باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ مەن شريلانكانىڭ زۇڭتۇڭى سيريسەنا ءوزارا تەلەگرامما جولداپ، جۇڭگو مەن شريلانكانىڭ ديپلوماتيالىق قاتىناس ورناتقاندىعىنىڭ 60 جىلدىعىن قۇتتىقتادى

    كەلۋ قاينارى: شينجياڭ گازەتى    2017-02-08 13:55:52  
شينحۋا اگەنتتىگىنىڭ 7 - اقپاندا بەيجيڭنەن بەرگەن حابارى. مەملەكەت ءتوراعاسى شي جينپيڭ مەن شريلانكانىڭ زۇڭتۇڭى سيريسەنا 7 - اقپاندا ءوزارا تەلەگرامما جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 60 جىلدىعىن قىزۋ قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن شريلانكا ديپلوماتيالىق قاتىناس ورناتقان 60 جىلدان بەرى، ەكى ەل قاتىناسى حالىقاراداعى الماعايىپ وزگەرىستەردىڭ سىنىنان ءوتىپ، اقاۋسىز دامۋ جاعدايىن ساقتادى. مەن جۇڭگو - شريلانكا قاتىناسىنىڭ دامۋىنا بارىنشا ءمان بەرەمىن، شريلانكانىڭ «ءبىر بەلدەۋ، ءبىر جول» دارىپتەمەسىنە بەلسەنە ات سالىسقانىن القايمىن، سىزبەن بىرگە قول ۇستاسا قۇلشىنىپ، ءوزارا ساياسي سەنىمدى نىعايتىپ، ءوزارا ءتيىمدى سەلبەستىكتى كەڭەيتىپ، حالىقتار اراسىنداعى دوستىقتى تەرەڭدەتۋدى، جۇڭگو مەن شريلانكانىڭ ءبىر - بىرىنە رياسىز كومەكتەسۋ، ۇرپاقتار بويى دوس ءوتۋ سىندى ستراتەگيالىق سەلبەستىك سەرىكتەستىك قاتىناسىنىڭ جاڭا جالىندى ومىرشەڭدىك كۇشىن تاسقىنداتۋىن قالايمىن.
سيريسەنا قۇتتىقتاۋ تەلەگرامماسىندا مىنانى ءبىلدىردى: شريلانكا مەن جۇڭگونىڭ دوستىعى ارىدان باستاۋ العان. ديپلوماتيالىق قاتىناس ورناتقان 60 جىلدان بەرى ەكى ەل قاتىناسى باياندى، اقاۋسىز دامىدى ءارى ستراتەگيالىق سەلبەستىك سەرىكتەستىك قاتىناس دەڭگەيىنە كوتەرىلدى. شريلانكا جۇڭگومەن قاتىناستى كۇشەيتۋگە باتىل كۇش سالادى، «ءبىر بەلدەۋ، ءبىر جول» دارىپتەمەسىنىڭ ەجەلگى تەڭىز جىبەك جولى نەگىزىندە شيرلانكا مەن جۇڭگو سەلبەستىگىنىڭ جاڭا ءداۋىرىن اشاتىندىعىنا سەنەدى. شريلانكا - جۇڭگو قاتىناسىنىڭ العا قاراي دامي بەرۋىن تىلەيمىن.
ءان الەمى

جول توسىلىپ قالدى

تۇلپارىم