باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

وتانىمىزدىڭ گۇلدەنىپ - كوركەيۋىن، شينجياڭنىڭ بولاشاعىنىڭ اناعۇرلىم نۇرلى بولۋىن تىلەيمىز

    كەلۋ قاينارى: شينجياڭ گازەتى    2015-10-02 22:32:16  
  1 - قازان بەيجيڭ ۋاقىتى تاڭعى ساعات 7 مولشەرى، تاڭ ءالى اتا قويماعان، كۇزگى ۇرىمجىدە كۇن سۋىتىپ قالعانىمەن، ادامداردىڭ مەملەكەت مەرەكەسىن قۇتتىقتاپ، تۋ شىعارۋ سالتىنا قاتىناسۋ ىنتاسىنا تيتتەي دە ىقپال جاسامادى. وسى كەزدەگى ءۇرىمجى حالىق الاڭى الدەقاشان ادامعا لىق تولعان ەدى. قارتتار، ءسابي بالالار، اسكەريلەر، وقۋشىلار، كادرلار ءيىن تىرەسەدى، ولار قولىنا مەملەكەت تۋىن ۇستاعان، كەيبىرەۋى، اۋەلى، بەتىنە مەملەكەت تۋى بەلگىسىن جاپسىرىپ تا الىپتى، ولار مەملەكەت تۋىن شىعارۋ سالتىنىڭ باستالۋىن شات مەرەيمەن كۇتۋدە. بۇگىن جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعىن اتاپ ءوتۋ كۇنى ءارى شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن اتاپ ءوتۋ كۇنى، ءۇرىمجى حالىق الاڭى مەرەكەنىڭ شاتتىعىنا شومدى، الاڭنىڭ توڭىرەگى ءتۇرلى گۇلدەرمەن كومكەرىلگەن، «اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتايمىز» دەگەن قىزىل ءتۇستى جازۋ گۇلدەردىڭ ايشىقتاۋىندا ەرەكشە كوز تارتادى. جۇڭگو حالىق ازاتتىق ارمياسىنىڭ شينجياڭعا جورىق جاساپ كىرۋىنە ارنالعان ەڭسەلى ەسكەرتكىش ەرەكشە ايبىندى تۇر، ەسكەرتكىشتىڭ ماڭايى گۇلدەرمەن بەزەندىرىلگەن. الاڭداعى تۋ باعاناسىنىڭ ەكى جاعىنداعى قىزىل ءتۇستى پانار شامدارمەن اشەكەيلەنگەن اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتاۋعا ارنالعان سۋرەتتەر مەرەكەنىڭ مەرەيىن اسىرعانداي ساعات 8 دە ايبىندى دا اسقاق اسكەري مۋزيكا وينالىپ، قارۋلى ساقشى اسكەري ءبولىمى تۋ شىعارۋ وددەلەنياسىنداعى وفيتسەر - جاۋىنگەرلەر مىلتىقتارىن سەرت ۇستاپ، نىق قادام تاستاپ، بەس جۇلدىزدى قىزىل تۋدى كوتەرىڭكى كوڭىلمەن قورعاپ، حالىق الاڭىنىڭ ورتالىعىنداعى مەملەكەت تۋى باعاناسىنىڭ جانىنا اكەلدى. ساعات 8دەن 6 مينۋت وتكەندە، ايبىندى گيمىننىڭ سۇيەمەلىمەن، بەس جۇلدىزدى قىزىل تۋ تاڭەرتەڭگى كۇنمەن بىرگە باياۋ كوتەرىلدى! بەس جۇلدىزدى نارت قىزىل تۋ كوگىلدىر اسپان مەن اقشا بۇلتتاردىڭ ايشىقتاۋىندا تىپتەن كوز تارتىپ، نۇر - شۇعىلا شاشتى. الاڭداعىلاردىڭ بارلىعى گيمىندى اسقاقتاتا شىرقاپ، بەس جۇلدىزدى قىزىل تۋدىڭ كوتەرىلۋىنە كوز الماي قاراپ تۇردى. ادامداردىڭ كوكىرەگىن اسا تەرەڭ سۇيىسپەنشىلىك كەرنەپ، سۇيىكتى وتانىمىزدىڭ كۇننەن - كۇنگە قۇلپىرا ءتۇسۋىن، گۇلدەنىپ - كوركەيۋىن، بارعان سايىن قۇدىرەتتەنۋىن ارماندادى؛ كورىكتى مەكەنىمىزدىڭ بارعان سايىن جاراسىمدى بولۋىن، وركەندەۋىن تىلەدى ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايونىمىزداعى پارتيا، ۇكىمەت، ارميانىڭ، سونداي - اق ءوندىرىس - قۇرىلىس بيڭتۋانىنىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي قاتارلىلار 10 مىڭنان ارتىق ءار ۇلت جۇرتشىلىعىمەن بىرگە بۇگىنگى تۋ شىعارۋ سالتىنا قاتىناستى.
ءان الەمى

جول توسىلىپ قالدى

تۇلپارىم