باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

باسشى كادرلار، ءسوز جوق، ءوزىن قاتاڭ تارتىپكە شاقىرۋى كەرەك

    كەلۋ قاينارى: شينجياڭ گازەتى    2017-02-17 20:40:32  

− باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتاعى زەرتتەۋ - تالقىلاۋ كۋرسىنداعى ماڭىزدى ءسوزىن ۇيرەنۋ جونىندە (4)

«باسشى كادرلار، اسىرەسە، جوعارى دارەجەلى باسشى كادرلار، ءسوز جوق، ءوزىن قاتاڭ تارتىپكە شاقىرىپ، ءوزى تۋرالى ۇدايى وڭاشا ويلانىپ، ۇساق - تۇيەككە دە باسا ءمان بەرۋى، ءوزىنىڭ ءسوز - سويلەمى مەن ءىس - ارەكەتىن ۇنەمى دەرلىك پارتيا ۋستاۆىنا سالىستىرا تەكسەرىپ، پارتيالىلىق شىنىعۋدى كۇشەيتىپ، ءمورال مەن مىنەزدى شىڭاپ، كوممۋنيستەردىڭ ساياسي قاسيەتىن ماڭگى ساقتاۋى قاجەت». ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىنىڭ وقۋ باستاۋ سالتىندا، باس شۋجي شي جينپيڭ باسشى كادرلاردىڭ ءوزىن قاتاڭ تارتىپكە شاقىرۋى كەرەكتىگىن باسا دارىپتەپ، باسشى كادرلاردىڭ ءوزىن قاتاڭ تارتىپكە شاقىرۋىنىڭ ماڭىزدىلىعى مەن قاجەتتىلىگىن تانىمدىق دەڭگەيدەن بايىمداۋمەن قاتار، ادىستەمەلىك تۇرعىدان «تورتكە باسا نازار اۋدارۋ» دەيتىن ناقتى تالاپتى ايقىن ورتاعا قويدى. ءار دارەجەلى باسشى كادرلار وسى تالاپتاردى ەسكە بەرىك ساقتاپ،ءوزىن قاتاڭ تەجەپ، پارتيانىڭ ىشكى ساياسي تۇرمىسى جونىندەگى ولشەمدەرگە، پاك، ءتارتىپشىل بولۋ ولشەمدەرىنە سانالى تۇردە بويسۇنىپ، بيلىك اتقارۋ، ۇكىمەت ىسىندە پاك، شوگەل بولۋ جاعىندا ورىن تەپكەن ماسەلەلەردى سانالى تۇردە تەكسەرىپ جانە دەر كەزىندە تۇزەتىپ، جەمقورلىقتان، ازعىنداۋدان ساقتانۋدىڭ جۇرەك تۇكپىرىندەگى رۋحاني قامالىن اركەز بەكەمدەپ وتىرۋعا ءتيىس.
باسشى كادرلاردىڭ ءوزىن قاتاڭ تارتىپكە شاقىرۋى نە ءۇشىن باسا دارىپتەلىپ وتىر؟ ويتكەنى باسشى كادرلار قولىنا بەلگىلى دەڭگەيدە بيلىك ۇستايدى، ءتۇرلى - ءتۇستى ەلىكتىرۋشىلىك پەن شىرعاعا ءجيى ۇشىراپ، كوبىنەسە، جىعۋ، تارتۋ، قورشاۋدىڭ وبيەكتىسى بولىپ وتىرادى. ءمۇبادا، ءوزىن ۇستاۋ مەن ءوزىن تارتىپكە شاقىرۋعا كوڭىل بولمەي، الدا - جالدا باعداردان ءمولت كەتەر بولسا، «التىندى كورسە پەرىشتە جولدان تايىپتى» دەگەندەي، كەز كەلگەن ساتتە شىرعاعا ءتۇسۋى، كەز كەلگەن ساتتە قانت قابىرشاقتى زەڭبىرەك وعىنان جازىم بولۋى مۇمكىن. اناۋ «اتتان قۇلاپ»، تەمىر توردىڭ تۇتقىنىنا تۇسكەن كادرلاردىڭ قايسى ءبىرى بىرتە - بىرتە ەركىنسىپ، شىم - شىمداپ ازعىنداپ، شىڭىراۋعا قۇلامادى دەيسىز! مىنە بۇل باسشى كادرلاردىڭ ەگەر دە ساقتىقتان ايرىلسا، اكىمشىلىككە ارالاسقان، پارتيا قاتارىنا وتكەن ساتتەن باستاپ تومەنگى شەكتى بەرىك ۇستاماسا، مەرت بولۋى مۇندا تۇرعانىن؛ تەك بيلىكتى ءادىل، بايسالدىلىقپەن، زاڭ بويىنشا پايدالانۋعا تاباندى بولىپ، قاي - قاشان دا سەرگەكتىكتەن جازباي، ءوزىن قاتاڭ تارتىپكە شاقىرعاندا عانا، ءسۇرىنىپ كەتىپ، ومىرلىك وكىنىشكە قالماۋىنا بولاتىنىن تۇسىندىرەدى.
ءوزىن قاتاڭ تارتىپكە شاقىرۋ باسشى كادرلاردان ءوزى تۋرالى ۇدايى وڭاشا ويلانىپ، ۇساق - تۇيەككە دە باسا ءمان بەرۋدى وتە - موتە تالاپ ەتەدى. وڭاشا ويلانۋ، ۇساق - تۇيەككە ءمان بەرۋ ءوزىن تەجەپ ۇستاۋدىڭ ءتاسىلى رەتىندە ەلىمىزدە ەجەلدەن بەرى دارىپتەلىپ كەلەدى، سونىمەن بىرگە ول كوممۋنيستەر، اسىرەسە، ءار دارەجەلى باسشى كادرلار ازىرلەۋگە ءتيىس مادەني دەڭگەي سانالادى. باسشى كادرلار ءوزىن باسقارا بىلمەسە، باسقالاردىڭ ونى باسقارۋى استە مۇمكىن ەمەس، ويتكەنى ەشكىم دە وعان ءسات سايىن كوز ايىرماي قاراپ وتىرا المايدى. باسشى كادرلار، اسىرەسە، جوعارى دارەجەلى كادرلار ءۇشىن ايتقاندا، ءوزىن قاتاڭ تارتىپكە شاقىرۋدىڭ تەتىگى ءوز - وزىمەن وڭاشا قالعاندا، بولماشى نارسەلەردە ءوزى تۋرالى وي تولعاپ، ۇساق - تۇيەككە باسا ءمان بەرىپ، ەشقاشان بوساڭسىماي، جولدان تايماي، الا جىپتەن اتتاماي، قولىنداعى بيلىكتى شىن مانىندە بەلگىلەنگەن ەرەجە بويىنشا دۇرىس اتقارۋى قاجەت. جوعارى دارەجەلى ۇيىمدار اتقارۋعا ءتيىستى بيلىكتى تومەن دارەجەلى ۇيىمداردىڭ اتقارۋىنا، باسشىلىق القا كوللەكتيۆ تۇردە اتقارۋعا ءتيىستى بيلىكتى القا مۇشەلەرىنىڭ ءوز بەتىمەن اتقارۋىنا، ءوزى اتقارماۋعا ءتيىستى بيلىكتى استە اتقارۋىنا بولمايدى.
كوبىنەسە «جىلى سۋعا پىسكەن باقامەن» ورايلاس ماسەلەلەر وڭاي بايقالماي قالادى، «كوز جەتەر، كوڭىل كونشىمەس» جايتتەردەن ساقتانۋ دا قيىن. دەمەك، اسىرەسە، كولدەنەڭ كوزگە جۇمباق، تەك وزىمىزگە انىق ىشكى دۇنيەمىزدە ءوزىمىزدى قاتاڭ تارتىپكە شاقىرىپ، قاي - قاشان دا سي - قۇرمەتتەن، سابىر - سالماقتان جازباي، ءاردايىم مۇز ۇستىنەن جۇرگەندەي نەمەسە ءتۇپسىز شىڭىراۋدىڭ ەرنەۋىندە تۇرعانداي قىراعى بولىپ، اركەز كوڭىلدەن ىززەت، كوكەيدەن ساقتىقتى شىعارماي، پارتياعا، حالىققا، جاۋاپكەرشىلىككە، ساقتىققا كوڭىل تورىنەن ورىن بەرىپ، ساياسي تاباندىلىقتى، تارتىپكە تاباندىلىقتى، ءمورالعا تاباندىلىقتى، جەمقورلىققا قارسى تاباندىلىقتى نىعايتىپ، تۇيمەدەي ءىستىڭ تۇيەدەي پالە تۋدىرۋىنان ايرىقشا اباي بولعانىمىز ءجون.
باسشى كادرلار ءوزىن قاتاڭ تارتىپكە شاقىرۋ ءۇشىن، باس شۋجي شي جينپيڭنىڭ تالابى بويىنشا، ەرەكشە ۇقىق تۋرالى يدەيالارمەن جانە ەرەكشە ۇقىق جايتتەرىمەن كۇرەس جۇرگىزۋگە باسا نازار اۋدارىپ، ءوز باسىنان، ماڭايىنداعى ادامدارىن باسقارۋدان باستاپ، وزىنە ەڭ جاقىن جەردەن ەرەكشە ۇقىقتان ساقتانۋدىڭ جانە وعان قارسى تۇرۋدىڭ قورعانىس جەلىسىن قالىپتاستىرۋى؛ ادام تاڭداۋ، ادام ىستەتۋ جاعىندا باعداردان جازباۋعا، پرينسيپتەن تايماۋعا باسا نازار اۋدارىپ، ءتۇرلى بۇرىس ستيلدەردى باتىل تۇزەتىپ، پارتيا ىشىندەگى ادام تاڭداۋ، ادام ىستەتۋ ستيلدەرىن تەزگە سالۋى؛ مۇددەلى توپتاردىڭ «قورشاۋىنا» تۇسۋدەن ساقتانۋعا باسا نازار اۋدارىپ، بارىس - كەلىس كەزىندە پرينسيپتەن جازباۋعا، شەكتەن اتتاماۋعا، قاعيدادان وزباۋعا تاباندى بولۋى؛ باقىلاۋدى سانالى، بەلسەندى تۇردە قابىلداۋعا باسا نازار اۋدارۋى قاجەت، پارتيا مۇشەلەرىنىڭ، كادرلاردىڭ ەشقانداي جەلەۋمەن باقىلاۋدان باس تارتۋىنا، پارتيا ۇيىمدارىنىڭ دا ەشقانداي سىلتاۋمەن باقىلاۋدى بوساڭسىتۋىنا بولمايدى.
ءوزىن قاتاڭ تارتىپكە شاقىرۋ − پارتيالى باسشى كادرلاردىڭ اكىمشىلىك جۇرگىزۋىنىڭ جولى، ناتيجەلى بولۋىنىڭ قاجەتتى فاكتورى، ءوزىن ۇستاۋىنىڭ ءتۇپ نەگىزى. «تورتكە باسا نازار اۋدارۋدى» قۇلشىنا امالياتتا ايگىلەپ، شىن مانىندە ءوزىن قاتاڭ تارتىپكە شاقىرا بىلسە، ءار دارەجەلى باسشى كادرلار ءتارتىپشىل، ۇستامدى قاسيەتىمەن پارمەندى ۇلگى - ونەگە كورسەتىپ، پارتيانىڭ ىشكى ساياسي تۇرمىسىندا، پارتيا ىشىندەگى باقىلاۋدا جاڭا بەينە، جارقىن قۇبىلىستاردىڭ جارىققا شىعۋىن ىلگەرىلەتىپ، پارتيامىزدىڭ بەرەكە - بىرلىگىن، جاسامپازدىق قابىلەتىن جانە جاۋىنگەرلىك قۋاتىن ماڭگى ساقتاي الادى.

ءان الەمى

جول توسىلىپ قالدى

تۇلپارىم