باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان ءتۇرلى قيمىلدارعا قاتىناسىپ،ءار ۇلت كادرلارى مەن حالىق بۇقاراسىنا امانداسا بارىپ، حال سۇراعاننان كەيىن يۇي جىڭشىڭ باستاعان ورتالىق ۋاكىلدەر ۇيىرمەسى شينجياڭنان اتتاندى

    كەلۋ قاينارى: شينجياڭ حالىق راديو ىستانسياسى    2015-10-02 22:27:15  
اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان ءتۇرلى قيمىلدارعا قاتىناسىپ، ءار ۇلت كادرلارى مەن حالىق بۇقاراسىنا امانداسا بارىپ حال سۇراعاننان كەيىن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ باستاعان ورتالىق ۋاكىلدەر ۇيىرمەسى 1 - قازاندا شينجياڭنان اتتانىپ، بەيجيڭگە قايتتى.  ورتالىق ۋاكىلدەر ۇيىرمەسى 25 - قىركۇيەكتە شينجياڭعا كەلگەن كۇننەن باستاپ، پارتيا ورتالىق كوميتەتىنىڭ شىن ىقىلاستى قامقورلىعى مەن بۇكىل ەل حالقىنىڭ تەرەڭ دوستىعىن ارقالاپ، شينجياڭداعى ايماق، وبلىس، قالالاردى ارالاپ، ءار ۇلت كادرلارى مەن حالىق بۇقاراسىنا امانداسىپ حال سۇرادى. ۋاكىلدەر ۇيىرمەسى بارعان جەرىندە حالىقتىڭ جاعدايىن ۇعىسىپ، ءۇنىن ەستىپ، اقىل - پاراساتىن توپتاپ، بۇكىل شينجياڭداعى ءار ۇلت، ءار سالا كادرلارى مەن حالىق بۇقاراسىنىڭ قىزۋ قارسى الۋىنا بولەندى.  التىن كۇز، اسپان شايداي اشىق. ءۇرىمجى حالىقارالىق اۋەجايىندا ءار ۇلت حالقى مەرەكەلىك كيىمدەرىن كيىپ، دۋماندى ءماشىراپ بيىنە باسىپ، ورتالىق ۋاكىلدەر ۇيىرمەسىن اتتاندىردى. ولار «ۋاكىلدەر ۇيىرمەسىن اتتاندىرىپ، پارتيا ورتالىق كوميتەتىنە العىس ايتامىز» دەپ ۇران سالىپ، شينجياڭ حالقىنىڭ شي جينپيڭ جولداس باس شۋجي بولعان پارتيا ورتالىق كوميتەتىنە دەگەن شەكسىز العىسىن، يۇي جىڭشىڭ ءتوراعا باستاعان ورتالىق ۋاكىلدەر ۇيىرمەسىنە دەگەن قيماستىق سەزىمدەرىن ءبىلدىردى.  يۇي جىڭشىڭ ورتالىقتىڭ ۋاكىلدەر ۇيىرمەسىن اتتاندىرىپ سالۋعا كەلگەن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيانمەن جانە اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي - اق شينجياڭ ءوندىرىس - قۇرىلىس بيڭتۋانىنىڭ نەگىزگى باسشىلارىمەن ءبىر - بىرلەپ قول الىسىپ قوشتاستى.  يۇي جىڭشىڭ ۇشاقتىڭ ەسىك الدىندا ۇزاق ايالداپ، ءار ۇلت كادرلارى مەن حالىق بۇقاراسىنا قول بۇلعاپ قوشتاستى.  شوكىرات زاكىر، نايىم ياسىن، نۇرلان ءابىلماجىن ۇلى، حان يۇڭ، پىڭ يۇڭ، لي ۋي قاتارلى باسشىلار ورتالىق ۋاكىلدەر ۇيىرمەسىن اتتاندىرۋدا بىرگە بولدى.
ءان الەمى

جول توسىلىپ قالدى

تۇلپارىم