باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز

    كەلۋ قاينارى: شينجياڭ گازەتى    2015-10-02 22:24:52  

بۇگىن جۇڭحۋا حالىق رەسپۋبليكاسى قۇرىلعانىنا 66 جىل تولعان جانە شينجياڭ ۇيعۇر اۆتونوميالى رايونى قۇرىلعانىنا 60 جىل تولعان مەرەكە كۇن. وسى قۋانىشتى ساتتە، ءبىز ورتالىق ۋاكىلدەر ۇيىرمەسى، شي جينپيڭ جولداس باس شۋجي بولعان پارتيا ورتالىعىنىڭ كەلەلى تاپسىرماسىن، بۇكىل ەلىمىزدەگى ءار ۇلت حالقىنىڭ ىزگى تىلەگىن وسى اراعا الا كەلىپ، شينجياڭداعى ءار ۇلت حالقىمەن قۋانىشتى بىرگە تويلاپ، شاتتىققا بىرگە بولەنىپ وتىرمىز. الدىمەن مەن ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان، شينجياڭداعى ءار ۇلت كادرلار مەن بۇقاراسىن جانە ءار سالاداعى قايراتكەرلەرىن، حالىق ازاتتىق ارمياسىنىڭ شينجياڭدا تۇراتىن اسكەري بولىمدەرىندەگى كوماندير - جاۋىنگەرلەرىن، قارۋلى ساقشى شينجياڭ اسكەري بولىمىندەگى كوماندير - جاۋىنگەرلەرىن جانە ساياسي - زاڭ كادر - ساقشىلارىن، شينجياڭ ءوندىرىس - قۇرىلىس بيڭتۋانىنداعى كادرلار مەن جۇمىسشى - قىزمەتشىلەرىن، ورتالىقتىڭ شينجياڭدا تۇراتىن ورىندارىنداعى كادرلار مەن جۇمىسشى - قىزمەتشىلەرىن جانە بارلىق شينجياڭعا كومەككە كەلگەن كادرلاردى قىزۋ قۇتتىقتايمىن جانە شىنايى حال سۇرايمىن! شينجياڭنىڭ دامۋى مەن العا باسۋىنا كوڭىل بولگەن جانە قولداعان بارلىق جولداستارعا، دوستارعا شىن جۇرەكتەن راقىمەت ايتامىن جانە وسكەلەڭ قۇرمەت بىلدىرەمىن!  1955 - جىلى 1 - قازاندا شينجياڭ ۇيعۇر اۆتونوميالى رايونى قۇرىلىپ، شينجياڭدا ۇلتتىق تەرريتوريالى اۆتونوميانىڭ شۇعىلالى تاريحى باستالدى. 60 جىلدان بەرى شينجياڭ قۇلاشىن كەڭگە جايعان تاريحي ءۇردىستى باسىپ ءوتىپ، ايتا قالسىن شۇعىلالى تابىستارعا قول جەتكىزدى. ەكونوميكا ۇزدىكسىز قارقىندى دامىدى، وتكەن جىلى اۆتونوميالى رايون بويىنشا ءوندىرىس جالپى قۇنى 1955 - جىلداعىنىڭ 115.6 ەسەسىنە جەتتى، ەگىن، مال شارۋاشىلىعىنىڭ وسىزاماندانۋ دەڭگەيى جاپپاي كوتەرىلدى، تولىق كەمەلدى وسىزاماندانعان ونەركاسىپ جۇيەسى قۇرىلدى، وسىزاماندانعان زات اينالىمى، ساياحات قاتارلىلار جاڭاشا ارتۋ تۇيىنىنە اينالدى. نەگىزدىك قۇرىلعىلار قۇرىلىسى كورنەكتى جاقساردى، وسىزاماندانعان قاتىناس تورى نەگىزىنەن قالىپتاستى، ەكولوگيالىق ورتانى قورعاۋ جانە ونىڭ قۇرىلىسى ۇزدىكسىز كۇشەيدى. ءار ۇلت حالقىنىڭ تۇرمىس دەڭگەيى كورنەكتى جوعارىلادى، كيىم، ازىق، ءۇي، كولىك قاتارلى جاقتارداعى شارت - جاعداي زور دارەجەدە جاقساردى، كەدەيلىكتەن دوڭگەلەك داۋلەتكە قادام قويۋ جالپى جاقتان جۇزەگە استى، ءدال قازىر جاپپاي دوڭگەلەك داۋلەتتى نىسانانى بەتكە الىپ ارشىندى قاداممەن العا ىلگەرىلەپ بارادى. قوعامدىق ىستەر جاپپاي العا باسىپ، 9 جىلدىق تۇزىمدەگى تەگىن مىندەتتى وقۋ - اعارتۋ قالا، اۋىلدارعا تۇگەل جالپىلاستى، وڭتۇستىك شينجياڭداعى 4 ايماق - وبلىس 14 جىل تەگىن وقىتۋدى اتقاردى، قوعامدىق قامتاماسىز ەتۋ جۇيەسى ۇزدىكسىز جاقساردى، ەمدەۋ، دەنساۋلىق ساقتاۋ شارت - جاعدايى بارىنشا جاقساردى، قالا، اۋىل تۇرعىندارىنىڭ دەنساۋلىق دەڭگەيى ۇزدىكسىز كوتەرىلدى. از ۇلتتاردىڭ تاڭداۋلى ءداستۇرلى مادەنيەتى قورعاۋعا الىندى جانە كوركەيدى، «12 مۇقام»، «ماناس»، «ءماشىراپ» الەمدىك بەيزاتتىق مادەنيەت مۇرالارىن قورعاۋ تىزىمىنە ەندى، قالا، اۋىلداردا الەۋمەتتىك مادەنيەت قىزمەت وتەۋ تورى نەگىزگى جاقتان جاپپاي قۇرىلدى. پارتيانىڭ ۇلت ساياساتى مۇقيات تياناقتاندى، ۇلتتىق وڭىردەگى اۆتونوميا ءتۇزىمىنىڭ ابزالدىلىعى تولىق ساۋلەلەنىپ، ءار ۇلت بۇقاراسىنىڭ زاڭدى ۇقىق - مۇددەسىنە شىنايى كەپىلدىك ەتىلدى، از ۇلت كادرلارىن جانە ءتۇرلى كاسىپتىك دارىندىلاردى باۋلۋ تەبىنى ۇزدىكسىز ارتتى، «ءۇشتىڭ ءبىر - بىرىنەن ايرىلا الماۋ» يدەياسى ادامدار جۇرەگىنەن تەرەڭ ورىن الدى، تەڭ، ىنتىماقتى، ءوزارا كومەكتەسەتىن، جاراسىمدى سوتسياليستىك ۇلتتار قاتىناسى ۇزدىكسىز بەكەمدەلدى جانە دامىدى، ءدىني سەنىم ەركىندىگىنە شىنايى كەپىلدىك ەتىلدى. ءار ۇلت كادرلارى مەن جۇرتشىلىق «ءۇش ءتۇرلى كۇشپەن» باتىل كۇرەس جۇرگىزدى، وتان تۇتاستىعىن، ۇلتتار ىنتىماعىن جانە قوعام ورنىقتىلىعىن پارمەندى قورعادى.  بۇل شۇعىلالى تابىستاردىڭ قولعا كەلۋى − ماۋ زىدۇڭ، دىڭ شياۋپيڭ، جياڭ زىمين جولداستاردى ۇيتقى ەتكەن ءۇش ۇرپاق پارتيا ورتالىق كوميتەتى باسشىلىق كوللەكتيۆىنىڭ جانە حۋ جينتاۋ جولداس باس شۋجي بولعان پارتيا ورتالىعىنىڭ شينجياڭ دامۋىنىڭ ءارقايسى تاريحي داۋىرلەرىندەگى شىنايى قامقورلىعى، دانىشپاندىق شەشىمدەرىنىڭ ناتيجەسى، ءارى پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىعىنىڭ الدىڭعىلارعا مۇراگەرلىك ەتىپ، بولاشاققا جول اشۋىنىڭ، مىعىم باسشىلىعىنىڭ ناتيجەسى، ءارى شينجياڭداعى ءار ۇلت كادرلار مەن بۇقارانىڭ ىنتىماقتاسا كۇرەس جاساپ، قاجىماي تالپىنۋىنىڭ ناتيجەسى، بۇكىل ەلدەگى ءار ۇلت حالقىنىڭ زور كۇشپەن قولداۋىنىڭ، شىنايى كومەكتەسكەندىگىنىڭ ناتيجەسى.شينجياڭ ۇيعۇر اۆتونوميالى رايون قۇرىلعاننان بەرگى 60 جىلدىق تابىستى اماليات بىزگە مىنانى تۇسىندىرەدى: شينجياڭ قىزمەتىن جاقسى ىستەۋ ءۇشىن، ءسوزسىز، جۇڭگو كوممۋنيستىك پارتيا باسشىلىعىنا تاباندى بولۋدان مىزعىماۋ، جۇڭگوشا سوتسياليزم جولىنا، ۇلتتىق تەرريتوريالى اۆتونوميا تۇزىمىنە تاباندى بولۋ؛ ءسوزسىز، زاڭنىڭ بەدەلىن، حالىقتىڭ مۇددەسىن، ۇلتتار ىنتىماعىن، وتان تۇتاستىعىن باتىل قورعاۋ، «ءۇش ءتۇرلى كۇشكە» زاڭ بويىنشا قاتاڭ سوققى بەرىپ، شينجياڭنىڭ جاراسىمدى ورنىقتى بولۋىنا كەپىلدىك ەتۋ؛ ءسوزسىز، ۇلتتار ىنتىماعىنىڭ ۇلى تۋىن بيىك ۇستاپ، پارتيانىڭ ۇلت، ءدىن ساياساتىن جاپپاي دايەكتىلەندىرۋ، ءار ۇلت جۇرتشىلىعىنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە دەگەن ورتاق تانىمىن ۇزدىكسىز كۇشەيتۋ؛ ءسوزسىز، شينجياڭنىڭ اناعۇرلىم جاقسى اناعۇرلىم قارقىندى دامۋىن جەبەۋدەن جازباي، دامۋدى حالىق تۇرمىسىن جاقسارتۋعا، جەرگىلىكتى ورىندارعا تيىمدىلىك جاساۋعا، ىنتىماقتى كۇشەيتۋگە تياناقتاندىرۋ، جۇڭگوشا، شينجياڭ ەرەكشەلىگىندەگى عىلمي دامۋ جولىمەن ءجۇرۋ؛ ءسوزسىز، ورتالىقتىڭ قامقورلىعىن، تۇتاس ەلىمىزدىڭ كومەگىن شينجياڭداعى ءار ۇلت كادرلارى مەن بۇقاراسىنىڭ قاجىرلىلىقپەن كۇرەس جاساۋىمەن تىعىز بىرلەستىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋدە قۇدىرەتتى كۇش قالىپتاستىرۋ كەرەك.  جولداستار، دوستار!  قازىر ەلىمىز جاپپاي دوڭگەلەك داۋلەتتى قوعام قۇرۋ، جاپپاي رەفورمانى تەرەڭدەتۋ، جاپپاي مەملەكەتتى زاڭمەن باسقارۋ، جاپپاي پارتيانى قاتاڭ باسقارۋ سىندى ماڭىزدى كەزەڭدە تۇر، بۇل ءارى شينجياڭنىڭ قوعام ورنىقتىلىعى مەن باياندى تىنىشتىقتى جۇزەگە اسىرۋداعى ماڭىزدى كەزەڭى. وتكەن جىلى مامىردا ورتالىق 2 - رەتكى شينجياڭ قىزمەتى جونىندەگى اڭگىمە ءماجىلىسىن اشىپ، جاڭا جاعدايداعى شينجياڭ قىزمەتىن جاقسى ىستەۋدىڭ ماڭىزدى باعىت − ساياساتتارىن ايقىنداپ، شينجياڭنىڭ قوعام ورنىقتىلىعى مەن باياندى تىنىشتىعىن ارقاۋ ەتە وتىرىپ ءبىر قىدىرۋ پارمەندى شارالاردى العا قويىپ، شينجياڭنىڭ دامۋ باعىتىن كورسەتتى. شينجياڭداعى ءار ۇلت كادرلار مەن بۇقارا پارتيا 18 - قۇرىلتايى مەن ج ك پ 18 - كەزەكتى ورتالىق كوميتەتىنىڭ ءۇشىنشى، ءتورتىنشى جالپى ماجىلىستەرىنىڭ رۋحىن دايەكتىلەندىرۋى، ورتالىقتىڭ 2 - رەتكى شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي تياناقتاندىرۋى كەرەك، «ءتورتتى جاپپاي ورىنداۋ» سىندى ستراتەگيالىق ورنالاستىرۋدى مىقتاپ ارقاۋ ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ سىندى كوزدەۋ ءتۇيىنى مەن كۇش سالۋ ءتۇيىنىن مىقتى يگەرىپ، شينجياڭدى زاڭمەن باسقارۋ، شينجياڭنىڭ بەرەكە - بىرلىگىن، ورنىقتىلىعىن ساقتاۋ، شينجياڭدى باياندى گۇلدەندىرۋگە تاباندى بولىپ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى دە العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنۋى كەرەك.  ءبىرىنشى، شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن مىقتى يگەرۋ كەرەك. قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى ءارى شينجياڭ قىزمەتىنىڭ باستى نىساناسى. بۇل پارتيا ورتالىعىنىڭ شينجياڭ جاعدايى مەن مەملەكەتتىڭ جالپى جاعدايى نەگىزىندە شىعارعان ۇلى ستراتەگيالىق تۇجىرىمى ءارى شينجياڭنىڭ بارلىق قىزمەتىنە جەتەكشىلىك ەتۋدىڭ باعدارلاماسى. تەك وسى ءتۇيىندى شىنايى تانىعاندا جانە يگەرگەندە عانا، شينجياڭدى زاڭمەن باسقارۋ، شينجياڭنىڭ بەرەكە - بىرلىگىن، ورنىقتىلىعىن ساقتاۋ، شينجياڭدى باياندى گۇلدەندىرۋدىڭ جەتەكشىلىگى مەن ىرىقتىلىعىن يگەرۋگە بولادى. شينجياڭنىڭ بارلىق قىزمەتىندە، ەكونوميكانى دامىتۋ، حالىق تۇرمىسىن جاقسارتۋ، رەفورما جاساپ ەسىك اشۋ، ۇلت، ءدىن ىستەرى، پارتيا قۇرىلىسى قاتارلىلاردىڭ بارلىعىندا قوعام ورنىقتىلىعى مەن باياندى تىنىشتىقتى ارقاۋ ەتىپ جوبالاپ العا ىلگەرىلەتۋ كەرەك. كوز الداعى شينجياڭنىڭ قوعام ورنىقتىلىعى مەن باياندى تىنىشتىعى ءدوپ كەلىپ وتىرعان قاتاڭ جاعدايىن تەرەڭ تانۋىمىز، زورلىقتى كۇش، لاڭكەستىك قيمىلدارعا سىلەيتە سوققى بەرۋ كوز الداعى كۇرەستىڭ ماڭىزدى ءتۇيىنى دەپ ءبىلۋىمىز، سونىمەن بىرگە، ءتۇرلى تەرەڭ قاباتتاعى قايشىلىقتار مەن ماسەلەلەردى تۇبەگەيلى شەشۋىمىز، قوعام ورنىقتىلىعى مەن باياندى تىنىشتىقتىڭ ىرگە تاسىن بەرىك قالاۋىمىز كەرەك. ورنىقتىلىق پەن دامۋدىڭ قاتىناسىن شىنايى تانۋىمىز جانە ءبىر جاقتىلى ەتۋىمىز، ءارقايسى سالالارداعى، ءارقايسى جاقتارداعى قىزمەتتەردى ءبىر تۇتاس جوسپارلاپ ورنالاستىرۋ، ورنىقتىلىقتى قورعاۋ ارقىلى تاماشا دامۋ شارت - جاعدايىن جاراتۋ، ورنىقتىلىق پەن دامۋ سىندى ەكى جاقتى تەڭ يگەرۋ، ەكى جاعىن دا مىقتى يگەرۋ كەرەك. جۇرتتىڭ كوڭىلىن تابۋ، كۇشتى ۇيىستىرۋدى ىشكەرىلەي ىلگەرىلەتىپ، جۇرتتى ورنىقتىلىقتى قورعاۋ − ءوز مۇددەمىزدى قورعاۋ ەكەنىن ايقىن تانۋعا باستاپ، پارتيا مەن ۇكىمەت جاقتا تاباندى تۇرىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن بىرگە سالۋ كەرەك.ەكىنشى، ۇلتتار ىنتىماعىن شىنايى بەكەمدەۋ جانە كۇشەيتۋ كەرەك. ۇلتتار ىنتىماعىن كۇشەيتۋ − شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزى. پارتيانىڭ ۇلت ساياساتىن بۇلجىماي دايەكتىلەندىرۋ، ۇلتتار ىنتىماعىن العا باستىرۋ قيمىلىن ۇيىمداستىرۋدى ىشكەرىلەي ورىستەتۋ، سوتسياليستىك وزەكتى قۇن كوزقاراسىن كۇش سالا باۋلۋ جانە جۇزەگە اسىرۋ، ءار ۇلتتىڭ ورتاق رۋحاني مەكەنىن قۇرۋ، مەملەكەت تانىمىن، ازاماتتىق تانىمىن، جۇڭحۋا ۇلتتارىنىڭ ورتاق تۇلعا تانىمىن بەرىك ورناتۋ كەرەك. ءار ۇلتتىڭ ارالاسۋىن، ىشتەسۋىن، توعىسۋىن نىعايتىپ، ءوزارا توعىسقان قوعامدىق قۇرىلىم مەن الەۋمەتتىك اۋماق ورتاسىن قۇرۋ، ءار ۇلت جۇرتشىلىعىنىڭ ورتاق ءوندىرىس تۇرمىسى مەن قىزمەت ىستەۋ، ۇيرەنۋ بارىسىنداعى تۇسىنىگىن تەرەڭدەتىپ، سۇيىسپەنشىلىگىنىڭ قويۋلانۋىن جەبەۋ، ءسويتىپ، ءار ۇلت جۇرتشىلىعىن اناردىڭ دانىندەي تىعىز ۇيىستىرۋ كەرەك. پارتيانىڭ ءدىن قىزمەتىنىڭ نەگىزگى باعىتىن جاپپاي بەكەمدەۋ، زاڭدىلارىن قورعاپ، زاڭسىزدارىن شەكتەپ، ۇشقارىلىقتى تەجەپ، جالبىزبالاپ كىرۋدەن ساقتانىپ، قىلمىستىلارعا سوققى بەرۋگە تاباندى بولۋ، ءدىننىڭ سوتسياليستىك قوعاممەن سايكەسۋىنە بەلسەندى جەتەكشىلىك ەتۋ، ءدىن قىزمەتىنىڭ زاڭمەن باسقارىلۋ دەڭگەيىن كوتەرۋ، وتانشىل ءدىن وقىتۋشىلارى قوسىنىن بەلسەندى باۋلۋ، ءدىن قايراتكەرلەرى مەن دىنگە سەنەتىن بۇقارانىڭ ەكونوميكانىڭ، قوعامنىڭ دامۋىن جەبەۋدەگى بەلسەندى رولىن جاقسى ساۋلەلەندىرۋ كەرەك.  ءۇشىنشى، ەكونوميكانى ءارى جاقسى، ءارى تەز دامىتۋدى جەبەۋدەن جازباۋىمىز كەرەك. باياندى تىنىشتىققا كوز جىبەرگەندە دامۋ دەگەنىمىز ورنىقتىلىقتىڭ ماڭىزدى قاينارى. ەكونوميكانىڭ دامۋ ساپاسى مەن ونىمدىلىگىن جوعارىلاتۋدى وزەك ەتىپ، شارۋاشىلىق قۇرىلىمىن ۇزدىكسىز ساپالىلاندىرۋ، ەگىن، مال شارۋاشىلىعىنىڭ وسىزاماندانۋ دەڭگەيىن كوتەرۋ، توقىماشىلىق، كيىم - كەشەك كاسىبى قاتارلى ەڭبەككۇش شوعىرلانعان كاسىپ سالالاردى زور كۇشپەن دامىتۋ، بايلىق اشۋ سيپاتتى كاسىپ شوعىرىن باۋلۋ، زات اينالىمى، ساياحات قاتارلى وسى زامانعى قىزمەت وتەۋ كاسىپتەرىن جانداندىرۋ كەرەك. رەفورمانى تەرەڭدەتۋدە ارشىندى قادام تاستاپ، بازاردىڭ جانە قوعامنىڭ ومىرشەڭدىگىن ونان ارى جانداندىرۋ، بايلىقتىڭ پايداسىنان جەرگىلىكتى ورىنعا كوپتەپ تيىمدىلىك جاساۋدى جەبەۋ، ەكونوميكانىڭ ساپاسىن كوتەرىپ، ءونىمىن ارتتىرۋدى ىلگەرىلەتۋ كەرەك. ەكولوگيالىق ورتانى قورعاۋعا باسا نازار اۋدارىپ، سۋدى ۇنەمدەپ پايدالانۋ جانە ەنەرگيانى ۇنەمدەپ، لاس زاتتاردىڭ شىعارىلۋىن ازايتۋدى قاتاڭ تياناقتاندىرىپ، باياندى دامۋ جولىمەن ءجۇرۋ كەرەك. «ءبىر بەلدەۋ، ءبىر جول» قۇرىلىسى ورايىن مىقتى يگەرىپ، ىشكە دە، سىرتقا دا جاپپاي اشۋدى كەڭەيتۋ، قاتىناس جانە ينفورماتسيا داڭعىلىن قۇرۋدى جەدەلدەتۋ، شينجياڭدى جىبەك جولى ەكونوميكالىق بەلدەۋىنىڭ وزەكتى وڭىرىنە اينالدىرىپ، ەلىمىزدىڭ باتىسقا ەسىكتى ايقارا اشاتىن قاقپاسى ەتۋ كەرەك.  ءتورتىنشى، حالىق تۇرمىسىنا كەپىلدىك ەتۋ مەن جاقسارتۋعا باسا نازار اۋدارۋ كەرەك. حالىق تۇرمىسى حالىق تىلەگىمەن جالعاسىپ جاتىر. جۇمىسپەن قامتۋ ماسەلەسىن ورنىقتى، تىنىش شينجياڭنىڭ ستراتەگيالىق تۇرعىسىنان تانۋ جانە شەشۋ، جۇمىسپەن قامتۋدى ەڭ كورنەكتى ورىنعا قويۋ، جۇمىسپەن قامتۋدىڭ ارنالارىن بەلسەنە كەڭەيتۋ، ءار ۇلت جۇرتشىلىعىنىڭ جۇمىستانۋ ىسكەرلىگىن كوتەرۋگە كومەكتەسۋ، جۇمىستانۋدىڭ كەلەلى قوعامدىق رولىن ساۋلەلەندىرۋ. شينجياڭداعى ءار دارەجەلى مەكتەپتەردىڭ وقىتۋ ساپاسىن جاپپاي كوتەرۋ، وقىتۋشى دايىنداۋ قۋاتىن كۇشەيتۋ، مىندەتتى وقۋ - اعارتۋدى، كاسىپتىك وقۋ - اعارتۋدى، «قوس ءتىل» وقۋ - اعارتۋىن مىقتى ۇستاپ، ءتىپتى دە مول ۇزدىك دارىندىلاردى كۇش سالا جەتىلدىرۋ كەرەك. كەدەيلەردى دالمە - ءدال سۇيەمەلدەۋگە تاباندى بولۋ، سۇيەمەلدەۋ، وركەندەتۋ قىزمەت تەبىنىن ونان ارى ارتتىرۋ، سۇيەمەلدەۋ قاراجاتىن ەگىن، مال شارۋاشىلىق رايوندارعا، شەكارا وڭىرلەرگە، ەرەكشە كەدەي ادامدارعا بەيىمدەتۋ، ەرەكشە ساياساتتان پايدالانىپ، وڭتۇستىك شينجياڭنىڭ دامۋىن قولداۋ كەرەك. باعىتتامالى كومەك − مەملەكەت ستراتەگياسى، ءسوزسىز، ۇزاق ۋاقىت جالعاستىرۋ، نىسانالى قۋاتتاندىرۋ كەرەك، دارىندى كادرلار ارقىلى شينجياڭعا كومەك بەرۋدى كۇشەيتىپ، بۇقارامەن جاناسۋ امالدارىن قاراستىرۋ، شينجياڭنىڭ جۇمىسپەن قامتۋ ماسەلەلەرىن شەشۋىنە بار كۇشپەن كومەكتەسۋ، شينجياڭعا كومەك قىزمەتىن ەڭ جوعارى ونىمگە جەتكىزۋ كەرەك.بەسىنشى، ورنىقتىلىقتى قورعاۋدىڭ ءتۇرلى قىزمەتتەرىن تىڭعىلىقتى ىستەۋ كەرەك. «ءۇش ءتۇرلى كۇش»، اسىرەسە، زورلىقتى كۇش لاڭكەستەرى − شينجياڭدى بىلىقتىراتىن ەڭ ۇلكەن قاتەر ءارى ءار ۇلت حالقىنىڭ ورتاق جاۋى. سىلەيتە سوققى بەرۋ، ىرىقتىلىقپەن شابۋىلعا شىعۋ، زورلىقتى كۇش لاڭكەستىك قيمىلدارعا زاڭ بويىنشا قاتاڭ سوققى بەرۋ، «ءۇش ءتۇرلى كۇشپەن» باتىل دا تاباندى تۇردە كۇرەس جاساۋ كەرەك. سوتسياليستىك زاڭمەن باسقارۋدىڭ تۋىن بيىك ۇستاۋ، زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن پايدالانىپ ورنىقتىلىقتى قورعاۋ، ورنىقتىلىقتى قورعاۋ قىزمەت تەتىگىن كەمەلدى قۇرۋ، بىرىگىپ قورعانۋ، بىرىگىپ تىزگىندەۋ، كوپشىلىككە سۇيەنىپ ساقتانۋ جانە باسقارۋدى كۇشەيتۋ، يدەولوگيا سالاسىنداعى بولشەكتەۋشىلىككە قارسى كۇرەستى نىعايتۋ، «ۇشقارىلىقتى الاستاۋ» قىزمەتىن كۇشەيتۋ، شينجياڭنىڭ قوعامدىق جونگە سالۋ جۇيەسى مەن جونگە سالۋ قۋاتىنىڭ وسىزاماندانۋىن جەبەۋ كەرەك. شينجياڭنىڭ بولشەكتەۋشىلىككە قارسى كۇرەسىنىڭ ۇزاق ۋاقىتتىق، كۇردەلى، قيان - كەسكى سيپات الاتىنىن تولىق تانۋ، ستراتەگيالىق تەگەۋرىندىكتى ساقتاپ، ۇزاق ۋاقىت كۇرەس جاساۋعا تاباندى بولىپ، ارنايى قيمىل ورىستەتۋ جانە شوعىرلى سوققى بەرۋمەن بىرگە، جان - جاقتى جونگە سالۋ، باسىنان باستاپ جونگە سالۋدى شىنايى كۇشەيتۋ، شينجياڭنىڭ باياندى تىنىشتىعى مەن حالىقتىڭ تىنىش تىرشىلىك ەتۋىنە ۇزاق ۋاقىت كەپىلدىك ەتۋدى جۇزەگە اسىرۋ كەرەك.  شينجياڭ ءوندىرىس - قۇرىلىس بيڭتۋانى شينجياڭنىڭ قوعام ورنىقتىلىعى مەن باياندى تىنىشتىعىن ساقتاۋدىڭ ماڭىزدى كۇشى. بيڭتۋاننىڭ دامىپ قۇدىرەتتەنۋىن قولداۋ، بيڭتۋاننىڭ ورنىقتىلىقتى ساقتاپ شەكارانى قورعاۋ قۋاتى قۇرىلىسىن كۇشەيتۋ، بيڭتۋان مەن جەرگىلىكتى ورىننىڭ توعىسپالى دامۋىن جەبەۋ، بيڭتۋاندى شەكارانى تىنىش ۇستاپ، شينجياڭدى ورنىقتىراتىن ورنىقتىرعىشقا، ءار ۇلت حالقىن ۇيىستىراتىن قورىتپا پەشكە، وزىق وندىرگىش كۇش پەن وزىق مادەنيەتتىڭ ۇلگى كورسەتەتىن وڭىرىنە اينالدىرۋ كەرەك.  شينجياڭداعى ءتۇرلى قىزمەتتەردى جاقسى ىستەۋدىڭ تەتىگى پارتيادا. شينجياڭداعى قالىڭ پارتيالى كادرلار ساياسي جاۋاپكەرلىكتەرىن ەستەرىنە بەرىك ساقتاۋى، ساياسي ءتارتىپ پەن ساياسي قاعيداعا قاتاڭ بويسۇنۋى، دۇرىس پەن بۇرىستى ايقىن ايىرۋى، ستيلىن بەكەمدەۋى، «ۇشتە قاتاڭ، ۇشتە شىنايى بولۋ» ارناۋلى تاربيەسىن تىڭعىلىقتى ورىستەتۋى، شىن نيەتىمەن ادال، پاك، ءتوزىمدى بولۋى كەرەك. نەگىزگى ساتىنىڭ نەگىزىن بەكەمدەۋ، نەگىزگى ساتىنىڭ باسشىلىق القاسى مەن كادرلار قوسىنى قۇرىلىسىن نىعايتۋ، نەگىزگى ساتى پارتيا ۇيىمى قۇرىلىسىن بۇقاراعا قىزمەت كورسەتەتىن، ورنىقتىلىقتى قورعايتىن، بولشەكتەۋشىلىككە قارسى تۇراتىن قۇرىش قورعانعا اينالدىرۋ كەرەك. شينجياڭ قىزمەتىنىڭ مىندەتى اۋىر، قىسىمى جوعارى، شينجياڭداعى كادرلار مەن دارىندىلار قوسىنى ايرىقشا قامقورلىققا الىنۋى كەرەك، ولاردى ۋايىمنان ارىلتىپ، كوپتەگەن ادامداردى شينجياڭدى گۇلدەندىرۋ، شينجياڭدى قورعاۋ، شينجياڭدى دامىتۋ ۇلى ىستەرىنە جۇمىلدىرۋ كەرەك.  جولداستار، دوستار!  60 جىلدى باسىپ وتكەن شينجياڭ بۇگىن تاعى ءبىر تىڭ تاريحي بەلەسكە قادام قويدى. ءبىز شي جينپيڭ جولداس باس شۋجي بولعان پارتيا ورتالىعىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزمنىڭ ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، باس شۋجي شي جينپيڭنىڭ ۇلاسپالى ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ورتالىقتىڭ شينجياڭ قىزمەتى جونىندەگى باعىت - ساياساتتارىن مۇقيات دايەكتىلەندىرىپ، ءبىر نيەت، ءبىر تىلەكتە، ءورىس اشا العا ىلگەرىلەپ، كورىكتى شينجياڭ قۇرۋ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاسايىق!  شينجياڭ ۇيعۇر اۆتونوميالى رايوننىڭ گۇلدەنىپ - كوركەيۋىن تىلەيمىن!  شينجياڭداعى ءار ۇلت حالقىنا باياندى باقىت، مىقتى دەنساۋلىق تىلەيمىن!  ۇلى وتانىمىزدىڭ گۇلدەنىپ، قۇدىرەتتەنە بەرۋىن تىلەيمىن!

ءان الەمى

جول توسىلىپ قالدى

تۇلپارىم