باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

لي جيانشيننىڭ پارا الۋ، قوماقتى مال-مۇلىكىنىڭ كەلۋ قاينارى انىق بولماۋ دەلوسىنا ءبىرىنشى سوت اشتى

    كەلۋ قاينارى: شينجياڭ حالىق راديو ىستانسياسى    2017-01-20 17:29:50  
ءتىلشىنىڭ ۇعىسۋىنا قاراعاندا، 18-قاڭتار ۇرىمجى قالالىق ورتا دارەجەلى حالىق سوت مەكەمەسى اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنىڭ بۇرىنعى پارتگرۋپپا شۋجيى، ورىنباسار مەڭگەرمە باستىعى لي جيانشيننىڭ پارا الۋ، قوماقتى مال-مۇلىكىنىڭ كەلۋ قاينارى انىق بولماۋ دەلوسىنا ءبىرىنشى سوت اشتى. لي جيانشينگە باسقالاردان 8 ميلليون 190 مىڭ يۋاندىق مال-مۇلىك الۋ قىلمىسى تاعىلعان، ونىڭ ۇستىنە 5 ميلليون 700 مىڭ يۋاندىق مال-مۇلىكىنىڭ كەلۋ قاينارى بەلگىسىز بولىپ شىققان.
سوتتا الەۋمەتتىك ايىپتاۋ ورگانى قاتىستى دالەل-ىسپاتتاردى كورسەتتى، ايىپكەر لي جيانشين مەن اقتاۋشى ادۋوكات الەۋمەتتىك ايىپتاۋعا قاتىناستى، اقتاۋشى جانە ايىپتاۋشى ەكى جاق سوتتا وزدەرىنىڭ پىكىرلەرىن جان-جاقتىلى بايىمدادى. الەۋمەتتىك ايىپتاۋ ورگانىنىڭ ايىپتاۋىنا قاراعاندا، لي جيانشين پارا العان 37 رەتكى قىلمىس فاكىىتىنىڭ ىشىندە 13 رەتكىسى ونىڭ قىزمەت ۇقىعى قولايلىلىعىنان پايدالانىپ كاسىپورىن سالاۋاتىن باعالاپ تۇراقتاندىرۋ نەمەسە دارەجەسىن جوعارىلاتۋ، جىلدىق قاراپ بەكىتۋ جاقتارىندا باسقالارعا پايدا جەتكىزىپ، ولاردىڭ بەرگەن پاراسىن قابىلداعان. لي جيانشين مەملەكەت قىزمەتكەرى بولا تۇرا كەلۋ قاينارى بەلگىسىز بولعان مال-مۇلكى زاڭدى كىرىسىنەن الدە قايدا اسىپ كەتكەن، مۇنىڭ ىشىندە 5 ميلليون 700 مىڭ يۋاندىق مال-مۇلىكىنىڭ كەلۋ قاينارى انىق ەمەس. 1994-جىلدان 2015-جىلعا دەيىن، ول كورلا قالالىق پارتكومنىڭ ورىنباسار شۋجيى، بايىنعولين موڭعۇل اۆتونوميالى وبلىستىق قۇرىلىس مەكەمەسى پارتكومىنىڭ شۋجيى، مەكەمە باستىعى، اۆتونوميالى رايوندىق قۇرىلىس مەكەمەسىنىڭ ورىنباسار باستىعى، باستىعى، اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسىنىڭ پارتگرۋپپا شۋجيى، مەڭگەرمەنىڭ ورىنباسار باستىعى سياقتى قىزمەت ۇقىعى قولايلىلىعىنان پايدالانىپ، كاسىپورىن سالاۋاتىن باعالاپ تۇراقتاندىرۋ، يىنجەنەريانى كوتەرمەگە بەرۋ، قىزمەتىن اۋىستىرۋ سياقتى جاقتاردا باسقالارعا پايدا جەتكىزىپ، باسقالاردان 8 ميلليون 190 مىڭ يۋاننىڭ ۇستىندە پارا العان.بۇل دەلوعا سوت تەرگەۋى اياقتاعاننان كەيىن، ارتىنان سوت ۇكىمىن شىعاراتىن بولدى.
ءان الەمى

جول توسىلىپ قالدى

تۇلپارىم