باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايوندىق تەلەگراف توراپ الدامكوستىگىنە قارسى تۇرۋ ورتالىعى جۋىقتا الدانعانداردىڭ مالىمەتىن تاپسىرىپ الادى

    كەلۋ قاينارى: شينجياڭ حالىق راديو ىستانسياسى    2016-12-21 15:44:29  
تاياۋدا، اۆتونوميالى رايوندىق تەلەگراف توراپ الدامكوستىگىنە قارسى تۇرۋ ورتالىعى ءۇرىمجى قالاسى، بايىنعولىن وبىلىسى، قاشقار ايماعى، حوتان ايماعى، اقسۋ ايماعى جانە ىلە وبىلىسى سىندى جەرلەردە ءوزىن قوسىمشا كاسىپكە قابىلداۋشىمىز دەگەن ۇنحات توبىن قۇرۋشىلار جاعىنان الدانعانداردىڭ مالىمەتىن تاپسىرىپ الادى، قازىر، اۆتونوميالى رايونىمىزداعى تەلەگراف توراپ الدامكوستىگىنە قارسى تۇرۋ ورتالىعى مۇنى تەكسەرۋگە كىرستى.
الدانعانداردىڭ باسىم كوبى ۇنحاتتاعى دوستار شەڭبەرى نەمەسە دوستارى ارقىلى وسى ۇنحات توبىنىڭ توراپتا قوسىمشا كاسىپ ىستەيتىندىگىنەن حابار تابادى. جەكە ادام توراپتاعى قوسىمشا كاسىپ جاعدايىن ۇنحات دوستار شەڭبەرىنە 8 رەت جولداسا بولعانى سول كۇنگى مىندەتى ورىندالىپ وسى ارقىلى 20 يۋان قارىمجىعا يە بولعان، الايدا، 230يۋان توپقا كىرۋ اقىسىن تاپسىرعاننان كەيىن بارىپ توپقا كىرە الاتىن بولعان. اۆتونوميالى رايوندىق تەلەگراف الدامكوستىگىنە قارسى تۇرۋ ورتالىعى جان-جاقتىلى زەرتتەۋ تالقى گرۋپپاسىنىڭ باستىعى حى يۇڭكاڭ بىلاي دەدى: العاشقى مەرزىمدە ۇنحات توبى قۇرىلماي تۇرىپ كەيبىرەۋى وسىدان اقشا تاپقان، كەيىن ونىڭ ۇنحات توبى قۇرىلعاننان كەيىن ۇنحات توبىنىڭ مۇشەسى جۇزدەن اسقان، باسىم كوبى جوعارى مەكتەپ وقۋشىلارىن جانە وتباسى ايەلدەرىن نەگىز ەتكەن ۇنحات توبى مۇشەلەرى. ءبىز سۇراستىرىپ ەستەلىككە العانىمىزدا ءبىر ۇنحات توبىندا 500 ادام بار، از دەگەندە 4 ۇنحات توبى بولعان، ءار ءبىرى 230 يۋاننان تاپسىردى دەسەك تاپسىرىلعان اقشا دا مول بولعان.17-جەلتوقساندا، قوسىمشا كاسىپ ۇنحات توبىنىڭ نەگىزگى قۇرۋشىسى زىم-زيا جوق بولىپ كەتكەن، ۇنحات مۇشەلەرى تاپسىرعان 230 يۋان اقى دا عايىپ بولعان. وسى ۇنحات توبىن پايدالانعان ۇنحات الەۋمەتتىك ءنومىرىنىڭ اتى 2016-جىلى 17-جەلتوقساندا يۋانسى-بودى جارناما عىلىم-تەحنيكاسىنا وزگەرتىلگەن، تەكسەرۋ ناتيجەسىندە وسى ۇنحات ءنومىرىنىڭ توراپ الدامكوستىگىنە ساياتىندىعى انىقتالادى. قازىر، اۆتونوميالى رايوندىق تەلەگراف توراپ الدامكوستىگىنە قارسى تۇرۋ ورتالىعى قارجىنىڭ قايدا كەتكەنىن قۋزاپ تەكسەردى جانە اقشا تولەۋدى توقتاتىپ مۇزداتۋ ءتاسىلىن قولدانادى، قازىر دەلو ىشكەرىلەي تەكسەرىلۋدە. حى يۇڭكاڭ ەسكەرتىپ بىلاي دەدى: وسى دەلودان ساباق العاننان كەيىن تىڭدارمانداردىڭ اسپاننان ماي شەلپەك جاۋادىعا استە سەنبەۋدى ەسكەرتەمىز، كوپشىلىكتەن توراپتاعى قوسىمشا كاسىپكە ءسوزجوق قىراعىلىقتى ارتتىرۋىن، ەگەر، الدانىپ قالعانىن سەزسە، ساقشى بولىمشەسىنە بارماي ەڭ الدىمەن 110 ساقشىعا مالىمدەۋ تەلەفونىنا تەلەفون سوعۋىن ءۇمىت ەتەمىز،110 قولباسشىلىق ورتالىعى جاعدايدى ەڭ الدىمەن الدامكوستىككە قارسى تۇرۋ ورتالىعىنا مالىمدەگەننەن كەيىن وسى ورىن الداپ الىنعان قارجىنى تەكسەرۋگە قۋزاپ جانە مۇزداتىپ، اقشانى مۇمكىندىكتىڭ بارىنشا ساقتاپ قالادى.
ءان الەمى

جول توسىلىپ قالدى

تۇلپارىم