باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بالدىڭ ەمدىك قاسيەتى

    كەلۋ قاينارى: شينجياڭ حالىق راديو ىستانسياسى    2017-02-09 19:59:55  

بالدىڭ ەمدىك قاسيەتى ەرتە كەزدەن-اق بەلگىلى بولىپ، ءتۇرلى اۋرۋلارعا قارسى ءاركىم وزىنشە پايدالانىپ كەلگەن. بال سۋىق تيگەندە، جۇرەك، وكپە، باۋىر، اسقازان، بۇيرەك، ىشەك، جۇيكە اۋرۋلارىنا، اپتاپ ىستىقتا قان قىسىمىنىڭ كوتەرىلۋى سياقتى دەرتتەرگە اسا شيپالى. بالدى سوزىلىپ، اسقىنىپ كەتكەن جاراقاتقا، تەرىدەگى سىزات-جارالارعا جاعۋعا بولادى. سوعان وراي، بالدى كەيبىر اۋرۋلارعا قالاي پايدالانۋعا بولاتىنىن بىلگەن ارتىق ەمەس.
سۋىق ءتيىپ، تۇماۋراتقان كەزدە بالدى ىستىق سۇتكە نەمەسە ليمون شىرىنىنا قوسىپ اۋرۋدان ايىققانشا ىشكەن دۇرىس. ءبىر ستاكان ىستىق سۇتكە قوسىپ، ءبىر ءشاي قاسىق بال ءىشۋ كەرەك. ءبىر ليمون شىرىنىنا 100 گرام بال قوسىپ، ارالاستىرىپ، سۇيىلعان كەزدە پايدالانعان ءجون. ەگەر دە جاز مەزگىلىندە اۋىرىپ قالساڭىز، قايناعان جىلى سۋعا ءبىر ءشاي قاسىق بال قوسىپ، ءىشىڭىز. جوتەلدى باسۋ ءۇشىن ىستىق شاي-سۋمەن قاتار، كۇنىنە 3 ــ 4 ءشاي قاسىق بالدى جەۋ كەرەك. تاماق قىزارىپ، تىنىس جولدارى بىتەلگەن كەزدە قايناعان سۋعا ءبىر اس قاسىق بال قوسىپ، اۋىز بەن مۇرىندى بۋلاڭىز.
جۇرەك اۋرۋىنا شالدىققان جاندار بالدى جەمىس-جيدەكتەردىڭ شىرىنىنا قوسىپ ىشسە، ونىڭ جاعدايى جاقسارىپ، جۇرەك سوعىسى تۇزەلەدى. ءوت پەن باۋىر جولدارى اۋىراتىن جاندار بالدى ىرىمشىككە، سابىزگە، ليمون شىرىنىنا، قىزىلشاعا قوسىپ پايدالانسا، اۋرۋىنان ايىعادى. سونداي-اق، بال ءوت جولى مەن بۇيرەكتە تاس پەن قۇمنىڭ جينالۋىنان ساقتايدى. وكپە اۋرۋىنا شالدىققان جانداردىڭ كۇندەلىكتى 100 ــ 150 گرام بال پايدالانعانى ءجون.
اسقازان، ىشەك اۋرۋىنا شالدىققان نە قىشقىلى قالىپتى نورمادا بولماعان جاندار بالدى تۇراقتى پايدالانسا، اس قورىتۋ قىزمەتى جاقسارادى. اسقازانىندا جاراسى بار جاندار تاماقتىڭ الدىندا 2 ساعات بۇرىن جانە تاماقتان كەيىن 3 ساعات ۇزبەي ءبىر ءشاي قاسىق بال جەپ وتىرسا، اۋرۋى باسەڭدەپ، جۇرەك اينۋى جانە اسقازاننىڭ قىجىلداۋى باسىلادى. قىشقىلى از ادامدار ءبىر اس قاسىق بالدى تاماقتى ىشەر الدىندا عانا جەسە، ول اس قورىتاتىن شىرىننىڭ كوبىرەك بولىنۋىنە ىقپال ەتەدى. ال كەرى جاعدايدا، ياعني قىشقىلى كوبىرەك بولسا، تاماق الدىندا بالدى تۇراقتى تۇردە پايدالانىپ وتىرسا، اسقازان قىشقىلىن ازايتادى.
بالىق مايىمەن ارالاستىرىلعان بال اسقىنعان جاراقاتتى تەز جازادى. كۇيىك شالعان جەرگە كۇنىنە ەكى مارتە بال جاعاتىن بولسا، تەرى تارتىلىپ، جازىلادى. بالدى كوسمەتيكالىق ماقساتتا دا پايدالانۋعا بولادى. ءسابىزدى ۇككىشتەن وتكىزىپ، ونى بالمەن ارالاستىرىپ، بەت-مويىنعا جاعۋعا بولادى. 15 ــ 20 مينۋتتان كەيىن جىلى سۋمەن شايىپ جىبەرسەڭىز، تەرىڭىزدىڭ نارلەنىپ، جۇمسارعانىن اڭعاراسىز.
جىلدىڭ كەز-كەلگەن مەزگىلىندە كۇندەلىكتى تاڭەرتەڭ اش قارىنعا ءبىر ءشاي قاسىق بال قوسىلعان ءبىر ستاكان قايناعان نە مينەرالدى سۋدى ىشسە، ادام اعزاسى تازارىپ، قان اينالىم جۇيەسى جاقسارادى. بال قان قۇرامىنداعى گەموگلوبيندى كوبەيتىپ، اعزاداعى قاننىڭ ازايۋىنا جول بەرمەيدى.
ەگەر دە بالدىڭ ءتاتتى ءدامىن اسا ۇناتا بەرمەسەڭىز، ونى دارۋمەندەرگە باي جەمىس-جيدەكتەرمەن، جاڭعاق-داندەرمەن ارالاستىرىپ، پايدالانۋىڭىزعا بولاتىنىن ەستەن شىعارماڭىز.

ءان الەمى

جول توسىلىپ قالدى

تۇلپارىم