باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

يۇي جىڭشىڭ شينجياڭ اسكەري رايونىنداعى كوماندير - جاۋىنگەرلەردەن، شينجياڭ ءوندىرىس - قۇرىلىس بيڭتۋانىنداعى كادرلاردان، جۇمىسشى - قىزمەتشىلەردەن، قارۋلى ساقشى بولىمىندەگى وفيتسەر - جاۋىنگەرلەردەن جانە اۆتونوميالى رايوننىڭ ساياسي - زاڭ جۇيەسىندەگى كادر - ساقشى ۋاكىلدەرىنەن حال سۇرادى

    كەلۋ قاينارى: شينجياڭ گازەتى    2015-10-01 20:03:06  
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ 30 - قىركۇيەك تۇستەن بۇرىن ورتالىق ۋاكىلدەر ۇيىرمەسىنىڭ ءىشىنارا مۇشەلەرىن باستاپ، جەكە - جەكە شينجياڭ اسكەري رايونىنا، شينجياڭ ءوندىرىس - قۇرىلىس بيڭتۋانىنا، قارۋلى ساقشى شينجياڭ باس اترەتىنە بارىپ حال سۇراپ، اۆتونوميالى رايوننىڭ ساياسي - زاڭ جۇيەسىندەگى ۋاكىلدەرمەن كەزدەسىپ، پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جانە باس شۋجي شي جينپيڭ اتىنان كوپشىلىككە وسكەلەڭ قۇرمەت ءبىلدىردى جانە شىن ىقىلاسپەن حال سۇرادى.
يۇي جىڭشىڭ جانە ورتالىق ۋاكىلدەر ۇيىرمەسىنىڭ ورىنباسار باستىقتارى ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ ياندۇڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك ساياسي كەڭەستىڭ ورىنباسار ءتوراعاسى جاڭ چيڭلي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەرى كوميتەتىنىڭ مەڭگەرۋشىسى ۋاڭ جىڭۋي، ورتالىق اسكەري ىستەر كوميتەتىنىڭ مۇشەسى، باس ارتقى شەپ ءبولىمىنىڭ باستىعى جاۋ كىشى، سونداي - اق ورتالىق ۋاكىلدەر ۇيىرمەسىنىڭ ءىشىنارا مۇشەلەرى ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشياننىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىردىڭ سەرىك بولۋىندا شينجياڭ اسكەري رايونىنا بارىپ، شينجياڭدا تۇراتىن اسكەري بولىمدەردەگى كوماندير - جاۋىنگەرلەردەن حال سۇرادى.
شينجياڭ اسكەري رايونىنىڭ ۇرىمجىدەگى ديۆيزيا دارەجەلىدەن جوعارى كادرلارىمەن بىرگە سۋرەتكە تۇسكەننەن كەيىن يۇي جىڭشىڭ ءسوز سويلەپ، شينجياڭ اسكەري رايونىنا قاراستى اسكەري بولىمدەردىڭ وتاننىڭ تەرريتوريا تۇتاستىعىن قورعاۋ، شەكارا ءوڭىردىڭ تىنىشتىعىن بەكەمدەۋ، شينجياڭنىڭ قوعام ورنىقتىلىعىن قورعاۋ، «ءۇش ءتۇرلى كۇشكە» قارسى تۇرۋ، جەرگىلىكتى ورىن قۇرىلىسىنا كومەك بەرۋ، شينجياڭنىڭ ەكونوميكالىق، قوعامدىق دامۋىن جەبەۋ جاعىندا قوسقان ماڭىزدى ۇلەسىنە وڭ باعا بەردى. ول كوماندير - جاۋىنگەرلەردىڭ جاڭا جاعدايداعى ارميانى قۇدىرەتتەندىرۋ نىساناسىن مىقتاپ يگەرىپ، بورىشىن، مىندەتىن اتقارۋ قابىلەتىن ۇزبەي ءوسىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قامتاماسىز ەتۋگە پارمەندى كۇش ازىرلەۋىن ءۇمىت ەتتى.
ورتالىق ۋاكىلدەر ۇيىرمەسىندەگىلەر شينجياڭ ءوندىرىس - قۇرىلىس بيڭتۋانى ورگانىنا بارعاندا، بيڭتۋان ورگانىنداعى كادرلار مەن جۇمىسشى - قىزمەتشىلەر ولاردى قىزۋ قارسى الدى. يۇي جىڭشىڭ قاتارلى باسشىلار بيڭتۋاننىڭ ديۆيزيا، مەكەمە دارەجەلىدەن جوعارى كادرلارىمەن شىن ىقىلاسپەن قول الىسىپ، ولارمەن بىرگە سۋرەتكە ءتۇسىپ، ەستەلىك قالدىردى. يۇي جىڭشىڭ بىلاي دەدى: بيڭتۋاندىقتار شينجياڭدى اشۋ - گۇلدەندىرۋ، ۇلتتاردىڭ ۇلى ىنتىماعىن، ەكونوميكانىڭ، قوعامنىڭ دامۋىن، العا باسۋىن جەبەۋ، باتىس سولتۇستىك شەكارا قورعانىسىن بەكەمدەۋ جاعىندا سۇبەلى ۇلەس قوستى. قازىر شينجياڭ قىزمەتى جاڭا تاريحي بەلەستە تۇر.
بيڭتۋان قىزمەتىن ءتىپتى دە ماڭىزدى ستراتەگيالىق ورىنعا قويىپ، بيڭتۋاننىڭ ورنىقتىلىقتى قورعاۋ، شەكارانى قورعاۋ قابىلەتى قۇرىلىسىن اناعۇرلىم كۇشەيتىپ، بيڭتۋان مەن جەرگىلىكتى ورىن ءبىر دەپ قارايتىن يدەيانى بەرىك ورناتىپ، جالپىلىق قۋاتتى تىنباي كۇشەيتىپ، زاتتىق نەگىزدى بەكەمدەپ، ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم جەبەۋ كەرەك.
قارۋلى ساقشى شينجياڭ باس اترەتىندە ورتالىق ۋاكىلدەر ۇيىرمەسى وفيتسەر - جاۋىنگەرلەردىڭ قىزۋ قارسى الۋىنا يە بولدى. قارۋلى ساقشى شينجياڭ باس اترەتىنىڭ ۇرىمجىدەگى پولك دارەجەلىدەن جوعارى كادرلارىمەن كەزدەسكەندە، يۇي جىڭشىڭ بىلاي دەدى: سوڭعى جىلدارى «ءۇش ءتۇرلى كۇشتىڭ» قاتاڭ سىن - سايىسى الدىندا قارۋلى ساقشى شينجياڭ بولىمىندەگى وفيتسەر - جاۋىنگەرلەر ورتالىقتىڭ شەشىمدەرى مەن ورنالاستىرۋلارىن باتىل دايەكتىلەندىرىپ، باتىلدىقپەن شايقاسىپ، اياۋسىز سوققى بەرىپ، شينجياڭنىڭ ىنتىماقتىلىعىن، ورنىقتىلىعىن قورعاۋدىڭ ارقاۋى بولۋداي رولىن ويداعىداي ساۋلەلەندىردى. شينجياڭ قازىر ەرەكشە ماڭىزدى مەزگىلدە تۇر. قارۋلى ساقشى شينجياڭ بولىمىندەگى وفيتسەر - جاۋىنگەرلەر ەرەكشە ماڭىزدى جاۋاپكەرشىلىكتى ارقالاپ وتىر. وفيتسەر - جاۋىنگەرلەردىڭ پارتيا ورتالىق كوميتەتىنىڭ شينجياڭ قىزمەتى جونىندەگى دايەكتى باعىتىن باتىل دايەكتىلەندىرىپ، حالىق بۇقاراسىمەن ەتەنە بايلانىسىن نىعايتىپ، پارتيانىڭ باسشىلىعىنا قۇلاق اساتىن، شايقاستا جەڭە الاتىن، ستيلى تاڭداۋلى وسىزاماندانعان قارۋلى ساقشى ءبولىمىن قۇلشىنا قۇرىپ، شينجياڭنىڭ قوعام ورنىقتىلىعى مەن باياندى تىنىشتىعىنا ءتىپتى زور ۇلەس قوسۋىن ءۇمىت ەتەمىن.
شينجياڭ يىڭبيڭ قوناق ءۇيى ءماجىلىس ورتالىعىنىڭ قيىس تۇستىگىندە شينجياڭنىڭ قوعام حاۋىپسىزدىگى، سوت مەكەمەسى، پروكۋراتۋرا جۇيەسىنەن كەلگەن ساياسي - زاڭ جۇيەسىنىڭ 100دەن استام ۋاكىلى فورم كيىپ، قاتارعا رەتتى ءتىزىلىپ تۇر. ولاردىڭ اراسىندا سان رەت ەڭبەك سىڭىرگەن، سامايىن قىراۋ شالعان اعا بۋىن قاھارماندار ۋاكىلدەرى جانە ەر ءمۇسىندى، ارىندى ورتا جاستاعى، جاس كادرلار دا بار. ساياسي - زاڭ جۇيەسىندەگى ۋاكىلدەرمەن سۋرەتكە ءتۇسىپ ەستەلىك قالدىرعاننان كەيىن، يۇي جىڭشىڭ ساياسي - زاڭ جۇيەسىندەگى كادر - ساقشىلاردىڭ مەملەكەت حاۋىپسىزدىگىن قورعاۋ، قوعام ورنىقتىلىعىن ساقتاۋ، حالىق مۇددەسىن قورعاۋ جولىندا ۇلكەن قۇرباندىقتار بەرىپ، ۇلەس قوسقانىنا وڭ باعا بەرە كەلىپ بىلاي دەدى: ساياسي - زاڭ ورگانى شينجياڭنىڭ قوعام ورنىقتىلىعىن قورعايتىن شەشۋشى كۇش. شينجياڭنىڭ باياندى تىنىشتىعىن جۇزەگە اسىرۋ جونىنەن ەرەكشە ماڭىزدى رول اتقارادى. شينجياڭنىڭ ساياسي - زاڭ كادر - ساقشىلارىنىڭ پارتيا ورتالىق كوميتەتىنىڭ شينجياڭ قىزمەتى جانە ساياسي - زاڭ قىزمەتى جونىندەگى دايەكتى باعىتىن تەرەڭ ۇعىنىپ، اسقان ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن جاڭا جاعدايداعى ساياسي - زاڭ قىزمەتىن اناعۇرلىم ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ قورعاۋشىسى بولۋىن ءۇمىت ەتەمىن.
ءان الەمى

جول توسىلىپ قالدى

تۇلپارىم