شابىتتانامىن. 60 جىلدىق مەرەي تويدى قۇتتىقتاۋ قيمىلىنا قاتىناسۋ ورايىنا يە بولعانىمدى ماقتانىش ەتەمىن،-دەدى.

ءان الەمى

جول توسىلىپ قالدى

تۇلپارىم