باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ازاماتتاردىڭ جەكەلىك ينفورماتسياسىنا قول سۇققان ءبىر رەتكى قىلمىستىق دەلو بارلاپ انىقتالدى

    كەلۋ قاينارى: شينجياڭ حالىق راديو ىستانسياسى    2017-01-20 17:28:27  
ءتىلشىنىڭ ءۇرىمجى قالالىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋ ۇلكەن اتىرەتىنەن ۇعىسۋىنشا، ازاماتتاردىڭ جەكەلىك ينفورماتسياسىنا قول سۇققان ءبىر رەتكى قىلمىستىق دەلو بارلاپ انىقتالىپ، دەلوعا قاتىستى 14 قىلمىس كۇماندىسى تۇگەل ۇستالعان.
وتكەن جىلى 7-قاراشا، كورلا قالالىق قوعام حاۋىپسىزدىگى مەكەمەسى ازاماتتاردىڭ سەنىمدىلىك كارتشكاسىنا زيان جەتكىزۋ دەلوسىن تەكسەرگەندە، قىلمىس كۇماندىلارى گۋ فاميليالى مەن ما فاميليالىنىڭ ازاماتتاردىڭ جەكەلىك ينفورماتسياسىنا قول سۇعۋ، ازاماتتاردىڭ جەكەلىك ينفورماتسياسىن زاڭسىز ساۋدالاۋ قىلمىستىق ارەكەتىمەن شۇعىلدانعاندىعىن بايقايدى.دەلوعا ساياتىن ادامدار مەن دەلوعا قاتىستى جەر ءۇرىمجى قالاسى مەن ىشكەرىدەگى ءىشىنارا ولكە-قالالاردى شارپىعاندىقتان، اۆتونوميالى رايوندىق قوعام حاۋىپسىزدىگى مەڭگەرمەسى بۇل دەلونى مەڭگەرمە دارەجەلى بارلاپ انىقتايتىن دەلو كولەمىنە ەنگىزىپ، بارلاپ تەكسەرۋ مىندەتىن ءۇرىمجى قالالىق قوعام حاۋىپسىزدىگى مەكەمەسىنىڭ قىلمىستىق ىستەر بارلاۋ ۇلكەن اتىرەتىنە تاپسىرادى. وسى دەلوعا جاۋاپتى قىلمىستىق ىستەر بارلاۋ تارماق اتىرەتى 2-ۇلكەن اتىرەتىنىڭ حالىق ساقشىلارى بارلاۋ ارقىلى قىلمىس كۇماندىلارى گۋ فاميليالى مەن ما فاميليالىنىڭ فينانس سالاسىنىڭ قىزمەتكەرلەرىمەن استاسىپ، كوكوك جانە پوچتا حات ساندىعى ارقىلى ازاماتتاردىڭ جەكەلىك ينفورماتسياسىن تەكسەرىپ كورۋ ۇقىق حاتى مەن ونىڭ كوبەيتىلگەن نۇسقاسىن فينانس سالاسىنىڭ قىزمەتكەرلەرىنە جولداپ بەرىپ، ازاماتتاردىڭ جەكەلىك ينفورماتسياسىن زاڭسىز تەكسەرىپ، ۇنحات ارقىلى ەسەپ جابۋ نەمەسە قىزىل تۇيىنشەك جولداۋ ءتاسىلى ارقىلى ارام ولجاعا يە بولاتىندىعىن انىقتايدى. سول جىلى 9-قاراشا، ساقشىلار ەكى قىلمىس كۇماندىسىن زاڭ بويىنشا تۇتقىندايدى. قوعام حاۋىپسىزدىگى مەكەمەسىنىڭ بارلاپ انىقتاۋىنا قاراعاندا، وسى دەلوعا شاتىلعان قىلمىس كۇماندىلارى كوپتەگەن ولكە-قالادا بولعان، قىلمىستىلار توبى جەكەلەردىڭ ينفورماتسياسىن اشكەرەلەۋشىلەر، ارالىقتاعى ادامدار، ۋاكىلدىك ساۋدالاۋشىلار، الارمان سىندى 4 توپتان قۇرالعان ەكەن.
ءان الەمى

جول توسىلىپ قالدى

تۇلپارىم