باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇيقى قانباۋدىڭ 10 ءتۇرلى سەبەبى

    كەلۋ قاينارى: شينجياڭ حالىق راديو ىستانسياسى    2017-01-25 20:01:20  
1. ۇيىقتار الدىندا تاماقتانۋ.
ادامدار ۇيىقتاعان سوڭ دەنەنىڭ ارەكەتى ازايىپ، تىنىشتىق كۇيگە ەنەدى. ەگەر ۇيىقتار الدىندا تاماقتانساڭىز، اسقازان-ىشەكتەرىڭىز قايتالاي ارەكەتكە كىرىسىپ، قاربالاستانا باستايدى دا، ىشكى ورگاندارىڭىزعا اۋىرتپالىق اكەلەدى، دەمالىسىڭىز بەن ۇيقىڭىزعا نۇقسان جەتەدى.
2. ۇيىقتار الدىندا كوپ سويلەۋ.
ەگەر ۇيىقتار الدىندا كوپ سويلەسەڭىز ۇلكەن ميدا قوزۋ پايدا بولىپ، وڭاي ۇيىقتاي المايسىز.
3. ۇيىقتار الدىندا قالىپتان تىس مي جۇگىرتۋ.
ەگەر ۇيىقتار الدىندا ۇيرەنۋ، قىزمەت ىستەۋ ادەتىڭىز بار بولسا، ەڭ جاقسىسى وي جۇگىرتەتىن ماسەلەلەردى الدىمەن ءبتىرىڭىز. بۇلاي بولعاندا ۇيىقتار الدىندا نەداۋىر سەرگىپ قالاسىز، ۇلكەن ميىڭىز دا دەمالادى. ويتپەگەندە قانشا جاتساڭىز دا ۇيقىڭىز قاشىپ، مازاسىزداناسىز.
4. ۇيىقتار الدىندا كوڭىل-كۇيدىڭ تۇراقسىزدىعى.
كوڭىل-كۇي ادامنىڭ نەرۆىنە تىكە اسەر ەتەدى. سوندىقتان دا ۇيىقتار الدىندا وتە قۋانۋعا، جابىرقاۋعا بولمايدى. ۇيتپەگەندە ۇيقىڭىز قاشىپ، دەمالۋىڭىزعا نۇقسان جەتەدى.
5. اشتى ءشاي ىشۋ.
اشتى شاي، كوفە سياقتىلار تىتىركەندىرگىش سۋسىن، قۇرامىندا نەرۆكە اسەر ەتەتىن كوكاين سەكىلدى زاتتار بولعاندىقتان، ەگەر ۇيىقتار الدىندا تۇتىنساڭىز وڭاي ۇيقىعا كىرىسە المايسىز. 
6. اۋىزدى اشىپ ۇيىقتاۋ.
اۋىزىن اشىپ ۇيىقتاۋ ادەتى بار ادامدار اۋاداعى ميكروپتاردى، ۆيروستاردى وڭاي قابىلدايدى دا، سۋىق اۋا مەن شاڭ-توزاڭ دا ىلەسە كىرىپ، وكپە مەن اسقازان بولىمدەرىن تىتىركەندىرەدى دە اۋىرۋعا وڭاي شالدىعادى.
7. باستى بۇركەپ ۇيىقتاۋ.
قارتتار ادەتتە سۋىقتان قورقىپ باسىن بۇركەمەلەپ ۇيىقتاۋدى جاقتىرادى، بۇلاي ىستەگەندە ءوزىڭىز ءبولىپ شىعارعان كومىرتەگى قوس توتىعىن قايتالاي سىمىرەسىز دە، قاجەتتى وتتەگىن سىمىرە المايسىز، دەنساۋلىعىڭىزعا توتەنشە تيىمسىزدىك اكەلەدى.
8. شالقاسىنان جاتىپ ۇيىقتاۋ.
ەگەر ۇيىقتاعاندا وڭ قىرىڭىزبەن جاتساڭىز ەڭ جاقسى بولادى، بۇلاي ىستەگەندە بۇكىل دەنەڭىزدەگى بۇلشىق ەتتەر تابيعي ەركىن بوساڭسىپ، وڭاي ۇيقىعا كىرىسىپ، شارشاعانىڭىز باسىلادى. ەگەر شالقالاپ ۇيىقتايتىن بولساڭىز، بۇكىل دەنەڭىزبەن قوسا بۇلشىق ەتتەرىڭىز قاربالاس كۇيگە ءوتىپ، شارشاۋدان ايىعۋ بىلاي تۇرسىن، قولىڭىز كەۋدەڭىزدى باسىپ، الباتى ءتۇس كورەسىز. 
9. شام جاعىپ ۇيىقتاۋ.
ادامدار ۇيىقتاعاندا كوزى جۇمۋلى بولعانىمەن، جارىقتى سەزە الادى. ەگەر شىراق جاعىپ ۇيىقتار بولساڭىز، الا كوڭىل بولىپ، ۇيىقتاعان كۇندە دە وڭاي شوشىپ وياناسىز.
10. جەلدىڭ ۇيقىعا اسەرى.
ءۇي اۋاسىنىڭ الماسۋىنا كەپىلدىك ەتۋ كەرەك. دەسەدە جەلدىڭ ادام دەنەسىنە تىكە ۇرىلۋىنان ساقتانۋ كەرەك. ويتكەنى ۇيقىعا ەنگەن كەزدە ادام دەنەسىنىڭ سىرتقى ورتاعا قارسىلىق قۋاتى السىرەيدى، ەگەر جەلگە قارسى ۇيىقتاساڭىز، ۋاقىت ۇزارا كەلە سۋىق اۋا دەنەڭىزگە ەنىپ، وڭاي تۇماۋراتاسىز.
ءان الەمى

جول توسىلىپ قالدى

تۇلپارىم