باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شۇعىلالى تابىستى بارىنشا قاستەرلەپ، كوركەم شينجياڭ قۇرۋعا قۇلشىنايىق

    كەلۋ قاينارى: شينجياڭ گازەتى    2015-10-02 22:31:06  
مەملەكەت گيمنى اسقاقتاپ، قىزىل تۋ جەلبىرەپ، بارشا جۇرت شاتتىققا شومدى. 1 - قازاندا شينجياڭداعى 2200دەن استام ءار ۇلت، ءار سالا ۋاكىلى شينجياڭ حالىق سارايىندا سالتاناتپەن باس قوسىپ، اۆتونوميالى رايون قۇرىلعاندىعىنىڭ 60 جىلدىعىن قىزۋ قۇتتىقتادى. ج ك پ ورتالىق كوميتەتى، مەملەكەتتىك كەڭەس، مەملەكەتتىك ساياسي كەڭەس جانە ورتالىق اسكەري ىستەر كوميتەتى قۇتتىقتاۋ تەلەگرامماسىن جولدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ ماجىلىسكە قاتىناستى ءارى ماڭىزدى ءسوز سويلەدى. بۇكىل شينجياڭداعى 23 ميلليوننان استام ءار ۇلت حالقى مەرەيلى مەرەكەنى بۇكىل ەل حالقىمەن بىرگە تويلاپ، بىرگە شاتتىققا بولەنىپ، ۇلى وتانعا، كورىكتى اتا مەكەنگە دەگەن شىن ىقىلاستى ىزگى تىلەكتەرىن ءبىلدىردى.  اۆتونوميالى رايون قۇرىلعان 60 جىلدان بەرى، ءتۇرلى ىستەردە جۇرتتى تامساندىرارلىق شۇعىلالى تابىستارعا قول جەتكىزدىك. شينجياڭداعى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا تىعىز ىنتىماقتاسىپ، تولاسسىز ۇمتىلىپ، گۇلدەنىپ - كوركەيگەن، ورنىقتى، جاراسىمدى سوتسياليستىك جاڭا شينجياڭ قۇرىپ شىقتى. وتە - موتە، پارتيا 18 - قۇرىلتايىنان بەرى، اۆتونوميالى رايوندىق پارتكوم دامۋدى بارلىق ماسەلەنى شەشۋدىڭ كىلتى ەتىپ، شينجياڭداعى ءار ۇلت حالقىن دامۋدا قول جەتكىزگەن تابىستاردان يگىلىكتەندىرۋگە، ورنىقتىلىقتى بارلىق قىزمەتتى ويداعىداي ىستەۋدىڭ العى شارتى ەتۋگە تاباندى بولىپ، وزگەرىس ەنگىزىپ، رەفورما جاساپ، جاۋاپكەرشىلىكتى باتىلدىقپەن ارقالاپ، ناقتىلى ىستەر تىندىرىپ، جۇڭگوشا ەرەكشەلىككە، شينجياڭ وزگەشەلىگىنە يە عىلمي دامۋ جولىن سالىپ شىقتى. ەكونوميكا ءۇرتىس ۇشقان قۇستاي دامىپ، ءار ۇلت حالقىنىڭ تۇرمىس دەڭگەيى زور دارەجەدە جوعارىلادى، حالىقتىڭ تۇرمىس شارت - جاعدايى بارىنشا جاقساردى؛ ءار ۇلت حالقىنىڭ تەرەزەسى تەڭ، بەرەكەلى، قارايلاسىمدى، جاراسىمدى سوتسياليستىك ۇلت قاتىناسى ىنتىماقتاسىپ بىرگە كۇرەس جاساۋ، بىرگە گۇلدەنىپ - كوركەيۋ بارىسىندا ۇزدىكسىز نىعايىپ، دامي ءتۇستى. «ءۇشتىڭ ءبىر - بىرىنەن ايرىلا الماۋ» يدەياسى جۇرت جۇرەگىنە تەرەڭ ۇيالاپ، ءار ۇلت كادرلارى مەن حالىق بۇقاراسى «ءۇش ءتۇرلى كۇشپەن» باتىلدىقپەن كۇرەس جاساپ، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋدىڭ قۇرىش قامالىن مىقتاپ سوقتى. بۇگىنگى شينجياڭ وركەندەپ، شارىقتاي ءتۇستى.  شينجياڭنىڭ 60 جىلدان بەرگى قول جەتكىزگەن شۇعىلالى تابىسىن جۇڭگوشا سوتسياليزمنىڭ شينجياڭداعى ۇلى جەڭىسى پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعىنىڭ جانە ەلىمىزدەگى ءار ۇلت حالقىنىڭ بار كۇشپەن قولداپ - قۋاتتاۋىنىڭ ارقاسىندا تىنباي دامىپ، قۇلشىنا العا ىلگەرىلەپ قول جەتكىزگەن ۇلى جەڭىسى، بۇكىل شينجياڭداعى ءار ۇلت حالقىنىڭ نەگىزگى رولىن تولىق ساۋلەلەندىرۋىنىڭ، ىنتىماقتاسا كۇرەس جاساۋىنىڭ ۇلى جەڭىسى دەۋگە ابدەن بولادى. بۇگىنگى تابىس وڭاي - وسپاق قولعا كەلگەن جوق، ءبىز ونى كوزىمىزدىڭ قاراشىعىنداي قاستەرلەي ءبىلۋىمىز كەرەك. باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 60 جىلدىعىنا ارناپ جازعان «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن قۇتتىقتاۋ گراموتاسى پارتيا ورتالىق كوميتەتىنىڭ بىزدەن كۇتكەن كوكەي تەستى ءۇمىتىن بەينەلەپ، بۇكىل ەل حالقىنىڭ ءبىز جونىندەگى شىن ىقىلاستى تىلەگىن ايگىلەدى. شينجياڭداعى ءار ۇلت حالقى بورىشتىلىق سەزىممەن، ورتالىق پەن بۇكىل ەل حالقىنىڭ بىزدەن كۇتكەن ءۇمىتىن قوزعاۋشى كۇش ەتىپ، وتاننىڭ شينجياڭىن، ءسوز جوق، بۇدان دا تاماشا دامىتىپ، گۇلدەندىرە ءتۇسۋى كەرەك.  شينجياڭدى جونگە سالۋ ستراتەگياسى بىزگە ايقىن باعىت نۇسقادى. ءبىز پارتيا ورتالىق كوميتەتىنىڭ شينجياڭ قىزمەتى جونىندەگى باعىت - ساياساتتارىن باتىل دايەكتىلەندىرۋدەن جازباي، «پارتيا ورتالىق كوميتەتىنىڭ تالابى − ءبىزدىڭ مىندەتىمىز» دەگەنگە تاباندى بولۋىمىز كەرەك. شينجياڭ قىزمەتى پارتيا مەن مەملەكەتتىڭ قىزمەت جالپى جاعدايىندا ەرەكشە ماڭىزدى ستراتەگيالىق ورىندى يەلەيدى. پارتيا 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭ قىزمەتىنە ەرەكشە قولداۋ كورسەتتى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى جاڭا قالىپتاعى شينجياڭ قىزمەتىن ويداعىداي ىستەۋ جونىندە جاپپاي ورنالاستىرۋ جاسادى. ءبىز باس شۋجي شي جينپيڭنىڭ ماڭىزدى سوزدەرىنىڭ رۋحىن، ءسوز جوق، ىشكەرىلەي دايەكتىلەندىرۋىمىز، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن جاپپاي تياناقتاندىرۋىمىز، يۇي جىڭشىڭ ءتوراعانىڭ اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ ماجىلىسىندە سويلەگەن ماڭىزدى ءسوزىنىڭ تالابىن ويداعىداي تياناقتاندىرۋىمىز، بەرەكەلى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن، سوتسياليستىك شينجياڭ قۇرىپ شىعۋ ءۇشىن بارىنشا قۇلشىنا ءتۇسۋىمىز كەرەك  ءىس جۇزىندىك جاعدايمەن ۇشتاستىرىپ، ناقتىلى ونىمدىلىك جاراتقاندا عانا، ورتالىقتىڭ رۋحىن ويداعىداي دايەكتى تياناقتاندىرۋعا، حالىقتىڭ قالاۋىنان شىعۋعا بولادى. جاقىنعى جىلداردان بەرى، اۆتونوميالى رايوندىق پارتكوم ورتالىقتىڭ رۋحىن شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، اماليات بارىسىندا «حالىق تۇرمىسىن الدىمەن ويلاستىرۋ، حالىق بۇقاراسىن باستى ورىنعا قويۋ، نەگىزگى ساتىنى ماڭىزدى ساناۋ»، «وسى زامانعى مادەنيەت ارقىلى جەتەكشىلىك ەتۋ» سياقتى ءبىر سىپىرا جاڭا وي، جاڭا كوزقاراستاردى جاسامپازدىقپەن العا قويىپ، دامۋدى جەبەيتىن، حالىققا يگىلىك جاراتاتىن، ورنىقتىلىقتى قامتاماسىز ەتەتىن ءبىر قىدىرۋ ماڭىزدى شارالاردى شىعارىپ، جۇرت تىلەگىن توعىستىرىپ، كۇش - قۋات توپتادى، عىلمي قارىشتاپ دامۋدىڭ، توپ جارىپ، توپتان وزۋدىڭ اياق الىسىن تەزدەتتى. ءبىز تابىسقا جەتكەن تاجىريبەلەردى ۇزدىكسىز جالعاستىرىپ، ءونىمى جوعارى، كادەگە جارايتىن شارالاردى بارىنشا كەمەلدەندىرىپ، شينجياڭنىڭ رەفورما جاساۋ، دامۋ، ورنىقتىلىق ىستەرىندە جاڭا جاعداي جاراتۋىمىز كەرەك.  تۋعان جەر − التىن بەسىك، كورىكتى شينجياڭ قۇرۋ بۇكىل شينجياڭداعى ءار ۇلت حالقىنىڭ ارمان - تىلەگى ءارى تالپىنىس نىساناسى. جاڭا جورىقتا شينجياڭداعى ءار ۇلت كادرلارى مەن حالىق بۇقاراسى پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، تىلەكتەردى توعىستىرىپ، كۇش توپتاپ، ورشەلەنە العا ۇمتىلۋى، جىگەرلەنە العا تارتۋى، شينجياڭدى كوركەيتىپ، ورتاق ارماندى بىرگە جۇزەگە اسىرۋ ءۇشىن قۇلشىنۋى كەرەك.
ءان الەمى

جول توسىلىپ قالدى

تۇلپارىم