باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

چىن چۋانگو ءۇرىمجى قالاسىندا تەكسەرۋ-زەرتتەۋ جۇرگىزدى

    كەلۋ قاينارى: شينجياڭ حالىق راديو ىستانسياسى    2016-09-30 17:31:52  

اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو 28 - قىركۇيەك كۇنى ءۇرىمجى قالاسىندا تەكسەرۋ - زەرتتەۋ جۇرگىزگەندە، حيجياشان ارتقى كوشەسى الەۋمەتتىك اۋماعىنداعى ايەلدەردىڭ شارۋاشىلىق قۇرۋ كوشەسىنە بارىپ، شارۋاشىلىق قۇرۋ ارقىلى كاسىپتەندىرۋدى جەبەۋگە قاتىستى جاعدايلاردى ۇعىستى

اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى چىن چۋانگو مەملەكەت مەرەكەسى قارساڭىندا ءۇرىمجى قالاسىندا تەكسەرۋ - زەرتتەۋ جۇرگىزىپ، اۆتونوميالى رايوندىق پارتكوم مەن ۇكىمەت اتىنان اۆتونوميالى رايونىمىزداعى ءار ۇلت جۇرتشىلىعىنىڭ مەرەكەسىن قۇتتىقتادى. ول مىنالاردى باسا دارىپتەدى: اۆتونوميالى رايونىمىزداعى ءار ۇلت كادر - جۇرتشىلىعى قوعام ورنىقتىلىعى مەن باياندى تىنىشتىق باس نىساناسىن جەتەكشى ەتىپ، شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ جانە تياناقتاندىرىپ، بىلەك بىرىكتىرىپ، تىلەك توعىستىرىپ، جۇمىلا كۇرەس جۇرگىزىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەلسەندى ۇلەس قوسۋى كەرەك.
كوز تارتقان مەملەكەت تۋى جەلمەن جەلبىرەپ، نارت قىزىل پانار شام كوزگە شوقتاي باسىلادى، مەملەكەت مەرەكەسى قارساڭىندا، ءۇرىمجى قالاسىنىڭ بارلىق جەرىنەن بەرەكە مەن شاتتىقتىڭ لەبى ەسەدى. چىن چۋانگو الدىمەن حيجياشان ارتقى كوشەسى الەۋمەتتىك اۋماعىنا بارىپ، جاپپاي وڭاۋ جانە ورنىقتىلىقتى قورعاۋ بويىنشا قىزمەت وتەۋ ورتالىعى مەن ءبىر بەكەتتىك قىزمەت وتەۋ زالىن ارالاپ، الەۋمەتتىك اۋماقتىڭ قوعام اماندىعىن وڭاۋ، حالىققا قولايلى قىزمەت وتەۋ، ت.ب جاعدايلارىن ۇعىستى. ول مىنالاردى اتاپ كورسەتتى: الەۋمەتتىك اۋماق − پارتيا مەن ۇكىمەتتىڭ بۇقارامەن بايلانىس جاسايتىن، بۇقاراعا قىزمەت ەتەتىن كوپىرى مەن دانەكەرى. پارتيانىڭ باستى ماقساتىن ەسكە بەرىك ساقتاپ، بۇقارالىق لۋشياندى امالياتتا ايگىلەپ، قىزمەت وتەۋ ءتۇزىلىسىن جەتىلدىرىپ، ءتۇرلى بايلىقتى بىرىكتىرىپ، الەۋمەتتىك قىزمەت وتەۋدىڭ دەڭگەيىن كوتەرىپ، ورنىقتىلىقتى قورعاۋ جانە قامتاماسىز ەتۋ قابىلەتىن ۇشتاپ، بۇقاراعا قىزمەت ەتۋدەگى «ەڭ سوڭعى ءبىر شاقىرىمدى» ىركىلىسسىزدەندىرىپ، ورنىقتىلىقتى قورعاۋدىڭ قۇرىش قورعانىن بەكەمدەي ءتۇسۋ قاجەت.
الەۋمەتتىك اۋماق پارتيا ياچەيكاسىنىڭ شۋجيى بىلاي دەپ تانىستىردى: ارتقى كوشە الەۋمەتتىك اۋماعى بۇرىن بۇكىل قالاعا اتى شىققان لاس، رەتسىز، ناشار الەۋمەتتىك اۋماق ەدى. سوڭعى جىلدارى قالالىق پارتكوم مەن ۇكىمەت ارتقى كوشە الەۋمەتتىك اۋماعىنداعى لاشىقتار رايونىنا وزگەرتۋ جۇرگىزدى، تۇرعىندار جاڭا عيماراتتارعا كوشىپ، جىلۋمەن، تابيعي گازبەن قامتاماسىز ەتىلىپ، تۇرمىس ساپاسى مەن تۇرمىس ورتاسىندا وراسان زور وزگەرىستەر جارىققا شىقتى، تۇرعىندار پارتيا مەن ۇكىمەتكە ءدان ريزا. چىن چۋانگو بىلاي دەدى: شي جينپيڭ جولداس باس شۋجي بولعان پارتيا ورتالىق كوميتەتى شينجياڭداعى ءار ۇلت بۇقاراسىنا ەرەكشە كوڭىل ءبولىپ، ءبىز ءۇشىن ءبىرسىپىرا ەرەكشە جەڭىلدىك ساياساتتار بەلگىلەدى جانە اتقاردى. پارتياعا العىس تاربيەسىن دابىرالى تۇردە جۇرگىزىپ، ءار ۇلت بۇقاراسىنىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگوكوممۋنيستىك پارتياسىنا، جۇڭگوشا سوتسياليزمگە دەگەن تانىمىن نىعايتۋ كەرەك.
الەۋمەتتىك اۋماقتىڭ كىتاپ ۇيىندە، 2 قارت جايبىراقات كىتاپ وقىپ وتىر ەكەن، چىن چۋانگو ولاردىڭ وتباسى جاعدايىن، دەنساۋلىق احۋالىن تاپتىشتەي سۇراپ، ولارعا باقىتتى تۇرمىس، ۇزاق عۇمىر تىلەدى. ايەلدەردىڭ شارۋاشىلىق قۇرۋ كوشەسىندە، چىن چۋانگو دۇكەندەردى ارالاپ، ولاردىڭ شارۋاشىلىق جانە تابىس جاعدايىن ۇعىستى. ول ءۇرىمجى قالاسىنداعى جاۋاپتى جولداستارعا «كاسىپتەندىرۋ − ەڭ ۇلكەن حالىق تۇرمىسى ينجەنەرياسى جانە حالىق قالاۋى ينجەنەرياسى، كاسىپتەندىرۋ ءورىسىن بەلسەنە كەڭەيتىپ، بۇقارانىڭ شارۋاشىلىق قۇرۋىنا قولعابىس ەتىپ، حالىقتى كاسىپپەن الاڭسىزداندىرۋ، ورنىقتىرۋ، اۋقاتتاندىرۋ كەرەك» دەپ تاپسىردى. الەۋمەتتىك اۋماقتىڭ قيمىل ۇيىندە، تۇرعىنداردىڭ حور ۇيىرمەسى جاتتىعۋ جاساپ جاتقان ەدى، چىن چۋانگو ولارمەن شۇيىركەلەسە اڭگىمەلەستى. اڭگىمە قىزا كەلە، ولار چىن چۋانگوعا ارناپ «ءبىزدىڭ شينجياڭ جاقسى جەر» ءانىن شىرقادى. چىن چۋانگو بىلاي دەدى: وسى اندە ايتىلعانداي، ءبىزدىڭ شينجياڭ، شىنىمەن، جاقسى جەر، اۆتونوميالى رايونىمىزداعى ءار ۇلت بۇقاراسى قاشاندا تىزە قوسىپ، ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جۇرگىزىپ، وتاننىڭ شينجياڭىن ونان سايىن كورىكتەندىرە ءتۇسۋى كەرەك.
ءزورام زاري كەزىندە وت باسى، وشاق قاسىنداعى قاراپايىم ايەل ەدى، پارتيا مەن ۇكىمەتتىڭ كومەگىمەن ول شينجياڭنان سىرتقا شىعىپ، كوز اياسىن كەڭەيتىپ، ءوز ونەرىن كادەگە جاراتىپ، تىگىن دۇكەنىن اشادى، قازىر ونىڭ ايلىق تابىسى 10 مىڭ يۋاننان تۇسپەيدى. ءزورام زاريدىڭ قوناق بولمەسىندە، چىن چۋانگو ەرلى - زايىپتى ەكەۋىمەن شۇيىركەلەسە سويلەسىپ، ونىڭ تىككەن كيىمدەرىنىڭ كۇننەن- كۇنگە قۇلپىرىپ، تۇرمىسىنىڭ بارعان سايىن باقىتتى بولا تۇسۋىنە تىلەكتەستىك ءبىلدىردى.
چىن چۋانگو ءدىن قىزمەتىنە ايرىقشا نازار اۋداردى. ول ءۇرىمجى قالاسىنداعى ياڭحاڭ مەشىتىنە بارىپ، مەشىتتىڭ ءدىني قيمىلدار جۇرگىزۋ سياقتى جاعدايىن تاپتىشتەي ۇعىستى. ول مەشىتتىڭ يمامى مۇحتارام شارىپكە: باس شۋجي شي جينپيڭ شينجياڭدا قىزمەت تەكسەرگەندە ياڭحاڭ مەشىتىنە ات باسىن بۇرىپ، وتانشىل ءدىني قايراتكەرلەرگە امانداستى، بۇل ياڭحاڭ مەشىتىنە كورسەتىلگەن شىنايى ءىلتيپات قانا ەمەس، بۇكىل اۆتونوميالى رايوننىڭ ءدىن سالاسىنداعى وتانشىل قايراتكەرلەرگە جاسالعان جۇرەكجاردى قامقورلىق تا. اۆتونوميالى رايوننىڭ ءدىن سالاسىنداعى وتانشىل قايراتكەرلەر باس شۋجي شي جينپيڭنىڭ ءتالىمىن ەسكە بەرىك ساقتاپ، وتاندى، ءدىندى سۇيەتىن تاڭداۋلى ءداستۇردى ساۋلەلەندىرىپ، ءدىني ۇشقارى يدەيالارعا تۋى ايقىن تۇردە قارسى تۇرىپ، ءدىني اقيدا مەن قاعيدالارعا قوعامنىڭ دامۋى مەن ءداۋىردىڭ العا باسۋىنا ۇيلەستىرە تۇسىنىكتەمە بەرىپ، دىنگە سەنەتىن بۇقارانىڭ اقىل - پاراساتى مەن كۇش - قۋاتىن ءوندىرىستى دامىتىپ، ادال ەڭبەكپەن اۋقاتتانۋعا، تۇرمىس جاعدايىن جاقسارتىپ، تۇرمىس دەڭگەيىن كوتەرۋگە بەيىمدەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا كوبىرەك جۇمىس جاساپ، كۇش ۇستەۋى كەرەك،- دەدى.
شينجياڭ جينفىڭ عىلىم - تەحنيكا جارنا سەرىكتەستىگى − دۇنيە ءجۇزىنىڭ جەل ەلەكتر اگراگاتتارىن جاساۋ سالاسىنداعى الدىڭعى قاتارلى كاسىپورىن. چىن چۋانگو كاسىپورىننىڭ ءوندىرىس سەحتارىن ارالاپ، كاسىپورىننىڭ تەحنولوگيالىق زەرتتەۋ، جابدىقتالۋ دەڭگەيى، بازار ساتىلىمى، ت.ب جاعدايلار جونىندەگى تانىستىرۋىن مۇقيات تىڭدادى. ول كاسىپورىننىڭ جاۋاپتىلارىنا بىلاي دەدى: باس شۋجي شي جينپيڭ «جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش» دەپ باسا دارىپتەگەن بولاتىن. كاسىپورىندار جاڭالىق اشۋدى بازار باسەكەسىنىڭ تەتىگىنە، كاسىپورىننىڭ ءومىر ءسۇرۋىنىڭ اسىلىنا بالاپ، قاشاندا كاسىپ سالاسىنىڭ الدىڭعى قاتارىنان كوز جازباي، زەرتتەۋ - اشۋ تەبىنىن ۇزدىكسىز كۇشەيتىپ، تەحنيكالىق ارتىقشىلىقتى ونان سايىن بەكەمدەۋى ءارى تەحنيكالىق ارتىقشىلىقتى ءونىم مەن تيىمدىلىك ارتىقشىلىعىنا اينالدىرىپ، شينجياڭنىڭ تازا ەنەرگيا كاسىپتەرىنىڭ دامۋىنا ءتىپتى زور ۇلەس قوسۋى قاجەت.
تەكسەرۋ - زەرتتەۋ كەزىندە، چىن چۋانگو شينجياڭ اسكەري رايونى بەلگىلى قىزىل ارميا كورپۋسىنا بارىپ، اسكەري بولىمدەگى كوماندير - جاۋىنگەرلەرگە امانداستى. چىن چۋانگو كورپۋس تاريحىنا ارنالعان كورمەنى مۇقيات كوزدەن كەشىرىپ، ناقتى زاتتار مەن سۋرەتتەر الدىندا قادام كىدىرتىپ، اسكەري ءبولىمنىڭ تاريحى مەن ارميا قۇرىلىسىنىڭ جاعدايىن تاپتىشتەپ ۇعىستى. ول مىنانى اتاپ كورسەتتى: بيىل قىزىل ارميانىڭ ۇزاق جورىعىنىڭ جەڭىسپەن اياقتاعانىنا 80 جىل تولادى، ءبىز باس شۋجي شي جينپيڭنىڭ جۇڭگو جۇمىسشى - شارۋا قىزىل ارمياسىنىڭ ۇزاق جورىق جەڭىسىنىڭ 80 جىلدىعىن ەسكە الۋ جونىندەگى ارناۋلى كورمەنى كوزدەن كەشىرگەندە سويلەگەن ماڭىزدى ءسوزىن مۇقيات ۇيرەنىپ جانە دايەكتىلەندىرىپ، ۇلى ۇزاق جورىق رۋحىن ساۋلەلەندىرىپ، باستاپقى ماقساتتى ەستەن شىعارماي، ۇزدىكسىز العا باسىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قايسارلىقپەن كۇرەس جۇرگىزۋگە ءتيىسپىز. چىن چۋانگو بىلاي دەدى: شينجياڭ اسكەري رايونىنىڭ قىزىل ارميا كورپۋسى − داڭقتى ءداستۇرى بار، ەلەۋلى ەڭبەك كورسەتكەن قاھارمان ءبولىم، توڭكەرىستىك ءداستۇردىڭ جالعاستىرۋشىسى. ءبىز اعا بۋىن پرولەتاريات توڭكەرىسشىلەرىنىڭ كەسەك ەڭبەك، ۇلى ۇلەستەرىن ەسكە ماڭگى بەرىك ساقتاپ، اعا بۋىن پرولەتاريات توڭكەرىسشىلەرىنىڭ وسكەلەڭ قاسيەتىنەن ماڭگى ۇلگى الىپ، اعا بۋىن پرولەتاريات توڭكەرىسشىلەرىنىڭ ۇلەسكەرلىك رۋحىن ماڭگى جالعاستىرىپ، اعا بۋىن پرولەتاريات توڭكەرىسشىلەرىنىڭ داڭقتى ءداستۇرىن ماڭگى ساۋلەلەندىرۋىمىز كەرەك. كوماندير - جاۋىنگەرلەر باس شۋجي شي جينپيڭنىڭ قىزىل ارميادا قىزمەت تەكسەرگەندە بەرگەن ماڭىزدى نۇسقاۋىنىڭ رۋحىن ەسكە بەرىك ساقتاپ، توڭكەرىستىك بايلىقتىڭ ارتىقشىلىعىن ساۋلەلەندىرىپ، پارتيا تاريحى، ارميا تاريحى جانە تاڭداۋلى ءداستۇر تاربيەسىن ىشكەرىلەي ورىستەتىپ، توڭكەرىستىك گەندى جان - دۇنيەسىنە ءسىڭىرىپ، توڭكەرىستىك گەندى ۇرپاقتان- ۇرپاققا جالعاستىرۋى قاجەت. پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، جاڭا جاعدايداعى اسكەري - ستراتەگيالىق باعىتتى دايەكتىلەندىرىپ، پارتيانىڭ ارمياعا ءۇزىلدى - كەسىلدى باسشىلىعىنا بۇلجىماستان تاباندى بولىپ، ءارقانداي كەزدە، ءارقانداي جاعدايدا شي جينپيڭ جولداس باس شۋجي بولعان پارتيا ورتالىق كوميتەتىمەن يدەيادا، ارەكەتتە وسكەلەڭ ءبىر اۋىزدىلىقتى ساقتاپ، بارلىعىندا پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا بويسۇنىپ، سوعىسا بىلۋگە، سوعىسسا جەڭە بىلۋگە تاباندى بولىپ، جاۋىنگەرلىك قۋات پەن ناقتى جاۋىنگەرلىك دەڭگەيدى ۇزدىكسىز جوعارىلاتىپ، اسكەري ءبولىمنىڭ ساقاداي ساي تۇرۋىنا، تايسالماي سوعىسا بىلۋىنە، سوعىسسا، ءسوزسىز، جەڭۋىنە كەپىلدىك ەتۋ كەرەك.
اۆتونوميالى رايون مەن شينجياڭ اسكەري رايونىنىڭ باسشىلارىنان پىڭ يۇڭ، لي ۋي، شيۇڭ شۋانگو، لي شۋەجۇن، پىڭ جيارۇي تەكسەرۋ - زەرتتەۋدە جەكە - جەكە بىرگە بولدى.

ءان الەمى

جول توسىلىپ قالدى

تۇلپارىم