باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

التاي ايماعى "جاستۇلەك ينجەنەرياسىن" اتقارعاننان بەرى كورنەكتى ونىمدىلىككە قول جەتكىزدى

    كەلۋ قاينارى: شينجياڭ حالىق راديو ىستانسياسى    2016-12-16 19:03:13  
التاي ايماعى مەكتەپكە ءتۇسۋ الدىنداعى تاربيە "جاستۇلەك ينجەنەرياسىن" رايونىمىز بويىنشا الدىمەن اتقارعاننان بەرى، كورنەكتى ونىمدىلىككە قول جەتكىزدى.
لي حۇڭشيۋ التاي قالاسى قىزىلتاس قالاشىعى بالالار باقشاسىنىڭ تۇڭعىش باستىعى ءارى التاي قالاسىنداعى بالالار باقشاسىنىڭ قارت مۇعاليمالارىنىڭ ءبىرى. لي حۇڭشيۋ: «30 نەشە جىل ءوتتى، وزگەرىستەر وتە كوپ، جاڭادان سالىنعان بالالار باقشاسى ءبىزدىڭ ۇيدىڭ ارتىندا عانا، قۇرىلعى-قۇرىلىستارى كەمەلدى، اسحاناسى دا تاپ-تازا، بۇرىن تەك ءۇش اۋىزدى جاتاعان ءۇي بولاتىن، قازىر كلاستاردا ۇلكەن ءارى بۇرىنعىدان كوپ»،-دەدى.
2015-جىلى 9-جەلتوقساندا، التاي ايماعى جەمەنەي اۋدانىندا مەكتەپكە ءتۇسۋ الدىنداعى تاربيەنى ىلگەرلەتۋ قىزمەت جيىنىن اشىپ، ايماق كولەمىندە جاستۇلەك ينجەنەرياسىن رەسىمي باستاپ، 3 تە 6 جاس ارالىعىنداعى بالالار مەكتەپكە ءتۇسۋ الدىندا تەگىن تاربيەلەنەتىن بولدى.جەمەنەي اۋداندىق وقۋ-اعارتۋ مەكەمەسىنىڭ باستىعى ۋاڭ جى:« شىنىن ايتساق، بۇرىن اۋدانىمىزداعى ءبىرتالاي بالالار باقشاسىنىڭ قۇرىلىستارى قاراپايىم، كەيبىرەۋى مەكتەپتەردىڭ بوس تۇرعان وقۋشىلار جاتاعىن، ءتىپتى كەيبىرەۋلەرى ەلدىڭ بوس ۇيلەرىن مايلاپ العان بولاتىن، بيىل، 8 ميلليون 800 مىڭ يۋان قارجى قوسىپ، جەتى ورىندا بالالار باقشاسىن سالدىق، بالالار باقشالارىنىڭ شارت-جاعدايلارى دا جاقساردى»،-دەدى.
كەلەر جىلى، جەمەنەي اۋدانى تاۋلى رايونداعى قىستاقتاردا 8 بالالار باقشاسىن سالۋدى جوسپارلاپ، ەگىن-مال شارۋاشىلىق قىستاقتارىنداعى بالالار باقشاسى جوق بولۋ ماسەلەسىن تۇبەگەيلى شەشپەكشى.
جەمەنەي اۋداندىق وقۋ-اعارتۋ مەكەمەسىنىڭ باستىعى ۋاڭ جىنىڭ ايتۋىنشا، ولار اۆتونوميالى رايونىمىزدىڭ مەكتەپكە ءتۇسۋ الدىنداعى تەگىن تاربيەنى جالپىلاستىرۋ ورايىنان ۇتىمدى پايدالانىپ، جەمەنەي اۋدانىندا ولشەمدى بالالار باقشاسىن كوپتەپ اشىپ، بالالارعا ءوز قىستاقتارىنداعى بالالار باقشاسىندا وقۋ ورايىن جاراتپاقشى ەكەن.
ءان الەمى

جول توسىلىپ قالدى

تۇلپارىم