باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءابۋ ءناسىر ءال-فارابيدىڭ ناقىل سوزدەرى

    كەلۋ قاينارى: شينجياڭ حالىق راديو ىستانسياسى    2016-01-15 12:09:19  

•ار-ۇجدان الدىنداعى ادالدىق ءوز قادىر-قاسيەتىڭە، ىزگى ءىس-ارەكەتىڭە بايلانىستى.
•شىنشىلدىق ادالدىقپەن اعالاس.
•ورگە جۇزگەن ونەگەلى ىسىمەن، تاڭدا ادال دوس ءوز تەڭىڭنىڭ ىشىنەن.
•ادام ماقساتىنا ءوزىن-ءوزى جەتىلدىرۋ ارقىلى جەتەدى.
•مىنەز-قۇلىق ءمىنى-رۋحاني كەسەلگە جاتادى.

•وزگەنىڭ پىكىرىن يەمدەنىپ كەتۋ-ناداندىق ءھام نيەتى قارا ادامعا لايىق ءىس.
• بەيقامدىق ساتسىزدىككە باستايدى.
•جۇرگەندەر كوپ دوستىق اتىن مالدانىپ، قالماعايسىڭ سەن دە بىردە الدانىپ.
•ءوز بويىندا جوق قاسيەتتەرگە قۇمار كىسى كولگىر كەلەدى.
•ءبىلىمدى بولۋ دەگەن-جاڭالىق اشۋعا قابىلەتتى بولۋ.
•ءبىلىم قۋعان جاننىڭ ويى كۇندەلىكتى كۇيبەڭنەن كوپ الىستا جاتادى.
•عىلىم ادام ساناسىنا بولمىسى بولەك، ەرەكشە ۇتقىر ۇعىمداردى ورنىقتىرۋ ارقىلى عانا تەرەڭ ۇيالايدى.

•عىلىممەن اينالىسسام دەگەن ادامنىڭ اقىل-ويى__ايقىن، ەرىك-جىگەرى__زور، تىلەك-ماقساتى___ اقيقات پەن ادالدىققا قىزمەت ەتۋگە تالاپ جولىندا بولۋى شارت. جاي ءلاززات ىزدەۋ، كاسىپقۇمارلىققا ۇقساس ارەكەت ونداي بولماسقا كەرەك.

•مىنەز_جاننىڭ ايناسى.
•ادامنىڭ باسىنا قونعان باقىتتىڭ تۇراقتى بولۋى جاقسى مىنەز-قۇلىققا بايلانىستى.
•مىنەز بەن اقىل جاراسسا-ادامگەرشىلىك ۇتادى

•سۇلۋ ساز جان سەرگىتەدى.
•ءتان اۋىرسا - جان دا اۋىرادى.
•شىن بەرىلىپ قىزىقتاعان نارسە عانا جۇرەككە جەتەدى.
•اقىل-پاراسات - ادامنىڭ ويلاۋىنا، پايىمداۋىنا، عىلىم مەن ونەردىڭ قىر-سىرىن ۇعۋىنا، جاقسى قىلىق پەن جامان قىلىقتىڭ ارا جىگىن اشۋىنا كومەكتەسەتىن كۇش.
•تاربيەلەۋ دەگەنىمىز - ادامنىڭ بويىنا بىلىمگە نەگىزدەلگەن ەتيكالىق قۇندىلىقتار مەن ونەر قۋاتىن دارىتۋ.
•مۋزىكا - رۋحتىڭ، قۇمارلىق پەن ىنتىزارلىقتىڭ، ءار الۋان كوڭىل-كۇيدىڭ ءىسى. مۋزىكانىڭ نەگىزگى مىندەتى - ادامنىڭ ەستەتيكالىق قاجەتىن وتەۋ

•ادامعا ءتان ءبىر جاقسى قاسيەت - ءوزىن قورشاعان الەمنىڭ اسەمدىك سىرلارىنا ءۇڭىلۋ، سودان رۋحاني ءنار الۋ، ءوزىنىڭ نازىك سەزىمىن وبرازدار ارقىلى ءپاش ەتە الۋ.
•اقليا كوزبەن قاراساڭ، دۇنيە - عاجاپ، سەن - ەسىك.جاھلى كوزبەن قاراساڭ،دۇنيە - قوقىس، سەن - مەنشىك.

•ۇستازدىق مىنەز-قۇلىق نورماسى مىناداي بولۋعا ءتيىس: ول تىم قاتال دا بولماۋى كەرەك، تىم ىرىققا دا جىعىلا بەرمەۋى كەرەك. ويتكەنى، اسا قاتالدىق-شاكىرتتى وزىنە قارسى قويادى، ال تىم ىرىققا كونە بەرۋ-قادىرىن كەتىرەدى، بەرگەن ءبىلىمى مەن عىلىمىنا شاكىرتى سەلقوس قارايتىن بولادى.

ءان الەمى

جول توسىلىپ قالدى

تۇلپارىم