باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

انا ماحابباتىنىڭ قۇدىرەتى

    كەلۋ قاينارى: جۇڭگو قازاق راديو تورابى    2015-10-16 18:17:54  

 اۆتورى: لي لي
 اۋدارعان: گۇلزيرا مەدەلقان قىزى
مەن كوشە ءىس باسقارماسىنا جاڭادان اۋىسىپ كەلگەنىمدە ءبىر قىزمەتتەسىم ماعان وسى الەۋمەتتىك اۋماقتا ليۋجيە ەسىمدى ءبىر ايەلدىڭ وتباسى قيىنشىلىعى اۋىر ەكەنىن ايتتى.
قىزمەتتەسىمنىڭ ايتۋىنشا، ليۋ جيەنىڭ اقىل - ەسى كەم ءبىر بالاسى بار ەكەن دە، كۇيەۋى بۇل بالانىڭ كوزىن قۇرتپاق بولادى. ال ليۋجيە بۇعان مۇلدە قوسىلمايدى. كەيىن كۇيەۋى وسى ءىس سەبەبىنەن ليۋجيەمەن اجىراسادى دا، انالى - بالالى ەكەۋىنەن ىرگەسىن اۋلاققا سالىپ، ءوز جونىنە كەتە بارادى. ال اقىل - ەسى كەم بالانى باعىپ - قاعۋ مىندەتىن ليۋ جيە ءوزى ارقالايدى. سونىمەن وسى مۇگەدەك بالاسىنا قارايلاسۋ ءۇشىن ول بەلگىلى ءبىر سەرىكتىكتەگى قىزمەتىنەن قول ءۇزىپ، ءوز قۇلشىنىسى ارقىلى ەمتيقانعا قاتىناسىپ، بالاسى وقيتىن باستاۋىش مەكتەپكە وقىتۋشى بولادى. ونىڭ سونداعى ارمانى بالاسىنا جاقسى وقۋ ورتاسىن جاراتىپ بەرۋ ءۇشىن ەدى.
بۇل ءىس مەنى قاتتى تاڭداندىردى، دەسە دە، ليۋ جيە ەسىمدى وسى ءبىر ايەلدىڭ كەشىرمەسىنە قىزىعا قالدىم. سونىمەن قىزمەتتەسىمنىڭ جول باستاۋىمەن ليۋ جيەنىڭ ۇيىنە باردىم. ءبىز ەسىك قاعىپ ەدىك، ءتۇسى جىلى ءبىر ايەل ەسىك اشتى. قوناق بولمەدە جۇرەلەپ وتىرعان 7 - 8 جاستار شاماسىنداعى بەتى دومىققان، كوزى قىلي، اۋزى قيسايعان بالاعا ءبىر قاراپ - اق ونىڭ باسقا بالالاردان وزگەشەلەۋ ەكەنىن بايقالادى. ليۋجيە بالانىڭ باسىن سيپاپ تۇرىپ: «بالام، اپاي دەپ شاقىر» دەدى.
بالا كوزىنىڭ قيعىمەن بىزگە ءبىر قاراپ قويدى دا، اقىرىن عانا « اپاي» دەدى. مەن كەتەتىن كەزدە وعان: «قانداي قيىنشىلىعىڭ بولسا كوشە ءىس باسقارماسىنا بارىپ مەنى ىزدە» دەدىم.
ارادا بىرنەشە جىل ءوتتى. ءبىر كۇنى تۇستەن بۇرىن ءبىر قىزمەتتەسىم بىرەۋدىڭ مەنى ىزدەپ كەلگەنىن ايتتى. كەلگەن ادام ءدال ليۋ جيە ەكەن.
ليۋجيە ءسال ىڭعايسزدانعان بەينەدە: «لي مەڭگەرۋشى، مەن سىزدەن كومەك سۇراي كەلدىم. بالام ورتالاۋ مەكتەپكە تۇسكەن ەدى، مەنى سول مەكتەپكە مۇعالىمدىققا تانىستىرساڭىز بولار ما؟» دەدى. مەن ءسال ەكىلەنىپ قالدىم. «ورتالاۋ مەكتەپكە وقىتۋشى بولۋ باستاۋىش مەكتەپ وقىتۋشىسى بولۋمەن قايدان ۇقساسىن» دەپ ويلادىم. دەسە دە ليۋجيەنىڭ مەنەن ۇمتتەنگەن كوزدەرىنە قاراپ شاراسىزدان وعان «مەن سىناپ كورەيىن» ،-دەدىم.
ليۋجيە ەكەۋىمىز بىرگە ءمالىم ءبىر ورتالاۋ مەكتەپكە كەلدىك. مەكتەپ باستىعى حۋاڭ فاميليالى ادام ەدى، ءبىز بىرنەشە رەت كەزدەسكەن بولاتىنبىز. حۋاڭ مەكتەپ باستىعى ءبىزدى كىشپەيىلدىكپەن قارسى الدى. ءبىراق ول كىسى دە ءسال ويلانىپ قالدى دا، ورتالاۋ مەكتەپكە وقىتۋشى بولۋ ءۇشىن قاجەتتى ماتەريالدار دەپ كوپتەگەن ماتەريالداردىڭ تىزىمدىگىن شۇبىرتتى. ليۋجيەنىڭ دايىندالىپ كەلگەنىن ويلاماعان ەدىم، ول سومكاسىنان ءبىرقانشا ماتەريالدى الىپ شىعىپ كورسەتتى جانە تولىمدىلىق كۋالىكتەرى دە بار ەدى. بۇل نارسەلەردى كورگەن حۋاڭ مەكتەپ باستىعى ەكەۋىمىز اڭىرىپ تۇرىپ قالدىق. ليۋجيە: «حۋاڭ مەكتەپ باستىعى، بۇل ماتەريالدار جەتكىلىكتى مە؟» دەدى. حۋاڭ مەكتەپ باستىعى دا باسىن يزەپ: «جەتەدى، جەتەدى»،- دەدى.
قوشتاسار ساتتە مەن ليۋجيەگە «سەن وسىنشاما كوپ نارسەلەردى دايىنداۋ ءۇشىن جۇرەك قانىڭدى سارقا جۇمساعان بولارسىڭ» دەگەن ەدىم، ول: «بالامنىڭ جانىندا كوبىرەك سەرىك بولسام دەيمىن، ونىڭ ەرتەرەك ساۋىعۋىن تىلەيمىن» دەدى. ليۋجيە بالاسىنا «اپاي دەپ شاقىر» دەدى، ول، شىنىندا، ءتىل العىش بالا ەكەن، باسەڭ داۋسپەن «اپاي» دەدى، ءبىراق ول سويلەگەن كەزدە ماعان جانە دە كوزىنىڭ قيىعىمەن قاراپ تۇردى. مەن ولارمەن قوشتاسىپ، ىشتەي ءبىر كۇرسىندىم دە جولىما ءتۇستىم.
ارادا تاعى بىرنەشە جىل ءوتتى. مەن دە كوشە ءىس باسقارماسىنان اۋىسىپ كەتتىم. ءبىر كۇنى جول بويىندا سەيىلدەپ كەلە جاتقان ەدىم، توسىننان بىرەۋ «لي مەڭگەرۋشى» دەپ شاقىردى، ارتىما قاراسام ليۋجيە ەكەن، مەن وعان: «بالاڭ ەندىگى ورتا مەكتەپكە تۇسكەن بولار، سەن ەندى ورتا مەكتەپ وقىتۋشىسى بولىپ ءجۇر مە؟» دەدىم. ول «شىنىندا، سولاي بولدى» دەدى.
مەن ءبىر ۇل بالانىڭ بىزگە جاقىنداپ كەلە جاتقانىن بايقادىم، بالانىڭ بەتىندە قىزارىپ دومىققان بەلگىلەرى قالماپتى. كوزى، مۇرنى بارلىعى دا قالىپتى ادامداردىكىمەن ۇقساس، الگى بالا كەنەتتەن «اپاي، سالەمەتسىز بە؟!» دەدى. مەن ءوز كوزىمە ءوزىم سەنبەي قالدىم. ءبىراق،كوڭىلىمدى ءبىر قۋانىش لەبى ەسىپ وتكەندەي بولدى.

ءان الەمى

جول توسىلىپ قالدى

تۇلپارىم