باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

حالىقارالىق مۇناي بازارىنىڭ قايتا قالپىنا كەلۋ جولى بۇراڭ»

    كەلۋ قاينارى: شينجياڭ حالىق راديو ىستانسياسى    2017-02-03 19:38:32  
وتكەن جىلدىڭ سوڭىندا، شەتەلگە مۇناي شىعاراتىن ەلدەر ۇيىمى ـــــ وپەك 8 جىلدان بەرى تۇڭعىش رەت ءونىمدى ازايتۋ كەلىسىمىن جاساسىپ، ەكى جىل تۇرالاعان حالىقاراداعى مۇناي باعاسى تۋرالى ءوزىن قۇتقارۋ ارەكەتىن قولداندى، وسىنىڭ اسەرىندە مۇنايدىڭ باعاسى دا ەكى ايدىڭ ىشىندە %20 ارتىپ، وپەكتىڭ حالىقارالىق مۇناي بازارىنا دەگەن ىقپال كۇشىن تاعى دا دالەلدەدى.تاياۋدا وپەك پەن وپەكتەن باسقا مۇناي وندىرەتىن ەلدەردىڭ ۋاكىلدەرى ۆەنادا ەنەرگيا مينيسترلەرى كەڭەسىن وتكىزۋ ارقىلى قاڭتارداعى ءونىمدى ازايتۋ جەتىستىگىن تەكسەردى، سونىمەن بىرگە، ءارقايسى ەلدىڭ ءونىمدى ازايتۋ كەلىسىمىنە بويسىنۋىن باقىلاۋ ءتاسىلى جونىندە اقىلداستى.
وسى رەتكى كەڭەستە، مۇناي وندىرەتىن باستى ەلدەر كۆەيت، رەسەي، الجيريا، ۆەنەسۋەلا جانە ومان سياقتى 5 ەلدەن ۇيىمداسقان باقىلاۋ كوميتەتىن ۇيىمداستىرۋعا قوسىلدى، ءارى كۆەيتتىڭ مۇناي مينيسترى مارزۇك وسى كوميتەتتىڭ ءتوراعالىعىنا تاعايىندادى.سونىمەن بىرگە ولار تاعى وپەكتىڭ كەزەكتى ءتوراعا ەلى ساۋد ارابياسىمەن تەحنيكا گرۋپپاسىن قۇرىپ، تالداۋ جاساۋ مالىمەتىن اي سايىن جاساپ، ءونىمدى ازايتقان ەلدەر تاپسىرعان ساندى مالىمەت سياقتىلاردى باعالادى.
ءونىمدى ازايتۋ جەتىستىگىنەن قاراعاندا، وپەك جانە رەسەي سياقتى وپەكتەن باسقا ەلدەر دە ءىس جۇزىندىك ارەكەتتەرى ارقىلى ويداعىداي جاۋاپ بەرگەن، ياعني جوسپار بويىنشا ءونىمدى كۇنىنە ءبىر ميلليون 800 مىڭ بارول ازايتۋ كەرەك بولاتىن، ءىس جۇزىندە كۇنىنە ءبىر ميلليون 500 بارول شاماسىندا ازايتىپ، نىسانانىڭ %80 ىن ورىندادى.وپەككە مۇشە 11 ەل جانە وپەكتەن باسقا مۇناي وندىرەتىن 11 ەلدىڭ ءبارى بيىل الدىڭعى جارىم جىلدا ءونىمدى ازايتۋعا قوسىلدى.نازار اۋدارۋعا تاتيتىنى، باسقا مۇشە ەلدەر ءونىمدى ازايتىپ جاتقاندا، يران 13 ميلليون بارولدان ارتىق تەڭىز ۇستى زاپاس مۇنايىن بىلدىرتپەي ساتىپ، ورايدان پايدالانىپ باتىس ەلدەرىنىڭ جازالاۋىنان بۇرىن بازار ۇلەسىنە يە بولماق بولدى.بۇل ارەكەتى ءونىمدى ازايتۋعا قاتىناسىپ جاتقان باسقا مۇناي وندىرەتىن ەلدەردىڭ كوزىن قىزارتپاي قويمايدى، ال وپەك وسى رەتكى ءونىمدى ازايتۋ كەلىسىمىنە قايشىلىق جاساۋدى جازالاۋ شاراسىن بەلگىلەگەن جوق، ءونىمدى ازايتۋ ءبىر تۇتاس ارەكەتى بۇلىنسە، وندا جاڭا مەحانيزمدى قايتا ورناتۋ قيىن.
بۇدان سىرت، وپەك جانە رەسەي سياقتى مۇناي وندىرەتىن ەلدەر ءونىمدى ازايتۋ ارقىلى مۇنايمەن قامداۋدىڭ شەكتەن تىس اسۋىن كۇش سالا باسەڭدەتسە دە، ا ق ش-تىڭ سلانەتس مۇنايىنىڭ جانە وپەكتەن باسقا ەلدەردىڭ ءونىمدى ارتتىرۋىنىڭ جەر شارىنىڭ مۇنايمەن قامداۋىن ارتتىراتىندىعى بەلگىسىز بولىپ وتىر.ماسەلەن، 20-قاڭتارعا دەيىن، ا ق ش-تىڭ مۇناي بۇرعىلاۋ قۇدىعىنىڭ جالپى سانى 551 بولىپ، بۇرىنعىدان 29 ى ارتىپ، سوڭعى 4 جىلدان بەرگى ارتۋ دارەجەسى ەڭ جوعارى بولعان.ترامپ مىندەتكە وتىرعان كۇنى اق ش-تىڭ الدىمەن اتقاراتىن ەنەرگيا جوسپارىن العا قويىپ:ەنەرگيانىڭ وزىندىك قۇنىن تومەندەتىپ، سلانەتس مۇناي توڭكەرىسىن جاساپ، ا ق ش-تى ەندىگارى ەنەرگيانى يمپورت ەتۋگە يەك سۇيەتكىزبەيتىنىن، ــ ايتتى، مۇنىڭ دا مۇناي وندىرەتىن ەلدەرگە اناعۇرلىم كوپ باسەكە سايلايتىندىعى داۋسىز.بۇدان سىرت، برازيليا مەن كانادا وپەك ءونىمدى ازايتۋ كەلىسىمىن سىرتقا جاريالاعاننان كەيىن ىلە-شالا مۇناي ءونىم مولشەرىن ارتتىرۋدى جاريالادى، حالىقارالىق ەنەرگيا مەكەمەسى دە وپەكتەن باسقا مۇناي وندىرەتىن ەلدەردىڭ 2017-جىلعى مۇناي ءوندىرۋ مولشەرىن مەجەلى مەزگىلدەن كۇنىنە 175 مىڭ بارولعا جوعارىلاتتى.جالپى العاندا، وپەك بيىل الدىڭعى جارىم جىلدا ءونىمدى ازايتۋعا جالعاستى قۇلشىنۋ ارقىلى مۇناي باعاسىنىڭ جوعارىلاۋىنا قوزعاۋشى كۇش قوسادى، ەگەر اتقارۋ تەبىنى قاڭتارداعى دەڭگەيدى ساقتاسا، وندا ءبىر بارول مۇنايدىڭ باعاسىن 55 ا ق ش دوللارىنا ورنىقتىرۋ، ءتىپتى ودان دا جوعارىلاتۋ مۇكىندىگى بار، الايدا بۇل تاعى ا ق ش-تى سلانەتس مۇنايىن ءوندىرۋ مولشەرىن جوعارىلاتۋعا جانە باسقا مۇناي وندىرەتىن ەلدەردى بازارعا قىزىعۋعا يتەرمەلەيدى.بىلايشا ايتقاندا، وپەك مۇنايدى قالىپىنا كەلتىرۋ جولىنا تۇسسە دە، بۇل ساپارى بۇراڭ بولادى، مۇناي بازارىنىڭ قامداۋ مەن قاجەتسىنۋدىڭ ءبىر كەلكى جاعدايىنا تۇسۋىنە ءالى دە اناعۇرلىم ۇزاق ۋاقىت قاجەت.
ءان الەمى

جول توسىلىپ قالدى

تۇلپارىم