باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شيجۇن حانىشانىڭ ءمۇسىنى نارات كورىنىس رايونىنا اكەلىندى

    كەلۋ قاينارى: شينجياڭ حالىق راديو ىستانسياسى    2017-01-24 11:58:14  

تاياۋدا، شيجۇن حانىشانىڭ ءمۇسىنى جياڭسۋ ولكەسى ياڭجوۋ قالاسىنان كۇنەس اۋدانى نارات كورىنىس رايونىنا اكەلىندى. شيجۇن حانىشانىڭ بۇل ءمۇسىنى نارات كورىنىس رايونىنىڭ تاعى ءبىر اسەم كورىنىسىنە اينالۋمەن بىرگە، ياڭجوۋ مەن كۇنەستىڭ مادەنيەت اۋىس-كۇيىسىن تىڭ بەلەسكە كوتەردى.
ۇعىسۋعا قاراعاندا، وسىدان 2 مىڭ جىلدىڭ الدىندا حانجياڭ پاتشاسى ليۋ جياننىڭ قىزى، ياڭجوۋ بويجەتكەنى ليۋ شيجۇن الىستاعى ءۇيسىن ەلىنە ۇزاتىلىپ كەلگەن. ول ياڭجوۋدان وزگە جۇرتقا كەلىپ، «مادەنيەت بەيبىتشىلىك ەلشىسى» بولىپ، ياڭجوۋ حالقىنىڭ تاماشا تىلەگىن كۇنەس اۋدانىنا الا كەلگەن.
شيجۇن حانىشانىڭ ءمۇسىنى قولادان جاسالعان.ونىڭ پيپاسىن ۇستاپ وتىرعان ءمۇسىنىنىڭ بيىكتىگى شامامەن ەكى مەتر. شيجۇن حانىشانىڭ ءمۇسىنى ورناتىلعاننان كەيىن كورىنىس رايونىنىڭ سيمولدىق قۇرىلىسى بولىپ، تۇتاس كورىنىس رايونىنا تىڭ كورىك قوسىپ، اناعۇرلىم كوپ ساياحاتشىنى وسىندا كەلۋگە باۋرايدى. شينجياڭعا كومەككە كەلگەن كادر جاڭ يىڭميڭ: «2 مىڭ جىلدىڭ الدىندا ياڭجوۋدان شيجۇن حانىشا ءۇيسىن ەلىنە ياعني قازىرگى ىلە اڭعارىنا ۇزاتىلىپ كەلىپ، ەكى جەردىڭ اۋىس-كۇيىسىن قويۋلاتتى. بۇگىن 8-توپتاعى شينجياڭعا باعىتتامالى كومەككە كەلگەن كادرلاردىڭ كۇنەستەن قايتاتىن كۇنى. بۇل ەسكە ءتۇسىرۋ سيپاتتى ماعىنالى كۇندە ءبىز شيجۇن حانىشانىڭ ءمۇسىنىن اكەلدىك. ءمۇسىندى شيجۇن حانىشانى ەسكە ءتۇسىرۋ ءۇشىن ورىناتتىق ءارى بۇل ەكى جەردىڭ عاسىرلارعا جالعاسقان دوستىعىنىڭ سيموۆلى بولادى، ەكى جەردىڭ اۋىس-كۇيىس جاساۋىنىڭ تىڭ ورلەۋگە كوتەرىلەتىنىنە سەنەمىن»،-دەدى.
شيجۇن حانىشا ءمۇسىنىنىڭ كۇنەسكە اكەلىپ ورناتىلۋى-ياڭجوۋ قالاسىنىڭ مادەنيەت-كوركەمونەر جاعىنان شينجياڭعا كومەكتەسۋدەگى تاعى ءبىر شاراسى بولۋمەن بىرگە، جەرگىلىكتى تاريح، مادەنيەتتى جاڭعىرتىپ، ەكى جەردىڭ ەكونوميكا، مادەنيەت اۋىس-كۇيىسىن نىعايتادى.

ءان الەمى

جول توسىلىپ قالدى

تۇلپارىم