باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ايەلدەردىڭ ەرتە كارتەيۋىنىڭ سىرى

    كەلۋ قاينارى: شينجياڭ حالىق راديو ىستانسياسى    2017-01-20 20:03:26  

1. كۇنى بويى قاباعىن اشپاۋ
ءار كۇنى «قاباعىڭىزدان قار جاۋىپ» تۇنجىراۋدان تەرى كلەتكالارىڭىز ازىقتىعىنان ايىرىلادى، بەت تەرىڭىز قۇرعاپ، نۇرسىزدانادى، اجىم وڭاي تۇسەدى. سونىمەن ءبىر ۋاقىتتا اجارىڭىز تايىپ، «ازاپتىڭ ايعىزى» تۇسەدى. كوڭىل كۇيدىڭ تۇراقتىلىعى ىشكى سەكراتسيانىڭ تۇراقتىلىعىندا توتەنشە ماڭىزدى، كەڭ پەيىل، اشىق-جارقىن ايەلدەر قاشاندا سۇلۋ كورىنەدى.
2. ءتۇن بويى كىرپىك ىلمەۋ
ءتۇن بويى كىرپىك ىلمەۋ تەرى اقاۋسىزدىعىنىڭ ۇلكەن جاۋى، ۇيقىنىڭ جەتكىلىكتى بولماۋى تەرى كلەتكالارىنىڭ ءار ءتۇرلى رەتتەۋ قيمىلىن قالىپسىز كۇيگە تۇسىرەدى ءارى تەرى كلەتكالارىنىڭ ومىرشەڭدىگىنە اسەر ەتەدى. سوندىقتان ءار كۇنى از دەگەندە 8 ساعات ۇيقىنى قاندىرۋ كەرەك. ۇيقىنىڭ قانعان-قانباعانىن بەت تەرىڭىزگە قاراپ-اق بىلۋگە بولادى. اسىرەسە، كوزدىڭ اينالاسىنداعى نازىك تەرىلەردەن تىم وڭاي بايقاي الاسىز. ال جايلى ۇيقى جانىڭىزعا جاعىپ، شارشاۋدى باسادى، تەرى كلەتكالارىنىڭ رەتتەۋ قيمىلىن قالىپقا تۇسىرەدى، تەرىنىڭ كارتەۋىن باسەڭدەتەدى.
3. ۇنەمى كۇنگە قاقتالۋ
تىم ارتىق ۋلترا كۇلگىن ساۋلەنى سىمىرگەننەن كەيىن تەرى قارايىپ كۇيىپ كەتەدى، اۋىر بولعاندا تەرى راگىنا شالدىقتىرادى ءارى تەرىنىڭ تىم ەرتە كارتەيۋىنە مۇرىندىق بولادى. سەبەبى كۇن نۇرىنىڭ تىكەلەي ءتۇسۋى تەرىنىڭ تەرەڭ قاباتىنداعى سەرپىمدى تالشىقتار مەن كوللاگەندى بەلوكتى زاقىمدايدى ءارى بەتتىڭ تەرىسى وڭاي سالبىراپ، نۇرسىزدانادى، اجىم پايدا بولادى. سوندىقتان كۇنگە كۇيۋدەن ساقتايتىن ساپالى بەت مايلارىن ىستەتۋ داعىدىسىن جەتىلدىرۋ كەرەك.
4. شىلىم شەگىپ، سىرا ءىشۋ
نيكوتين تەرىدەگى قان تامىرلاردى تارايتادى، سوندىقتان شىلىم شەگەتىندەردىڭ بەت بولىمىنە تۇسەتىن اجىم تەمەكى تارتپايتىنداردىڭ 10 ەسەسىندەي بولادى. ەگەر ءسىز شىلىم شەگەتىن بولساڭىز، ۇقساس جاستاعىلارمەن سالىستىرعاندا 10 جاس كارى كورىنەسىز. ال سىرا ءىشۋ تەرىدەگى تابيعي ماي قۇرامىن كوپ مولشەردە ازايتىپ، تەرىنى قۇرعاتادى، بۇل تەرىنىڭ قالىپتى قىزمەتىنە تىكەلەي ىقپال ەتەدى.
5. بەت الپەت قۇبىلىسىنىڭ تىم كوپ بولۋى
ۇنەمى كوز جىپىلىقتاتۋ، قاباق ءتۇيۋ، قاتتى كۇلۋ، اۋىز بۇرتيتۋ مىنە وسىنداي ۇساق ارەكەتتەر مەن بەت الپەتىندەگە ءتۇرلى وزگەرىستەر بەتتەگى اجىمنىڭ ايعىزىن كوبەيتەدى. سوندىقتان كارىلىككە ەرتە جول العىڭىز كەلمەسە، ەڭ جاقسىسى بەتتىڭ ارەكەتىن، سونداي-اق اسىرە بەت الپەت قۇبىلىسىن ازايتقان ەڭ جاقسى.
6. سۋدى از ءىشۋ
سۋ ـــ بار تىرشىلىكتىڭ قاينارى. تەرىنى دەر كەزىندە جەتكىلىكتى سۋمەن قامداۋ تەرىنىڭ قورعاۋدىڭ تاپتىرماس امالى. سۋ قۇرامى جەتكىلىكتى بولماسا، ماي قۇرامىنىڭ ءبولىنىپ شىعۋى جەتكىلىكسىز بولىپ، تەرى وڭاي سۋسىزدانادى. سوندىقتان ءار كۇنى 6 ــ 8 ستاكان سۋ ءىشۋ كەرەك، الايدا كوفەين قۇرامى بار سۋسىندىقتان اۋلاق بولعانىڭىز ءجون.
7. دەنە تاربيە قيمىلدارىمەن شۇعىلدانۋدى قالاماۋ
بۇل ارينە، جاقسى ادەت ەمەس. لايىقتى قيمىل بۇكىل دەنەدەگى قان اينالىسىن تەزدەتىپ، بۇلشىق ەتتەردىڭ قاتايىپ-بوساڭسۋىن رەتتەيدى. وسى ارقىلى تەرىنىڭ مايدالىعىن ارتتىرادى ءارى بۇكىل دەنەدەگى تەرىگە كوپ مولشەردە تەر شىعۋ ورايىن جاراتىپ بەرىپ، تەرىنى اقاۋسىزداندىرادى، تەرىنىڭ تەز قارتايۋىن باسەڭدەتەدى، سوندىقتان شىنىعۋدى كۇشەيتكەن ءجون.
8. گرىمنىڭ تازا جۋىلماۋى
بۇل كوپتەگەن سۇلۋلىقتى سۇيەتىن قىزدارىمىزدا بولاتىن اعاتتىق. تەك قانا بەت جۋۋ سۇيىقتىعىن ىستەتۋ تەرىنى ويداعىداي تازالاي المايدى. ءسىز بەلگىلى ۋاقىتتا تەرىنى تازالاپ جۋىپ تۇرۋدى ادەتكە اينالدىرعانىڭىز ءجون. وسىلاي بولعاندا ءبىز وڭاي بايقاي بىلمەيتىن تەرىنىڭ تەرەڭ قاباتىنداعى كىرلەردىڭ تەرى ساڭلاۋلارىن بىتەپ قالۋىنىڭ الدىن الۋعا، تەرىنىڭ قالىپتى تىنىس الۋىنا كەپىلدىك ەتۋگە بولادى.
9. ەڭلىك بۇيىمدارىن بەتالدى پايدالانۋ
ءسىز ءوز تەرىڭىزدى تولىق تۇسىنەسىز بە؟ قىمبات بەت قورعاۋ بۇيىمدارىن پايدالانۋ تەرىنى قورعاۋدىڭ بىردەن-ءبىر جولى ەمەس، كوزسىزدىكپەن بەتالدى قورعاۋ بۇيىمدارىن پايدالانۋعا استە بولمايدى. مۇندا تەك ءوز تەرىڭىزدى تولىق تۇسىنگەندە عانا تەرىڭىزدى قورعاۋدىڭ دۇرىس تالعامىن جاساي الاسىز. ورايىن تاۋىپ تەرى سىناقتارىن جاساپ، ءوز تەرىڭىزدى كوبىرەك ءتۇسىنىڭىز.
10. ۆيتاميننەن ىرگەسىن اۋلاقتاۋ
تىتىركەندىرگىش ازىقتار، ايتالىق؛ اشتى مايعا قۋىرىلعان ازىقتار تەرى ءۇشىن بەينە ۋاقىتىندا جارىلاتىن بومباعا ۇقسايدى. مۇنداي ازىقتىقتاردى تىم قۇمارتىپ جەيتىن بولساڭىز، تىزگىنىڭىزدى تارتقانىڭىز ءجون! مايعا قۋىرىلعان، اشتى ازىقتاردى از تۇتىنعاندا عانا تەرىنىڭ ىشكى سەكراتسياسىنىڭ تەپە-تەڭدىگىنە كەپىلدىك ەتۋگە، بەزەۋ جانە تەرىنىڭ مايلاسۋى سياقتى ماسەلەلەردىڭ كورىنۋ ورايىن ازايتۋعا بولادى. جەمىس-جيدەكتىڭ قۇرامىنداعى ءتۇرلى ۆيتامين تەرىگە وتە پايدالى، ونىڭ ۇستىنە جەمىس-جيدەكتىڭ ءدامى ءتىل ءۇيىرىپ قانا قويماي، كوڭىل كۇيدى جاقسارتادى ءارى ودان تابيعي بەت ماسكاسىن جاساۋعا بولادى، ءونىمى دە ايتارلىقتاي. ەندەشە تەرىڭىزدىڭ اقاۋسىزدىعىن ساقتايمىن دەسەڭىز، كۇندەلىك وت باسىنداعى ازىقتانۋدان باستاپ ءمان بەرىڭىز.

ءان الەمى

جول توسىلىپ قالدى

تۇلپارىم