باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءومىر ءسۇرۋ جولى

    كەلۋ قاينارى: شينجياڭ حالىق راديو ىستانسياسى    2016-12-28 17:06:02  
بۇل ىسكەدە ون نەشە جىلدىڭ ءجۇزى بولدى. شاعان مەرەكەسى ءوتىپ، قىسقى دەمالىس ۋاقىتى دا اياقتادى. شالعايداعى وقۋ ورنىنا اتتانباق بولعان مەنى قىز دوسىم پويەز بەكەتىنە دەيىن شىعارىپ سالماق بولدى. جايشىلىقتا بەكەت پەن پويەز ستانسياسىنىڭ ارالىعى نەشە ءجۇز مەتر كەلەتىن. مەن اۆتوبوزدان تۇسىسىممەن ءبىر بەيتانىس قىز بالانىڭ « ماعان كومەك قاجەت » دەگەن حات جازىلعان تاقتانى اسىپ الىپ الدە بىرەۋلەردەن كومەك سۇراپ تۇرعانىن بايقادىم. ماناعى قىز ءبىزدى كورىپ قالدى بىلەم، ادەيى بىزگە بۇرىلدى. 13-14 جاستار شاماسىندا كورىنەدى، ۇستىندەگى جۇقالاۋ كيىمى وعان دالدا بولماعانداي سۋىقتان جاۋراپ قالش-قالش ەتەدى.
ول كەلە سالا شەشەسىنىڭ جارىم جىلدىڭ الدىندا ناۋقاس سەبەبىنەن كوز جۇمعاندىعىن، اكەسىنىڭ توسەك تارتىپ ۇيدە سال بولىپ جاتقاندىعىن، ال ءوزىنىڭ الداعى وقۋ ماۋسىمىنا ازداپ تيىن-تەبەن قۇراپ وقىماقشى ەكەنىن، وتباسىنىڭ جوعارىداعى جاعدايلارعا بايلانىستى كوپ قارىزعا بۋىلعانىن، ال ءوزىنىڭ امالسىزدان كوشەگە شىعىپ تىلەمشىلىك ەتە باستاعاندىعىن بالاعا ءتان رياسىز كوڭىلمەن توسىرقاپ ارەڭ ايتىپ شىقتى. مەن ونى باستابىندا الدامشى ەكەن دەپ تىم نازار سالمادىم. دەسەدە،قىز دوسىمنىڭ مەنى سىعان ەكەن دەپ ويلاپ قالۋىنان الاڭداپ، ونىڭ سومكەمدى بەكەتكە اپارىسىپ بەرۋىن، بوداۋىنا وعان 5 يۋان ەڭبەكاقى بەرەتىن بولىپ كەلىستىك. مەنىڭ تالابىم ءسال قيسىنسىزداۋ بولسادا، ول ماعان ماقۇلدىق بەردى. ال قىز دوسىم مەنىڭ مۇنداي سىعاندىعىمدى جاقتىرتپاعان بەينە بايقاتتى. ۇيتكەنى بەيشارا قىزدىڭ ءوڭىن سۋىق سورىپ بوزارىپ كەتىپتى، مۇمكىن قارنى دا اش شىعار. قالاي دەگەن كۇننىڭ وزىندە مەنىڭ ءىس-ارەكەتىم ات ءۇستى ويلاعان ادامعا ورىنسىزداۋ. سونىمەن ويلاعانىمدى قىز دوسىما جەتكىزۋگە اسىقتىم. مەنىڭ ايتايىن دەگەنىم بۇل قىز بالانى دايار استىڭ يەسى بولىپ قالماسىن دەگەنىم، ويتپەگەندە جان قيناماي اقشا تابۋدىڭ جولى تىلەمشىلىكتە دەپ قالۋى مۇمكىن. قىز دوسىم مەنىڭ ءسوزىمدى ەستىپ كۇلىپ قانا قويدى. ءبىز بەكەتكە بارعاننان كەيىن بەلەت كەزەگىنە تۇردىم. الگى قىز بالا قارا تەر بولىپ سومكەمدى كوتەرىپ مەنىڭ قاسىمدا تۇر. مەن وعان سومكەمدى جەرگە قويا تۇرۋىن ايتتىم، ءبىراق ول ۇنامادى. مەن ودان سەبەبىن سۇراعانىمدا،ول: ءسىز ماعان سونشا كوپ اقشا بەرگەن تۇرساڭىز، نە ءۇشىن سومكەڭىزدى جەرگە قويامىن،-دەدى. بۇل ءىس مەنى، راسىندا،قاتتى اسەرلەندىردى. كىپ-كىشكەنتاي قىزدىڭ سونشا ۋادەگە بەرىك ەرلىك جىگەرى مەنى قاتتى تولعاندىردى. بەلەت الىپ بولعان سوڭ مەن وعان 10 يۋان ۇستاتتىم. ءبىراق ول بۇل اقشانى الۋعا ۇنامادى. «ءبىز 5 يۋانعا كەلىسكەنبىز، ارتىعىن قايتارىپ الىڭىز»،-دەدى. مەن ونىڭ اسا ءمۇلايىم، قاناعاتشىل، بولماشى ءىسىن كورىپ: وقاسى جوق، ارتىعى ساعان دەگەن العىسىم ءارى جاردەمىم بولسىن،-دەدىم ءسوزدى سوزباي. ول از-كەم ويلانىپ تۇردى دا: ماعان مەكەن-جايىڭىزدى قالدىرىپ كەتىڭىز، كەيىن اقشالى بولعاندا اقشاڭىزدى قايتارىپ بەرگەلى ىزدەپ بارامىن،-دەدى. ارادا جىلىستاپ بىرنەشە جىل ءوتىپ كەتتى.ءبىر كۇنى كەڭسەدە وتىرسام بىرەۋ مەنى كەڭسەمە ىزدەپ كەلىپتى. قاراپايىم دا رەتتى كيىنگەن بەيتانىس بويجەتكەن قارسى الدىمدا ماعان كۇلىمسىرەپ: مەنى تاني الدىڭىزبا؟-دەدى قىزدارعا ءتان بيازىلىكپەن. مەن تاني الماعانىمدى ايتتىم. ول ءسال كىدىرىپ بارىپ: وسىدان 8 جىل بۇرىن پويەز ستانسياسىندا جولىقتىرعان الگى ءبىر قىز ەسىڭىزدە شىعار؟-دەدى. ءيا، ەسىمدە، راسىندا،ءوز كوزىمە ءوزىم سەنبەي قارسى الدىمداعى وسىنشاما تولىسىپ ءوسىپ كەلە جاتقان ادەمى قىزعا ءساپ سالا قارادىم. راسىندا ءسىزسىز بە؟ ول باسىن يزەپ تۇر. ول ماعان ءبىر ادىم جاقىنداپ كەلىپ: مەن ءسىزدىڭ قارىزىڭىزدى قايتارعالى كەلىپ تۇرمىن،-دەدى باسەڭ داۋىسپەن. مەن كوزىمە ىستىق جاس الدىم. ول مەنى ىڭعايسىزدانباسىن دەدى بىلەم. «اعاي، مەنءسىزدىڭ سول كەزدەگى ءبىر اۋىز ءسوزىڭىزدى ماڭگى ەسىمنەن شىعارماي كەلدىم، ەگەر ءسىزدىڭ سول كەزدەگى ءبىر اۋىز جىگەرلەندىرۋ ءسوزىڭىز بولماعان بولسا، مەن الدەقاشان جان اۋىرتپاي اقشا تابۋدىڭ جيىركەنشتى جولىنا تۇسىپ كەتكەن بولار ەدىم.ءسىز سول كۇننەن باستاپ ماعان تابان ەت، ماڭداي تەر ارقىلى اقشا تابۋدىڭ سارا جولىن تاۋىپ بەردىڭىز، انە سول كۇننەن باستاپ مەن قوس قولىممەن بەينەتتەنىپ ءجۇرىپ وقۋىمدى تاباندىلىقپەن جالعاستىردىم. مىنە قازىر مەكتەپ ءبىتىرىپ كادىمگىدەي قىزمەت ورنىنادا شىقتىم. ءسويتىپ قولىم جەتىپ ازامات قاتارىنا قوسىلعاندا كەلىپ ءسىزدىڭ كەزىندەگى ماعان جاساعان قايىرىڭىزدى قايتارعالى، سونداي-اق ايرىقشا العىس ايتقالى كەلىپ تۇرمىن »،-دەدى وقىعان ادامنىڭ ادامگەرشىلىككە ءتان كەيپىن تانىتىپ.
ءيا، تۇرمىستاعى بولماشى ءىستىڭ ادام تاعدىرىنا جاسايتىن ىقپالىنىڭ وسىنشاما كەرەمەت ەكەنىن؛ ونىڭ ۇستىنە بۇل ىسكە 10 شاقتى جىلدىڭ ءجۇزى بولىپ ەستەن كوتەرىلگەنىن؛ ال ويلاماعان جەردەن مىنا قىزدىڭ بولماشى كومەككە اسا ادامگەرشىلىك تۇرعىدا العىس ايتا كەلۋى مەنى، راسىندا، قاتتى تولقىتتى. قاپەلىمدە نە دەپ جاۋاپ بەرەرىمدى ءداپ باسىپ ايتا الماسام دا وسى ءبىر قاراپايىم اۋىل قىزىنىڭ ادامدار بويىنان تابىلا بەرمەيتىن اسىل قاسيەتىن ادامدىق جولداعى باعا جەتپەس ءمورالدىق قاسيەت دەپ ءبىلدىم. «ەگەر، راسىندا، قارىز قايتارعالى كەلگەن بولساڭىز، ەڭ اۋەلى، سول جىلدارداعى ءوزىڭىز سياقتى شىنايى كومەككە ءزارۋ بولعان ادامدارعا قول ۇشىن بەرىڭىز، ۇيتكەنى، ءسىزدىڭ كومەگىڭىز مۇمكىن تاعى ءبىر بەيتانىس جاستىڭ ءومىر جولىنا باقىت سيلاۋى مۇمكىن»،-دەدىم مەن جاس قىزدىڭ ايرىقشا مەيىرىمدى ۇمىتكە تولى جانارىنا قاراپ.
ءان الەمى

جول توسىلىپ قالدى

تۇلپارىم