باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قارتتار كوكتەمدە ازىقتانۋدا كوڭىل بولۋگە ءتيىستى ىستەر

    كەلۋ قاينارى: شينجياڭ حالىق راديو ىستانسياسى    2016-03-17 17:47:23  
تاڭەرتەڭگى استا كوڭىل بولەتىن ىستەر
وتە قاتتى تاعامداردى جەمەۋ: تاڭەرتەڭگى استا قارتتار مايلى، مايعا پىسىرىلعان، قاتتى نەمەسە تىتىركەندىرگىشتىگى كۇشتى ازىقتاردى تۇتىنباعان ءجون. ويتپەگەندە، كوكباۋىر مەن اسقازاندى زاقىمدايدى دا اس قورىتۋى ناشارلايدى. سوندىقتان قارتتار تاڭەرتەڭگى استا وڭاي قورىتىلاتىن جىلى، جۇمساق ازىقتاردى جەۋ كەرەك.
تاڭەرتەڭگى استى وتە ەرتە ىشپەۋ: وسى زامانعى مەديتسينالىق زەرتتەۋلەردە ءبىر تۇنگى ۇيقى بارىسىندا ادام دەنەسىنىڭ كوپ ساندى مۇشەلەرى تولىق دەمالىس كۇيىندە بولعانىمەن، اس قورىتۋ جۇيەسى قاربالاس قىزمەت ىستەپ، اسقازان مەن ىشەك جولدارىنداعى ءبىر كۇندىك تاماقتى قورىتىپ، تاڭەرتەڭ از دەگەندە 2 دە 3 ساعات تىنىققاننان كەيىن بارىپ قالىپتى قىزمەتكە تۇسەدى. قارتتاردىڭ ءارقايسى مۇشەلەرىنىڭ قىزمەتى بىرتىندەپ السىرەيتىندىكتەن، ەگەر تاڭەرتەڭگى تاماقتى وتە ەرتە ىشسە، دەنەدەگى ەنەرگيا اس قورىتۋعا سارىپ ەتىلەدى دە تابيعي اينالىم كەدەرگىگە ۇشىراپ، الماسقان زاتتار دەر كەزىندە سىرتقا شىعارىلماي، دەنەگە جينالىپ، ءتۇرلى قارتتار اۋرۋىن قوزدىرۋشى فاكتورعا اينالادى. سوندىقتان قارتتار تاڭەرتەڭگى اسىن ساعات 8 جارىمنان ساعات 9 عا دەيىن ءىشىپ بولسا ەڭ ۇيلەسىمدى بولادى.
تاڭەرتەڭگى استى وتە كوپ جەمەۋ: مولشەردەن ارتىق جەگەن تاماق اسقازان مەن ىشەكتىڭ اس قورىتۋ قىزمەتىن اۋىرلاستىرىپ، تاماق قورىتىلمايدى دا ۋاقىت ۇزارا كەلە اس قورىتۋ قىزمەتى السىرەپ، اسقازان-ىشەكتىڭ قىزمەتى كەدەرگىگە ۇشىراپ، اسقازان-ىشەك اۋرۋلارىن تۋدىرادى. مۇنان سىرت، كوپ مولشەردەگى ازىق قالدىعى جۋان ىشەككە جينالادى دا، جۋان ىشەكتەگى ميكروبتار جاعىنان ىدىراتىلادى، مۇنىڭ ىشىندەگى بەلوكتان ىدىراپ شىققان فەنول سياقتى زاتتار ىشەك ءبۇيىرى ارقىلى ادام دەنەسىندەگى قانعا ءوتىپ، دەنساۋلىقتى زاقىمدايدى ءارى قان تامىر اۋرۋلارىنا شالدىقتىرادى، قارتايۋدى تەزدەتەدى.
كەشكى تاماقتا كوڭىل بولەتىن ىستەر
1. كەشكى استا ەتتى كوپ جەمەۋ. ەگەر كەشكى استا ەتتى وتە كوپ جەسە، جۇرەك-مي قان تامىر اۋرۋلارىن اسقىندىرادى.
2. كەشكى استى وتە جاي ىشپەۋ. كەشكى استى وتە كەش ىشكەندە ۇيقىعا ىقپال جەتكىزىپ قالماستان، نەسەپ جولىنا وڭاي تاس بايلانادى.
3. كەشكى تاماقتى وتە تويا جەمەۋ. كەشكى تاماقتى وتە كوپ جەسە، اسقازان-ىشەك جولدارىنىڭ قىزمەتىن اۋىرلاستىرادى. ونىڭ ۇستىنە ادامنىڭ تىنىشى كەتىپ، ۇيقىسى قاشىپ قالماستان، اس قورىتۋ جۇيەسىنىڭ اۋرۋىن تۋدىرادى.
4. كەشكى استى وتە جىڭىشكەلىكپەن ورنالاستىرماۋ. ەگەر كەشكى استىڭ ءتۇرىن كوبەيتىپ وتە جىڭىشكەلىكپەن ورنالاستىرسا، قورەكتىكتىڭ تەپە-تەڭسىزدىگىن پايدا قىلادى.
ءان الەمى

جول توسىلىپ قالدى

تۇلپارىم