باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ جينالىسىندا سويلەنگەن ءسوز

    كەلۋ قاينارى: شينجياڭ گازەتى    2015-10-02 22:28:54  

قۇرمەتتى يۇي جىڭشىڭ ءتوراعا، ورتالىق ۋاكىلدەر ۇيىرمەسىنىڭ مۇشەلەرى، جولداستار، دوستار:  بۇگىن ءبىز وسىندا سالتاناتتى جينالىس اشىپ، جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعىن جانە شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قىزۋ مەرەيمەن قۇتتىقتاپ وتىرمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ جولداس باستاعان ورتالىق ۋاكىلدەر ۇيىرمەسى شينجياڭعا كەلىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن ەرەكشە قامقورلىعى مەن بۇكىل ەل حالقىنىڭ ىزگى تىلەكتەرىن جەتكىزدى. مەن اۆتونوميالى رايوندىق پارتكوم، حالىق قۇرىلتايى، حالىق ۇكىمەتى، ساياسي كەڭەس، اسكەري رايون، بيڭتۋان جانە شينجياڭداعى ءار ۇلت حالقى اتىنان، شي جينپيڭ جولداس باس شۋجي بولعان پارتيا ورتالىق كوميتەتىنە وسكەلەڭ قۇرمەت بىلدىرەمىن! يۇي جىڭشىڭ ءتوراعا ۇيىرمە باستىعى بولعان ورتالىقتىڭ ۋاكىلدەر ۇيىرمەسىن قىزۋ قارسى الامىن! شينجياڭداعى بارلىق كادرلاردى، بۇقارانى جانە ءار شەپتەگى قايراتكەرلەردى، شينجياڭداعى حالىق ازاتتىق ارمياسىنىڭ كوماندير - جاۋىنگەرلەرىن، قارۋلى ساقشى وفيتسەر - جاۋىنگەرلەرىن، ساياسي - زاڭ كادر - ساقشىلارىن، ورتالىقتىڭ شينجياڭداعى ورىندارىنداعى كادرلاردى، جۇمىسشى - قىزمەتشىلەردى جانە شينجياڭعا كومەككە كەلگەن بارلىق كادرلار مەن دارىندىلاردى مەرەكەلەرىمەن قۇتتىقتايمىن! ۇزاقتان بەرى شينجياڭ دامۋىنىڭ اياق الىسىن جەدەلدەتۋگە كوڭىل بولگەن جانە قولداعان جولداستارعا، دوستارعا ىستىق ىقىلاسپەن راقىمەت ايتامىن!  وسى ورايدا، ءبىز شينجياڭنىڭ توڭكەرىسى، قۇرىلىسى، رەفورما ىستەرى جولىندا وشپەس ۇلەس قوسقان ۋاڭ جىن، ۋاڭ ىنماۋ قاتارلى اعا بۋىن پرولەتاريات توڭكەرىسشىلەرىن ساعىنىشپەن ەسكە الامىز! شينجياڭدى ازات ەتۋ، شينجياڭدى قورعاۋ، شينجياڭدى گۇلدەندىرۋ جولىندا ەرلىكپەن قۇربان بولعان توڭكەرىستىك قۇربانداردى ساعىنىشپەن ەسكە الامىز! شينجياڭداعى ءار ۇلت حالقىنىڭ باقىتى مەن تىنىشتىعى جولىندا جانىن قيعان بارلىق قۇرىلىسشىلاردى ساعىنىشپەن ەسكە الامىز! شينجياڭنىڭ كەڭ - بايتاق دالاسىندا ولاردىڭ ۇلى رۋحى ماڭگى جاسايدى!  جۇڭگو كوممۋنيستىك پارتياسىنىڭ باسشىلىعىندا، 1949 - جىلى قىركۇيەكتە شينجياڭ بەيبىت ازات بولىپ، شينجياڭ تاريحىنىڭ جاڭا ءداۋىرى باستالدى. 1955 - جىلى 1 - قازاندا شينجياڭ ۇيعۇر اۆتونوميالى رايونى قۇرىلىپ، شينجياڭنىڭ دامۋىنىڭ جاڭا ءبىر بەتى اشىلدى.  60 جىلدان بەرى شينجياڭداعى ءار ۇلت حالقى قاجىماي قۇلشىنىپ، ىنتىماقتاسا كۇرەس جاساپ، سان - ساناقسىز قيىندىقتاردى جەڭىپ، وتكەندەگى بىلىققان، كەدەي، ءالسىز، كونە شينجياڭدى گۇلدەنگەن، باي، ورنىقتى، جاراسىمدى سوتسياليستىك شينجياڭ ەتىپ قۇرىپ شىقتى. اسىرەسە، 18 - قۇرىلتايدان بەرى ءبىز شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، دامۋدى بارلىق ماسەلەنى شەشۋدىڭ نەگىزى جانە تەتىگى ەتتىك، حالىق تۇرمىسىن جاقسارتۋدى، حالىق جۇرەگىن توعىستىرۋدى ماقسات، رەفورما جاساپ، ەسىك اشۋدى قوزعاۋشى كۇش ەتىپ، جاڭاشا ونەركاسىپتەندىرۋدى، اۋىل شارۋاشىلىعىن وسىزامانداندىرۋدى، جاڭاشا قالا - قالاشىقتانۋدى، ينفورماتسيالاندىرۋدى، نەگىزدىك قۇرىلعىلاردى وسىزامانداندىرۋدى جەدەلدەتىپ، جۇمىسپەن قامتۋدى ءبىرىنشى ورىنعا، وقۋ - اعارتۋدى ماڭداي الدى ورىنعا قويۋعا تاباندى بولىپ، دامىتۋدى حالىق تۇرمىسىن جاقسارتۋعا، جەرگىلىكتى جەرگە پايدا جەتكىزۋگە، ىنتىماقتاسۋعا تياناقتاندىرىپ، بايلىقتى باياندى اشىپ، ەكولوگيالىق ورتانى باياندى قورعاپ، جۇڭگو ەرەكشەلىگىندەگى، شينجياڭ ەرەكشەلىگىندەگى عىلمي دامۋ جولىنا قادام قويدىق.  ءبىز ۇلت ماسەلەسىن شەشۋدىڭ جۇڭگوشا دۇرىس جولىنان اۋىتقىماي، ۇلتتىق تەرريتوريالى اۆتونوميا ءتۇزىمىنىڭ ابزالدىلىعىن تولىق ساۋلەلەندىرىپ، ءار ۇلت جۇرتشىلىعىنىڭ زاڭدىق ۇقىق - مۇددەسىنە كەپىلدىك ەتتىك، ءار ۇلت حالقىنىڭ ارالاستىعىن جەبەپ، تەڭ، ىنتىماقتى، قايىرىمدى، جاراسىمدى سوتسياليستىك ۇلتتار قاتىناسىن ۇزدىكسىز ورنىقتى دامىتتىق. پارتيانىڭ ءدىن قىزمەتىنىڭ نەگىزگى باعىتىنا تاباندى بولىپ، زاڭدىلارىن قورعاپ، زاڭسىزدارىن شەكتەپ، ۇشقارىلىقتى تەجەپ، جالبىزبالاپ كىرۋدەن ساقتانىپ، قىلمىستىلارعا سوققى بەردىك، ءدىندى سوتسياليستىك قوعاممەن سايكەسۋگە بەلسەنە جەتەكتەپ، ءدىني سەنىم ەركىندىگىنە كەپىلدىك ەتىپ، ءدىن قىزمەتىنىڭ زاڭمەن باسقارىلۋ دەڭگەيىن ۇزدىكسىز كوتەردىك. سوتسياليستىك وزەكتى قۇن كوزقاراسىن جۇزەگە اسىرىپ، شينجياڭ رۋحىن ساۋلەلەندىرىپ، ءبىر تۇلعالى، كوپ نەگىزدى، توعىسپالى، اشىق، شينجياڭ ەرەكشەلىگىندەگى وسى زامان مادەنيەتىن كۇش سالا دامىتتىق، «بەس ورتاق تانىمدى» ونان ارى نىعايتتىق، وتاندى، شينجياڭدى ءسۇيۋ، ىنتىماقتاسا ۇلەس قوسۋ، ەڭبەكشىل، قايىرىمدى بولۋ، اشىق ويلى، العاباسار بولۋ شينجياڭنىڭ اسقاق جىرىنا اينالدى.  ءبىز قوعام ورنىقتىلىعىن قورعاۋدى شينجياڭنىڭ دامۋ اياق الىسىنىڭ نەگىزگى العى شارتى ەتىپ، قوعام ورنىقتىلىعىن جانە باياندى تىنىشتىقتى باستى نىسانا ەتىپ، «زورلىق - زومبىلىققا قارسى تۇرىپ، زاڭدى، ءتارتىپتى دارىپتەۋگە»، « قاتاڭ سوققى بەرۋدى مىقتى يگەرۋ، تاربيەلەۋ، جەتەكتەۋدى دە مىقتى يگەرۋگە» تاباندى بولىپ، «ءۇش ءتۇرلى كۇشكە»، اسىرەسە، زورلىقشىل لاڭكەس كۇشتەرگە سوققى بەرۋدىڭ جوعارى قىسىمدى كۇيىن باستان - اياق ساقتادىق، «ۇشقارىلىقتى الاستاۋدى» ونان ارى ىشكەرىلەتىپ، ۇگىت - تاربيەنى بۇقاراعا كەڭ كولەمدە جەتكىزدىك، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن كەڭ كولەمدە قانات جايدىردىق، تىعىز ىنتىماقتاسىپ جانە ءار ۇلت حالىق بۇقاراسىنا سۇيەنىپ، شينجياڭنىڭ قوعامدىق جالپى جاعدايىنىڭ ورنىقتى بولۋىنا جانە وتانىمىزدىڭ باتىس تەرىستىك شەكارا ءوڭىرىنىڭ اماندىعىنا كەپىلدىك ەتتىك.بىز شينجياڭ ءوندىرىس - قۇرىلىس بيڭتۋانىن رەفورما، دامۋ، ورنىقتىلىقتىڭ ماڭىزدى كۇشىنە اينالدىرۋعا تاباندى بولىپ، بيڭتۋاننىڭ ورنىقتىلىقتى قورعاپ، شەكارانى كۇزەتۋدەگى ەرەكشە رولىن ساۋلەلەندىرۋىن قولداپ، جاڭاشا ونەركاسىپتەنۋ، قالا - قالاشىقتانۋ، اۋىل شارۋاشىلىعىن وسىزامانداندىرۋ قۇرىلىسىن جەدەلدەتىپ، بيڭتۋان مەن جەرگىلىكتى ورىنداردىڭ توعىسپالى دامۋىن جەبەپ، شەكارانى الاڭسىز بەكەمدەيتىن «ورنىقتىرعىش»، ءار ۇلت بۇقاراسىن ۇيىستىراتىن «قورىتۋ پەشى»، وزىق وندىرگىش كۇش پەن وزىق مادەنيەتتىڭ «ۇلگى كورسەتۋ رايونى» ەتىپ قۇرىپ شىقتىق، بۇل بيڭتۋان ىستەرىنىڭ قارىشتاپ دامۋىن قولعا كەلتىردى.  بۇگىنگى شينجياڭ − ەكونوميكاسى دامىعان، قوعامى ورنىقتى، ۇلتتارى ىنتىماقتى، شەكاراسى بەكەم، ءار ۇلت حالقى باياشات، ءار سالا كاسىپتەرى گۇلدەنگەن شينجياڭ. شينجياڭنىڭ 60 جىلدىق شۇعىلالى تابىستارى، تۇبىرىنەن العاندا، ماۋ زىدۇڭ، دىڭ شياۋپيڭ، جياڭ زىمين جولداستى ۇيتقى ەتكەن پارتيانىڭ ءۇش ۇرپاق ورتالىق باسشىلىق كوللەكتيۆىنىڭ جانە حۋ جينتاۋ جولداس باس شۋجي بولعان پارتيا ورتالىق كوميتەتىنىڭ ، سونداي - اق شي جينپيڭ جولداس باس شۋجي بولعان پارتيا ورتالىق كوميتەتىنىڭ كورەگەندىگىنىڭ، دانىشپاندىق شەشىمىنىڭ، ەرەكشە قامقورلىعىنىڭ ناتيجەسى، ءارى پارتيا 18 - قۇرىلتايىنان بەرگى شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى باسقارۋ شاراسىنىڭ شينجياڭداعى ناتيجەسىنىڭ جۇزەگە اسۋى، ءارى جۇڭگوشا سوتسياليزمنىڭ شينجياڭداعى ۇلى جەڭىسى، وتكەن كەزەكتەردەگى اۆتونوميالى رايوندىق پارتكومدار مەن ۇكىمەتتەردىڭ باستاۋىندا، شينجياڭداعى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى ءارى بۇل ورتالىقتاعى مينيسترلىكتەر مەن كوميتەتتەردىڭ ، تۋىسقان ولكە ، اۆتونوميالى رايون، قالالاردىڭ كۇش سالا كومەكتەسۋىنىڭ جانە شينجياڭدا تۇراتىن حالىق ازاتتىق ارمياسىنىڭ، قارۋلى ساقشى ءبولىمىنىڭ قالتقىسىز ۇلەس قوسقاندىعىنىڭ، بۇكىل ەلىمىزدەگى ءار ۇلت حالقىنىڭ ءبىر ءۇيلى جاندارداي ەتەنە جاقىندىعىنىڭ ارقاسى، شينجياڭداعى ءار ۇلت حالقى مۇنى ماڭگى ۇمىتپايدى!  60 جىلدىق شۇعىلالى تاريحقا كوز سالعاندا، تەك جۇڭگو كوممۋنيستىك پارتياسنىڭ باسشىلىعىندا، وتانىمىزدىڭ ۇلى شاڭىراعىندا، جۇڭگوشا سوتسياليزمنىڭ داڭعىل جولىمەن بۇلجىماي جۇرگەندە، ۇلتتىق تەرريتوريالى اۆتونوميا تۇزىمىندە تاباندى بولعاندا جانە جاقسارتقاندا عانا، شينجياڭنىڭ گۇلدەنە العا باسقان بۇگىنى مەن ەڭ كوركەم بولاشاعىنىڭ بولاتىنىن تەرەڭ سەزىنە الامىز.  شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىنداعى ستراتەگيالىق ورنى ەرەكشە ماڭىزعا يە. پارتيا 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە كوپتەگەن اقىل - پاراساتىن جۇمساپ، ەرەكشە قولداۋ كورسەتتى. شي جينپيڭ باس شۋجي ءوزى كەلىپ شينجياڭدى كوزدەن كەشىرىپ، قىزمەتكە باسشىلىق جاسادى. ورتالىقتىڭ 2 - رەتكى شينجياڭ قىزمەتى جونىندەگى اڭگىمە ءماجىلىسى جاڭا جاعدايداعى شينجياڭ قىزمەتىنە جاپپاي ورنالاستىرۋلار جاسادى. شي جينپيڭ باس شۋجيدىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، ورتالىقتىڭ 2 - رەتكى شينجياڭ قىزمەتى جونىندەگى اڭگىمە ءماجىلىسىنىڭ رۋحىن ، يۇي جىڭشىڭ ءتوراعانىڭ ماڭىزدى ءسوزىنىڭ رۋحىن جاپپاي تياناقتاندىرىپ، «پارتيا ورتالىق كوميتەتىنىڭ تالابى − ءبىزدىڭ مىندەتىمىز» دەگەنگە تاباندى بولىپ، شينجياڭدى زاڭمەن جونگە سالۋ، شينجياڭنىڭ بەرەكە - بىرلىگىن، ورنىقتىلىعىن ساقتاۋ، شينجياڭدى باياندى گۇلدەندىرۋگە تاباندى بولىپ، قوعام ورنىقتىلىعى مەن باياندى تىنىشتىقتى ساقتاۋ سىندى وسى ءبىر كوزدەۋ ءتۇيىنى مەن كۇش سالۋ ءتۇيىنىن مىقتى يگەرىپ، جىبەك جولى ەكونوميكالىق بەلدەۋى وزەكتى رايونىن قۇرۋ ورايىندا، ەكونوميكانىڭ ەڭ جاقسى، ەڭ قارقىندى دامۋىن جەبەۋدەن بۇلجىماي، حالىق تۇرمىسىن قامتاماسىز ەتۋگە جانە جاقسارتۋعا باسا نازار اۋدارىپ، ۇلتتار ىنتىماعى مەن ءدىني جاراسىمدىلىقتى بارىنشا جەبەپ، نەگىزگى ساتىنىڭ نەگىزىن ىشكەرىلەي بەكەمدەپ، قوعام ورنىقتىلىعىن باتىل قورعاپ، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، تىنىش تىرشىلىك ەتەتىن سوتسياليستىك شينجياڭ قۇرۋعا قۇلشىنايىق!  ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا 18 - قۇرىلتايى جانە پارتيا 18 - قۇرىلتايىنىڭ ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، شي جينپيڭ باس شۋجيدىڭ ماڭىزدى سوزدەرىنىڭ رۋحىن ىشكەرىلەي دايەكتى تيناقتاندىرىپ، «ءتورتتى جاپپاي ورىنداۋدىڭ» ستراتەگيالىق ورنالاستىرۋى بويىنشا، اۆتونوميالى رايون قۇرىلعاندىعىنىڭ 60 جىلدىعىن جاڭا باستاما ەتىپ، كورىكتى شينجياڭ قۇرۋ ءۇشىن، وتانىمىزدىڭ ارمانىن جۇزەگە اسىرۋ ءۇشىن قۇلشىنا كۇرەسەيىك!  ۇلى وتانىمىز گۇلدەنىپ - كوركەيە بەرسىن!  شينجياڭداعى ءار ۇلت حالقىنا باياندى باقىت، مىقتى دەنساۋلىق تىلەيمىن!  شينجياڭنىڭ بولاشاعى ءتىپتى دە نۇرلانا بەرگەي!

ءان الەمى

جول توسىلىپ قالدى

تۇلپارىم