باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كادرلار ستيلىنىڭ شىنايى بولماۋى سىندى وسى ءتىپتى ۇلكەن جاۋدى جەڭۋگە كۇش سالايىق

    كەلۋ قاينارى: شينجياڭ گازەتى    2017-02-17 21:10:29  

شينشۋان

ەسكى جىل ەسەبى بويىنشا جاڭا جىل باستالىسىمەن، اۆتونوميالى رايوندىق پارتكوم «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلى جونىندە اتتانىسقا كەلتىرۋ، ورنالاستىرۋ جاساۋ تەلەۆيزور - تەلەفون ءماجىلىسىن اشىپ، بۇكىل رايونىمىزدا «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ بەتاشارىن اشتى.
باس شۋجي شي جينپيڭ: «پارتيانىڭ ستيلى دەگەنىمىز پارتيانىڭ وبرازى، ول جۇرتتىڭ قولداۋ - قولداماۋىمەن، پارتيانىڭ تاعدىرىمەن بايلانىسىپ جاتادى»، - دەپ اتاپ كورسەتتى. بۇكىل پارتيا، ءسوز جوق، بويىن سەرگەك ۇستاپ، پارتيا مەن حالىق بۇقاراسىنىڭ اراسىنداعى كورىنبەس داۋالدى تالقانداۋى كەرەك. «10 تارماقتى شارتتى» كىرىسۋ ءتۇيىنى، ستيل قۇرىلىسىن ماڭىزدى ءتۇيىن، «ءتورت ءتۇرلى بۇرىس ستيلدى»، «ءتورت تەرىس پيعىلدى» الاستاۋدى نىسانا، ماسەلەنى شەشۋدى تۇتقا ەتىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋى، پارتيالى كادرلاردىڭ پارتيا ءتارتىبىن، پارتيا ستيلىن شىڭاۋى، اسىرەسە، بۇكىل قوعامدا جاڭا ستيل، جاڭا بەينە تۋدىرىپ، باس نىسانانىڭ جۇزەگە اسىرىلۋىنا قۇدىرەتتى رۋحاني كۇش توپتاۋى كەرەك.

باس نىسانانىڭ جۇزەگە اسىرىلۋىنا سەنىمدى كەپىلدىك ازىرلەۋ

شينجياڭ ەلىمىزدىڭ باتىس سولتۇستىگىندەگى ستراتەگيالىق قالتقى، پارتيا مەن مەملەكەت ىستەرىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى بولىپ بەلگىلەندى. ەكى «ءۇش مەزگىل قاباتتاسقان» قيىن جاعدايدا، اۆتونوميالى رايوندىق پارتكوم قيىن قويناۋلارعا بارۋعا، قيىن تۇيىندەردى يگەرۋگە باتىلدىق ەتىپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە ءتۇرلى قىزمەتتەردى جوبالاپ ىلگەرىلەتىپ، «ءبىر باس نىسانانى» ورناتۋ، «ءبىر جان تامىردى» ارقاۋ ەتۋ، «ەكى شەشۋشى ءتۇيىندى» يگەرۋ، «جاقسى مەحانيزمدى» اقاۋسىزداندىرۋ، «ءتورتتى قۇلشىنا جۇزەگە اسىرۋ»، «تاماشا جاعداي» قالىپتاستىرۋ نەگىزگى تالابىن العا قويدى. وتە - موتە، ج ك پ اۆتونوميالى رايوندىق 9 - قۇرىلتايىندا باس نىسانا ارقاۋ ەتىلىپ، كەزەكتەگى جانە الداعى 5 جىلداعى اۆتونوميالى رايوننىڭ رەفورما، دامۋ، ورنىقتىلىق مىندەتتەرى جاپپاي ورنالاستىرىلدى. نىسانا قانشا ايقىن، تىلەك قانشا كوكەي تەستى بولعان سايىن، كادرلار قوسىنىنا قويىلاتىن تالاپ تا سونشا كورنەكتىلەنە تۇسەدى. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭدا تامىر تارتىپ، جەمىس بەرۋىنە شىنايى كەپىلدىك ەتۋدە، كادرلار ستيلىنىڭ شىنايى بولماۋى سىندى وسى ءتىپتى ۇلكەن جاۋدى جەڭۋگە كۇش سالىپ، ورنىقتىلىق پەن دامۋعا سەنىمدى كەپىل ازىرلەۋ كەرەك.
«پارتيانى» ەستە بەرىك ساقتاپ، مۇرات - سەنىمنىڭ رۋحاني كالتسيىن تولىقتاۋ، ياعني يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتياعا دەگەن ادالدىقتى پارتياعا دەگەن سەنىم ادالدىعىندا ايگىلەۋ كەرەك. يدەيالىق سەنىم سىندى «باس تەتىكتى»، «باس كلاپاندى» مىقتى مەڭگەرىپ، رۋحاني «كالتسيدى» تولىقتاپ، يدەيا نەگىزىن بەكەمدەپ، سالىستىرىپ تەكسەرۋ بارىسىندا «ءتورت ءتۇرلى بۇرىس ستيلدىڭ»، «ءتورت تەرىس پيعىلدىڭ» يدەيالىق ءتۇپ قاينارىن تەرەڭ قازىپ شىعىپ، بۇقاراعا ناقتى ءىس ىستەپ بەرۋ بارىسىندا ءتۇبىرلى ماقسات تانىمىن تەكسەرىپ، قاتاڭ پارتيا ىشكى تۇرمىسىندا پارتيالىلىق كوزقاراستى كۇشەيتىپ، ءتۇبىن تەكتەپ، نەگىزدى جەتىلدىرىپ، ءتۇپ تاعاندى بەكەمدەپ، قالىڭ پارتيالى كادرلاردىڭ سەنىم تىرەگىن كوتەرۋىنە، ءار دارەجەلى پارتيا ۇيىمىنىڭ زەيىن - زەردە، كۇش - قۋاتتى شوعىرلاندىرۋدىڭ پارمەندى قامالىنا اينالۋىنا مۇمكىندىك جاساۋ كەرەك.
«شىنايىلىقتى» مىقتى يگەرىپ، كوپىرمەلىكتەن، بويكۇيەزدىكتەن قاتاڭ ساقتانۋ، ياعني شىنايى سويلەۋ، شىنداپ سەرپىن بەرۋ، شىنايى ءادىس قاراستىرۋ، ناقتى ءىس ىستەۋ، قىزمەتتەردى ءبىر - بىردەن ىلگەرىلەتۋ، بۋىنداردى ءبىر - بىردەن مىقتاپ يگەرۋ، ماسەلەلەردى ءبىر - بىردەن شەشۋ، نىسانداردى ءبىر - بىردەن تياناقتاندىرۋ، ىستەردى ءبىر - بىردەن ويداعىداي ىستەۋ كەرەك، «شىنايىلىق» − پارتيالى كادرلاردىڭ قىزمەت ۇددەسىنەن شىققان - شىقپاعانىن تەكسەرۋدىڭ ولشەمىنە اينالۋى كەرەك.
«پاكتىكتى» كورنەكتىلەندىرىپ، ساياسي قاسيەتتى باستان - اياق ساقتاۋ، ياعني شينجياڭ بولشەكتەۋگە قارسى كۇرەستىڭ ءبىرىنشى شەبىندە تۇرعانىمەن، ورنىقتىلىقتى قورعاۋ مىندەتى اۋىر بولعانىمەن، ءبىراق پارتيا ستيلى، پاكتىك قۇرىلىسى جانە جەمقورلىققا قارسى كۇرەس ماسەلەسىندە ەشقانداي وزگەشەلىگى جوق دەگەن يدەيانى مىقتاپ ورناتۋ، تيىم سالىنعان رايون بولماۋ، ەشكىم قاعىس قالماۋ، پاك، كىرشىكسىز بولۋ، ءىستى پاكتىكپەن ىستەۋ، كىرشىكسىز ۇلىق بولۋ، شىنايى ادام بولۋ، پاك ساياسيدىڭ يدەيالىق نەگىزى مەن ۇيىمدىق نەگىزىن بەكەمدەۋ كەرەك.
«كىرشىكسىزدىكتى» قاستەرلەپ، ستيلى پاك، سالتى دۇرىس بولۋ، ياعني ادالدىق، شىنشىلدىق، تۋراشىلدىق ستيلىن باستاماشىلدىقپەن ساۋلەلەندىرىپ، پارتيانى باستان - اياق كوڭىل تورىنە قويىپ، پارتيا مەن حالىقتىڭ مۇددەسىن ءبىرىنشى ورىنعا شىعارىپ، ءادىل، اق نيەتتى بولىپ، ءسوز بەن ارەكەتى، ءىشى - سىرتى بىردەي بولىپ، كوممۋنيستەردىڭ قاراپايىم قاسيەتىن ماڭگى ساقتاپ، جاسىرىن ەرەجەنىڭ توپىراعىن، جولىن، بازارىن جوعالتۋ كەرەك.
«باتىلدىقتى» دارىپتەپ، قاشاندا جاۋاپكەرشىلىكتى باتىل ارقالاۋدى ايگىلەۋ، ياعني «حالىق ءۇشىن ىستەپ، ارقالاۋعا ءتيىستى جاۋاپكەرشىلىكتى باتىل ارقالاۋ»، شەشۋشى ساتتە اتويلاپ شىعۋ، توتەپ بەرۋ، جەڭىسكە جەتۋ، قيىنشىلىق الدىندا باس يمەۋ، سىن الدىندا شەگىنبەۋ، ۇلكەن دۇرىس، ۇلكەن بۇرىس ماسەلەسىندە بۇلجىماۋ، بولشەكتەۋگە قارسى كۇرەس ماسەلەسىندە تۋ ايقىن بولۋ، رەفورما، دامۋ، ورنىقتىلىق قىزمەتىندە قيىن تۇيىندەردى جۇرەكتىلىكپەن يگەرۋ، پارتيانى جاپپاي قاتاڭ جونگە سالۋدا باتىل بولۋ كەرەك.

قيمىل بارىسىندا ءۇش بۋىندى ويداعىداي يگەرۋ

«ۇيرەنۋ، بۇرىلىس جاساۋ، جەبەۋ» ارناۋلى قيمىلىن ويداعىداي ورىستەتۋدىڭ نەگىزى ۇيرەنۋدە. پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندەگى ماڭىزدى ءسوزىنىڭ، شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ كەرەك.
ۇيرەنۋگە كۇش سالۋ، ۇيرەنە ءبىلۋ كەرەك. كونەلەردە «ۇيرەنۋ ۋاقىتقا قارامايدى، قاس قاعىم ۋاقىت التىنمەن بارابار» دەگەن ءسوز بار. بۇل ءسوز ۇيرەنۋگە، وي جۇگىرتۋگە شەبەر بولۋ، ۋاقىتپەن جارىسۋداي ءداستۇرلى مادەنيەتتى وتە جاقسى بەينەلەگەن. باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدە ءتۇپ نۇسقاسىن قاز - قالپىندا وقىپ، قاعيداسىن ءتۇسىنىپ، تەرەڭدەي ۇيرەنۋ، ىشكەرىلەي ۇعىنىپ، شىنايى ءمانىن يگەرۋ كەرەك.
پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدە، پارتيانى جاپپاي قاتاڭ جونگە سالۋدى ءتۇيىندى تۇردە يگەرۋ كەرەك. پارتيا ورتالىق كوميتەتىنىڭ ەل باسقارۋ ستراتەگيالىق ورنالاستىرۋىندا، پارتيانى جاپپاي قاتاڭ جونگە سالۋ − «ءتورتتى جاپپاي ورىنداۋدىڭ» جانى، ستراتەگيانىڭ كوشباسشىسى، ول ۇلى ءىس پەن ۇلى ينجەنەريانىڭ بىرلىگىن، پارتيا قۇرىلىسى مەن ەل باسقارۋدىڭ بىرلىگىن ايگىلەدى؛ باس شۋجي شي جينپيڭنىڭ ماڭىزدى سوزدەرىن ۇيرەنۋدە، باس نىسانانى ءتۇيىندى تۇردە يگەرۋ كەرەك. باس نىسانا − پارتيا ورتالىق كوميتەتىنىڭ شينجياڭ قىزمەتىن عىلمي تۇراقتاندىرۋى، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ستراتەگيالىق وزەكتى ءمانى، پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعى. پارتيانى جاپپاي قاتاڭ جونگە سالۋ مەن باس نىسانا سىندى ەكى جاقتاعى مازمۇنداردى جاندى تۇردە ۇشتاستىرىپ، ساباقتاستىرىپ، پارتيانى جاپپاي جونگە سالۋ ارقىلى شينجياڭ قىزمەتىنىڭ باس نىساناسىن قامتاماسىز ەتۋ سىندى يدەيالىق نەگىزدى مىقتاپ ورناتۋ كەرەك.
ۇيرەنۋ، بۇرىلىس جاساۋ، جەبەۋ» ارناۋلى قيمىلىن ويداعىداي ورىستەتۋدىڭ تەتىگى بۇرىلىس جاساۋدا. «ءتورت ءتۇرلى بۇرىلىس ستيلدى»، «ءتورت تەرىس پيعىلدى» الاستاپ، «ۇشتە قاتاڭ، ۇشتە شىنايى بولۋ» يدەياسىن ورناتۋ كەرەك. چىن چۋانگو شۋجي «ءۇش ءتۇرلى كۇش» − شينجياڭداعى ءار ۇلت حالقىنىڭ ورتاق جاۋى، ستيلدىڭ شىنايى بولماۋى − ءبىزدىڭ ءتىپتى ۇلكەن جاۋىمىز» دەپ قايتا - قايتا باسا دارىپتەدى. پارتيانىڭ ستيلى دۇرىس، حالىقتىڭ كوڭىلى جايلى بولعاندا عانا، پارتيا مەن حالىق راقات پەن جاپادا بىرگە بولا الادى.
بۇكىل شينجياڭدا پارتيانىڭ بۇقارالىق لۋشيان تاربيەسى جانە امالياتتىق قيمىلىن، «ۇشتە قاتاڭ، ۇشتە شىنايى بولۋ» ارناۋلى تاقىرىپتىق تاربيەسىن جانە «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ورىستەتۋ ارقىلى، ءبىزدىڭ پارتيالى كادرلارىمىز يدەيالىق تانىمدى ءوسىرۋ، يدەيالىق سەنىمدى بەكەمدەۋ جاعىندا دا، ستيلگە بۇرىلىس جاساۋ، تياناقتاندىرۋدى جەبەۋ جاعىندا دا كورنەكتى العا باستى، رۋحاني كۇي مەن جالپى تۇلعالىق ستيلى جاقسى، ءار ۇلت بۇقاراسىنىڭ كوشباسشىسى مەن تىرەگىنە اينالدى. ءبىراق پارتيالى كادرلاردىڭ ستيلىندە ءالى دە كوپتەگەن كورنەكتى ماسەلە ورىن تەۋىپ وتىر، مۇنى فورماشىلدىق، تورەشىلدىك، راقاتقۇمارلىق، ىسىراپشىلدىق سىندى «ءتورت ءتۇرلى بۇرىلىس ستيلگە»، سونداي - اق الاياقتىق، ءىس تىندىرماۋ، تۇرلاۋسىزدىق، ەكىبەتكەيلىك سىندى «ءتورت تەرىس پيعىلعا» جيناقتاۋعا بولادى. چىن چۋانگو شۋجي: ستيلگە بۇرىلىس جاساۋعا بەل بايلاپ، پارتيالى كادرلاردىڭ ستيلگە بۇرىلىس جاساۋ ارقىلى شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ كەرەك، - دەپ اتاپ كورسەتتى.
ءاربىر پارتيالى كادر وسى جولعى قيمىلدا ءوزىن تەكسەرىپ، ءوزىن تۇزەتۋى، «ءتورت ءتۇرلى بۇرىس ستيل» مەن «ءتورت تەرىس پيعىل» ماسەلەسىن ءبىر باستان تەكسەرۋى، ماسەلەلەردى ىشكەرىلەي قاراستىرۋمەن عانا شەكتەلمەي، ماسەلەنىڭ ءتۇپ تامىرىنا كوز جەتكىزىپ، ورىن تەپكەن ماسەلەلەردىڭ ناقتى بەينەسىن ءبىر - بىردەن تىركەپ، ماسەلەنىڭ قاتەرىنە تەرەڭ تالداۋ جاساۋى؛ اۋرۋعا قاراي ەم قولدانىپ، ماسەلەلەرگە سايكەس تۇزەتۋ شارالارىن ءبىر باستان اشالاپ كورسەتىپ، تۇزەتۋ، تياناقتاندىرۋدى ءبىر - بىردەن مىقتاپ يگەرىپ، تاباندا اتقارىپ، تاباندا تۇزەتىپ، جالپى بەتتىك رەتكە سالۋ قاجەت. ستيلگە بۇرىلىس جاساۋدا، قيمىلدى اشىق ورىستەتۋدەن جازباي، بۇقارانىڭ ۇسىنىس - پىكىرىنە دەن قويۋ قاجەت. بۇقارانىڭ پىكىرىن كەڭ كولەمدە تىڭداۋ ارقىلى ماسەلەلەردى انىقتاپ، بۇقارانىڭ تالاپ - تىلەگىن ءبىلۋ ارقىلى تۇزەتۋ جوباسىن بەلگىلەپ، تولاسسىز كۇش سالىپ، باياندى تابىسقا جەتۋ قاجەت.
«ۇيرەنۋ، بۇرىلىس جاساۋ، جەبەۋ» ارناۋلى قيمىلىن ويداعىداي ورىستەتۋدىڭ ماقساتى جەبەۋ. اتاپ ايتقاندا، باس نىسانانىڭ تامىر تارتىپ، جەمىس بەرۋىن جەبەۋ. ءار دارەجەلى پارتيا ۇيىمدارى مەن قالىڭ پارتيالى كادرلار شۋىل مەن كەدەرگىلەرگە تۇسالماي، يدەيا مەن زەيىن - زەردەنى باس نىساناعا اۋدارىپ، ءتۇرلى قىزمەتتى بۇلجىماستان جاقسى يگەرۋى كەرەك.
قازىرگى جاعدايعا سايكەس، اۆتونوميالى رايوندىق پارتكوم «ەكى جاعىن دا يگەرۋ» مەحانيزمىن ورناتىپ، ءبىر جاعىنان ورنىقتىلىقتى، ءبىر جاعىنان دامۋدى يگەرۋدى بەلگىلەدى. اۆتونوميالى رايوندىق پارتكوم لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن»، اتاپ ايتقاندا، «التىنى جاقسى يگەرىپ»، «بەستى باسقارىپ»، «ءتورتتى تولىق قامتۋدى» ايقىن ورتاعا قويدى. بۇندا ءار جاقتاعى ەگجەي - تەگجەيلى، كۇردەلى ناقتى جۇمىستار قامتىلعان، ءار ۇلت پارتيالى كادرلارىنىڭ ءبىر - بىردەن تياناقتاندىرىپ، ءبىر - بىردەن ورىنداۋىن تالاپ ەتەدى. ۇلتتار ىنتىماعى شارالارىنىڭ تياناقتانۋىن جەبەۋ، ۇلتتار ىنتىماعى ۇگىت - تاربيەسى مەن ۇلتتار ىنتىماعى، العاباسارلىعىنداعى ۇلگىلى ورىن قۇرۋ، وزات بولۋعا ۇمتىلۋ قيمىلىن ىلگەرىلەتۋ، «ۇلتتار ىنتىماعىنىڭ بەرەكەلى شاڭىراعى» مەن ۇلتتار ىنتىماعى جونىندەگى بىرلەسكەن دوستىق قيمىلدارىن ىشكەرىلەي تىڭعىلىقتى ورىستەتۋ، ۇلتتاردىڭ ارالاسۋىن، توعىسۋىن، ىشتەسۋىن ىلگەرىلەتۋ كەرەك. ءدىن قىزمەتى شارالارىنىڭ تياناقتانۋىن جەبەپ، بۇقارانىڭ دىنگە سەنۋ ەركىندىگىن قورعاۋ، قۇرمەتتەۋ، مەشىتتەرگە جانە ءدىني قايراتكەرلەر مەن   ءدىني قيمىلدارعا تاربيە بەرۋ، باسقارۋ جۇرگىزۋ، قىزمەت كورسەتۋدى كۇشەيتۋ، وتانشىل ءدىني قايراتكەرلەردى تاربيەلەۋ، باۋلۋ، قورعاۋ، قامقورلىققا الۋدى كۇشەيتۋ، زاڭسىز ءدىني قيمىلداردى زاڭ بويىنشا جونگە سالىپ، «ۇشقارىلىقتى الاستاۋدى» ۇزدىكسىز ىشكەرىلەي ىلگەرىلەتۋ كەرەك، ت.ب. ەكونوميكالىق دامۋ جاعىندا دا، دامۋدىڭ ورنىقتىلىق بارىسىندا ىلگەرىلەۋ نەگىزگى اۋەنىنە تاباندى بولۋ، رەفورما، دامۋ جونىندەگى ءبىر قاتار ناقتى شارالاردى تياناقتاندىرىپ، ەكونوميكانىڭ ورنىقتى، اقاۋسىز دامۋىن ىلگەرىلەتۋ، حالىق تۇرمىسىن جاقسارتۋ شارالارىنىڭ تياناقتانۋىن جەبەۋ سياقتى دامۋ تالاپتارىنا ءدوپ كەلىپ وتىرمىز. ءبىز وسى قيمىل بارىسىندا، حالىققا ءتيىمدى 9 ءتۇرلى ينجەنەريانى كۇش سالا اتقارىپ، ءار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز كۇشەيتىپ، ولارعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن شىنايى سەزىندىرۋىمىز كەرەك.

ويداعىداي، تىڭعىلىقتى يگەرىپ، ناتيجە شىعارۋ كەرەك

«ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋدە، «ءتورت ءتۇرلى بۇرىس ستيل»، «ءتورت تەرىس پيعىل» سياقتى جاعىمسىز جايتتەرگە قارسى باتىل شارا قولدانىپ، پارتيانى جاپپاي قاتاڭ جونگە سالۋ جونىندەگى ساياسي تاباندىلىقتى ساقتاپ، جاۋاپكەرشىلىك، كوكەي كەستىلىك جانە بورىشتىلىق سەزىمدى نىعايتىپ، قىزمەت جاۋاپكەرشىلىگىن مۇقيات ورىنداپ، بەلسەندى تۇردە جاۋاپكەرشىلىك ارقالاپ جانە جۇمىس جۇرگىزىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ويداعىداي، تىڭعىلىقتى يگەرىپ، ناقتى ناتيجە شىعارىپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا پارمەندى كەپىل ازىرلەۋ كەرەك.
سۋبيەكتتىك جاۋاپكەرشىلىكتى تياناقتاندىرۋ كەرەك. «سۋ باسىنان تۇنيدى». «ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋ − پارتيانى باسقارۋدىڭ، جونگە سالۋدىڭ ماڭىزدى شارالارىنىڭ ءبىرى. اۆتونوميالى رايونداعى ءار دارەجەلى پارتيا ۇيىمدارى تەمىرگە ورنەك، تاسقا تاڭبا سالعانداي مول قايراتپەن، تياناقتاندىرۋدى جاسامپازدىقپەن ويداعىداي يگەرىپ، كادرلار ستيلىنىڭ جاقسارۋى مەن جوعارىلاۋىن ىلگەرىلەتۋى كەرەك. ءار دارەجەلى پارتكومداردىڭ (پارتيا باسشىلىق گرۋپپالارى) شۋجيلەرى ءبىرىنشى جاۋاپتى ادام رەتىندەگى جاۋاپكەرشىلىگىن مۇقيات اتقارىپ، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن كوكەيگە ءتۇيىپ، موينىمەن كوتەرىپ، قولعا الىپ، ساتى - ساتى بويىنشا قىسىم ءتۇسىرىپ، فورماشىلدىق ىستەۋدەن، كوز بوياۋدان، داڭعازاعا اينالدىرۋدان باتىل ساقتانىپ، ارناۋلى قيمىلدىڭ ءساتتى باستالىپ، تابىسپەن اياقتالۋىنا، تاماشا جۇرگىزىلىپ، مول ناتيجە بەرۋىنە كەپىلدىك ەتۋى كەرەك.
جوعارى تومەنگە ۇلگى بولۋدان جازباۋ كەرەك. ءار دارەجەلى باسشى كادرلار، اسىرەسە، «ءبىرىنشى باسشىلار» ءوزىن پارتياعا، مەملەكەتكە ارناپ، پارتيانىڭ، مەملەكەتتىڭ ءۇمىتىن اقتاپ، ءوزى باس بولىپ، دارەجەلەر بويىنشا ۇلگى كورسەتىپ، ءسوزدى ساياسي بورىشتىلىقپەن ۇيرەنىپ، ستيلگە ماسەلەلەر تۇرعىسىنان بۇرىلىس جاساپ، تياناقتاندىرۋدى نىسانالىق مىندەتتەر بويىنشا جەبەپ، شىن ۇيرەنىپ، شىنايى بۇرىلىس جاساپ، ناقتى جەبەپ، «وتان مۇددەسى ءۇشىن جانىم پيدا، وتقا تۇسسەم دە وكىنبەن» دەيتىن اسقاق جىگەر مەن جاۋاپكەرشىلىك تۇرعىسىنان، قياننان جول، وزەننەن وتكەل تابا بىلەتىن جۇرەكتىلىكپەن، باتىلدىقپەن جاۋاپكەرشىلىك ارقالاپ جانە مىندەتكەرلىك تانىتىپ، وتان ءۇشىن ءبارىن ارناپ، قۇرباندىقتار بەرىپ، پارتيانى جاپپاي قاتاڭ جونگە سالۋدى مىزعىماس تاباندىلىقپەن ىلگەرىلەتىپ، قوعام ورنىقتىلىعىن قورعاۋدىڭ قامال الۋ شايقاسىندا باتىل جەڭىسكە جەتىپ، پارتيالى كادرلارعا ۇلگى - ونەگە كورسەتىپ، ءار ۇلت حالقىنىڭ سەنىمىن بەكەمدەۋى كەرەك.
جەتەكشىلىك ەتۋ، قۋزاۋ - تەكسەرۋدى كۇشەيتۋ كەرەك. «ۇيرەنۋ، بۇرىلىس جاساۋ، جەبەۋ» ارناۋلى قيمىلىنىڭ ءتۇبىرلى ماقساتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ. اۆتونوميالى رايونداعى ءار دارەجەلى پارتيا ۇيىمدارى باس نىسانانى نازارعا الىپ، باس نىسانادان كوز ايىرماي، باس نىسانانى تياناقتاندىرىپ، دارەجە - دەڭگەيگە اجىراتىپ، تۇرلەر بويىنشا جەتەكشىلىك ەتىپ، ءتۇرلى دارەجە، ءتۇرلى سالا، ءتۇرلى وبيەكتىلەرگە ءار ءتۇرلى تالاپ بەلگىلەپ، نە ماسەلە بولسا، سول ماسەلەنى شەشىپ، قاي ماسەلە كورنەكتى بولسا، سول ماسەلەنى ءتۇيىندى تۇردە شەشىپ، ناقتىلاندىرۋ، دالدەۋ، پارىقتاندىرۋدى ىسكە اسىرۋ كەرەك. سىرتتاي ناۋقانعا اينالدىرىپ، «ءتورت ءتۇرلى بۇرىس ستيل» مەن «ءتورت تەرىس پيعىلعا» فورماشىلدىقپەن قارسى تۇرۋعا بولمايدى، ۇنەمى نازاردا ۇستاپ، اركەز قاراۋىل قويىپ، ۇدايى قايتا - قايتا پىسىقتاپ، جوعارى ولشەم مەن قاتاڭ تالاپتى ارناۋلى قيمىلدىڭ تۇتاس بارىسىندا كورنەكتىلەندىرۋ كەرەك.
تاماشا اۋقىم قالىپتاستىرۋ كەرەك. قوعامدىق پىكىر مەن ۇگىتكە باسا نازار اۋدارۋ − پارتيامىزدىڭ قۇندى تاجىريبەسى جانە ساياسي ارتىقشىلىعى. ءداستۇرلى اقپارات قۇرالدارى مەن جاڭا مەديالاردى تولىق پايدالانىپ، اۆتونوميالى رايوندىق پارتكومنىڭ ارناۋلى قيمىل ورىستەتۋىنىڭ ماڭىزدى ءمانىن جانە قاتىستى شەشىم - ورنالاستىرۋلاردى، ارناۋلى قيمىلدىڭ اياق الىسى مەن جەتىستىكتەرىن، جاقسى تاجىريبەلەر مەن ءادىس - امالداردى ۇگىتتەپ، بۇقارانىڭ كوڭىل كۇيىن اقاۋسىز، پاراساتتى ارناعا اۋدارىپ، بۇكىل قوعامدا دۇرىس سالتتىڭ ەكپىندى، ءورشىل اۋەنىن اسقاقتاتىپ، ورنىقتىلىقتى بىرگە بەكەمدەپ، دامۋدى بىرگە كوزدەۋدىڭ ۇلى سيمفونياسىن ورىنداۋ قاجەت.
«ۇيرەنۋ، بۇرىلىس جاساۋ، جەبەۋ» ارناۋلى قيمىلىن ورىستەتۋدىڭ ءمانى تەرەڭ، جاۋاپكەرشىلىگى اۋىر، مىندەتتەرى جاپالى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعىن تاباندىلىقپەن قورعاپ، رەفورما مەن دامۋدى تاباندىلىقپەن ىلگەرىلەتىپ، حالىق تۇرمىسىن تاباندىلىقپەن قامتاماسىز ەتىپ جانە جاقسارتىپ، ۇلتتار ىنتىماعىن تاباندىلىقپەن بەكەمدەپ، ءدىن جاراسىمدىلىعىن تاباندىلىقپەن جەبەپ، شينجياڭدى زاڭمەن جونگە سالۋدى تاباندىلىقپەن العا جىلجىتىپ، وزىق مادەنيەتتى تاباندىلىقپەن ساۋلەلەندىرىپ، كورىكتى شينجياڭدى تاباندىلىقپەن قۇرىپ، پارتيانى قاتاڭ جونگە سالۋدى تاباندىلىقپەن ىلگەرىلەتىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك تابىستارىمىزبەن قارسى الايىق.

ءان الەمى

جول توسىلىپ قالدى

تۇلپارىم